Martha Telugu

Tag: Tata Harrier EV

  • కొత్త టాటా హారియార్ ఈవీ: దీని గురించి తప్పకుండా తెలుసుకోవాల్సిన ఐదు విషయాలు

    కొత్త టాటా హారియార్ ఈవీ: దీని గురించి తప్పకుండా తెలుసుకోవాల్సిన ఐదు విషయాలు

    Top Five Highlights Of New Tata Harrier EV: దేశీయ వాహన తయారీ దిగ్గజం టాటా మోటార్స్ ఎట్టకేలకు తన ‘హారియార్ ఈవీ’ (Tata Harrier EV)ని మార్కెట్లోకి విడుదల చేసింది. కంపెనీ ఆవిష్కరించిన ఈ సరికొత్త ఎలక్ట్రిక్ కారు గురించి మీరు తప్పకుండా తెలుసుకోవలసిన ఐదు కీలక విషయాలను ఈ కథనంలో వివరంగా అందిస్తున్నాము.

    1. ధర & బుకింగ్స్ వివరాలు

    భారతీయ మార్కెట్లో అడుగుపెట్టిన కొత్త టాటా హారియార్ ఈవీ ప్రారంభ ధర రూ. 21.49 లక్షలు (ఎక్స్-షోరూమ్, ఇండియా). ఈ ఆకర్షణీయమైన ఎలక్ట్రిక్ SUV కోసం కంపెనీ 2025 జులై 2 నుంచి అధికారికంగా బుకింగ్స్ స్వీకరించడం ప్రారంభించింది. కాగా, వాహన డెలివరీలు ఆ తర్వాతి కాలంలో ప్రారంభమవుతాయని సమాచారం.

    2. ఆకర్షణీయమైన డిజైన్ మరియు మార్పులు

    టాటా హారియార్ ఈవీ చూడటానికి కొంతవరకు దాని ICE (ఇంటర్నల్ కంబషన్ ఇంజన్) వెర్షన్ మాదిరిగానే ఉన్నప్పటికీ, ఎలక్ట్రిక్ అవతార్‌కు ప్రత్యేకమైన కొన్ని కీలక మార్పులతో వస్తుంది. కొత్త హారియార్ ఈవీ కారులో కనెక్టెడ్ ఎల్ఈడీ లైట్ బార్, వినూత్నమైన డిజైన్‌తో కూడిన బంపర్, మరియు 19 అంగుళాల ఏరో-ఆప్టిమైజ్డ్ అల్లాయ్ వీల్స్‌తో కూడిన సొగసైన ఫ్రంట్ ఫాసియా వంటివి ప్రధాన ఆకర్షణలుగా నిలుస్తాయి. ఇవన్నీ సాధారణ హారియార్ నుంచి దీనిని స్పష్టంగా వేరు చేసి, ఒక ఫ్యూచరిస్టిక్ లుక్‌ను అందిస్తాయి.

    3. అత్యాధునిక ఫీచర్లు

    సౌకర్యం మరియు సాంకేతికత పరంగా హారియార్ ఈవీ అద్భుతమైన ఫీచర్లతో వస్తుంది. ఇందులో ప్రధానంగా:

    • 14.53 అంగుళాల భారీ టచ్‌స్క్రీన్ ఇన్ఫోటైన్‌మెంట్ సిస్టమ్
    • పూర్తి డిజిటల్ ఇన్‌స్ట్రుమెంట్ క్లస్టర్
    • ఇల్యూమినేటెడ్ లోగోతో కూడిన ఫోర్-స్పోక్ స్టీరింగ్ వీల్
    • వాయిస్-అసిస్టెడ్ పనోరమిక్ సన్‌రూఫ్
    • ఎలక్ట్రికల్‌గా అడ్జస్ట్ చేయగల వెంటిలేటెడ్ ఫ్రంట్ సీట్లు
    • డాల్బీ అట్మాస్ 5.1 సరౌండ్ సౌండ్‌తో కూడిన 10-స్పీకర్ JBL సౌండ్ సిస్టం
    • డిజిటల్ ఇన్నర్ రియర్‌వ్యూ మిర్రర్ (IRVM)
    • బహుళ డ్రైవ్ మోడ్‌లు (నాలుగు డ్రైవ్ మోడ్స్)
    • అధునాతన కనెక్టెడ్ కార్ టెక్నాలజీ ఫీచర్లు
    • ఓవర్-ది-ఎయిర్ (OTA) సాఫ్ట్‌వేర్ అప్‌డేట్స్

    ఈ అత్యాధునిక ఫీచర్లు వాహన వినియోగదారులకు సౌకర్యవంతమైన మరియు ఆనందదాయకమైన డ్రైవింగ్ అనుభూతిని అందిస్తాయి.

    4. పర్ఫామెన్స్ & స్పెసిఫికేషన్లు

    కొత్త టాటా హారియార్ ఈవీ, టాటా యొక్క నూతన Acti.EV (యాక్టివ్ ఎలక్ట్రిక్ వెహికల్) ప్లాట్‌ఫామ్‌పై ఆధారపడి అభివృద్ధి చేయబడింది. ఇది డ్యూయెల్ మోటార్ సెటప్‌ను కలిగి ఉండి, ఆల్-వీల్ డ్రైవ్ (AWD) సిస్టమ్‌ను అందిస్తుంది. ఈ కారు రెండు బ్యాటరీ ప్యాక్ ఆప్షన్లతో వస్తుంది:

    • 65 kWh బ్యాటరీ ప్యాక్
    • 75 kWh బ్యాటరీ ప్యాక్

    వేగం మరియు రేంజ్ (Speed and Range)

    కేవలం 6.3 సెకన్లలో 0 నుంచి 100 కిలోమీటర్ల వేగాన్ని అందుకునే సామర్థ్యం ఈ కారుకు ఉంది. ఒక పూర్తి ఛార్జ్‌తో గరిష్టంగా 627 కిలోమీటర్ల రేంజ్‌ను అందిస్తుందని కంపెనీ పేర్కొంది.

    ఛార్జింగ్ సమయం (Charging Time)

    • 7.2 kW ఏసీ ఛార్జర్ ద్వారా 100% ఛార్జ్ కావడానికి సుమారు 10.7 గంటల సమయం పడుతుంది.
    • 120 kW డీసీ ఫాస్ట్ ఛార్జర్ ద్వారా 20% నుంచి 80% ఛార్జ్ కావడానికి కేవలం 25 నిమిషాల సమయం మాత్రమే పడుతుంది.

    ఈ గణాంకాలు, హారియార్ ఈవీ రోజువారీ ప్రయాణాలకు మరియు సుదూర ప్రయాణాలకు కూడా చాలా అనుకూలంగా ఉంటుందని సూచిస్తున్నాయి.

    5. మార్కెట్లో హారియార్ ఈవీ ప్రత్యర్థులు

    భారతీయ ఎలక్ట్రిక్ SUV మార్కెట్లో టాటా హారియార్ ఈవీకి గట్టి పోటీ ఎదురుకానుంది. దీనికి ప్రధాన ప్రత్యర్థులుగా:

    • మహీంద్రా బీఈ 6 (Mahindra BE.06)
    • మహీంద్రా ఎక్స్‌యూవీ 9ఈ (Mahindra XUV.e9)
    • త్వరలో విడుదల కానున్న మారుతి సుజుకి ఈ-విటారా (Maruti Suzuki eVitara)

    ఈ మోడళ్లతో పాటు, ఇతర ప్రముఖ ఎలక్ట్రిక్ SUVల నుంచి కూడా పోటీ ఉంటుంది. ఏదేమైనా, టాటా హారియార్ ఈవీ తన విశిష్టమైన ఫీచర్లు, ఆకర్షణీయమైన ధర మరియు టాటా బ్రాండ్ నమ్మకంతో మార్కెట్లో తనదైన స్థానాన్ని పటిష్టం చేసుకుంటుందని ఆశించవచ్చు.

  • ఈ నెలలో (జూన్) లాంచ్ అయ్యే కొత్త కార్లు ఇవే: పూర్తి వివరాలు

    ఈ నెలలో (జూన్) లాంచ్ అయ్యే కొత్త కార్లు ఇవే: పూర్తి వివరాలు

    Upcoming Car Launches in India June 2025: 2025 ప్రారంభమై ఐదు నెలలు పూర్తయింది. ఆరో నెల కూడా మొదలైపోయింది. ఇప్పటికే దేశీయ విఫణిలో లెక్కకు మించిన కార్లు లాంచ్ అయ్యాయి. ఈ నెలలో కూడా మరికొన్ని కార్లు లాంచ్ కావడానికి సిద్ధమయ్యాయి. ఇందులో టాటా కారు, మెర్సిడెస్ బెంజ్ కార్లు ఉన్నాయి. ఈ కార్ల గురించి మరిన్ని వివరాలు ఈ కథనంలో తెలుసుకుందాం..

    టాటా హారియార్ ఈవీ (Tata Harrier EV)

    దేశీయ మార్కెట్లో లాంచ్ కావడానికి సిద్దమవుతున్న కార్లలో టాటా మోటార్స్ యొక్క ‘హారియార్ ఈవీ’ (Harrier EV) ఒకటి. 2025 ఆటో ఎక్స్‌పోలో కనిపించిన ఈ ఎలక్ట్రిక్ కారు.. ఈ నెలలో మార్కెట్లో అడుగుపెట్టనుంది. కాగా.. ధరలు మాత్రం వచ్చే నెలలో వెల్లడయ్యే అవకాశం ఉందని తెలుస్తోంది.

    డిజైన్ & ఫీచర్లు

    విడుదలకు సిద్దమవుతున్న కొత్త టాటా హారియార్, సీల్ట్ గ్రిల్, కనెక్టెడ్ డేటైమ్ రన్నింగ్ లైట్స్, షార్పర్ టెయిల్ ల్యాంప్ ఎల్ఈడీ లైట్స్, ఏరో ఫ్రెండ్లీ అల్లాయ్ వీల్స్ వంటివన్నీ పొందుతుంది. ఈ కారులో 12.3 ఇంచెస్ ఇన్ఫోటైన్‌మెంట్ టచ్‌స్క్రీన్, డిజిటల్ డ్రైవర్ డిస్‌ప్లే, ఫోర్ స్పోక్ స్టీరింగ్ వీల్, పనోరమిక్ సన్‌రూఫ్ మొదలైన ఫీచర్స్ ఉంటాయి.

    పర్ఫామెన్స్ మరియు రేంజ్

    టాటా హారియార్ ఈవీఅనేది .. ఒమేగా ప్లాట్‌ఫామ్‌పై నిర్మించబడి ఉంటుంది. ఈ కారు 500 న్యూటన్ మీటర్ టార్క్ ప్రొడ్యూస్ చేసే డ్యూయెల్ మోటార్ ఆల్ వీల్ డ్రైవ్ సెటప్ పొందుతుంది. అయితే కంపెనీ బ్యాటరీ స్పెక్స్ గురించి వెల్లడించలేదు. అయినప్పటికీ.. ఈ కారు ఒక సింగిల్ ఛార్జితో 500 కిమీ కంటే ఎక్కువ రేంజ్ అందిస్తుందని సమాచారం.

    మెర్సిడెస్ ఏఎంజీ జీ63 కలెక్టర్స్ ఎడిషన్ (Mercedes AMG G63 Collector’s Edition)

    ఈ కారును కంపెనీ జూన్ 12న దేశీయ విఫణిలో అధికారికంగా లాంచ్ చేయనున్నట్లు సమాచారం. ఇది భారతీయ సంస్కృతి మరియు సౌందర్యశాస్త్రం నుంచి ప్రేరణ పొందిన కాస్మెటిక్ అప్డేట్స్ పొందుతుంది. దీనికి కంపెనీ ప్రత్యేకంగా అభివృద్ధి చేస్తున్నట్లు తెలుస్తోంది. ఇందులో స్పెషల్ అపోల్స్ట్రే.. బే స్పోక్ పెయింట్ ఫినిషింగ్ వంటివి ఉన్నాయి.

    ఇంజిన్ మరియు పనితీరు

    కాస్మొటిక్ అప్డేట్స్ ఉన్నప్పటికీ.. యాంత్రికంగా ఎలాంటి మార్పు లేదని స్పష్టమవుతోంది. కాబటికి ఈ కొత్త మెర్సిడెస్ ఏఎంజీ జీ63 కలెక్టర్స్ ఎడిషన్ కారులో 4.0 లీటర్ ట్విన్ టర్బో వీ8 మైల్డ్ హైబ్రిడ్ ఇంజిన్ ద్వారా 585 హార్స్ పవర్ మరియు 850 న్యూటన్ మీటర్ టార్క్ ప్రొడ్యూస్ చేస్తుంది. ఇంజిన్ 9 స్పీడ్ ఆటోమాటిక్ గేర్‌బాక్స్ కలిగి.. ఆల్ వీల్ డ్రైవ్ సిస్టం కూడా పొందుతుంది.

    అంచనా ధర

    కంపెనీ ఈ కొత్త కారు ధరలను అధికారికంగా వెల్లడించలేదు. కానీ దీని ధర రూ. 3.64 కోట్ల కంటే ఎక్కువ ఉంటుందని భావిస్తున్నారు.

    మెర్సిడెస్ ఏఎంజీ జీటీ 63 అండ్ ప్రో (Mercedes AMG GT 63 And Pro)

    ఈ నెలలో ఇండియన్ మార్కెట్లో అడుగుపెట్టనున్న మరో కారు.. మెర్సిడెస్ ఏఎంజీ జీటీ 63 అండ్ ప్రో. ఇది జూన్ 27న ఇండియన్ మార్కెట్లోకి అధికారికంగా అడుగుపెట్టే అవకాశం ఉంది. ఇది ”స్టాండర్డ్ 63 4మ్యాటిక్ ప్లస్, స్ట్రాంగ్ జీటీ 63 ప్రో 4 మ్యాటిక్” అనే రెండు వేరియంట్లలో లాంచ్ అయ్యే అవకాశం ఉంది. ఇది 2+2 సీటింగ్ లేఅవుట్, ఎక్కువ బూట్ స్పేస్ మరియు టెక్ రిచ్ క్యాబిన్ వంటివి పొందుతుంది.

    ఇంజిన్ మరియు పనితీరు

    కొత్త మెర్సిడెస్ ఏఎంజీ జీటీ 63 అండ్ ప్రో కారు 4.0 లీటర్ ట్విన్ టర్బో వీ8 ఇంజిన్ పొందుతుంది. జీటీ 63 వేరియంట్ 585 హార్స్ పవర్ మరియు 800 న్యూటన్ మీటర్ టార్క్ ప్రొడ్యూస్ చేస్తే.. జీటీ 63 ప్రో వేరియంట్ 612 హార్స్ పవర్ మరియు 850 న్యూటన్ మీటర్ టార్క్ అందిస్తుంది. జీటీ 63 టాప్ స్పీడ్ 315 కిమీ / గం కాగా.. ప్రో వేరియంట్ టాప్ స్పీడ్ 317 కిమీ / గం. ఈ రెండు వేరియంట్లు 3.2 సెకన్లలో 0 నుంచి 100 కిమీ వరకు వేగవంతమవుతాయి.

  • టాటా హారియర్ ఈవీ లాంచ్ ఎప్పుడంటే?: ఫీచర్లు, రేంజ్ & మరిన్ని వివరాలు

    టాటా హారియర్ ఈవీ లాంచ్ ఎప్పుడంటే?: ఫీచర్లు, రేంజ్ & మరిన్ని వివరాలు

    Tata Harrier EV: భారతీయ ఎలక్ట్రిక్ వాహన రంగంలో అగ్రగామిగా కొనసాగుతున్న టాటా మోటార్స్, మరో శక్తివంతమైన కారును ఎలక్ట్రిక్ రూపంలో మార్కెట్లోకి తీసుకురావడానికి సన్నాహాలు చేస్తోంది. ఆసక్తిగా ఎదురుచూస్తున్న ఈ కొత్త ఎలక్ట్రిక్ కారు ‘హారియర్ ఈవీ’. తాజా సమాచారం ప్రకారం, ఈ వాహనాన్ని కంపెనీ 2025 జూన్ 3న అధికారికంగా విడుదల చేయనున్నట్లు తెలుస్తోంది.

    ఆవిష్కరణ మరియు కీలక వివరాలు

    టాటా మోటార్స్ ప్రతిష్టాత్మకంగా తీసుకురానున్న హారియర్ ఈవీ మొదటిసారిగా 2025 భారత్ మొబిలిటీ గ్లోబల్ ఎక్స్‌పోలో ప్రదర్శించబడింది. ఇది టాటా యొక్క నూతన యాక్టీ.ఈవీ ప్లస్ (Acti.ev Plus) ఆర్కిటెక్చర్‌పై నిర్మితమైంది. ఈ అధునాతన ప్లాట్‌ఫాం కారణంగా, హారియర్ ఈవీ ఒక పూర్తి ఛార్జ్‌పై 500 కిలోమీటర్లకు పైగా రేంజ్ అందిస్తుందని అంచనా. మార్కెట్లో ఇది మహీంద్రా ఎక్స్ఈవీ 9ఈ (Mahindra XUV9e) వంటి మోడళ్లకు గట్టి పోటీనిస్తుందని భావిస్తున్నారు.

    ఆకట్టుకునే డిజైన్‌

    విడుదలకు సిద్ధమవుతున్న కొత్త టాటా హారియర్ ఈవీ ఆకట్టుకునే డిజైన్‌తో, చూడగానే ఆకర్షించేలా ఉంటుంది. దీని హెడ్‌ల్యాంప్ మరియు డేటైమ్ రన్నింగ్ లైట్స్ (DRL) వంటివి చాలా ప్రత్యేకంగా, ఫ్యూచరిస్టిక్ లుక్‌తో రూపొందించబడ్డాయి. అప్‌డేటెడ్ గ్రిల్, కొత్త బంపర్ డిజైన్ ఈ ఎలక్ట్రిక్ వాహనానికి మరింత ఆకర్షణను జోడిస్తాయి. అలాగే, టర్బైన్ బ్లేడ్ స్టైల్ అల్లాయ్ వీల్స్ పొందుతుందని సమాచారం.

    ఇంటీరియర్ డిజైన్‌

    కేవలం బాహ్య రూపమే కాకుండా, హారియర్ ఈవీ ఇంటీరియర్ ఫీచర్లు కూడా వాహన వినియోగదారులకు సౌకర్యవంతమైన మరియు ఆధునిక అనుభూతిని అందించేలా ఉంటాయని తెలుస్తోంది. విశాలమైన క్యాబిన్, ప్రీమియం మెటీరియల్స్, మరియు లేటెస్ట్ టెక్నాలజీ ఫీచర్లు ఇందులో ఉండనున్నాయి.

    పనితీరు మరియు రేంజ్

    టాటా హారియర్ ఈవీ డ్యూయెల్ మోటార్ సెటప్‌తో వస్తుందని, ఇది క్వాడ్ వీల్ డ్రైవ్ (ఆల్-వీల్ డ్రైవ్) ఆప్షన్‌ను అందిస్తుందని అంచనా. ఈ పవర్‌ట్రైన్ సుమారు 500 న్యూటన్ మీటర్ల టార్క్ ఉత్పత్తి చేస్తుందని భావిస్తున్నారు, ఇది అద్భుతమైన యాక్సిలరేషన్ మరియు డ్రైవింగ్ అనుభవాన్ని అందిస్తుంది. ఈ కారును కంపెనీ ప్రత్యేకంగా ఎక్కువ రేంజ్ అందించేలా తీర్చిదిద్దుతోంది. వాస్తవ ప్రపంచంలో ఈ కారు రేంజ్ 500 కిమీ వరకు ఉంటుందని టాటా ప్యాసింజర్ ఎలక్ట్రిక్ మొబిలిటీ చీఫ్ కమర్షియల్ ఆఫీసర్ వివేక్ శ్రీ వత్స పేర్కొన్నారు. అయితే, బ్యాటరీ స్పెసిఫికేషన్లకు సంబంధించిన వివరాలను కంపెనీ ఇంకా అధికారికంగా వెల్లడించలేదు.

    పర్యావరణ హితం దిశగా టాటా మోటార్స్ ప్రయాణం

    భారతదేశంలో టాటా మోటార్స్ తన ‘ఓపెన్ కొలాబరేషన్ 2.0’ చొరవలో భాగంగానే ఎలక్ట్రిక్ వాహనాలను వేగంగా అభివృద్ధి చేసి, మార్కెట్లోకి విడుదల చేస్తోంది. పర్యావరణ పరిరక్షణకు ప్రాధాన్యతనిస్తూ, ఎప్పటికప్పుడు మార్కెట్లో కొత్త కార్లు లేదా అప్‌డేటెడ్ ఈవీలను లాంచ్ చేస్తోంది. అంతే కాకుండా, తమ బ్రాండ్ వాహనాల కోసం పబ్లిక్ ఛార్జింగ్ స్టేషన్లను కూడా విస్తృతంగా ఏర్పాటు చేస్తోంది. 2027 నాటికి దేశవ్యాప్తంగా 4,00,000 ఛార్జింగ్ పాయింట్లను ఏర్పాటు చేయడమే లక్ష్యంగా టాటా మోటార్స్ పనిచేస్తోంది.

    భారతదేశంలో టాటా ఎలక్ట్రిక్ వాహనాల లైనప్

    ఇప్పటికే భారతీయ మార్కెట్లో టాటా మోటార్స్ విజయవంతంగా నెక్సాన్ ఈవీ, కర్వ్ ఈవీ, పంచ్ ఈవీ, టియాగో ఈవీ మరియు టిగోర్ ఈవీ వంటి పలు ఎలక్ట్రిక్ మోడళ్లను విక్రయిస్తోంది. ఈ విజయవంతమైన జాబితాలోకి ఇప్పుడు కొత్తగా హారియర్ ఈవీ కూడా చేరనుంది. రాబోయే రోజుల్లో కంపెనీ మరిన్ని కార్లను ఎలక్ట్రిక్ రూపంలో లాంచ్ చేసే అవకాశం కూడా ఉంది.

    నెక్సాన్ ఈవీ: అమ్మకాలలో అగ్రగామి

    టాటా మోటార్స్ 2020లో తన మొట్టమొదటి పూర్తిస్థాయి ఎలక్ట్రిక్ SUV అయిన నెక్సాన్ ఈవీను లాంచ్ చేసింది. అప్పటి నుంచి ఇది వినియోగదారుల ఆదరణ పొందుతూ, ఎప్పటికప్పుడు పలు అప్‌డేట్‌లను అందుకుంటూనే ఉంది. భారతీయ మార్కెట్లో ఇది ఇప్పటికే 2,00,000 కంటే ఎక్కువ అమ్మకాలను సాధించింది. దీంతో, అతి తక్కువ కాలంలోనే అత్యధిక అమ్మకాలు పొందిన ఎలక్ట్రిక్ కారుగా నెక్సాన్ ఈవీ రికార్డ్ సృష్టించింది.

    భవిష్యత్తులో మరిన్ని టాటా ఎలక్ట్రిక్ కార్లు

    టాటా మోటార్స్ భవిష్యత్తులో తన ప్రఖ్యాత ‘సియెర్రా’ కారును కూడా ఎలక్ట్రిక్ రూపంలో లాంచ్ చేయడానికి సన్నద్ధమవుతున్నట్లు సమాచారం. దీనికి సంబంధించిన అధికారిక ప్రకటన ఇంకా వెలువడాల్సి ఉంది. హారియర్ ఈవీ విజయంతో, టాటా ఎలక్ట్రిక్ వాహన విభాగంలో తన స్థానాన్ని మరింత సుస్థిరం చేసుకోనుంది.