Author: Vivan Aditya

10వ తరగతితో ప్రభుత్వ బ్యాంక్ ఉద్యోగం: పోస్టులు, పరీక్ష విధానం & జీతం వివరాలు
Bank of Baroda Recruitment: డిగ్రీలు పూర్తిచేసినా.. ప్రభుత్వ ఉద్యోగం తెచ్చుకోవడం ఒక కలగా మారిపోతుంది. సరైన సమయానికి నోటిఫికేషన్ లేకుండా.. సంవత్సరాల తరబడి, చాలామంది అభ్యర్థులు లేదా విద్యార్థులు ప్రిపేర్ అవుతూనే ఉంటారు. అలంటి వారికి ఇప్పుడు ‘బ్యాంక్ ఆఫ్ బరోడా’ (Bank Of Baroda) ఓ శుభవార్త చెప్పింది. ఏకంగా 500 ఉద్యోగాలను నోటిఫికేషన్ జారీ చేసింది. కేవలం 10వ తరగతి పూర్తి చేసినవారు ఈ బ్యాంక్ ఎగ్జామ్ రాయడానికి అర్హులు. ఈ కథనంలో అర్హతలతో పాటు.. పరీక్ష విధానం మరియు పోస్టుల వివరాలు వంటివన్నీ వివరంగా తెలుసుకుందాం..

బ్యాంక్ ఆఫ్ బరోడా ఉద్యోగాలు: ముఖ్య వివరాలు మరియు అర్హతలు

ప్రభుత్వరంగ బ్యాంక్ అయిన బ్యాంక్ ఆఫ్ బరోడా విడుదల చేసిన 500 ఉద్యోగాలకు ఆన్‌లైన్‌లో అప్లై చేసుకోవాల్సి ఉంటుంది. అప్లై చేసుకోవడానికి చివరి తేదీ 2025 మే 25. అభ్యర్థులు ఈ క్రింది అర్హతలు కలిగి ఉండాలి:
- విద్యార్హత: 10వ తరగతి పూర్తి చేసి ఉండాలి.
- వయోపరిమితి: 2025 మే 1వ తేదీ నాటికి 18 నుంచి 26 ఏళ్ల వయసున్న ఎవరైనా అప్లై చేసుకోవచ్చు.
- వయోపరిమితి సడలింపు: ఎస్సీ / ఎస్టీ అభ్యర్థులకు ఐదేళ్లు, ఓబీసీ అభ్యర్థులకు మూడేళ్ళ వయసు సడలింపు ఉంటుంది.
- భాషా పరిజ్ఞానం: ఈ ఉద్యోగానికి అప్లై చేసుకునే అభ్యర్థులకు స్థానిక భాష చదవడం మరియు రాయడం తెలిసి ఉండాలి.
రాష్ట్రాల వారీగా ఖాళీలు

బ్యాంక్ ఆఫ్ బరోడా విడుదల చేసిన మొత్తం 500 ఉద్యోగాల్లో ఆంధ్రప్రదేశ్ మరియు తెలంగాణా రాష్ట్రాల్లో ఉన్న ఖాళీల వివరాలు:
- ఆంధ్రప్రదేశ్ రాష్ట్రంలో: 22 ఖాళీలు
- తెలంగాణాలో: 13 ఖాళీలు
బ్యాంక్ నిర్వహించే పరీక్షలో ఎంపికైన తరువాత రాష్ట్రంలోని బ్రాంచిలలో పనిచేయాల్సి ఉంటుంది. రాత పరీక్ష ద్వారా అభ్యర్థులను ఎంపిక చేయడం జరుగుతుంది.

ఎంపిక ప్రక్రియ

బ్యాంక్ నిర్వహించే ఆన్‌లైన్ పరీక్ష మొత్తం 100 మార్కులకు ఉంటుంది. అర్హత పరీక్షలో ఉత్తీర్ణత సాధించిన వారు ఆరు నెలలు ప్రొబేషన్ పూర్తి చేయాల్సి ఉంటుంది. ఆ తరువాత పర్మినెంట్ ఉద్యోగులుగా కొనసాగుతారు. పరీక్ష తెలుగు, ఇంగ్లీష్, హిందీ, ఉర్దూ భాషల్లో ఉంటుంది. కాబట్టి అభ్యర్థులు తమకు కావాలసిన భాషను ఎంచుకోవచ్చు.

జీతం మరియు రాత పరీక్ష విధానం

జీతం వివరాలు

బ్యాంక్ ఆఫ్ బరోడా పరీక్ష ఉత్తీర్ణత సాధించిన అభ్యర్థులు నెలకు సుమారు రూ.19,500 వేతనంతో పాటు.. డీఏ, హెచ్ఆర్ఏ, సీసీఏ, స్పెషల్ అలవెన్స్, ట్రావెల్ అలవెన్స్ మరియు మెడికల్ బెనిఫిట్స్ పొందవచ్చు.

రాత పరీక్ష విధానం

మొత్తం 100 మార్కులకు నిర్వహించే ఈ పరీక్షలో సబ్జెక్టులు మరియు మార్కుల కేటాయింపు ఈ క్రింది విధంగా ఉంటుంది:
- ఇంగ్లీష్: 25 మార్కులు
- జనరల్ అవేర్‌నెస్: 25 మార్కులు
- అర్థమెటిక్: 25 మార్కులు
- రీజనింగ్: 25 మార్కులు
పరీక్ష వ్యవధి: 80 నిముషాలు.

ముఖ్య గమనిక: నెగటివ్ మార్కింగ్ విధానం ఉంటుంది. కాబట్టి ప్రతి తప్పు సమాధానానికి 0.25 మార్కులు కట్ అవుతాయి. పరీక్ష రాసే అభ్యర్థులు ఈ విషయాన్ని గుర్తుంచుకోవాల్సి ఉంటుంది. పరీక్ష ఎప్పుడనే విషయం తెలుసుకోవడానికి ఎప్పటికప్పుడు అధికారిక వెబ్‌సైట్ చూస్తూ ఉండాలి. పరీక్షకు బహుశా తక్కువ వ్యవధి ఉంటుంది, కాబట్టి ఒక ప్లాన్ ప్రకారం సిద్దమవ్వడం ఉత్తమం.
May 21, 2025
ఐసెట్ 2025 ఫలితాలు వచ్చేశాయ్: టాపర్స్ లిస్ట్ ఇదే..
AP ICET 2025 Results: ఆంధ్రప్రదేశ్‌లో ఎంబీఏ, ఎంసీఏ కోర్సుల్లో ప్రవేశాల కోసం నిర్వహించిన ఏపీ ఐసెట్ (AP ICET) 2025 పరీక్ష ఫలితాలు విడుదలయ్యాయి. మే 7న జరిగిన ఈ పరీక్షలో సుమారు 96 శాతం మంది విద్యార్థులు అర్హత సాధించడం విశేషం. ఈ ఫలితాలను విశాఖపట్టణంలోని ఆంధ్ర యూనివర్సిటీ ఉపకులపతి ఆచార్య జీపీ రాజశేఖర్, ఇతర ఉన్నతాధికారుల సమక్షంలో అధికారికంగా విడుదల చేశారు. ఈ ఏడాది పరీక్షకు హాజరైన మొత్తం 34,131 మంది విద్యార్థులలో 32,719 మంది విద్యార్థులు క్వాలిఫై అయ్యారు.

ఏపీ ఐసెట్ 2025 ఫలితాలపై మంత్రి నారా లోకేష్ అభినందనలు

ఏపీ ఐసెట్ 2025 ఫలితాలు విడుదలైన సందర్భంగా రాష్ట్ర విద్యాశాఖ మంత్రి ‘నారా లోకేష్’ (Nara Lokesh) ట్విట్టర్ వేదికగా స్పందించారు. పరీక్షలో 95.86 శాతం ఉత్తీర్ణత సాధించినట్లు పేర్కొంటూ, విద్యార్థులకు ఆయన అభినందనలు తెలియజేశారు. విద్యార్థుల భవిష్యత్తు ఉజ్వలంగా ఉండాలని ఆకాంక్షించారు.

ఏపీ ఐసెట్ 2025: ముఖ్య గణాంకాలు

ఈ ఏడాది ఏపీ ఐసెట్ పరీక్షకు సంబంధించిన కీలక గణాంకాలు క్రింది విధంగా ఉన్నాయి:
- మొత్తం దరఖాస్తు చేసుకున్న అభ్యర్థులు: 37,572
- పరీక్షకు హాజరైన అభ్యర్థులు: 34,131
- అర్హత సాధించిన అభ్యర్థులు: 32,719
- అర్హత సాధించిన అబ్బాయిలు: 15,176
- అర్హత సాధించిన అమ్మాయిలు: 17,543
- పరీక్ష జరిగిన తేదీ: మే 7, 2025
- మొత్తం పరీక్షా కేంద్రాలు: 94
ఏపీ ఐసెట్ 2025 టాప్ 10 ర్యాంకర్లు వీరే!

ఐసెట్ ఫలితాల్లో అత్యుత్తమ ప్రతిభ కనబరిచిన టాప్ 10 ర్యాంకర్ల జాబితా:
1. మనోజ్ మేకా (విశాఖ)
2. ద్వారకచర్ల సందీప్ రెడ్డి (వైఎస్ఆర్ కడప)
3. ఎస్. కృష్ణసాయి (ఎన్టీఆర్ జిల్లా)
4. వల్లూరి సాయిరాం సాత్విక్ (హైదరాబాద్)
5. రేవూరి మాధుర్య (గుంటూరు)
6. షేక్ బహీరున్నీషా (అనకాపల్లి)
7. వి. అజయ్ కుమార్ (తిరుపతి)
8. భీశెట్టి హరి వెంకట ప్రసాద్ (తూర్పు గోదావరి)
9. ఎస్.గణేష్ రెడ్డి (విశాఖపట్నం)
10. మహేంద్ర సాయి చామా (తిరుపతి)
తదుపరి ప్రక్రియ: ఏపీ ఐసెట్ కౌన్సిలింగ్ 2025

ఐసెట్ ఫలితాల్లో అర్హత సాధించిన అభ్యర్థులు తదుపరి దశ అయిన ఏపీ ఐసెట్ కౌన్సిలింగ్ 2025 ప్రక్రియలో పాల్గొనాల్సి ఉంటుంది. ఈ కౌన్సెలింగ్‌కు సంబంధించిన షెడ్యూల్ మరియు ఇతర వివరాలు త్వరలోనే అధికారికంగా వెల్లడికానున్నాయి. విద్యార్థులు తమకు వచ్చిన ర్యాంక్ ఆధారంగా కళాశాలలను ఎంపిక చేసుకోవాల్సి ఉంటుంది.

ఏపీ ఐసెట్ 2025 ఫలితాలను ఇలా చెక్ చేసుకోండి

అభ్యర్థులు తమ ఏపీ ఐసెట్ 2025 ఫలితాలను సులభంగా ఆన్‌లైన్‌లో చెక్ చేసుకోవచ్చు. దాని కోసం ఈ క్రింది సోపానాలను అనుసరించండి:
1. ముందుగా ఏపీ ఐసెట్ అధికారిక వెబ్‌సైట్‌ను సందర్శించాలి. (ఉదా: cets.apsche.ap.gov.in/ICET)
2. హోమ్ పేజీలో “AP ICET 2025 Results” లేదా “ఏపీ ఐసెట్ 2025 ఫలితాలు” అనే లింక్‌పై క్లిక్ చేయాలి.
3. తరువాత మీ హాల్ టికెట్ నెంబర్ మరియు ఇతర అవసరమైన వివరాలను ఎంటర్ చేసి, ‘సబ్మిట్’ బటన్‌పై క్లిక్ చేయాలి.
4. మీరు సాధించిన మార్కులు మరియు ర్యాంక్ స్క్రీన్‌పై కనిపిస్తాయి.
5. భవిష్యత్ అవసరాల కోసం మీ స్కోర్ కార్డును డౌన్‌లోడ్ చేసుకుని, ప్రింట్ అవుట్ తీసుకోవడం మంచిది.
May 20, 2025
ఇండియన్ ఆర్మీలో ఉద్యోగాలు.. రూ. లక్ష జీతం!: అర్హతలు & ఇతర వివరాలు
Indian Army Jobs: ఇంజినీరింగ్ పూర్తి చేసిన లేదా చివరి సంవత్సరం చదువుతున్న యువతకు శుభవార్త. ఇండియన్ ఆర్మీలో చేరాలని వేచిచూస్తున్న యువతకు ఇదో సువర్ణావకాశం. భారత సైన్యం టెక్నికల్ గ్రాడ్యుయేట్ కోర్సు (TGS) కోసం అభ్యర్థుల నుంచి దరఖాస్తులను ఆహ్వానిస్తోంది. ఈ కోర్సు ద్వారా ఎంపికైన వారిని ట్రైనింగ్ తరువాత లెఫ్టినెంట్ హోదాతో సైన్యంలో శాశ్వత అధికారులుగా నియమించడం జరుగుతుంది.

ఇండియన్ ఆర్మీ TGS: అర్హతలు ఏమిటి?

గుర్తింపు పొందిన యూనివర్సిటీ నుంచి ఇంజినీరింగ్ (బ్యాచిలర్ ఆఫ్ ఇంజినీరింగ్ లేదా బ్యాచిలర్ ఆఫ్ టెక్నాలజీ) పూర్తిచేసిన వారు లేదా చివరి ఏడాది చదువుతున్నవారు (అవివాహిత పురుషులు) దీనికి అర్హులు.
- కంప్యూటర్ సైన్స్ పోస్టుల కోసం: కంప్యూటర్ సైన్స్ లేదా ఇన్ఫర్మషన్ టెక్నాలజీలో మాస్టర్ ఆఫ్ సైన్స్ (MSc) ఉన్నవారు కూడా అర్హులే.
వయోపరిమితి

దరఖాస్తుదారుని వయసు 2025 జనవరి 1నాటికి 27 సంవత్సరాల కంటే తక్కువ ఉండాలి. అంటే అభ్యర్థులు 1998 జనవరి 2 మరియు 2005 జనవరి 1 మధ్య జన్మించినవారు మాత్రమే ఈ ఉద్యోగానికి అర్హులు.

దరఖాస్తు ప్రక్రియ మరియు ముఖ్యమైన తేదీలు

ఆసక్తికలిగిన అభ్యర్థులు ఇండియన్ ఆర్మీ అధికారిక వెబ్‌సైట్ joinindianarmy.nic.in ద్వారా అప్లై చేసుకోవచ్చు.
- అప్లై చేసుకోవడానికి చివరి రోజు: 2025 మే 29 (మధ్యాహ్నం 3 గంటలు).
- దరఖాస్తు ఫీజు: ఎటువంటి ఫీజు చెల్లించాల్సిన అవసరం లేదు.
ఎంపిక విధానం?

ఈ ఉద్యోగానికి అప్లై చేసుకున్న అభ్యర్థులను వారి ఇంజినీరింగ్ మెరిట్ ఆధారంగా షార్ట్‌లిస్ట్ చేసి సర్వీసెస్ సెలక్షన్ బోర్డు (SSB) ఇంటర్వ్యూలకు పిలుస్తారు. ఈ ఇంటర్వ్యూ బెంగళూరులోని SSB కేంద్రంలో ఐదు రోజుల పాటు రెండు దశల్లో జరుగుతుంది.
- మొదటి దశ: ఇంటెలిజెన్స్ అసెస్‌మెంట్స్ వంటి స్క్రీనింగ్ టెస్ట్ ఉంటుంది.
- రెండో దశ: సైకలాజికల్ ఎవాల్యుయేషన్, గ్రూప్ టాస్క్‌లు మరియు పర్సనల్ ఇంటర్వ్యూలు ఉంటాయి.
ఈ ఇంటర్వ్యూలకు ఎంపికైన వారికి మెడికల్ టెస్ట్ నిర్వహిస్తారు, ఆ తరువాత ఫైనల్ సెలక్షన్ ఉంటుంది.

శిక్షణ మరియు స్టైఫండ్ వివరాలు

ఉద్యోగానికి ఎంపికైన వారికి 2026 జనవరి నుంచి డెహ్రాడూన్‌లోని ఇండియన్ మిలటరీ అకాడమీ (IMA)లో సుమారు ఒక ఏడాదిపాటు ఇంటెన్సివ్ ట్రైనింగ్ ఉంటుంది. ట్రైనింగ్ సమయంలో అభ్యర్థులకు నెలకు రూ. 56,100 స్టైఫండ్ లభిస్తుంది.

జీతం మరియు ఇతర ప్రయోజనాలు

ట్రైనింగ్ పూర్తయిన తరువాత, లెఫ్టినెంట్ హోదాలో పే లెవెల్ 10 కింద బేసిక్ శాలరీ రూ. 56,100, మిలటరీ సర్వీస్ పే రూ. 15,500 మరియు డియర్‌నెస్ అలవెన్సులు, ఇతర ప్రయోజనాలు లభిస్తాయి. మొత్తం మీద జీతం రూ. 1 లక్ష కంటే ఎక్కువే ఉంటుంది.

కెరీర్ పురోగతి మరియు పదవీ విరమణ ప్రయోజనాలు

కెరీర్ పురోగతి విషయానికి వస్తే, అభ్యర్థులు త్వరితగతిన ఉన్నత పదవులు పొందవచ్చు:
- రెండేళ్లు సర్వీస్ తరువాత: కెప్టెన్‌గా పదోన్నతి.
- ఆరేళ్ళ సర్వీస్ తరువాత: మేజర్‌గా పదోన్నతి.
- 13 సంవత్సరాల తరువాత: లెఫ్టినెంట్ కల్నల్‌గా పదోన్నతి.
ఉద్యోగ పదవీ విరమణ తరువాత జీవితకాల పెన్షన్ ప్రయోజనాలు పొందవచ్చు. దేశ రక్షణలో పాలుపంచుకోవాలనుకునే ఇంజినీరింగ్ అభ్యర్థులకు ఇదో మంచి అవకాశం.

విభాగాల వారీగా ఖాళీల వివరాలు

మొత్తం ఖాళీలు: 30
- సివిల్ ఇంజినీరింగ్ మరియు సంబంధిత శాఖలు: 8 పోస్టులు
- కంప్యూటర్ సైన్స్ ఇంజినీరింగ్ / కంప్యూటర్ టెక్నాలజీ / MSc కంప్యూటర్ సైన్స్: 6 పోస్టులు
- ఎలక్ట్రికల్ / ఎలక్ట్రానిక్ ఇంజినీరింగ్ మరియు సంబంధిత శాఖలు: 2 పోస్టులు
- ఎలక్ట్రానిక్స్ మరియు సంబంధిత శాఖలు: 6 పోస్టులు
- మెకానికల్ ఇంజినీరింగ్ మరియు సంబంధిత శాఖలు: 6 పోస్టులు
- ఇతర ఇంజినీరింగ్ విభాగాలు: 2 పోస్టులు
May 16, 2025
బంగారం కొనడానికి ఇదే మంచి సమయం!.. అమాంతం తగ్గుతున్న ధరలు
Gold and Silver Price: బంగారం ధరలు ఎప్పుడు తగ్గుతాయా, ఎప్పుడు కొనుగోలు చేద్దామా అని ఎదురుచూసే వారికి ఇది నిజంగా శుభవార్త. పసిడి ధరలు (Gold Prices) మే 14వ తేదీన మరోసారి తగ్గుముఖం పట్టాయి. దీంతో దేశంలోని దాదాపు అన్ని ప్రధాన నగరాల్లోనూ గోల్డ్ రేటు తగ్గింది. నిన్న కొంత పెరిగిన ధరలు, ఈరోజు స్వల్పంగా తగ్గడం గమనార్హం. ఈ కథనంలో, తెలుగు రాష్ట్రాలు మరియు దేశ రాజధాని ఢిల్లీలో బంగారం, వెండి ధరల తాజా వివరాలు (Gold and Silver Price Today) వివరంగా తెలుసుకుందాం.

హైదరాబాద్, విజయవాడలో నేటి బంగారం ధరలు

తెలుగు రాష్ట్రాల్లోని ప్రధాన నగరాలైన హైదరాబాద్ మరియు విజయవాడలలో బంగారం ధరలు ఈరోజు (మే 14) ఇలా ఉన్నాయి:
- 22 క్యారెట్ల 10 గ్రాముల బంగారం ధర: రూ. 500 తగ్గి, రూ. 88,050 వద్ద స్థిరపడింది.
- 24 క్యారెట్ల 10 గ్రాముల బంగారం ధర: రూ. 540 తగ్గి, రూ. 96,060 వద్ద నిలిచింది.
ఇదే విధమైన ధరల తగ్గుదల గుంటూరు, ప్రొద్దుటూరు, విజయనగరం వంటి నగరాలతో పాటు దేశంలోని ఇతర ముఖ్య నగరాలైన ముంబై, బెంగళూరు, చెన్నైలలో కూడా కొనసాగుతోంది.

దేశ రాజధాని ఢిల్లీలో పసిడి పతనం (Gold Rate in Delhi)

దేశ రాజధాని ఢిల్లీలో కూడా బంగారం ధరలు ఈ రోజు (బుధవారం, మే 14) తగ్గాయి. ఇక్కడ తాజా రేట్లు క్రింది విధంగా ఉన్నాయి:
- 22 క్యారెట్ల 10 గ్రాముల బంగారం ధర: రూ. 500 తగ్గి, రూ. 88,200 వద్ద ఉంది.
- 24 క్యారెట్ల 10 గ్రాముల బంగారం ధర: రూ. 540 తగ్గి, రూ. 96,210 వద్ద కొనసాగుతోంది.
వెండి ధరలు ఎలా ఉన్నాయంటే? (Silver Price Update)

బంగారంతో పాటు వెండి ధరలు కూడా వినియోగదారులకు ముఖ్యమైనవే. దేశంలోని వివిధ ప్రాంతాల్లో వెండి ధరలు ఇలా ఉన్నాయి:

ప్రధాన నగరాల్లో కేజీ వెండి ధర

తెలుగు రాష్ట్రాల్లో (హైదరాబాద్, విజయవాడ), అలాగే ముంబై, చెన్నై మరియు బెంగళూరులో కేజీ వెండి ధర రూ. 1,09,000 వద్ద స్థిరంగా ఉంది.

ఢిల్లీలో కేజీ వెండి ధర

అయితే, దేశ రాజధాని ఢిల్లీలో మాత్రం కేజీ వెండి ధర రూ. 97,900 వద్ద ఉంది. దీనిని బట్టి చూస్తే, ఢిల్లీలో బంగారం ధరలు ఇతర నగరాలతో పోలిస్తే స్వల్పంగా ఎక్కువగా ఉన్నప్పటికీ, వెండి ధరలు మాత్రం కొంత తక్కువగానే ఉన్నాయని స్పష్టమవుతోంది.

బంగారం ధరలు తగ్గడానికి కారణం ఏమిటి?

దేశంలో బంగారం ధరలు తగ్గడానికి అంతర్జాతీయ పరిణామాలు ప్రధాన కారణంగా కనిపిస్తున్నాయి. ముఖ్యంగా, అమెరికా మరియు చైనా మధ్య కుదిరిన వాణిజ్య సుంకాల ఒప్పందం (Tariff Deal) ఈ తగ్గుదలకు దోహదపడినట్లు తెలుస్తోంది.

అమెరికా-చైనా టారిఫ్ డీల్ వివరాలు:
- ప్రారంభంలో, అమెరికా ఉత్పత్తులపై చైనా 125 శాతం వరకు సుంకాలను విధించింది.
- దీనికి ప్రతిగా, చైనా ఉత్పత్తులపై అమెరికా ఏకంగా 145 శాతం వరకు సుంకాలను విధించింది.
- ఇటీవల ఇరు దేశాల మధ్య కుదిరిన ఒక ఒప్పందం ప్రకారం, ప్రతీకార సుంకాలను 115 శాతం మేర తగ్గించుకున్నాయి.
- అంటే, ఇప్పుడు చైనా అమెరికాపై విధించే సుంకం 10 శాతానికి (125% – 115%) తగ్గింది.
- అదేవిధంగా, అమెరికా కూడా చైనాపై విధించే సుంకం 30 శాతానికి (145% – 115%) చేరింది.
అమెరికా మరియు చైనా కుదుర్చుకున్న ఈ కొత్త సుంకాలు 90 రోజుల పాటు అమలులో ఉంటాయి. ఈ రెండు అగ్రదేశాల మధ్య కుదిరిన ఒప్పందం కారణంగా స్టాక్ మార్కెట్లు లాభాల బాట పట్టాయి, ఇది బంగారం వంటి సురక్షిత పెట్టుబడులపై ఒత్తిడి తగ్గించి, ధరలు తగ్గుముఖం పట్టడానికి దారితీసిందని ఆర్థిక నిపుణులు విశ్లేషిస్తున్నారు. రానున్న రోజుల్లో బంగారం ధరలు మరింత తగ్గే అవకాశం ఉందని కూడా వారు అంచనా వేస్తున్నారు.
May 14, 2025
రేపే పాలిసెట్ 2025 పరీక్ష: విద్యార్థులకు ముఖ్య సూచనలు
Telangana Polycet 2025: ఇప్పటికే పదవ తరగతి, ఇంటర్మీడియట్ పరీక్షలన్నీ పూర్తయిపోయాయి. కాగా ప్రస్తుతం పోటీ పరీక్షల కాలం నడుస్తోంది. ఇందులో భాగంగానే రేపు (మంగళవారం, మే 13) తెలంగాణ పాలీసెట్ 2025 పరీక్ష జరగనుంది. పాలిటెక్నిక్ కాలేజీల్లో మూడేళ్ళ ఇంజినీరింగ్, నాన్ ఇంజినీరింగ్ డిప్లమో కోర్సులు మరియు అగ్రికల్చర్, హార్టికల్చర్, వెటర్నరీ డిప్లమోలలో ప్రవేశానికి ఈ పరీక్ష రాయడం జరుగుతుంది. పరీక్ష సమయం, పరీక్షలకు వెళ్లేవారు పాటించాల్సిన సూచనలను ఇక్కడ తెలుసుకుందాం.

తెలంగాణ పాలిటెక్నిక్ 2025 పరీక్ష: హాజరయ్యే విద్యార్థులు

రేపు (మే 13) ఉదయం 11 గంటలకు ప్రారంభం కానున్న తెలంగాణ పాలిటెక్నిక్ 2025 పరీక్షలకు హాజరయ్యే విద్యార్థుల సంఖ్య 1,06,716 మంది. ఇందులో వివరాలు:
- ఎంపీసీ విద్యార్థుల సంఖ్య: 64,295 మంది
- బైపీసీ విద్యార్థుల సంఖ్య: 42,421 మంది
- మహిళల సంఖ్య: 49,538 మంది
- పురుషుల సంఖ్య: 57,178 మంది
తెలంగాణ పాలిటెక్నిక్ 2025: పరీక్షా విధానం

2025 తెలంగాణ పాలిటెక్నిక్ పరీక్ష ఇంజినీరింగ్ కోర్సుల వారికి ఈ క్రింది సబ్జెక్టులు ఉంటాయి:
- గణితం (Mathematics): 60 మార్కులు
- ఫిజిక్స్ (Physics): 30 మార్కులు
- కెమిస్ట్రీ (Chemistry): 30 మార్కులు
అగ్రికల్చర్ / హార్టికల్చర్ / వెటర్నరీ కోర్సుల వారికి అదనంగా ఈ సబ్జెక్టు కూడా ఉంటుంది:
- బయాలజీ (Biology): 30 మార్కులు
పరీక్షకు హాజరయ్యే విద్యార్థులకు ముఖ్య సూచనలు

తెలంగాణ పాలిటెక్నిక్ 2025 పరీక్షకు హాజరయ్యే విద్యార్థులు ఈ క్రింది సూచనలను తప్పకుండా పాటించాలి:

1. పరీక్ష కేంద్రానికి సకాలంలో చేరుకోండి

2025 తెలంగాణ పాలిటెక్నిక్ పరీక్షకు హాజరయ్యే విద్యార్థులు ఉదయం 10 గంటలకే పరీక్ష కేంద్రానికి చేరుకోవాలి. పరీక్ష ఉదయం 11 గంటలకు ప్రారంభమవుతుంది. ముఖ్య గమనిక: 11 గంటలకు ఒక్క నిమిషం ఆలస్యమైనా పరీక్షకు అనుమతించరు. కాబట్టి విద్యార్థులు పరీక్ష కేంద్రానికి ముందుగానే చేరుకోవాలి.

2. అవసరమైన వస్తువులు మరియు నిషేధిత వస్తువులు

పరీక్షకు హాజరయ్యే విద్యార్థులు తమ వెంట హాల్ టికెట్, ప్రభుత్వ గుర్తింపు పొందిన గుర్తింపు కార్డు (ఆధార్ కార్డు వంటివి), బ్లాక్ పెన్సిల్, ఎరేజర్, మరియు బ్లూ లేదా బ్లాక్ బాల్ పాయింట్ పెన్ వంటివి తప్పనిసరిగా తీసుకెళ్లాలి.

గమనిక: మొబైల్ ఫోన్లు, స్మార్ట్ వాచీలు, కాలిక్యులేటర్లు, ఇతర ఎలక్ట్రానిక్ పరికరాలు వంటివి పరీక్షా కేంద్రంలోకి ఖచ్చితంగా అనుమతించబడవు. ఈ విషయాలను విద్యార్థులు తప్పకుండా గుర్తుంచుకోవాలి.

3. ముందస్తు ప్లాన్

తెలంగాణ పాలిటెక్నిక్ 2025 పరీక్షకు హాజరయ్యే విద్యార్థులు ముందుగానే పరీక్ష కేంద్రానికి చేరుకోవాలి. ముఖ్యంగా నగర ప్రాంతాల్లో ట్రాఫిక్ ఎక్కువగా ఉండే అవకాశం ఉంది కాబట్టి, ప్రయాణానికి తగినంత సమయం కేటాయించుకోవాలి. ఒకవేళ పరీక్ష కేంద్రం గురించి తెలియకపోతే, పరీక్షకు ముందు రోజే మీ పరీక్ష కేంద్రం ఎక్కడ ఉందో తెలుసుకోవడం చాలా ఉత్తమం. పరీక్ష సమయంలో అనవసరమైన టెన్షన్ నివారించడానికి, పరీక్షా కేంద్రం గురించి ముందే తెలుసుకుని, ఆలస్యం కాకుండా హాజరవ్వాలి. దీనిని విద్యార్థులు గుర్తుంచుకోవాలి. ఈ పరీక్ష రాసిన తరువాత.. మే 2025 చివరి నాటికి ఫలితాలు విడుదలయ్యే అవకాశం ఉంటుంది. ఆ తరువాత మీకు వచ్చిన ర్యాంక్ ఆధారంగా.. ఏ కాలేజీలో సీటు లభిస్తుంది, ఇతరత్రా వివరాలు తెలుస్తాయి.
May 12, 2025
ఏప్రిల్ 2025లో ఎక్కువమంది కొన్న టాప్ 10 కార్లు: జాబితా ఇదే..
Top Selling Cars India April 2025: సొంతంగా కారును కలిగి ఉండాలనే ఉద్దేశ్యంతో చాలామంది కార్లను కొనుగోలు చేయడానికి ఆసక్తి చూపుతున్నారు. దీంతో ఇండియన్ మార్కెట్లో కార్ సేల్స్ మంచిగా జరుగుతున్నాయి. ఈ తరుణంలో 2025 ఏప్రిల్ నెలలో దేశీయ విఫణిలో ఎక్కువమంది ఈ కారును కొనుగోలు చేశారు. టాప్ 10 జాబితాలో నిలిచిన కార్లు ఏవి అనే వివరాలు వెల్లడయ్యాయి. ఆ విషయాలను ఇక్కడ తెలుసుకుందాం.

ఏప్రిల్ 2025 కార్ సేల్స్: హ్యుందాయ్ క్రెటా అగ్రస్థానం

నివేదికల ప్రకారం, 2025 ఏప్రిల్ నెలలో అత్యధికంగా అమ్ముడైన కారుగా హ్యుందాయ్ క్రెటా రికార్డు సృష్టించింది. ఈ కారు గత నెలలో ఏకంగా 17,016 యూనిట్ల అమ్మకాలను నమోదు చేసి, సేల్స్ చార్టులో అగ్రస్థానంలో నిలిచింది. 2024 ఏప్రిల్ నెల అమ్మకాలతో పోలిస్తే, క్రెటా అమ్మకాలు 10.2 శాతం వృద్ధిని నమోదు చేయడం విశేషం.

మారుతి సుజుకి ఆధిపత్యం: టాప్ 10లో 7 స్థానాలు కైవసం

టాప్ 10 కార్ల జాబితాలో మారుతి సుజుకి కంపెనీకి చెందిన కార్లు ఏకంగా 7 స్థానాలను కైవసం చేసుకున్నాయి. దీనిని బట్టి ప్రతి 10 మంది కార్ల కొనుగోలుదారులలో 7 మంది మారుతి సుజుకి కార్లనే ఎంచుకున్నట్లు స్పష్టమవుతోంది. ఇది మారుతి సుజుకి బ్రాండ్‌పై ప్రజలకు ఉన్న అపారమైన నమ్మకాన్ని, డిమాండ్‌ను సూచిస్తుంది. గత నెలలో మారుతి డిజైర్, బ్రెజ్జా, ఎర్టిగా, స్విఫ్ట్, ఫ్రాంక్స్, వ్యాగన్ ఆర్, బాలెనొ వంటి మోడళ్లు గణనీయమైన అమ్మకాలను నమోదు చేశాయి.

ఏప్రిల్ 2025: టాప్ 10 బెస్ట్ సెల్లింగ్ కార్లు మరియు వాటి అమ్మకాలు

హ్యుందాయ్ క్రెటా తరువాత, మిగిలిన స్థానాల్లో నిలిచిన కార్లు మరియు వాటి అమ్మకాల వివరాలు ఈ క్రింది విధంగా ఉన్నాయి:
- 2. మారుతి డిజైర్: 16,996 యూనిట్లు
- 3. మారుతి బ్రెజ్జా: 16,917 యూనిట్లు
- 4. మారుతి ఎర్టిగా: 15,780 యూనిట్లు
- 5. మహీంద్రా స్కార్పియో: 15,534 యూనిట్లు
- 6. టాటా నెక్సాన్: 15,457 యూనిట్లు
- 7. మారుతి స్విఫ్ట్: 14,592 యూనిట్లు
- 8. మారుతి ఫ్రాంక్స్: 14,345 యూనిట్లు
- 9. మారుతి వ్యాగన్ ఆర్: 13,413 యూనిట్లు
- 10. మారుతి బాలెనొ: 13,180 యూనిట్లు
హ్యుందాయ్ క్రెటా: ఎందుకింత ప్రజాదరణ?

భారతదేశంలో అత్యధికంగా కొనుగోలు చేస్తున్న కార్ల జాబితాలో హ్యుందాయ్ క్రెటా ఒక ప్రధాన మోడల్‌గా నిలుస్తోంది. ఈ కారు మార్కెట్లోకి ప్రవేశించినప్పటి నుండి ఇప్పటి వరకు సుమారు 12 లక్షల యూనిట్ల అమ్మకాలను సాధించినట్లు సమాచారం. అంటే, 12 లక్షల మందికి పైగా వినియోగదారులు హ్యుందాయ్ క్రెటా కారును ఎంచుకున్నారన్నమాట.

హ్యుందాయ్ క్రెటా వేరియంట్లు మరియు ధరలు

వివిధ వేరియంట్లలో లభ్యమవుతున్న హ్యుందాయ్ క్రెటా ప్రారంభ ధర రూ. 11.11 లక్షలు కాగా, టాప్ ఎండ్ మోడల్ ధర రూ. 20.50 లక్షల (అన్ని ధరలు ఎక్స్-షోరూమ్, ఇండియా) వరకు ఉంది. 54 వేరియంట్లలో లభించే హ్యుందాయ్ క్రెటా ప్రస్తుతం పెట్రోల్, CNG మరియు ఎలక్ట్రిక్ రూపంలో కూడా అందుబాటులో ఉన్నాయి. CNG క్రెటా.. పెట్రోల్ మోడల్ కంటే కూడా కొంత ఎక్కువ మైలేజ్ అందిస్తుంది. ఎలక్ట్రిక్ క్రెటా ఒక ఫుల్ ఛార్జితో 390 కిమీ నుంచి 473 కిమీ రేంజ్ అందిస్తుంది. దీని ధరలు రూ. 17.99 లక్షల నుంచి రూ. 24.38 లక్షల (ఎక్స్ షోరూమ్) మధ్య ఉన్నాయి. క్రెటా కారు మంచి డిజైన్ మరియు అత్యాధునిక ఫీచర్స్ కలిగి ఉండటం వల్లనే అధిక అమ్మకాలు పొందుతోందని సమాచారం.
May 12, 2025
ఊహకందని రీతిలో భారీగా తగ్గిన గోల్డ్ రేటు: బంగారం కొనడానికి ఇదే రైట్ టైమ్!

Gold Price Drop India: దాదాపు ఆరు రోజుల నిరంతర పెరుగుదల తరువాత, భారతదేశంలో బంగారం ధరలు ఈరోజు (మే 9) అమాంతం తగ్గుముఖం పట్టాయి. గరిష్టంగా ₹1250 వరకు ధర తగ్గడంతో, దేశంలోని ప్రధాన నగరాల్లో పసిడి రేట్లలో ఊహించని మార్పులు చోటుచేసుకున్నాయి. ఈ కథనంలో వివిధ నగరాల్లో బంగారం మరియు వెండి ధరల తాజా వివరాలను స్పష్టంగా తెలుసుకుందాం.

ప్రధాన నగరాల్లో నేటి బంగారం ధరలు (Gold Prices Today in Major Cities)

హైదరాబాద్, విజయవాడ మరియు ఇతర దక్షిణ భారత నగరాలు

హైదరాబాద్ మరియు విజయవాడ వంటి ప్రధాన నగరాల్లో బంగారం ధరలు గణనీయంగా తగ్గాయి. ఈ రోజు 22 క్యారెట్ల 10 గ్రాముల బంగారం ధర ₹1,150 తగ్గి, ₹90,150 వద్ద స్థిరపడింది. అదేవిధంగా, 24 క్యారెట్ల 10 గ్రాముల బంగారం ధర ₹1,250 తగ్గి, ₹98,350 వద్ద నిలిచింది. నిన్నటి ధరలతో పోలిస్తే ఈరోజు ధరలు చాలా వరకు తగ్గినట్లు స్పష్టంగా తెలుస్తోంది. ఇదే విధమైన ధరల సరళి గుంటూరు, ప్రొద్దుటూరు, విజయనగరం వంటి నగరాలతో పాటు చెన్నై, ముంబై, బెంగుళూరులలో కూడా కొనసాగుతోంది.

ఢిల్లీలో బంగారం ధరలు (Gold Prices in Delhi)

దేశ రాజధాని ఢిల్లీ నగరంలో కూడా బంగారం ధరలు ఊహించని రీతిలో తగ్గాయి. ఇక్కడ 10 గ్రాముల 22 క్యారెట్ల పసిడి ధర ₹1,150 తగ్గి ₹90,300 వద్దకు చేరింది. అలాగే, 24 క్యారెట్ల బంగారం ధర ₹1,250 తగ్గి ₹98,500 వద్ద నిలిచింది. వరుసగా పెరుగుతూ వచ్చిన ధరలు ఈ రోజు తగ్గుముఖం పట్టడం గమనార్హం. ఈ తగ్గుదల కొనసాగుతుందో లేదో తెలియాలంటే మరికొన్ని రోజులు వేచి చూడాల్సిందే.

వెండి ధరల పరిస్థితి (Silver Price Status)

బంగారం ధరలు తగ్గినప్పటికీ, ఈ రోజు (శుక్రవారం, మే 9) వెండి ధరల్లో ఎలాంటి మార్పు లేదు. సిల్వర్ రేటు స్థిరంగా కొనసాగుతోంది. తెలుగు రాష్ట్రాలతో పాటు ముంబై, బెంగళూరు మరియు చెన్నైలలో కూడా వెండి రేటులో ఎటువంటి మార్పు లేదు. ఇక్కడ కిలో వెండి ధర ₹1,11,000 వద్ద ఉంది. అయితే, ఢిల్లీలో కిలో వెండి ధర ₹99,000 వద్ద ఉంది, ఇది ఇతర ప్రధాన నగరాలతో పోలిస్తే కొంత తక్కువ అని చెప్పవచ్చు.

బంగారం ధరల తగ్గుదలకు కారణాలు

స్టాక్ మార్కెట్లు ఒడిదుడుకులకు లోనవుతున్న తరుణంలో బంగారం ధరలు అమాంతం తగ్గడం వినియోగదారులకు శుభవార్త. బంగారం ధరలు తగ్గడానికి ప్రధాన కారణం కొనుగోలుదారుల సంఖ్య తక్కువగా ఉండటమేనని విశ్లేషకులు భావిస్తున్నారు. ఈ ట్రెండ్ ఇలాగే కొనసాగితే, గోల్డ్ రేటు మరింత తగ్గే అవకాశం ఉందని అంచనా.

బంగారం కొనుగోలుకు ఇదే సరైన సమయమా? (Is this the right time to buy gold?)

ప్రస్తుత ధరల తగ్గుదల నేపథ్యంలో, బంగారం కొనుగోలు చేయాలని భావించే వారికి ఇది మంచి అవకాశమని నిపుణులు సూచిస్తున్నారు. అయితే, భవిష్యత్తులో భారత్ మరియు పాక్ మధ్య ఉద్రిక్తతలు (యుద్ధం) ముగిసిన తరువాత బంగారం ధరలు మళ్లీ పెరిగే అవకాశం ఉందని అంచనాలున్నాయి. కాబట్టి, కొనుగోలుదారులు ఈ సమయాన్ని సద్వినియోగం చేసుకోవడం మంచిదని సలహా.

May 9, 2025
తెలంగాణ ఇంటర్ సప్లిమెంటరీ పరీక్షలు 2025: ఫీజు గడువు & టైమ్‌టేబుల్
Telangana Inter Supplementary Exams 2025: తెలంగాణ రాష్ట్ర ప్రభుత్వం ఇటీవల ఇంటర్మీడియట్ పరీక్షల ఫలితాలను విడుదల చేసిన విషయం తెలిసిందే. ఈ నేపథ్యంలో, పరీక్షలలో ఉత్తీర్ణత సాధించని విద్యార్థుల కోసం నిర్వహించే అడ్వాన్స్‌డ్ సప్లిమెంటరీ పరీక్షల తేదీలను కూడా ప్రకటించింది. ఈ పరీక్షలకు హాజరయ్యే విద్యార్థులు నిర్దిష్ట ఫీజు చెల్లించాల్సి ఉంటుంది.

ఇంటర్ సప్లిమెంటరీ పరీక్షల ఫీజు చెల్లింపు గడువు పొడిగింపు

అడ్వాన్స్‌డ్ సప్లిమెంటరీ పరీక్షలు రాయాలనుకునే విద్యార్థుల సౌలభ్యం కోసం, ఫీజు చెల్లింపు గడువును 2025 మే 8 (గురువారం) వరకు పొడిగించినట్లు ఇంటర్ బోర్డు ప్రకటించింది. అంటే, విద్యార్థులు ఈ రోజులోగా ఫీజు చెల్లించి తమ దరఖాస్తులను పూర్తి చేయాలి. గడువు ముగిసిన తర్వాత, ఆలస్య రుసుము రూ. 1000 చెల్లించాల్సి ఉంటుంది. ఈ తేదీలోగా ఫీజు చెల్లించని పక్షంలో, విద్యార్థులు పరీక్ష రాయడానికి అర్హత కోల్పోయి, మరో ఏడాది వేచి చూడాల్సి వస్తుంది.

తెలంగాణ ఇంటర్ సప్లిమెంటరీ పరీక్షల షెడ్యూల్ 2025

ఇంటర్మీడియట్ పబ్లిక్ అడ్వాన్స్‌డ్ సప్లిమెంటరీ పరీక్షలు (IPASE) మే 22, 2025 నుంచి ప్రారంభం కానున్నాయి. మొదటి మరియు రెండో సంవత్సరం విద్యార్థులకు ఈ పరీక్షలు ఒకే తేదీ నుంచి జరుగుతాయి. పూర్తి షెడ్యూల్ క్రింది విధంగా ఉంది:

ఇంటర్మీడియట్ ఫస్ట్ ఇయర్ సప్లిమెంటరీ పరీక్షల టైమ్‌టేబుల్ 2025
- 2025 మే 22: సెకండ్ లాంగ్వేజ్ పేపర్ 1
- 2025 మే 23: ఇంగ్లీష్ పేపర్ 1
- 2025 మే 24: గణితం పేపర్ 1ఏ, వృక్షశాస్త్రం (బోటనీ) పేపర్ 1, పొలిటికల్ సైన్స్ పేపర్ 1
- 2025 మే 25: గణితం పేపర్ 1బీ, జంతుశాస్త్రం (జువాలజీ) పేపర్ 1, హిస్టరీ పేపర్ 1
- 2025 మే 26: భౌతిక శాస్త్రం (ఫిజిక్స్) పేపర్ 1, ఎకనామిక్స్ పేపర్ 1
- 2025 మే 27: రసాయన శాస్త్రం (కెమిస్ట్రీ) పేపర్ 1, కామర్స్ పేపర్ 1
- 2025 మే 28: పబ్లిక్ అడ్మినిస్ట్రేషన్ పేపర్ 1, బ్రిడ్జి కోర్స్ మ్యాథ్స్ పేపర్ 1
- 2025 మే 29: మోడ్రన్ లాంగ్వేజ్ పేపర్ 1, జియోగ్రఫీ పేపర్ 1
ఇంటర్మీడియట్ సెకండ్ ఇయర్ సప్లిమెంటరీ పరీక్షల టైమ్‌టేబుల్ 2025
- 2025 మే 22: సెకండ్ లాంగ్వేజ్ పేపర్ 2
- 2025 మే 23: ఇంగ్లీష్ పేపర్ 2
- 2025 మే 24: గణితం పేపర్ 2ఏ, బోటనీ పేపర్ 2, పొలిటికల్ సైన్స్ పేపర్ 2
- 2025 మే 25: గణితం పేపర్ 2బీ, జువాలజీ పేపర్ 2, హిస్టరీ పేపర్ 2
- 2025 మే 26: ఫిజిక్స్ పేపర్ 2, ఎకనామిక్స్ పేపర్ 2
- 2025 మే 27: కెమిస్ట్రీ పేపర్ 2, కామర్స్ పేపర్ 2
- 2025 మే 28: పబ్లిక్ అడ్మినిస్ట్రేషన్ పేపర్ 2, బ్రిడ్జి కోర్సు మ్యాథ్స్ పేపర్ 2
- 2025 మే 29: మోడ్రన్ లాంగ్వేజ్ పేపర్ 2, జియోగ్రఫీ పేపర్ 2
తెలంగాణ ఇంటర్మీడియట్ 2025 రెగ్యులర్ ఫలితాల వివరాలు

తెలంగాణ స్టేట్ బోర్డ్ ఆఫ్ ఇంటర్మీడియట్ ఎడ్యుకేషన్ (TSBIE) మొదటి మరియు రెండవ సంవత్సరం రెగ్యులర్ పరీక్షల ఫలితాలను విద్యాశాఖ 2025 ఏప్రిల్ 22న అధికారికంగా విడుదల చేసింది. ఈ పరీక్షలకు తెలంగాణ రాష్ట్ర వ్యాప్తంగా మొత్తం 9,96,971 మంది విద్యార్థులు హాజరయ్యారు. 2025 మార్చి 5 నుంచి 2025 మార్చి 25 వరకు 1532 పరీక్షా కేంద్రాలలో ఈ పరీక్షలు నిర్వహించబడ్డాయి. మొదటి సంవత్సరం విద్యార్థులలో 66.89% ఉత్తీర్ణత సాధించగా, రెండవ సంవత్సరం విద్యార్థులలో 71.37% ఉత్తీర్ణత సాధించారు.
May 8, 2025
మూడురోజులు.. రూ.3490 పెరిగిన ధర: నేటి బంగారం ధరలు ఇలా..

Today’s Gold Prices: బంగారం ధరలు మరోమారు షాకిచ్చాయి. నేడు (మే 07) కూడా తులం బంగారం ధర గరిష్టంగా రూ. 540 పెరిగింది. దీంతో దేశంలోని ప్రధాన నగరాల్లోని బంగారం ధరలలో స్వల్ప మార్పులు జరిగాయి. ఇంతకీ ఏ నగరం బంగారం రేటు ఎక్కువ ఉంది?, ఏ నగరం తగ్గువ ఉంది?, వెండి ధరలు పెరిగాయా?.. తగ్గాయా? అనే వివరాలు ఇక్కడ ఈ కథనంలో తెలుసుకుందాం.

ఢిల్లీలో బంగారం ధరల జోరు

ఢిల్లీలో గోల్డ్ రేటు పెరుగుదల వైపు అడుగులు పరుగులు పెట్టింది. మంగళవారం గరిష్టంగా రూ. 2730 పెరిగిన రేటు.. ఈ రోజు రూ. 540 పెరిగింది. దీంతో 24 క్యారెట్ల 10 గ్రాముల గోల్డ్ రేటు రూ. 99,150 వద్ద నిలిచింది. 22 క్యారెట్ల 10 గ్రామ్స్ గోల్డ్ రేటు రూ. 90,900 (రూ. 500 పెరిగింది) వద్ద ఉంది.

తెలుగు రాష్ట్రాలు మరియు ఇతర ప్రధాన నగరాల్లో బంగారం ధరలు

తెలుగు రాష్ట్రాల్లో (తెలంగాణ & ఆంధ్రప్రదేశ్) మాత్రమే కాకుండా గుంటూరు, ప్రొద్దుటూరు వంటి ప్రాంతాల్లో, అలాగే ముంబై, బెంగళూరులలో కూడా గోల్డ్ రేటు పెరిగింది. కాబట్టి ఇక్కడ 22 క్యారెట్ల 10 గ్రాముల గోల్డ్ రేటు రూ. 500 పెరిగి రూ. 90,750 వద్ద, 24 క్యారెట్ల 10 గ్రామ్స్ బంగారం రేటు 540 రూపాయలు పెరిగి రూ. 99,000 వద్దకు చేరింది.

చెన్నైలో బంగారం ధరల పరిస్థితి

ఇక చెన్నై నగరంలో బంగారం ధరలు ఎలా ఉన్నాయనే విషయానికి వస్తే.. ఈ నగరం కూడా గోల్డ్ రేటు వరుసగా రూ. 500 (22 క్యారెట్స్ 10 గ్రామ్స్) మరియు రూ. 550 (24 క్యారెట్స్ 10 గ్రామ్స్) పెరిగింది. దీంతో 22 క్యారెట్ల 10 గ్రాముల బంగారం ధర రూ. 90,750 వద్ద మరియు 24 క్యారెట్ల 10 గ్రాముల బంగారం ధర రూ. 90,900 వద్ద ఉన్నాయి.

వెండి ధరలు: భారీగా పెరిగిన రేట్లు

బంగారం ధరలు మెల్లగా పెరుగుతుంటే.. వెండి ధర మాత్రం ఒక్కసారిగా పెరిగింది. ఈ రోజు కేజీ వెండి రేటు రూ. 3100 పెరిగి రూ. 1,11,000 వద్ద నిలిచింది. ఇదే ధరలు దేశం మొత్తం మీద ఉంటాయి.

ఢిల్లీలో వెండి ధర ఎంతంటే?

అయితే ఢిల్లీలో మాత్రం సిల్వర్ రేటు రూ. 2100 పెరిగి రూ. 99,000 వద్ద ఉంది. దీన్ని బట్టి చూస్తే.. దేశరాజధానిలో బంగారం రేటు ఎక్కువగా ఉన్నట్లు తెలుస్తోంది. కానీ వెండి ధర దేశంలోని ఇతర నగరాలతో పోలిస్తే ఢిల్లీలోనే తక్కువగా ఉన్నట్లు స్పష్టమైంది.

బంగారం ధరలు మరింత పెరుగుతాయా? భవిష్యత్ అంచనాలు

ప్రస్తుత పరిస్థితులను గమనిస్తుంటే.. బంగారం ధరలు మరింత పెరిగే సూచనలు ఉన్నట్లే తెలుస్తోంది. అంతే కాకుండా గోల్డ్ రేటు లక్ష రూపాయలు దాటుతుందనటానికి కూడా ప్రస్తుత పరిస్థితులే కారణమని స్పష్టమవుతోంది. అయితే ధరలు తగ్గుతాయని కొందరు నిపుణులు చెబుతున్నారు. ఇది ఎంతవరకు నిజమో స్పష్టంగా అర్థం కావడం లేదు. ఒకవేళా నిపుణులు చెప్పినట్లే తగ్గితే.. మరీ చెప్పుకోదగ్గ స్థాయిలో తగ్గే అవకాశం మాత్రం లేదని మాత్రం స్పష్టమవుతోంది. మొత్తానికి బంగారం ధరలు రాబోయే రోజుల్లో ఆకాశాన్నంటేలా దూసుకెళ్తున్నాయి. ఇది పసిడి ప్రియులను ఒకింత కలవరపాటుకు గురిచేస్తుందనే చెప్పాలి.

May 7, 2025
ఒక్కరోజే అమాంతం పెరిగిన గోల్డ్ రేటు.. నేటి కొత్త ధరలు ఇవే..

Gold and Siler Price Today: ఇంతకాలం తగ్గుతుంది, తగ్గిపోతుందనుకుంటున్న బంగారం ధరలు ఒక్కసారిగా షాకిచ్చాయి. ఒకేరోజు (2025 మే 6) అమాంతం పెరిగి.. పసిడి ప్రియులను సైతం కంగుతినేలా చేసింది. రూ. 90,000 కంటే తక్కువలో ఉన్న 22 క్యారెట్ల బంగారం.. ఇప్పుడు ఆ మార్కును దాటేసింది. 24 క్యారెట్ల గోల్డ్ లక్ష రూపాయలకు చేరువయ్యేందుకు పరుగులు పెడుతోంది. ఈ కథనంలో దేశంలో బంగారం ధరలు ఎలా ఉన్నాయనే విషయం తెలుసుకుందాం.

తెలుగు రాష్ట్రాల్లో బంగారం ధరలు (2025 మే 6)

తెలుగు రాష్ట్రాల్లో (ఆంధ్రప్రదేశ్ మరియు తెలంగాణ) నిన్నటి నుంచి ధరల పెరుగుదల మొదలైంది. ఈ రోజు వరుసగా 22 క్యారెట్ల 10 గ్రామ్స్ బంగారం రూ. 2,500 పెరిగి రూ. 90,250 వద్ద, 24 క్యారెట్ల 10 గ్రామ్స్ బంగారం రూ. 2,730 పెరిగి రూ. 98,460 వద్ద ఉంది. ఇదే ధరలు ప్రొద్దుటూరు, కడప వంటి ప్రాంతాల్లో మాత్రమే కాకుండా.. ముంబై, బెంగళూరు నగరాల్లో కూడా కొనసాగుతాయి.

చెన్నైలో పసిడి ధరల వివరాలు

చెన్నైలో ధరలు విషయానికి వస్తే.. ఇక్కడ కూడా ధరలు తెలుగు రాష్టాల్లో మాదిరిగానే ఉంటాయి. ఈ నగరంలో 22 క్యారెట్ల 10 గ్రామ్స్ గోల్డ్ రేటు రూ. 2,500 పెరిగి రూ. 90,250 వద్ద, 24 క్యారెట్ల 10 గ్రామ్స్ బంగారం ధర రూ. 2,730 పెరిగి రూ. 98,460 వద్ద నిలిచింది. నిన్నటి ధరలో పోలిస్తే ఈ రోజు ధరలు భారీగా పెరిగిందని స్పష్టమవుతోంది.

దేశ రాజధాని ఢిల్లీలో బంగారం రేట్లు

దేశరాజధానిలో కూడా గోల్డ్ రేటు ఎగిసిపడింది. ఢిల్లీలో 22 క్యారెట్ల 10 గ్రామ్స్ బంగారం రేటు రూ. 2,500 పెరిగింది. దీంతో ధర రూ. 90,400లకు చేరింది. అదే సమయంలో 24 క్యారెట్ల గోల్డ్ విషయానికి వస్తే.. దీని ధర రూ. 2,730 పెరిగింది. కాబట్టి 10 గ్రామ్స్ 24 క్యారెట్ పసిడి ధర రూ. 98,610లకు చేరింది. దేశంలోని ఇతర ప్రధాన నగరాలతో పోలిస్తే.. ఢిల్లీలో బంగారం ధరలు కొంత ఎక్కువే అన్న విషయం స్పష్టంగా అవగతం అవుతోంది.

వెండి ధరలు: బంగారం బాటలో కాకుండా తగ్గుముఖం

బంగారం ధరలు భారీగా పెరిగినప్పటికీ.. వెండి ధరలు మాత్రం తగ్గుతూనే ఉంది. ఈ రోజు (2025 మే 6) కేజీ వెండి ధర హైదరాబాద్, బెంగళూరు, చెన్నై వంటి నగరాల్లో రూ. 1,07,900 వద్ద ఉంది. ఢిల్లీలో మాత్రం కేజీ వెండి రేటు రూ. 96,900 వద్ద ఉంది. దీన్ని బట్టి చూస్తే వెండి ధరలు దేశ వ్యాప్తంగా కేజీ మీద రూ. 1,000 తగ్గినట్లు తెలుస్తోంది.

నిపుణుల అంచనాలు తారుమారు: బంగారం లక్షకు చేరువలో?

అమెరికా టారిఫ్ భయాలు పూర్తిగా తొలగిపోయాయి. కాబట్టి బంగారం ధరలు తగ్గుముఖం పడతాయాని పలువురు ప్రముఖులు అంచనా వేశారు. అయితే ప్రస్తుత పరిస్థితులను చూస్తుంటే.. వారి అంచనాలు మొత్తం తారుమారు అయ్యాయని స్పష్టంగా తెలుస్తోంది. కొందరు ప్రముఖులు మాత్రం బంగారం ఇప్పుడే కోనేయండి అని కూడా ప్రస్తావించారు. ఎవరు ఎన్ని చెప్పినా ధరలు మాత్రం ఊరిస్తూ.. ఓ సారి తగ్గతూ, మరోమారు పెరుగుతూ.. లక్ష రూపాయలకు చేరిపోవడానికి తొందరపడుతున్నట్లు తెలుస్తోంది. మొత్తం మీద త్వరలోనే బంగారం రేటు.. రూ. లక్షకు చేరుతుంది అని చెప్పడంలో ఏ మాత్రం సందేహం లేదు అని స్పష్టంగా తెలుస్తోంది.

May 6, 2025