పెళ్లి తరువాత జహీర్ ఇచ్చిన మొదటి గిఫ్ట్ ఇదే.. సోనాక్షి సిన్హా దిల్ ఖుష్

Zaheer Iqbal Gift BMW i7 To His Wife Sonakshi Sinha: ప్రముఖ బాలీవుడ్ నటి ‘సోనాక్షి సిన్హా’ (Sonakshi Sinha) ఇటీవల జహీర్ ఇక్బాల్‌ను (Zaheer Iqbal) పెళ్లి చేసుకున్న సంగతి తెలిసిందే. ఏడేళ్ల పాటు ప్రేమించుకున్న ఈ జంట.. కొన్ని రోజులకు ముందు కుటుంబ సమక్షంలో ఏడడుగులు వేశారు. పెళ్ళైన తరువాత జహీర్ ఇక్బాల్ తన భార్య సోనాక్షికి సుమారు రూ. 2 కోట్ల విలువైన కారును గిఫ్ట్ ఇచ్చారు. దీనికి సంబంధించిన వీడియో కూడా సోషల్ మీడియాలో వైరల్ అవుతోంది. ఇంతకీ జహీర్.. సోనాక్షికి గిఫ్ట్ ఇచ్చిన కారు ఏది? దాని ధర ఎంత అనే మరిన్ని వివరాలు వివరంగా ఈ కథనంలో తెలుసుకుందాం.

జహీర్ ఇక్బాల్ గిఫ్ట్

సోనాక్షి సిన్హాతో పెళ్లయిన తరువాత జహీర్ మొదటి గిఫ్ట్‌గా ‘బీఎండబ్ల్యూ ఐ7’ (BMW i7) ఇచ్చారు. దీని విలువ రూ. 2 కోట్లకంటే ఎక్కువే ఉంటుందని సమాచారం. దీనికి సంబంధించిన వీడియో కూడా సోషల్ మీడియాలో వైరల్ అవుతోంది. ఇందులో పెళ్లయిన తరువాత జహీర్, సోనాక్షి ఇద్దరూ కలిసి రావడం.. ఆయా తరువాత అప్పటికే అక్కడ వేచి చూస్తున్న బీఎండబ్ల్యూ ఐ7 కారులో ఎగ్గడం చూడవచ్చు. కారును ఒక వ్యక్తి డ్రైవ్ చేస్తుంటే.. జహీర్, సోనాక్షి సిన్హా ఇద్దరు వెనుక సీటులో కూర్చుని ఉండటం చూడవచ్చు.

బీఎండబ్ల్యూ ఐ7

సోనాక్షి సిన్హా గిఫ్ట్‌గా పొందిన బీఎండబ్ల్యూ ఐ7 కారు తెలుపు రంగంలో ఆకర్షణీయంగా ఉంది. ఈ మోడల్ కారును ఇప్పటికే చాలామంది సెలబ్రిటీలు, ఇతర ప్రముఖులు కూడా కొనుగోలు చేశారు. ఈ ఎలక్ట్రిక్ సెడాన్ మంచి డిజైన్ మరియు లేటెస్ట్ ఫీచర్స్ కలిగి ఉండి.. అత్యుత్తమ పనితీరును అందిస్తుంది. ఈ కారణంగానే చాలామంది ఈ కారును ఇష్టపడి కొనుగోలు చేస్తుంటారు.

బీఎండబ్ల్యూ ఐ7 ఎలక్ట్రిక్ కారు యొక్క ముందు భాగంలో పెద్ద కిడ్నీ గ్రిల్, గ్రిల్ మీద ‘ఐ’ వంటివి పొందుతుంది. నాలుగు చక్రాలకు నాలుగు డిస్క్ బ్రేకులు, 21 ఇంచెస్ అల్లాయ్ వీల్స్ ఇందులో ఉండటం చూడవచ్చు. అధునాతన ఏడీఏఎస్ ఫీచర్లతో నిండిన ఈ కారు సెన్సార్లు, రాడార్లు మరియు కెమరాలను కలిగి ఉంటుంది. హెడ్‌లైట్ మరియు టెయిల్‌లైట్ కూడా ప్రకాశవంతంగా ఉంటుంది. ఈ సెడాన్ ఆటోమాటిక్ డోర్స్ పొందుతుంది. ఒకసారి బటన్ నొక్కితే డోర్ ఓపెన్ అవుతుంది. మరోసారి బటన్ నొక్కితే డోర్ క్లోజ్ అవుతుంది.

ఫీచర్స్ విషయానికి వస్తే.. బీఎండబ్ల్యూ ఐ7 కారు టచ్‌స్క్రీన్ ఇన్ఫోటైన్‌మెంట్ సిస్టం, ఇన్‌స్ట్రుమెంట్ క్లస్టర్ కోసం కర్వ్డ్ డిస్‌పప్లే పొందుతుంది. వీటితోపాటు ఇందులో 31.33 ఇంచెస్ 8కే సినిమా స్క్రీన్ కూడా ఉంది. ఇది రూప్ భాగంలో అమర్చబడి ఉంటుంది. అవసరమైనప్పుడు కిందికి దించుకోవచ్చు. అవసరం లేదనుకుంటే పైకి ఫోల్డ్ చేయవచ్చు. వెనుక డోర్స్ వద్ద కూడా 5.5 ఇంచెస్ టచ్‌స్క్రీన్ ఉంటుంది. ఇది ఇన్ఫోటైన్‌మెంట్, క్లైమేట్ కంట్రోల్, సీట్లను కంట్రోల్ చేయడానికి ఉపయోగపడుతుంది.

ఐ7 ఎలక్ట్రిక్ కారు xDrive 60 అనే ఒకే వేరియంట్లో లభిస్తుంది. ఇందులో రెండు ఎలక్ట్రిక్ మోటార్లు ఉంటాయి. ఇవి 544 పీఎస్ పవర్ మరియు 745 న్యూటన్ మీటర్ టార్క్ ప్రొడ్యూస్ చేస్తాయి. ఈ కారులో 101.7 కిలోవాట్ లిథియం అయాన్ బ్యాటరీ ఉంటుంది. ఇది ఒక ఫుల్ చార్జితో 591 కిమీ నుంచి 625 కిమీ రేంజ్ అందిస్తుంది. ఇది ఏసీ ఛార్జింగ్ మరియు డీసీ ఫాస్ట్ ఛార్జింగ్ రెండింటికీ సపోర్ట్ చేస్తుంది. ఫాస్ట్ ఛార్జర్ ద్వారా 34 నిమిషాల్లో 10 నుంచి 80 శాతం ఛార్జ్ అవుతుంది.

Don’t Miss: ప్రియుడితో సోనాక్షి సిన్హా పెళ్లి.. ఈ హీరోయిన్ గ్యారేజిలో ఇన్ని లగ్జరీ కార్లు ఉన్నాయా?

బీఎండబ్ల్యూ ఐ7 కొనుగోలు చేసిన ఇతర సెలబ్రిటీలు

ఇప్పటికే బీఎండబ్ల్యూ ఐ7 ఎలక్ట్రిక్ కారును నటి రేఖ, జాక్విలిన్ ఫెర్నాండెజ్, అజయ్ దేవగన్, కిమ్ శర్మ మరియు నటుడు శేఖర్ సుమన్ మొదలైన బాలీవుడ్ ప్రముఖులు కూడా కొనుగోలు చేశారు. దీని ఎక్స్ షోరూమ్ ధర రూ.2.13 కోట్లు అని తెలుస్తోంది. ఆన్ రోడ్ ధరలు ప్రాంతాన్ని బట్టి మారుతూ ఉంటాయి.