Martha Telugu

Category: Automobiles

  • తక్కువ ధరలో ఎక్కువ మైలేజ్ ఇచ్చే కొత్త సీఎన్‌జీ కారు: పూర్తి వివరాలు

    తక్కువ ధరలో ఎక్కువ మైలేజ్ ఇచ్చే కొత్త సీఎన్‌జీ కారు: పూర్తి వివరాలు

    Citroen C3 CNG: ఇండియన్ మార్కెట్లో ఎలక్ట్రిక్ కార్లకు, సీఎన్‌జీ కార్లకు డిమాండ్ భారీగా పెరుగుతోంది. దీనిని దృష్టిలో ఉంచుకునే.. దాదాపు అన్ని కంపెనీలు తమ కార్లను, బైకులను ఈ విభాగాల్లో లాంచ్ చేస్తున్నాయి. ఈ తరుణంలో ఫ్రెంచ్ వాహన తయారీ సంస్థ ‘సిట్రోయెన్’ (Citroen) తన సీ3 కారును సీఎన్‌జీ కిట్‌తో లాంచ్ చేసింది. ఈ కొత్త సీఎన్‌జీ కారు ధరలు, మైలేజ్ వంటి ఆసక్తికరమైన వివరాలు ఇక్కడ చూసేద్దాం..

    సిట్రోయెన్ సీ3 సీఎన్‌జీ: పూర్తి వివరాలు

    దేశీయ మార్కెట్లో ఫ్రెంచ్ కార్ల తయారీ దిగ్గజం సిట్రోయెన్ తన ప్రముఖ C3 మోడల్‌ను CNG వేరియంట్‌లో విడుదల చేసింది. దీనికి సంబంధించిన ముఖ్యమైన సమాచారం క్రింద ఇవ్వబడింది.

    వేరియంట్లు & ధరలు

    కొత్త సిట్రోయెన్ సీ3 సీఎన్‌జీ మొత్తం నాలుగు వేరియంట్లలో అందుబాటులో ఉంటుంది. అవి:

    • లైవ్
    • ఫీల్
    • ఫీల్ (ఓ)
    • షైన్

    వీటి ధరలు రూ. 7.16 లక్షల నుంచి రూ. 9.24 లక్షల (ఎక్స్ షోరూమ్) మధ్య ఉన్నాయి. అంటే దీని ధర స్టాండర్డ్ మోడల్ కంటే కూడా రూ. 93,000 ఎక్కువని తెలుస్తోంది. కంపెనీ ఈ కారుపై 3 సంవత్సరాలు లేదా 1 లక్ష కిలోమీటర్ల వారంటీ అందిస్తుంది.

    డిజైన్ మరియు ఫీచర్లు

    చూడటానికి సాధారణ సిట్రోయెన్ సీ3 మాదిరిగా ఉన్నప్పటికీ.. సీ3 సీఎన్‌జీ అదే లైటింగ్ సెటప్, ఇంటీరియర్ డిజైన్ మరియు ఫీచర్స్ కలిగి ఉంటుంది. అయితే ఇది సీఎన్‌జీ కారు అని ప్రత్యేకంగా తెలియడానికి CNG బ్యాడ్జెస్ వంటివి అక్కడక్కడా కనిపిస్తాయి. ఇందులోని సీఎన్‌జీ ట్యాంక్ కెపాసిటీ 55 లీటర్ల వరకు ఉంటుంది.

    మైలేజ్

    సిట్రోయెన్ సీ3 సీఎన్‌జీ కారు.. ఒక కేజీ సీఎన్‌జీతో 28.1 కిమీ మైలేజ్ అందిస్తుందని కంపెనీ పేర్కొంది. దీన్ని బట్టి చూస్తే.. పెట్రోల్ సిట్రోయెన్ సీ3 కారు కంటే కూడా సీఎన్‌జీ సీ3 మైలేజ్ కొంత ఎక్కువే అని తెలుస్తోంది. కాబట్టి ఎక్కువ మైలేజ్ కావాలనుకునే వారికి ఈ మోడల్ మంచి ఎంపిక అవుతుంది. ప్రస్తుతం ఈ కారు బ్రాండ్ యొక్క అధీకృత డీలర్‌షిప్‌లలో అందుబాటులో ఉంది.

    సీఎన్‌జీ కార్లకు డిమాండ్ ఎందుకు పెరుగుతోంది?

    నిజానికి భారతదేశంలో ఒకప్పుడు డీజిల్ కార్లకు డిమాండ్ ఉండేది. ఆ తరువాత పెట్రోల్ కార్లకు.. ఇప్పుడు ఎలక్ట్రిక్ లేదా సీఎన్‌జీ వెహికల్స్ వైపు వినియోగదారులు మొగ్గు చూపుతున్నారు. కాలాన్ని బట్టి మనిషి కూడా కొత్తదనాన్ని కోరుకుంటున్నాడు. అంతే కాకుండా సీఎన్‌జీ కార్ల మైలేజ్ పెట్రోల్ కార్ల మైలేజ్ కంటే కూడా ఎక్కువే. సాధారణ లేదా మధ్యతరగతి ప్రజలు ఎవరైనా.. ఎక్కువ మైలేజ్ ఇచ్చే కార్లనే ఉపయోగించడానికి ఆసక్తి చూపుతుంటారు. ఈ కారణంగానే మార్కెట్లో లాంచ్ అవుతున్న సీఎన్‌జీ కార్ల సంఖ్య పెరుగుతోంది, కొనుగోలుదారులు కూడా ఎక్కువవుతున్నారు.

    సీఎన్‌జీ వాహనాల భవిష్యత్తు ఎలా ఉండనుంది?

    ప్రస్తుతం ఇండియన్ మార్కెట్లో చాలా కంపెనీలు సీఎన్‌జీ కార్లను లాంచ్ చేశాయి. మరికొన్ని కంపెనీలు లాంచ్ చేయడానికి సిద్ధమవుతున్నాయి. ఇప్పుడు కేవలం కార్లు మాత్రమే కాకుండా బైకులు కూడా సీఎన్‌జీ రూపంలో మార్కెట్లో అందుబాటులో ఉన్నాయి. స్కూటర్లను లాంచ్ చేయడానికి కూడా కొన్ని సంస్థలు సన్నద్ధమవుతున్నాయి. ఇవన్నీ గమనిస్తుంటే.. రాబోయే రోజుల్లో సీఎన్‌జీ వాహనాలకు డిమాండ్ మరింత పెరిగే అవకాశం ఉందని స్పష్టమవుతోంది.

  • లాంచ్‌కు సిద్దమైన 2025 ఆల్ట్రోజ్ పేస్‌లిఫ్ట్ ఇదే.. పూర్తి వివరాలు

    లాంచ్‌కు సిద్దమైన 2025 ఆల్ట్రోజ్ పేస్‌లిఫ్ట్ ఇదే.. పూర్తి వివరాలు

    2025 Tata Altroz Facelift: దేశీయ వాహన తయారీ దిగ్గజం టాటా మోటార్స్, ఇప్పటికే ఇండియన్ మార్కెట్లో తన సరసమైన కారు ‘ఆల్ట్రోజ్’ను విజయవంతంగా విక్రయిస్తోంది. ఇప్పుడు, ఈ ఆల్ట్రోజ్ శ్రేణిలో అప్‌డేటెడ్ మోడల్ లేదా ఫేస్‌లిఫ్ట్ వెర్షన్ (2025 ఆల్ట్రోజ్) లాంచ్ చేయడానికి సిద్ధమవుతోంది. ఈ నెల 22న అధికారికంగా భారతీయ విఫణిలో అడుగెట్టనున్న ఈ సరికొత్త ఆల్ట్రోజ్ వివరాలు, లాంచ్‌కు ముందే కొన్ని ఆసక్తికరమైన అంశాలతో వెలుగులోకి వచ్చాయి. దీనికి సంబంధించిన మరిన్ని వివరాలను ఇక్కడ వివరంగా తెలుసుకుందాం.

    2025 టాటా ఆల్ట్రోజ్

    2020లో మార్కెట్లోకి ప్రవేశపెట్టిన టాటా ఆల్ట్రోజ్ కారు, మొదటి నుంచే అద్భుతమైన అమ్మకాలు సాధిస్తూ వినియోగదారుల ఆదరణ పొందింది. మారుతున్న కాలానికి అనుగుణంగా, మార్కెట్‌లోని పోటీని తట్టుకుని, కస్టమర్లను ఆకట్టుకోవడానికి కంపెనీ ఈ కారును ఎప్పటికప్పుడు అప్డేట్ చేస్తూనే ఉంది. ఇందులో భాగంగానే, టర్బో పెట్రోల్ మరియు CNG మోడల్స్ కూడా లాంచ్ చేసి తన పోర్ట్‌ఫోలియోను విస్తరించింది. ఇప్పుడు 2025 ఆల్ట్రోజ్ ఫేస్‌లిఫ్ట్ విడుదలతో మరో ముందడుగు వేయనుంది.

    డిజైన్ అప్డేట్స్

    సరికొత్త 2025 ఆల్ట్రోజ్ చూడటానికి దాదాపు ప్రస్తుతం ఉన్న మోడల్ మాదిరిగానే ఉన్నప్పటికీ, కొన్ని కీలకమైన మార్పులతో రానుంది.

    ఎక్స్‌టీరియర్ అప్‌డేట్స్

    • ఈ కారులోని హాలోజన్ ప్రొజెక్టర్ హెడ్‌ల్యాంప్‌ల స్థానంలో, ఎంబెడెడ్ ఎల్ఈడీ డీఆర్‌ఎల్‌లతో కూడిన కొత్త ఎల్ఈడీ ప్రొజెక్టర్ యూనిట్స్ అమర్చారు.
    • క్లోజ్డ్ గ్రిల్ షేప్ సరికొత్త ఫినిషింగ్ పొందుతుంది.
    • బంపర్ డిజైన్ కూడా మరింత ఆకర్షణీయంగా తీర్చిదిద్దారు.
    • వెనుక వైపు ఇన్ఫినిటీ ఎల్ఈడీ కనెక్టెడ్ టెయిల్‌ల్యాంప్‌లతో జతచేయబడిన బ్లాక్ అవుట్ టెయిల్‌గేట్ ప్రత్యేక ఆకర్షణగా నిలుస్తుంది.

    ఇంటీరియర్

    హ్యుందాయ్ ఐ20 మరియు మారుతి సుజుకి బాలెనొ వంటి ప్రత్యర్థులకు గట్టి పోటీనిచ్చేలా, టాటా ఆల్ట్రోజ్ అప్డేటెడ్ డ్యాష్‌బోర్డ్ మరియు అనేక నూతన ఫీచర్లను పొందుతుంది. ఏసీ కంట్రోల్స్ మరియు టాప్ మోడళ్లలో 10.25 ఇంచెస్ డిజిటల్ ఇన్‌స్ట్రుమెంట్ క్లస్టర్‌తో సహా అనేక అప్డేట్స్ ఉన్నాయి.

    ఇంజన్ ఆప్షన్స్

    సరికొత్త ఆల్ట్రోజ్ పెట్రోల్, డీజిల్ మరియు CNG పవర్‌ట్రెయిన్ ఆప్షన్స్‌తో వస్తుందని సమాచారం. అంతే కాకుండా, టర్బో పెట్రోల్ ఇంజిన్ కూడా పొందే అవకాశం ఉందని తెలుస్తోంది. అయితే, దీనికి సంబంధించిన అధికారిక ప్రకటన ఇంకా వెలువడలేదు.

    వేరియంట్లు

    2025 టాటా ఆల్ట్రోజ్ ఐదు ప్రధాన వేరియంట్లలో లాంచ్ అవుతుందని సమాచారం. అవి:

    • స్మార్ట్ (Smart)
    • ప్యూర్ (Pure)
    • క్రియేటివ్ (Creative)
    • అకంప్లిష్డ్ ఎస్ (Accomplished S)
    • అకంప్లిష్డ్ ప్లస్ ఎస్ (Accomplished Plus S)

    కంపెనీ వీటి ధరలను లాంచ్ సమయంలో అధికారికంగా వెల్లడించే అవకాశం ఉంది. బుకింగ్స్ ఎప్పుడు ప్రారంభమవుతాయనేది కూడా త్వరలోనే తెలియజేస్తారు.

    వేరియంట్స్ వారీగా ఫీచర్స్

    ➤ స్మార్ట్ ట్రిమ్:

    • ఆరు ఎయిర్‌బ్యాగ్‌లు
    • ఎలక్ట్రానిక్ స్టెబిలిటీ ప్రోగ్రామ్ (ESP)
    • ఎల్ఈడీ టెయిల్ లాంప్‌లు
    • ప్రొజెక్టర్ హెడ్‌ల్యాంప్‌లు
    • ఫ్లష్ సెట్టింగ్ ఫ్రంట్ డోర్ హ్యాండిల్స్

    ➤ ప్యూర్ ట్రిమ్:

    • 7 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్
    • ఆటో ఫోల్డ్ వింగ్ మిర్రర్స్
    • ఆటో క్లైమేట్ కంట్రోల్
    • ఎల్ఈడీ హెడ్‌ల్యాంప్స్
    • రివర్స్ కెమెరా
    • క్రూయిజ్ కంట్రోల్
    • సన్‌రూఫ్ (ఆప్షనల్)

    ➤ క్రియేటివ్ ట్రిమ్:

    • 360 డిగ్రీ కెమెరా
    • 10.25 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్
    • కీలెస్ గో
    • రియర్ ఏసీ వెంట్స్
    • యాంబియంట్ లైటింగ్
    • సన్‌రూఫ్ (ఆప్షనల్)

    ➤ అకంప్లిష్డ్ ట్రిమ్:

    • 16 ఇంచెస్ అల్లాయ్ వీల్స్
    • 7.0 ఇంచెస్ డిజిటల్ ఇన్‌స్ట్రుమెంట్ క్లస్టర్
    • ఎల్ఈడీ ఫాగ్ లాంప్స్
    • వైర్‌లెస్ స్మార్ట్‌ఫోన్ ఛార్జింగ్
    • ఇన్ఫినిటీ ఎల్ఈడీ టెయిల్‌ల్యాంప్స్
    • సన్‌రూఫ్
    • కాంట్రాస్ట్ ఫినిష్డ్ రూఫ్

    ➤ అకంప్లిష్డ్ ప్లస్ ఎస్ ట్రిమ్:

    • 10.25 ఇంచెస్ డిజిటల్ ఇన్‌స్ట్రుమెంట్ క్లస్టర్
    • కనెక్టెడ్ కార్ టెక్నాలజీ
    • బ్లైండ్ స్పాట్ మానిటరింగ్
    • ఎయిర్ ప్యూరిఫైయర్
    • మరిన్ని టాప్-ఎండ్ ఫీచర్లు
  • లాంచ్ కానేలేదు.. అప్పుడే బుకింగ్స్ క్లోజ్: ఈ కారుకు బలే డిమాండ్!

    లాంచ్ కానేలేదు.. అప్పుడే బుకింగ్స్ క్లోజ్: ఈ కారుకు బలే డిమాండ్!

    Volkswagen Golf GTI: భారతదేశంలో ఎప్పటికప్పుడు కొత్త కార్లను కొనుగోలు చేసేవారి సంఖ్య పెరుగుతోంది. దీనిని దృష్టిలో ఉంచుకుని ప్రముఖ కార్ల తయారీ సంస్థ ఫోక్స్‌వ్యాగన్ ఇండియా.. దేశీయ విఫణిలో సరికొత్త కారు గోల్ఫ్ జీటీఐ (Golf GTI) లాంచ్ చేయడానికి సిద్ధమవుతోంది. కాగా అంతకంటే ముందు కంపెనీ అధికారికంగా బుకింగ్స్ స్వీకరించడం (మే 5) ప్రారంభించింది. అయితే బుకింగ్స్ ప్రారంభమైన కేవలం ఐదు రోజుల్లోనే.. ఇక బుకింగ్స్ తీసికోవడం లేదని, బుకింగ్స్ క్లోజ్ చేసినట్లు సంస్థ అధికారికంగా వెల్లడించింది.

    ఇండియాలో బుకింగ్స్ జోరు, వేగంగా ముగింపు!

    ఫోక్స్‌వ్యాగన్ కంపెనీ భారతదేశానికి జీటీఐ బ్యాడ్జ్‌ను తీసుకుని రావడం ఇది రెండోసారి. మొదటిసారి 2016లో పోలో జీటీఐ పేరుతో.. లాంచ్ చేసింది. ఇప్పుడు గోల్ఫ్ జీటీఐ పేరుతో తీసుకురావడానికి రెడీ అయిపోయింది. అయితే కంపెనీ దీనిని సీబీయూ (CBU – Completely Built Unit) మార్గం ద్వారా దిగుమతి చేసుకోనుంది. కాబట్టి దీని ధర కొంత ఎక్కువగా ఉండే అవకాశం ఉంది.

    బుకింగ్స్ నిలిపివేయడానికి కారణం ఏంటి?

    కంపెనీ తన గోల్ఫ్ జీటీఐ యొక్క బుకింగ్స్ నిలిపివేయడానికి ప్రధాన కారణం.. ఈ కారును భారతదేశానికి పరిమిత సంఖ్యలో కేటాయించడమే అని తెలుస్తోంది. అంటే ఈ కారును కొంతమంది మాత్రమే కొనుగోలు చేయగలరన్నమాట. మొదట్లో ఈ కారును ఇండియన్ మార్కెట్ కోసం 250 యూనిట్లను కేటాయించిన ఫోక్స్‌వ్యాగన్ ఇండియా.. ఆ తరువాత 150 యూనిట్లకు మాత్రమే సరిపెట్టింది. ఫోక్స్‌వ్యాగన్ లాంచ్ చేయనున్న గ్లోఫ్ జీటీఐ కారును 150 మంది మాత్రమే కొనుగోలు చేయగలరు.

    జీటీఐ చరిత్ర మరియు ప్రత్యేకతలు

    ఫోక్స్‌వ్యాగన్ విడుదల చేయనున్న సరికొత్త గోల్ఫ్ జీటీఐ ఆధునిక హంగులతో మార్కెట్లో అడుగుపెట్టనుంది. నిజానికి ఇది గోల్ఫ్ నేమ్ ప్లేట్ కలిగిం ఎనిమిదవ తరం అని తెలుస్తోంది. గోల్ఫ్ పేరు 1974లో ప్రముఖ ఇటాలియన్ డిజైనర్ జార్జెట్టో గియుగియారో రోపొందించిన మొదటి హ్యాచ్‌బ్యాక్‌తో ప్రారంభమైనట్లు తెలుస్తోంది. 1976లో మొదటి తరం జీటీఐ వచ్చింది. ఆ తరువాత కాలంలో దీని వారసత్వంగా అనేక మోడల్స్ వచ్చాయి.

    ఇంజిన్ మరియు పనితీరు

    సరికొత్త ఫోక్స్‌వ్యాగన్ గోల్ఫ్ జీటీఐ 2.0 లీటర్ టీఎస్ఐ టర్బో పెట్రోల్ ఇంజిన్ పొందుతుంది. ఇది 265 Bhp పవర్ మరియు 370 న్యూటన్ మీటర్ టార్క్ ప్రొడ్యూస్ చేస్తుంది. ఇంజిన్ 7 స్పీడ్ డైరెక్ట్ షిఫ్ట్ గేర్‌బాక్స్ (DSG) కలిగి ఎలక్ట్రానిక్ లాకింగ్ డిఫరెన్షియల్ కూడా పొందుతుంది. ఇది గంటకు 0 నుంచి 100 కిమీ వరకు వేగవంతం కావడానికి 5.9 సెకన్ల సమయం పడుతుందని సమాచారం.

    ఆధునిక ఫీచర్లు మరియు భద్రత

    ఇక ఫీచర్స్ విషయానికి వస్తే.. ఫోక్స్‌వ్యాగన్ గోల్ఫ్ జీటీఐ అనేక ఆధునిక ఫీచర్స్ పొందుతుంది. ఇందులో 12.9 ఇంచెస్ టచ్‌స్క్రీన్, 10.25 ఇంచెస్ డిజిటల్ డ్రైవర్ డిస్‌ప్లే, 30 కలర్ యాంబియంట్ లైటింగ్, త్రీ జోన్ క్లైమేట్ కంట్రోల్ మరియు పనోరమిక్ సన్‌రూప్ వంటి వాటితో పాటు.. ఏడు ఎయిర్‌బ్యాగులు మరియు ఏడీఏఎస్ (ADAS – Advanced Driver Assistance Systems) ఫంక్షన్స్ మొదలైనవి ఉన్నాయి. కాబట్టి ఇది వాహన వినియోగదారులకు మంచి డ్రైవింగ్ అనుభూతిని అందిస్తుందని భావిస్తున్నాము.

  • విడుదలైన మూడో రోజే భారీగా పెరిగిన ‘విండ్సర్ ఈవీ ప్రో’ ధరలు: అయినా ఎగబడుతున్న జనం!

    విడుదలైన మూడో రోజే భారీగా పెరిగిన ‘విండ్సర్ ఈవీ ప్రో’ ధరలు: అయినా ఎగబడుతున్న జనం!

    MG Windsor EV Pro Price Hike: ఎంజీ మోటార్ పెద్ద బ్యాటరీతో ‘విండ్సర్ ఈవీ ప్రో’ లాంచ్ చేసిన సంగతి తెలిసిందే. అయితే కంపెనీ ఈ కారును లాంచ్ చేసిన మూడో రోజే ధరలను అమాంతం పెంచేసింది. దీంతో విండ్సర్ ఈవీ ప్రో కొత్త ధరల వద్ద అందుబాటులో ఉంది. ఇంతకీ ఈ కారు ధర ఎంత పెరిగింది, ఎంతమంది ఈ కారును బుక్ చేసుకున్నారు అనే ఆసక్తికరమైన వివరాలు ఈ కథనంలో వివరంగా తెలుసుకుందాం.

    ధరల పెంపు వివరాలు

    ఎంజీ మోటార్ విండ్సర్ ఈవీ ప్రోను లాంచ్ చేసినప్పుడు, దీని ధర రూ. 17.49 లక్షలు మాత్రమే. అయితే ఇప్పుడు ఈ కారు ప్రారంభ ధర రూ. 18.10 లక్షలకు చేరింది. అంటే దీని ధర రూ. 60,000 పెరిగినట్లు స్పష్టమవుతోంది. విండ్సర్ ఈవీ ప్రో ఎలక్ట్రిక్ కారును కంపెనీ లాంచ్ చేసిన సమయంలో.. ప్రారంభ ధర మొదటి 8000 బుకింగ్లకు మాత్రమే అని సంస్థ స్పష్టం చేసింది. చెప్పినట్లుగానే 8000 బుకింగ్స్ పూర్తి కాగానే.. ధరలను పెంచేసింది.

    రికార్డు స్థాయిలో బుకింగ్స్

    విండ్సర్ ఈవీ ప్రో కోసం కంపెనీ మే 8 నుంచి అధికారికంగా బుకింగ్స్ స్వీకరించడం ప్రారంభించింది. బుకింగ్స్ ప్రారంభమైన కేవలం 24 గంటలలోనే 8000 మంది ఈ కారును బుక్ చేసుకున్నారు. దీన్ని బట్టి చూస్తే.. ఈ కారుకు మార్కెట్లో ఎంత డిమాండ్ ఉందో స్పష్టంగా అర్థమవుతోంది. చూడటానికి స్టాండర్డ్ విండ్సర్ ఈవీ మాదిరిగా ఉన్నప్పటికీ.. విండ్సర్ ఈవీ ప్రో పెద్ద బ్యాటరీ కలిగి, ఎక్కువ రేంజ్ అందించేలా రూపొందించబడింది. ఈ కారణంగానే చాలామంది ఈ కారును కొనుగోలు చేయడానికి ఆసక్తి చూపుతున్నట్లు తెలుస్తోంది.

    పెద్ద బ్యాటరీ

    కొత్త ఎంజీ విండ్సర్ ఈవీ ప్రో.. ఇప్పుడు 52.9 కిలోవాట్ బ్యాటరీ ప్యాక్ పొందుతుంది. ఇది ఒక ఫుల్ ఛార్జ్ లేదా సింగిల్ ఛార్జితో 449 కిమీ రేంజ్ అందిస్తుందని సమాచారం. రేంజ్ అనేది.. వాస్తవ ప్రపంచంలో, వివిధ వాతావరణ పరిస్థితిల్లో కొంత తగ్గే అవకాశం ఉంటుందని మేము భావిస్తున్నాము. ఇందులోని ఎలక్ట్రిక్ మోటార్ 136 హార్స్ పవర్, 200 న్యూటన్ మీటర్ టార్క్ అందిస్తుంది. ఈ కారును కంపెనీ ప్రారంభంలో 38 కిలోవాట్ బ్యాటరీతో (332 కిమీ రేంజ్) లాంచ్ చేసింది.

    ఆకర్షణీయమైన ఫీచర్స్

    కొత్త ఎంజీ విండ్సర్ ఈవీ ప్రో.. సాధారణ విండ్సర్ కంటే కూడా ఎక్కువ ఫీచర్స్ పొందుతుంది. ఇందులో పవర్డ్ టెయిల్‌గేట్, వెహికల్ టు లోడ్ (V2L), వెహికల్ టు వెహికల్ (V2V) ఛార్జింగ్ కెపాసిటీ వంటివి ఉన్నాయి. అదనంగా, అడ్వాన్స్‌డ్ డ్రైవర్ అసిస్టెన్స్ సిస్టమ్స్ (ADAS) కూడా ఇందులో భాగంగా ఉన్నాయి. ADAS లోని కొన్ని ముఖ్యమైన ఫీచర్లు:

    • అడాప్టివ్ క్రూయిజ్ కంట్రోల్
    • లేన్ కీప్ అసిస్ట్
    • లేన్ డిపార్చర్ వార్ణింగ్
    • అటానమస్ ఎమర్జెన్సీ బ్రేకింగ్
    • ఫ్రంట్ కొలిషన్ వార్ణింగ్
    • ఇంటెలిజెంట్ హెడ్‌ల్యాంప్ కంట్రోల్

    ఈ కారు స్టాండర్డ్ విండ్సర్‌లోని ఫుల్ బ్లాక్ కలర్ అపోల్స్ట్రేకి భిన్నంగా.. కొత్త డ్యూయెల్ టోన్ బ్లాక్ సీట్ అపోల్స్ట్రే పొందుతుంది. ఈ కారు కింది కొత్త కలర్ ఆప్షన్లలో కూడా అందుబాటులో ఉంటుంది:

    • సెలాడాన్ బ్లూ
    • అరోరా సిల్వర్
    • గ్లేజ్ సిల్వర్
    • గ్లేజ్ రెడ్

    బుకింగ్స్ జోరు మరియు అమ్మకాల అంచనాలు

    ఎంజీ విండ్సర్ ఈవీ ప్రో.. 24 గంటల్లో 8000 బుకింగ్స్ పొందింది. నిజానికి ఎంజీ మోటార్ యొక్క విండ్సర్ ఈవీ ప్రారంభం నుంచే మంచి అమ్మకాలతో ముందుకు దూసుకెళ్తోంది. దాని ప్రత్యర్థులతో పోలిస్తే విండ్సర్ ఈవీ సేల్స్ కొంత ఎక్కువగానే ఉన్నట్లు తెలుస్తోంది. ఈ కారు సేల్స్ నెలకు 2700 యూనిట్ల కంటే ఎక్కువ నమోదయ్యాయి. కాగా ఇప్పుడు పెద్ద బ్యాటరీ కలిగిన ఎంజీ విండ్సర్ ఈవీ ప్రో కూడా ఉత్తమ అమ్మకాలు పొందుతుందని భావిస్తున్నాము.

  • మార్కెట్లో విడుదలైన సరికొత్త కియా క్లావిస్ ఇదే: రేపటి నుంచే బుకింగ్స్..

    మార్కెట్లో విడుదలైన సరికొత్త కియా క్లావిస్ ఇదే: రేపటి నుంచే బుకింగ్స్..

    Kia Clavis: భారతదేశంలో అనేక మార్లు టెస్టింగ్ దశలో కనిపించిన సరికొత్త ‘కియా కారెన్స్ క్లావిస్’ (Kia Carens Clavis) ఎట్టకేలకు దేశీయ విఫణిలో విడుదలైంది. మార్కెట్లో ఇప్పటికే అమ్మకానికి ఉన్న కియా బ్రాండ్ యొక్క ఇతర వేరియంట్ల కంటే ఈ క్లావిస్ మోడల్ చాలా కొత్తగా, ఆకర్షణీయంగా ఉండనుంది. కంపెనీ విడుదల చేయనున్న ఈ కొత్త ఎంపీవీ (MPV) గురించి మరిన్ని కీలక వివరాలు ఈ కథనంలో వివరంగా తెలుసుకుందాం.

    లాంచ్ & బుకింగ్స్

    కియా మోటార్స్ విడుదల చేయనున్న కియా క్లావిస్ ధరలను కంపెనీ ఇంకా అధికారికంగా వెల్లడించలేదు. అయితే, లాంచ్ సమయంలో (బహుశా 2025 జూన్ 2) ధరలు వెల్లడయ్యే అవకాశం ఉంది. అంతకంటే ముందుగా, రేపటి నుంచే (మే 9) ఈ కారు బుకింగ్స్ స్వీకరించనున్నట్లు సమాచారం. బుకింగ్ ధర కూడా ఇప్పటి వరకు వెల్లడి కాలేదు, కానీ సుమారు రూ. 25,000 ఉండొచ్చని అంచనా. ఆసక్తిగల కొనుగోలుదారులు ఈ కారును కియా అధికారిక వెబ్‌సైట్ ద్వారా లేదా అధీకృత డీలర్‌షిప్‌లలో బుక్ చేసుకోవచ్చు. డెలివరీలు కూడా త్వరలోనే ప్రారంభమవుతాయని తెలుస్తోంది.

    డిజైన్ & కలర్ ఆప్షన్స్

    కొత్త కియా కారెన్స్ క్లావిస్ ప్రత్యేకమైన మరియు ఆకర్షణీయమైన డిజైన్‌ను పొందుతుంది. ఇందులో ఎల్ఈడీ హెడ్‌ల్యాంప్స్, కియా సిగ్నేచర్ డిజిటల్ టైగర్ ఫేస్ గ్రిల్, మరియు స్టార్ మ్యాప్ ఎల్ఈడీ కనెక్టెడ్ టెయిల్ ల్యాంప్స్ వంటివి ప్రధాన ఆకర్షణలుగా నిలుస్తాయి. అంతే కాకుండా, 17-అంగుళాల డ్యూయెల్ టోన్ అల్లాయ్ వీల్స్ మరియు ఐవరీ సిల్వర్ పెయింట్ వంటి అంశాలు దీనికి మరింత కొత్తదనాన్ని అందిస్తాయి. మొత్తం మీద, ఈ కారు చూడటానికి చాలా ఆకర్షణీయంగా ఉంటుందని స్పష్టంగా తెలుస్తోంది.

    కియా క్లావిస్ కారు 6 ఆకర్షణీయమైన కలర్ ఆప్షన్లలో లభిస్తుంది. అవి..

    • ఐవరీ సిల్వర్ గ్లోస్
    • గ్రావిటీ గ్రే
    • స్పార్కింగ్ సిల్వర్
    • అరోరా బ్లాక్
    • ప్యూటర్ ఆలివ్
    • ఇంపీరియర్ బ్లూ
    • అరోరా బ్లాక్ పెర్ల్
    • క్లియర్ వైట్
    • గ్లేసియర్ వైట్ పెర్ల్

    ఈ మల్టిపుల్ కలర్ ఆప్షన్ల వల్ల కొనుగోలుదారులు వారికి నచ్చిన రంగు కారును ఎంచుకోవడానికి వీలుంటుంది.

    ఇంటీరియర్ మరియు కీలక ఫీచర్లు

    కియా కారెన్స్ క్లావిస్ ఇంటీరియర్‌లో అధునాతన ఫీచర్లు అమర్చారు. ఇందులో ప్రధానంగా 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టం, 10.25-అంగుళాల డిజిటల్ ఇన్‌స్ట్రుమెంట్ క్లస్టర్, వైర్‌లెస్ ఆండ్రాయిడ్ ఆటో మరియు ఆపిల్ కార్‌ప్లే కనెక్టివిటీ, 64-కలర్ యాంబియంట్ లైటింగ్, ఐదు USB-C ఛార్జింగ్ పోర్ట్‌లు, సీట్ మౌంటెడ్ ఎయిర్ ప్యూరిఫైయర్, మరియు 8-స్పీకర్ బోస్ సౌండ్ సిస్టం వంటి ప్రీమియం ఫీచర్లు ఉన్నాయి. ప్రయాణికుల భద్రత కోసం ఏడీఏఎస్ (ADAS – అడ్వాన్స్‌డ్ డ్రైవర్ అసిస్టెన్స్ సిస్టమ్స్) ఫీచర్లు కూడా అందించబడ్డాయి. ఇవన్నీ సౌకర్యవంతమైన డ్రైవింగ్ అనుభూతిని అందించడమే కాకుండా, ప్రయాణ భద్రతను కూడా పెంచుతాయి.

    కియా క్లావిస్ ఇంజిన్ ఆప్షన్స్

    కియా క్లావిస్ మూడు విభిన్న ఇంజిన్ ఆప్షన్స్‌తో రానుంది. అవి:

    • 1.5 లీటర్ న్యాచురల్లీ ఆస్పిరేటెడ్ పెట్రోల్ ఇంజిన్
    • 1.5 లీటర్ టర్బో పెట్రోల్ ఇంజిన్
    • 1.5 లీటర్ డీజిల్ ఇంజిన్

    ఈ ఇంజిన్లు మాన్యువల్ మరియు ఆటోమాటిక్ గేర్‌బాక్స్ ట్రాన్స్‌మిషన్ ఎంపికలతో లభిస్తాయి. ఇవి మంచి పనితీరును మరియు మైలేజ్‌ను అందిస్తాయని అంచనా వేయవచ్చు.

    కియా క్లావిస్ ప్రత్యర్థులు (భారత మార్కెట్లో)

    భారతీయ ఆటోమొబైల్ మార్కెట్లో ఎప్పటికప్పుడు కొత్త కార్లు విడుదల అవుతూ పోటీని పెంచుతున్నాయి. ఈ నేపథ్యంలో, దేశీయ విఫణిలో విడుదల కానున్న సరికొత్త కియా క్లావిస్ కారు, ఇప్పటికే మార్కెట్లో విజయవంతంగా అమ్ముడవుతున్న కొన్ని ప్రముఖ మోడళ్లకు గట్టి పోటీనిచ్చే అవకాశం ఉంది. ముఖ్యంగా, మారుతి ఎర్టిగా, మారుతి ఎక్స్ఎల్6, టయోటా రూమియన్, మరియు టయోటా ఇన్నోవా హైక్రాస్ వంటి ఎంపీవీలకు ఇది ప్రధాన ప్రత్యర్థిగా నిలవనుంది. కాబట్టి, అమ్మకాల పరంగా మార్కెట్లో కొంత తీవ్రమైన పోటీని ఎదుర్కోవాల్సి ఉంటుందని భావిస్తున్నాము.

  • భారత్‌లోకి బ్రిటన్ బ్రాండ్ బైకులు: 2025 చివరి నాటికి తయారీ ప్రారంభం!

    భారత్‌లోకి బ్రిటన్ బ్రాండ్ బైకులు: 2025 చివరి నాటికి తయారీ ప్రారంభం!

    Norton Motorcycles India Launch: భారతీయ ఆటోమొబైల్ పరిశ్రమ వేగంగా అభివృద్ధి చెందుతున్న నేపథ్యంలో, అనేక కొత్త కంపెనీలు భారత మార్కెట్లోకి ప్రవేశించడానికి ఆసక్తి చూపుతున్నాయి. ఈ క్రమంలో, ప్రముఖ ద్విచక్ర వాహన తయారీ సంస్థ టీవీఎస్ మోటార్ కంపెనీ, 2020లో బ్రిటన్‌కు చెందిన ప్రఖ్యాత మోటార్‌సైకిల్ బ్రాండ్ ‘నార్టన్’ (Norton)ను సుమారు రూ. 153 కోట్లకు కొనుగోలు చేసింది. అప్పటి నుంచి ఉత్పత్తి ప్రారంభంపై అంచనాలు నెలకొనగా, తాజాగా 2025 నాటికి భారతదేశంలో నార్టన్ మోటార్‌సైకిళ్ల తయారీని ప్రారంభించనున్నట్లు టీవీఎస్ ఎండీ సుదర్శన్ వేణు ధ్రువీకరించారు.

    నార్టన్ ఇండియా అరంగేట్రం: టీవీఎస్ వ్యూహాత్మక అడుగులు

    ప్రస్తుతం యునైటెడ్ కింగ్‌డమ్ (యూకే) మార్కెట్లో నార్టన్ కమాండో 961 (Norton Commando 961) మరియు వీ4 (V4) మోడళ్లు అమ్మకానికి ఉన్నాయి. భారతదేశంలో కూడా టీవీఎస్ ఇదే మోడళ్లను ఉత్పత్తి చేసే అవకాశం ఉందని మార్కెట్ వర్గాలు భావిస్తున్నాయి. అయితే, దీనిపై కంపెనీ నుంచి అధికారిక ప్రకటన వెలువడాల్సి ఉంది.

    భారీ పెట్టుబడితో నాణ్యతకు పెద్దపీట

    టీవీఎస్, నార్టన్ బ్రాండ్‌ను కొనుగోలు చేసినప్పటి నుంచి సుమారు వెయ్యి కోట్ల రూపాయలకు పైగా పెట్టుబడి పెట్టినట్లు సమాచారం. ఈ పెట్టుబడి ప్రధానంగా నార్టన్ మోటార్‌సైకిళ్లలో గతంలో ఉన్న సాంకేతిక సమస్యలను పరిష్కరించి, నాణ్యతను మెరుగుపరచడం కోసం వెచ్చించినట్లు తెలుస్తోంది.

    2027 నాటికి ఆరు కొత్త నార్టన్ బైక్‌లు

    టీవీఎస్ కంపెనీ 2027 నాటికి ఆరు విభిన్న నార్టన్ మోటార్‌సైకిళ్లను భారత మార్కెట్లోకి విడుదల చేయడానికి ప్రణాళికలు రచిస్తున్నట్లు సమాచారం. ఈ కొత్త నార్టన్ మోటార్‌సైకిళ్లు పూర్తిగా భారతదేశంలోనే తయారవుతాయని, ఇది “మేక్ ఇన్ ఇండియా” కార్యక్రమానికి మరింత ఊతమిస్తుందని భావిస్తున్నారు. ఇప్పటికే కొన్ని ఆటో ఎక్స్‌పోలలో నార్టన్ బైకులను ప్రదర్శనకు ఉంచారు. ఈ ఏడాది చివరి నాటికి లేదా వచ్చే ఏడాది ప్రారంభం నాటికి వినియోగదారులు నార్టన్ బైకులను కొనుగోలు చేసే అవకాశం ఉందని అంచనా.

    టీవీఎస్ ఎండీ సుదర్శన్ వేణు కీలక ప్రకటన

    “మా బ్రిటీష్ బ్రాండ్ నార్టన్ ఈ ఏడాది చివరి నాటికి భారత మార్కెట్లో విడుదలవుతుందని, ఆ తర్వాత అమ్మకాలు ప్రారంభమవుతాయని” టీవీఎస్ కంపెనీ మేనేజింగ్ డైరెక్టర్ సుదర్శన్ వేణు స్పష్టం చేశారు. “భారతదేశం అభివృద్ధి చెందడానికి (వికసిత్ భారత్) మా కంపెనీ కట్టుబడి ఉంది” అని ఆయన అన్నారు.

    నార్టన్ ప్రస్తుత కార్యకలాపాలు మరియు అంచనా ధరలు

    ప్రస్తుతం నార్టన్ యూకేలోని సోలిహుల్‌లో 73,000 చదరపు అడుగుల విస్తీర్ణంలో ఉన్న ఆధునిక తయారీ కేంద్రంలో తన కార్యకలాపాలను నిర్వహిస్తోంది. ఇక్కడ కమాండో 961, వీ4ఎస్‌వీ (V4SV) సూపర్‌బైక్ మరియు వీ4సీఆర్ (V4CR) రోడ్‌స్టర్ వంటి ప్రీమియం బైకులను తయారు చేస్తున్నారు. ఈ బైకుల ధరలు అంతర్జాతీయ మార్కెట్లో సుమారు రూ. 19 లక్షల నుంచి రూ. 50 లక్షల (ఎక్స్-షోరూమ్) మధ్య ఉన్నాయి.

    భారత్‌లో అవే మోడళ్లు వస్తాయా, లేక కొత్తవా?

    భారతదేశంలో ఈ బైకులనే స్థానికంగా తయారు చేస్తారా, లేదా భారత మార్కెట్ కోసం ప్రత్యేకంగా ఏవైనా కొత్త మోడళ్లను లాంచ్ చేస్తారా అనే విషయంపై ఇంకా స్పష్టత రావాల్సి ఉంది. స్థానిక తయారీ వల్ల ధరలు కొంతమేర తగ్గే అవకాశం ఉంది.

    మార్కెట్ పోటీ మరియు అంచనాలు

    2025 సెప్టెంబర్ చివరి నాటికి నార్టన్ బైకులు భారతీయ రోడ్లపైకి వస్తాయని ఆటోమొబైల్ నిపుణులు అంచనా వేస్తున్నారు. భారత మార్కెట్లో నార్టన్ బైకులు ట్రయంఫ్ (Triumph) మరియు హార్లే డేవిడ్సన్ (Harley Davidson) వంటి ప్రీమియం బ్రాండ్ల సరసన నిలవనున్నాయి.

    రాయల్ ఎన్‌ఫీల్డ్‌కు ప్రధాన ప్రత్యర్థిగా నార్టన్?

    అయితే, నార్టన్ బ్రాండ్ చరిత్ర మరియు క్లాసిక్ అప్పీల్ కారణంగా, ఇది ప్రధానంగా రాయల్ ఎన్‌ఫీల్డ్ (Royal Enfield) బ్రాండ్ యొక్క హై-ఎండ్ మోడళ్లకు గట్టి పోటీనిస్తుందని విశ్లేషకులు భావిస్తున్నారు. ముఖ్యంగా 650సీసీ మరియు అంతకంటే ఎక్కువ ఇంజన్ సామర్థ్యం గల విభాగంలో ఈ పోటీ తీవ్రంగా ఉండే అవకాశం ఉంది.

  • 2025 యమహా ఏరోక్స్ 155: ధర, ఫీచర్లు మరియు పూర్తి వివరాలు

    2025 యమహా ఏరోక్స్ 155: ధర, ఫీచర్లు మరియు పూర్తి వివరాలు

    2025 Yamaha Aerox 155: స్టైలిష్ టూ వీలర్స్ తయారు చేసే యమహా కంపెనీ.. ఎట్టకేలకు ఇండియన్ మార్కెట్లో సరికొత్త ‘ఏరోక్స్ 155’ను లాంచ్ చేసింది. సంస్థ తన ‘ది కాల్ ఆఫ్ ది బ్లూ’ ప్రచారంలో భాగంగా ఈ స్కూటర్ విడుదల చేసింది. ఈ 2025 వెర్షన్ కొత్త కలర్ ఆప్షన్స్ మరియు అప్డేటెడ్ బాడీ గ్రాఫిక్స్ పొందుతుంది. ఈ స్కూటర్ ధర, ఇతర వివరాలు ఈ కథనంలో వివరంగా తెలుసుకుందాం.

    కొత్త రంగులు మరియు డిజైన్ అప్డేట్స్

    యువత అభిరుచికి తగిన విధంగా.. యమహా కంపెనీ 2025 ఏరోక్స్ 155ను ఆధునిక హంగులతో రేసింగ్ బ్లూ మరియు ఐస్ ఫ్లూ వెర్మిలియన్ షేడ్‌లో లభిస్తుంది. ఇవి కాకుండా.. స్టాండర్డ్ మెటాలిక్ బ్లాక్‌లో కూడా అందుబాటులో ఉంటుంది. కాబట్టి ఈ స్కూటర్ స్పోర్టీ మరియు డైనమిక్ అప్పీల్ పొందుతుంది.

    వేరియంట్లు & ధరల వివరాలు

    2025 యమహా ఏరోక్స్ 155 స్కూటర్ స్టాండర్డ్ మరియు హై-స్పెక్ ఎస్ అనే రెండు వేరియంట్లలో లభిస్తుంది. వీటి ధరలు వరుసగా రూ. 1.5 లక్షలు మరియు రూ. 1.53 లక్షలు (ఎక్స్ షోరూమ్). ఈ ధరలు స్టాండర్డ్ ఏరోక్స్ మోడల్ కంటే కూడా కొంత ఎక్కువ కావడం గమనార్హం.

    ఇంజిన్ పనితీరు మరియు స్పెసిఫికేషన్స్

    డిజైన్ మరియు ఫీచర్స్ పరంగా దాదాపు ఎటువంటి మార్పులు లేదు. అంతే కాకుండా ఇంజిన్ కూడా ఎటువంటి నవీనీకరణ పొందలేదు. కాబట్టి అదే 155 సీసీ లిక్విడ్ కూల్డ్ ఇంజిన్ ఓబీడీ-2బీ ఉద్గార నిబంధనలకు అనుగుణంగా అప్డేట్ అయింది. కాబట్టి ఇంజిన్ 14.75 హార్స్ పవర్ మరియు 13.9 న్యూటన్ మీటర్ టార్క్ ప్రొడ్యూస్ చేస్తుంది. ఈ స్కూటర్ కీలెస్ ఇగ్నిషన్ పొందుతుంది.

    ముఖ్యమైన ఫీచర్లు మరియు ప్రత్యర్థులు

    యమహా ఏరోక్స్ 155 స్కూటర్ ఎల్ఈడీ హెడ్‌ల్యాంప్, టెయిల్‌లైట్, బ్లూటూత్ ఎనేబుల్డ్ ఇన్‌స్ట్రుమెంట్ క్లస్టర్ మరియు సింగిల్ ఛానల్ ఏబీఎస్ వంటి మరెన్నో ఫీచర్స్ పొందుతుంది. ఇవన్నీ రైడర్లకు మంచి రైడింగ్ అనుభూతిని అందిస్తాయి. ఈ స్కూటర్ ఇండియన్ మార్కెట్లో ఏప్రిలియా ఎస్ఆర్ 160 మరియు హీరో జూమ్ 160 వంటి వాటికి ప్రధాన ప్రత్యర్థిగా ఉంటుంది.

    భారత మార్కెట్లో యమహా లైనప్

    దశాబ్దాల చరిత్ర కలిగిన యమహా.. దేశీయ విఫణిలో ఎప్పటికప్పుడు అత్యాధునిక బైకులను, స్కూటర్లను లాంచ్ చేస్తూనే ఉంది. ప్రస్తుతం భారతీయ విఫణిలో యమహా రే జెడ్ఆర్ 125, ఫ్యాసినో 125 వంటి స్కూటర్లు ఉన్నాయి. బైకుల జాబితాలో ఎంటీ 15 వీ2, ఆర్15 వీ4, ఎఫ్‌జెడ్‌ఎస్ ఎఫ్ఐ వీ4, ఎఫ్‌జెడ్ ఎస్ హైబ్రిడ్, ఎఫ్‌జెడ్ ఎస్ ఎఫ్ఐ, వైజెడ్ఎఫ్ ఆర్3, ఎఫ్‌జెడ్ ఎక్స్, ఏంటీ-03, ఆర్15ఎస్, ఎఫ్‌జెడ్ ఎఫ్ఐ మొదలైనవి ఉన్నాయి.

    యువతను ఆకర్షిస్తున్న ఏరోక్స్ 155

    యమహా ఇండియన్ మార్కెట్లో లాంచ్ చేసిన ఏరోక్స్ 155 స్కూటర్.. ఇప్పటికే ఉన్న ఇతర స్కూటర్ల కంటే భిన్నంగా ఉంటుంది. దీనిని ప్రత్యేకించి యువతను దృష్టిలో ఉంచుకుని డిజైన్ చేయడం వల్ల.. లెక్కకు మించిన స్మార్ట్ ఫీచర్స్ ఇందులో ఉన్నాయి. ఇవన్నీ కొనుగోలుదారులను ఆకరిస్తున్నాయి. మల్టిపుల్ కలర్ ఆప్షన్స్ ఉండటం కూడా సేల్స్ పెరగడానికి మరో రీజన్ అని తెలుస్తుంది.

  • మరో పెద్ద ఎలక్ట్రిక్ కారు లాంచ్ త్వరలోనే!.. మొదలైన బుకింగ్స్

    మరో పెద్ద ఎలక్ట్రిక్ కారు లాంచ్ త్వరలోనే!.. మొదలైన బుకింగ్స్

    MG M9 Electric Car: ప్రముఖ కార్ల తయారీ సంస్థ ఎంజీ మోటార్ ఇండియా.. జేఎస్‌డబ్ల్యు (JSW) భాగస్వామ్యంతో ఎం9 (MG M9) ఎలక్ట్రిక్ కారును లాంచ్ చేయడానికి సిద్ధమవుతోంది. అయితే కంపెనీ ఈ కారును ఇండియన్ మార్కెట్లో లాంచ్ చేయడానికి ముందే బుకింగ్స్ స్వీకరించడం ప్రారంభించింది. అంతే కాకుండా ఈ కారు దేశీయ విఫణిలో లాంచ్ అయిన తరువాత ఎంపిక చేసిన ప్రీమియం నెట్‌వర్క్‌ల ద్వారా విక్రయించనుంది.

    ఎంజీ ఎం9: బుకింగ్స్ మరియు లాంచ్ వివరాలు

    ఎంజీ ఎం9 ఎలక్ట్రిక్ కారు కోసం కంపెనీ ఇప్పుడు రూ. 51,000 టోకెన్ మొత్తంతో బుకింగ్స్ స్వీకరిస్తుంది. కాబట్టి ఇది త్వరలోనే మార్కెట్లో లాంచ్ కానుంది. ఆ తరువాత డెలివరీలు ప్రారంభమవుతాయి. నిజానికి సంస్థ ఈ కారును 2025 మార్చిలో లాంచ్ చేయడానికి సంకల్పించింది. అయితే కొన్ని అనివార్య కారణాల వల్ల.. లాంచ్ ఆలస్యమైంది.

    ఎంజీ ఎం9 ధర మరియు ప్రత్యర్థులు

    కంపెనీ లాంచ్ చేయనున్న కొత్త ఎంజీ ఎం9 ఎలక్ట్రిక్ కారు ధర రూ. 65 లక్షల వరకు ఉంటుందని సమాచారం. ఈ కారు ఇప్పటికే మార్కెట్లో అమ్మకానికి ఉన్న కియా కార్నివాల్ (Kia Carnival) మరియు టయోటా వెల్‌ఫైర్ (Toyota Vellfire) కంటే పెద్దదిగా ఉంటుంది. కాబట్టి ఇది ఈ రెండు కార్లకు ప్రధాన ప్రత్యర్థిగా ఉండనుంది.

    ఎంజీ ఎం9: డిజైన్ విశేషాలు

    పరిమాణంలో పెద్దదిగా ఉన్న కొత్త ఎంజీ ఎం9 ఎలక్ట్రిక్ కారు.. స్లైడింగ్ సైడ్ డోర్‌లను కలిగి ఉంటుందని భావిస్తున్నారు. ఫాసియా కింద మెయిన్ హెడ్‌లైట్ యూనిట్లతో పాటు సొగసైన ఎల్ఈడీ స్ట్రిప్, బంపర్ అంతటా ఉండే క్రోమ్ యాక్సెంట్‌లను ఇందులో గమనించవచ్చు. వెనుక భాగంలో వెడల్పు అంతటా విస్తరించి ఉండే టెయిల్ ల్యాంప్, ఇంటిగ్రేటెడ్ బ్రేక్ లైట్, రూఫ్ స్పాయిలర్ మొదలైనవి కూడా ఉన్నాయి.

    ఇంటీరియర్ మరియు ఫీచర్స్

    విశాలమైన మరియు విలాసవంతమైన క్యాబిన్ కలిగిన ఎంజీ ఎం9 కారు.. రెండు సన్‌రూఫ్‌లను పొందుతుంది (ముందు వైపు సింగిల్ పేన్ యూనిట్, వెనుక డ్యూయెల్ పేన్ యూనిట్ ఉండటం గమనించవచ్చు). 64 కలర్ యాంబియంట్ లైటింగ్, హీటెడ్, వెంటిలేషన్ అండ్ మసాజ్ ఫంక్షన్‌లతో కూడిన పవర్ ఫ్రంట్ అండ్ రియర్ సీట్లు మరియు రియర్ ఎంటర్‌టైన్‌మెంట్ స్క్రీన్ మొదలైనవి ఉన్నాయి. భద్రత కోసం లెవెల్ 2 ఏడీఏఎస్ (ADAS) ఫీచర్స్ కూడా అందించబడతాయి.

    బ్యాటరీ ప్యాక్ మరియు రేంజ్

    కొత్త ఎంజీ ఎం9 ఎలక్ట్రిక్ కారు ఇప్పటికే విదేశీ మార్కెట్లలో.. ‘ఎంజీ మిఫా9’ (MG Mifa 9) పేరుతో అమ్ముడవుతోంది. ఇందులో 90 kWh బ్యాటరీ ప్యాక్ ఉంటుంది. అదే బ్యాటరీ ప్యాక్ ఎం9 కారులో కూడా ఉండనుంది. ఇది ఒక సింగిల్ ఛార్జితో సుమారు 430 కిమీ రేంజ్ అందిస్తుందని సమాచారం (WLTP సైకిల్ ప్రకారం). ఈ కారులోని ఎలక్ట్రిక్ మోటార్ 245 హార్స్ పవర్ మరియు 350 Nm టార్క్ అందిస్తుంది.

    ఎంజీ విండ్సర్ ఈవీ యొక్క మరో వేరియంట్

    ఎంజీ మోటార్ ఇదివరకే జేఎస్‌డబ్ల్యు భాగస్వామ్యంతో.. విండ్సర్ ఈవీ (Windsor EV) కారును లాంచ్ చేసింది. ఈ కారు మార్కెట్లో అడుగుపెట్టిన అతి తక్కువ కాలంలోనే మంచి అమ్మకాలను పొందింది. కాగా ఇప్పుడు ఈ నెలలోనే కంపెనీ.. ఈ కారు యొక్క లాంగ్ రేంజ్ బ్యాటరీ వేరియంట్‌ను లాంచ్ చేయడానికి సన్నద్ధమవుతోంది. ఇది ఇప్పుడున్న విండ్సర్ వేరియంట్ల కంటే ఎక్కువ రేంజ్ అందిస్తుందని తెలుస్తోంది. దీనికి సంబంధించిన మరిన్ని వివరాలు త్వరలో వెల్లడయ్యే అవకాశం ఉంది.

  • ఈ బైక్ ఏదో గుర్తుపట్టారా?: అందరికీ తెలిసిన బ్రాండ్ ఇది!

    ఈ బైక్ ఏదో గుర్తుపట్టారా?: అందరికీ తెలిసిన బ్రాండ్ ఇది!

    Custom Royal Enfield 650: ఆటోమొబైల్ ఔత్సాహికులు తమకు నచ్చిన వాహనాలకు మరింత అందంగా డిజైన్ చేసుకోవడంలో భాగంగా.. కస్టమైజ్ చేసుకుంటూ ఉంటారు. గతంలో కస్టమైజ్డ్ బైకులు చాలానే వెలుగులోకి వచ్చాయి. ఇప్పుడు తాజాగా కస్టమైజ్ ‘రాయల్ ఎన్‌ఫీల్డ్ 650’ బైక్ ఒకటి తెరమీదకు వచ్చింది. ఇంతకీ ఈ బైకుని ఎవరికోసం డిజైన్ చేశారు?, దీని వివరాలు ఏమిటంటే సంగతులు ఇక్కడ వివరంగా తెలుసుకుందాం.

    కస్టమైజ్డ్ రాయల్ ఎన్‌ఫీల్డ్ 650

    బెంగళూరుకు చెందిన బుల్లెటీర్ కస్టమ్స్ (Bulleteer Customs) ఈ కస్టమైజ్ రాయల్ ఎన్‌ఫీల్డ్ 650 బైక్ డిజైన్ చేసింది. దీనిని ప్రత్యేకంగా ఇండియన్ ఎయిర్ ఫోర్స్ (IAF) ఏరోబాటిక్ బృందానికి చెందిన ‘సూర్య కిరణ్’ (Surya Kiran) కోసం రూపొందించింది. ఈ బైకుకు సంబంధించిన ఫోటోలు సోషల్ మీడియాలో వైరల్ అవుతున్నాయి.

    గుర్తించదగిన మార్పులు

    కస్టమైజ్ చేసిన బైక్ రాయల్ ఎన్‌ఫీల్డ్ సూపర్ మీటియోర్ 650 అని తెలుస్తోంది. కానీ ఆస్ట్రల్, ఇంటర్‌స్టెల్లార్, సెలెస్టియల్ అనే మూడు వేరియంట్లలో ఏ వేరియంట్ ఎంచుకున్నారనే విషయం వెల్లడికాలేదు. అయితే.. ఈ బైకును చూడగానే రాయల్ ఎన్‌ఫీల్డ్ అని చెప్పడం కష్టమే. ఎందుకంటే హెడ్‌ల్యాంప్, ఫ్యూయెల్ ట్యాంక్ మరియు కొత్త సీటు వంటివి ఇందులో చాలా కొత్తగా కనిపిస్తాయి.

    ఆకర్షణీయమైన డిజైన్ & ప్రత్యేకతలు

    బైక్ మొత్తం ఎరుపు మరియు నలుపు రంగుల సమ్మేళనంలో చూడటానికి చాలా ఆకర్షణీయంగా కనిపిస్తుంది. అయితే సూర్య కిరణ్ బ్యాడ్జ్ మాత్రం తెలుపు రంగులో ఉంది. దీనికింద HAWK MX-132 బ్యాడ్జ్, ట్యాంక్ ఒకవైపు CAPT DUSTY అని ఉంటుంది. ఎగ్జాస్ట్ మీద ‘పవర్ రేస్’ అని వ్రాయబడి ఉంది. ఫ్యూయెల్ ట్యాంక్ మీద మరియు హెడ్‌ల్యాంప్ పక్కన ‘సూర్య కిరణ్’ అని ఉండటం చూడవచ్చు.

    ఫ్యూయెల్ ట్యాంక్ మధ్య భాగంలో.. ఇండియన్ ఎయిర్ ఫోర్స్ ‘సూర్య కిరణ్’ ఫార్మేషన్ ఏరోబిక్ టీమ్ అని ఉంటుంది. దీనిని ఒక ప్రత్యేకమైన లోగోతో క్రియేట్ చేశారు. రియర్ వ్యూ మిర్రర్ కూడా ఏరోడిజైన్ డిజైన్ పొందుతుంది.

    ఇంజిన్ & పర్ఫామెన్స్

    చూడచక్కని డిజైన్ పొందిన కస్టమైజ్డ్ రాయల్ ఎన్‌ఫీల్డ్ మీటియోర్ 650 బైకులో.. ఇంజిన్ అప్డేట్ జరగలేదని తెలుస్తోంది. కాబట్టి అదే 648 సీసీ ప్యారలల్ ట్విన్ ఫోర్ స్ట్రోక్ SOHC ఎయిర్ అండ్ ఆయిల్ కూల్డ్ ఇంజిన్ పొందుతుంది. కాబట్టి ఇది 47 హార్స్ పవర్ మరియు 52 న్యూటన్ మీటర్ టార్క్ అందిస్తుంది. ఇంజిన్ పనితీరు స్టాండర్డ్ మోడల్ మాదిరిగానే ఉంటుందని సమాచారం.

    వాహన కస్టమైజేషన్: చట్టపరమైన అంశాలు

    నిజానికి మోటార్ వెహికల్ చట్టం ప్రకారం.. కస్టమైజ్ వాహనాలను పబ్లిక్ రోడ్డుపై ఉపయోగించరాదు. అయితే ఒక వాహనాన్ని ఎంత శాతం కస్టమైజ్ చేయొచ్చు, ఏ భాగాలను కస్టమైజ్ చేయొచ్చు అనే నియమాలకు లోబడి ఉంటే.. అలాంటి వాహనాలను రోజువారీ వినియోగానికి ఉపయోగించుకోవచ్చు. నియమాలకు అతీతంగా ఏమైనా మార్పులు చేసి ఉంటే.. అలాంటి వాహనాలను రవాణా శాఖ అధికారులు సీజ్ చేస్తారు. ఆ వాహన యజమానిపై చర్యలు తీసుకోవడంలో భాగంగా జరిమానాలు వంటివి విధించడం జరుగుతుంది.

  • ఎక్కువ మైలేజ్ ఇచ్చే.. 2025 హీరో హెచ్ఎఫ్ 100 బైక్: తక్కువ ధరలోనే!

    ఎక్కువ మైలేజ్ ఇచ్చే.. 2025 హీరో హెచ్ఎఫ్ 100 బైక్: తక్కువ ధరలోనే!

    2025 Hero HF 100 OBD2B Launched: ఎక్కువ మైలేజ్ ఇచ్చే బైకులు, తక్కువ ధరలో కావాలంటే అందరికీ ముందుగా గుర్తొచ్చే బ్రాండ్ హీరో మోటోకార్ప్. ఇందులో ఎటువంటి సందేహం లేదు. మారుతున్న ప్రపంచానికి అనుగుణంగా.. వాహన ప్రియులను ఆకర్శించడానికి మరియు ప్రత్యర్థులకు గట్టి పోటీ ఇవ్వడానికి, కంపెనీ తన వాహనాలను కూడా అప్డేట్ చేస్తోంది. ఇందులో భాగంగానే.. ఇప్పుడు తాజాగా హీరో.. తన హెచ్ఎఫ్ 100 బైకును ఓబీడీ2బీ (OBD2B) నిబంధనలను అనుగుణంగా అప్డేట్ చేసింది. ఈ బైక్ ధర, ఇతర వివరాలు ఇక్కడ వివరంగా తెలుసుకుందాం.

    హీరో హెచ్ఎఫ్ 100 ధర

    హీరో మోటోకార్ప్ తన పోర్ట్‌ఫోలియోలోని మరో బైకును (HF 100) ఓబీడీ2బీ నియమాలను అనుకూలంగా అప్డేట్ చేసింది. దీని తాజా ధర ఇప్పుడు రూ. 60,118 (ఎక్స్ షోరూమ్, ఢిల్లీ). ఈ ధర పాత స్టాండర్డ్ మోడల్ కంటే సుమారు రూ. 1100 ఎక్కువ. ధర కొంత పెరిగినప్పటికీ.. భారతదేశంలోని అత్యంత సరసమైన బైకుల జాబితాలో ఇది ఒకటిగా కొనసాగుతోంది.

    అప్డేటెడ్ ఇంజిన్ & పనితీరు

    కంపెనీ తన హెచ్ఎఫ్ 100 బైకులోని ఇంజిన్‌లో.. తాజా ఉద్గార ప్రమాణాలకు (OBD2B) అనుగుణంగా అంతర్గత మార్పులు చేసింది. ఇది కాకుండా.. ఈ బైక్ డిజైన్ మరియు ఫీచర్లలో పెద్దగా మార్పులు లేవు. ఇందులోని 97.2 సీసీ ఎయిర్ కూల్డ్, సింగిల్ సిలిండర్ బీఎస్6 ఫేజ్ 2 ఇంజిన్, 7.91 Bhp పవర్ మరియు 8.05 Nm టార్క్ ప్రొడ్యూస్ చేస్తుంది. ఇది 4 స్పీడ్ గేర్‌బాక్స్‌తో జతచేయబడి ఉంటుంది, కాబట్టి మంచి పనితీరును అందిస్తుంది.

    డిజైన్, కొలతలు మరియు ఫీచర్లు

    9.1 లీటర్ ఫ్యూయెల్ ట్యాంక్ కలిగిన అప్డేటెడ్ హీరో హెచ్ఎఫ్ 100 బైక్.. కర్బ్ వెయిట్ 110 కేజీలు మాత్రమే. ఈ బైక్ చూడటానికి సాధారణ కమ్యూటర్ బైక్ మాదిరిగానే ఉంటుంది.

    బ్రేకింగ్, సస్పెన్షన్ మరియు వీల్స్

    ఇది 18 ఇంచెస్ అల్లాయ్ వీల్స్ కలిగి ముందు మరియు వెనుక డ్రమ్ బ్రేక్‌లను పొందుతుంది. అదనపు భద్రత కోసం కంబైన్డ్ బ్రేకింగ్ సిస్టం (CBS) కూడా ఉంది. సస్పెన్షన్ విషయానికి వస్తే.. ఈ బైక్ ముందు భాగంలో టెలిస్కోపిక్ ఫోర్క్, వెనుక భాగంలో టూ స్టెప్ అడ్జస్టబుల్ హైడ్రాలిక్ షాక్ అబ్జార్బర్‌లు ఉన్నాయి. ఇవన్నీ రైడర్లకు సౌకర్యవంతమైన రైడింగ్ అనుభూతిని అందిస్తాయి.

    రంగులు మరియు ఇతర ముఖ్యాంశాలు

    కొత్త హీరో హెచ్ఎఫ్ 100 బైక్.. బ్లూ గ్రాఫిక్స్‌తో కూడిన బ్లాక్, రెడ్ గ్రాఫిక్స్‌తో కూడిన బ్లాక్ అనే రెండు రంగుల ఆప్షన్లలో లభిస్తుంది. అంతే కాకుండా ఇది సెల్ఫ్ స్టార్ట్, సైడ్ స్టాండ్ ఇంజిన్ కట్-ఆఫ్ ఫీచర్, అనలాగ్ ఇన్‌స్ట్రుమెంట్ కన్సోల్, 735 మిమీ పొడవైన సీటు వంటి ఫీచర్లను కలిగి ఉంది. ఈ లేటెస్ట్ హీరో హెచ్ఎఫ్ 100 బైక్ కొనుగోలుపై ఐదు సంవత్సరాల వారంటీ లభిస్తుంది.

    భారత మార్కెట్లో హీరో బైకుల ప్రాముఖ్యత

    భారతదేశంలో హీరో మోటోకార్ప్ బైకులకు మంచి డిమాండ్ ఉంది. ముఖ్యంగా రోజువారీ ప్రయాణాలకు లేదా తక్కువ దూరం ప్రయాణాలకు చాలామంది ప్రత్యేకించి ఈ బ్రాండ్ బైకులనే ఇష్టపడి కొనుగోలు చేస్తుంటారు. దీనిని దృష్టిలో ఉంచుకుని కంపెనీ ఎప్పటికప్పుడు కొత్త బైకులు లేదా అప్డేటెడ్ బైకులను లాంచ్ చేస్తూనే ఉంది. ఈ క్రమంలోనే కంపెనీ హెచ్ఎఫ్ 100 బైకుని ఓబీడీ2బీ నియమాలకు అనుగుణంగా అప్డేట్ చేయడం జరిగింది.