Tag: Tata Altroz

  • తండ్రి కల నెరవేర్చిన యాంకర్ లాస్య.. ఇన్‌స్టాలో ఎమోషనల్ పోస్ట్

    తండ్రి కల నెరవేర్చిన యాంకర్ లాస్య.. ఇన్‌స్టాలో ఎమోషనల్ పోస్ట్

    Anchor Lasya Tata Altroz: బుల్లితెర ప్రేక్షకులకు సుపరిచితమైన యాంకర్లలో లాస్య ఒకరు. తనదైన యాంకరింగ్‌తో, ముఖ్యంగా “చీమ, ఏనుగు” కథతో ఒకప్పుడు తెలుగు రాష్ట్రాల్లో ఎంతో ఫేమస్ అయ్యారు. ప్రస్తుతం సోషల్ మీడియాలో చురుగ్గా ఉంటూ, తన వ్యక్తిగత మరియు వృత్తిపరమైన విషయాలను అభిమానులతో పంచుకుంటూ ఉంటారు. తాజాగా ఫాదర్స్ డే సందర్భంగా తన తండ్రికి ఎప్పటికీ మరచిపోలేని ఒక విలువైన బహుమతిని అందించి, ఆయన్ను సంతోషపరిచారు. దీనికి సంబంధించిన ఫోటోలను లాస్య తన ఇన్‌స్టాగ్రామ్ ఖాతాలో షేర్ చేయగా, అవి వైరల్ అవుతున్నాయి.

    తండ్రికి ‘టాటా ఆల్ట్రోజ్’ కారును కానుకగా ఇచ్చిన లాస్య

    లెక్కలేనన్ని టీవీ షోలలో యాంకర్‌గా మెరిసి, ఎంతో మంది అభిమానుల హృదయాలను గెలుచుకున్న లాస్య, ఫాదర్స్ డే నాడు తన తండ్రికి ఒక సరికొత్త కారును బహుమతిగా ఇచ్చారు. ఆ కారు మరేదో కాదు, ప్రముఖ భారతీయ ఆటోమొబైల్ సంస్థ టాటా మోటార్స్‌కు చెందిన ‘టాటా ఆల్ట్రోజ్’ (Tata Altroz). తన తండ్రికి కారు తాళం చెవిని అందిస్తున్న ఫోటోలు నెట్టింట్లో చక్కర్లు కొడుతున్నాయి.

    లాస్య ఇన్‌స్టాగ్రామ్ పోస్ట్

    ఈ సంతోషకరమైన సందర్భాన్ని పురస్కరించుకుని లాస్య తన ఇన్‌స్టాగ్రామ్ ఖాతాలో ఒక భావోద్వేగపూరితమైన పోస్ట్ చేశారు. “నాన్నా, నువ్వు మా కోసం ఎంత కష్టపడ్డావో, ఎన్ని త్యాగాలు చేశావో నాకు తెలుసు. ఈ కారు నీకు ప్రయాణాలలో చాలా సహాయపడుతుంది. మా నాన్నకు కారు కొనివ్వడంతో నా ఒక కల నెరవేరింది. నీ ఆరోగ్యం జాగ్రత్త నాన్న. ప్రేమతో, మీ చిన్న కూతురు,” అంటూ రాసుకొచ్చారు. ఈ పోస్ట్‌కు నెటిజన్ల నుంచి విశేష స్పందన వస్తోంది. తండ్రి కలను నెరవేర్చిన లాస్యను ప్రశంసలతో ముంచెత్తుతున్నారు.

    టాటా ఆల్ట్రోజ్ (Tata Altroz) గురించి

    భారతీయ మార్కెట్లో అత్యంత ప్రజాదరణ పొందిన ప్రీమియం హ్యాచ్‌బ్యాక్ కార్ల జాబితాలో టాటా ఆల్ట్రోజ్ ఒకటి. దీని ప్రారంభ ధర సుమారు రూ. 7 లక్షలు (ఎక్స్-షోరూమ్)గా ఉంది. ఆకర్షణీయమైన, సింపుల్ డిజైన్‌తో పాటు అత్యుత్తమ భద్రతా ఫీచర్లను ఇది కలిగి ఉంది. గ్లోబల్ NCAP క్రాష్ టెస్టులలో 5-స్టార్ సేఫ్టీ రేటింగ్ పొందిన ఈ కారు, ధర తక్కువగా ఉండటం మరియు మెరుగైన భద్రతా ప్రమాణాలను అందించడం వల్ల ఎక్కువ మంది వినియోగదారుల ఆదరణ పొందుతోంది.

    మార్కెట్లో ఆల్ట్రోజ్ సేల్స్

    సమాచారం ప్రకారం, భారతీయ మార్కెట్లో ఇప్పటి వరకు రెండు లక్షలకు పైగా టాటా ఆల్ట్రోజ్ కార్లు అమ్ముడయ్యాయి. దీన్నిబట్టి దేశీయ విపణిలో ఈ కారుకు ఉన్న డిమాండ్ స్పష్టంగా అర్థమవుతుంది. పెట్రోల్, డీజిల్ మరియు CNG ఇంజిన్ ఆప్షన్లతో పాటు, మల్టిపుల్ వేరియంట్లలో లభించే ఈ కారు మంచి పనితీరును అందిస్తుంది. దేశీయ ఆటోమొబైల్ దిగ్గజం టాటా మోటార్స్ నుంచి వచ్చిన ఈ నమ్మకమైన కారు, ఎంతోమందిని ఆకట్టుకోవడంలో విజయవంతమైంది.

    లాస్య గురించి

    యాంకర్ లాస్య తెలుగులో అనేక ప్రముఖ టీవీ షోలకు వ్యాఖ్యాతగా వ్యవహరించారు. వ్యక్తిగత జీవితంలో, ఆమె మంజునాథ్ అనే సాఫ్ట్‌వేర్ ఇంజినీర్‌ను ప్రేమ వివాహం చేసుకున్నారు. వివాహం తర్వాత కొన్ని వ్యక్తిగత ఇబ్బందులు ఎదుర్కొన్నప్పటికీ, వాటన్నింటినీ అధిగమించి ముందుకు సాగారు. ప్రస్తుతం అడపాదడపా టీవీ షోలలో కనిపిస్తూనే, సొంతంగా ఒక యూట్యూబ్ ఛానల్‌ను కూడా నడుపుతున్నారు. లాస్య తన భర్త, ఇద్దరు పిల్లలతో కలిసి హైదరాబాద్‌లో నివసిస్తుండగా, ఆమె తల్లిదండ్రులు కడపలో ఉంటున్నారు.

  • లాంచ్‌కు సిద్దమైన 2025 ఆల్ట్రోజ్ పేస్‌లిఫ్ట్ ఇదే.. పూర్తి వివరాలు

    లాంచ్‌కు సిద్దమైన 2025 ఆల్ట్రోజ్ పేస్‌లిఫ్ట్ ఇదే.. పూర్తి వివరాలు

    2025 Tata Altroz Facelift: దేశీయ వాహన తయారీ దిగ్గజం టాటా మోటార్స్, ఇప్పటికే ఇండియన్ మార్కెట్లో తన సరసమైన కారు ‘ఆల్ట్రోజ్’ను విజయవంతంగా విక్రయిస్తోంది. ఇప్పుడు, ఈ ఆల్ట్రోజ్ శ్రేణిలో అప్‌డేటెడ్ మోడల్ లేదా ఫేస్‌లిఫ్ట్ వెర్షన్ (2025 ఆల్ట్రోజ్) లాంచ్ చేయడానికి సిద్ధమవుతోంది. ఈ నెల 22న అధికారికంగా భారతీయ విఫణిలో అడుగెట్టనున్న ఈ సరికొత్త ఆల్ట్రోజ్ వివరాలు, లాంచ్‌కు ముందే కొన్ని ఆసక్తికరమైన అంశాలతో వెలుగులోకి వచ్చాయి. దీనికి సంబంధించిన మరిన్ని వివరాలను ఇక్కడ వివరంగా తెలుసుకుందాం.

    2025 టాటా ఆల్ట్రోజ్

    2020లో మార్కెట్లోకి ప్రవేశపెట్టిన టాటా ఆల్ట్రోజ్ కారు, మొదటి నుంచే అద్భుతమైన అమ్మకాలు సాధిస్తూ వినియోగదారుల ఆదరణ పొందింది. మారుతున్న కాలానికి అనుగుణంగా, మార్కెట్‌లోని పోటీని తట్టుకుని, కస్టమర్లను ఆకట్టుకోవడానికి కంపెనీ ఈ కారును ఎప్పటికప్పుడు అప్డేట్ చేస్తూనే ఉంది. ఇందులో భాగంగానే, టర్బో పెట్రోల్ మరియు CNG మోడల్స్ కూడా లాంచ్ చేసి తన పోర్ట్‌ఫోలియోను విస్తరించింది. ఇప్పుడు 2025 ఆల్ట్రోజ్ ఫేస్‌లిఫ్ట్ విడుదలతో మరో ముందడుగు వేయనుంది.

    డిజైన్ అప్డేట్స్

    సరికొత్త 2025 ఆల్ట్రోజ్ చూడటానికి దాదాపు ప్రస్తుతం ఉన్న మోడల్ మాదిరిగానే ఉన్నప్పటికీ, కొన్ని కీలకమైన మార్పులతో రానుంది.

    ఎక్స్‌టీరియర్ అప్‌డేట్స్

    • ఈ కారులోని హాలోజన్ ప్రొజెక్టర్ హెడ్‌ల్యాంప్‌ల స్థానంలో, ఎంబెడెడ్ ఎల్ఈడీ డీఆర్‌ఎల్‌లతో కూడిన కొత్త ఎల్ఈడీ ప్రొజెక్టర్ యూనిట్స్ అమర్చారు.
    • క్లోజ్డ్ గ్రిల్ షేప్ సరికొత్త ఫినిషింగ్ పొందుతుంది.
    • బంపర్ డిజైన్ కూడా మరింత ఆకర్షణీయంగా తీర్చిదిద్దారు.
    • వెనుక వైపు ఇన్ఫినిటీ ఎల్ఈడీ కనెక్టెడ్ టెయిల్‌ల్యాంప్‌లతో జతచేయబడిన బ్లాక్ అవుట్ టెయిల్‌గేట్ ప్రత్యేక ఆకర్షణగా నిలుస్తుంది.

    ఇంటీరియర్

    హ్యుందాయ్ ఐ20 మరియు మారుతి సుజుకి బాలెనొ వంటి ప్రత్యర్థులకు గట్టి పోటీనిచ్చేలా, టాటా ఆల్ట్రోజ్ అప్డేటెడ్ డ్యాష్‌బోర్డ్ మరియు అనేక నూతన ఫీచర్లను పొందుతుంది. ఏసీ కంట్రోల్స్ మరియు టాప్ మోడళ్లలో 10.25 ఇంచెస్ డిజిటల్ ఇన్‌స్ట్రుమెంట్ క్లస్టర్‌తో సహా అనేక అప్డేట్స్ ఉన్నాయి.

    ఇంజన్ ఆప్షన్స్

    సరికొత్త ఆల్ట్రోజ్ పెట్రోల్, డీజిల్ మరియు CNG పవర్‌ట్రెయిన్ ఆప్షన్స్‌తో వస్తుందని సమాచారం. అంతే కాకుండా, టర్బో పెట్రోల్ ఇంజిన్ కూడా పొందే అవకాశం ఉందని తెలుస్తోంది. అయితే, దీనికి సంబంధించిన అధికారిక ప్రకటన ఇంకా వెలువడలేదు.

    వేరియంట్లు

    2025 టాటా ఆల్ట్రోజ్ ఐదు ప్రధాన వేరియంట్లలో లాంచ్ అవుతుందని సమాచారం. అవి:

    • స్మార్ట్ (Smart)
    • ప్యూర్ (Pure)
    • క్రియేటివ్ (Creative)
    • అకంప్లిష్డ్ ఎస్ (Accomplished S)
    • అకంప్లిష్డ్ ప్లస్ ఎస్ (Accomplished Plus S)

    కంపెనీ వీటి ధరలను లాంచ్ సమయంలో అధికారికంగా వెల్లడించే అవకాశం ఉంది. బుకింగ్స్ ఎప్పుడు ప్రారంభమవుతాయనేది కూడా త్వరలోనే తెలియజేస్తారు.

    వేరియంట్స్ వారీగా ఫీచర్స్

    ➤ స్మార్ట్ ట్రిమ్:

    • ఆరు ఎయిర్‌బ్యాగ్‌లు
    • ఎలక్ట్రానిక్ స్టెబిలిటీ ప్రోగ్రామ్ (ESP)
    • ఎల్ఈడీ టెయిల్ లాంప్‌లు
    • ప్రొజెక్టర్ హెడ్‌ల్యాంప్‌లు
    • ఫ్లష్ సెట్టింగ్ ఫ్రంట్ డోర్ హ్యాండిల్స్

    ➤ ప్యూర్ ట్రిమ్:

    • 7 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్
    • ఆటో ఫోల్డ్ వింగ్ మిర్రర్స్
    • ఆటో క్లైమేట్ కంట్రోల్
    • ఎల్ఈడీ హెడ్‌ల్యాంప్స్
    • రివర్స్ కెమెరా
    • క్రూయిజ్ కంట్రోల్
    • సన్‌రూఫ్ (ఆప్షనల్)

    ➤ క్రియేటివ్ ట్రిమ్:

    • 360 డిగ్రీ కెమెరా
    • 10.25 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్
    • కీలెస్ గో
    • రియర్ ఏసీ వెంట్స్
    • యాంబియంట్ లైటింగ్
    • సన్‌రూఫ్ (ఆప్షనల్)

    ➤ అకంప్లిష్డ్ ట్రిమ్:

    • 16 ఇంచెస్ అల్లాయ్ వీల్స్
    • 7.0 ఇంచెస్ డిజిటల్ ఇన్‌స్ట్రుమెంట్ క్లస్టర్
    • ఎల్ఈడీ ఫాగ్ లాంప్స్
    • వైర్‌లెస్ స్మార్ట్‌ఫోన్ ఛార్జింగ్
    • ఇన్ఫినిటీ ఎల్ఈడీ టెయిల్‌ల్యాంప్స్
    • సన్‌రూఫ్
    • కాంట్రాస్ట్ ఫినిష్డ్ రూఫ్

    ➤ అకంప్లిష్డ్ ప్లస్ ఎస్ ట్రిమ్:

    • 10.25 ఇంచెస్ డిజిటల్ ఇన్‌స్ట్రుమెంట్ క్లస్టర్
    • కనెక్టెడ్ కార్ టెక్నాలజీ
    • బ్లైండ్ స్పాట్ మానిటరింగ్
    • ఎయిర్ ప్యూరిఫైయర్
    • మరిన్ని టాప్-ఎండ్ ఫీచర్లు