Shobha Shetty Gift Mahindra XUV700 For Her To Be Husband: సాధారణంగా ఎక్కడైనా అబ్బాయిలే అమ్మాయిలకు గిఫ్ట్స్ ఇచ్చి సర్‌ప్రైజ్ ఇస్తుంటారు. అది ప్రేమించే సమయంలో కావచ్చు, పెళ్ళికి ముంచు కావొచ్చు.. లేదా పెళ్లి తరువాతైనా కావొచ్చు. అయితే ఇటీవల ప్రముఖ బుల్లితెర నటి ‘శోభా శెట్టి’ (Shobha Shetty) కాబోయేవాడికి ఖరీదైన గిఫ్ట్ ఇచ్చింది. ప్రస్తుతం ఈ వార్త సోషల్ మీడియాలో తెగ వైరల్ అవుతోంది. ఇంతకీ మన శోభా శెట్టి.. తనకు కాబోయే భర్తకు ఏ కారు గిఫ్ట్ ఇచ్చింది? దాని ధర ఎంత? వంటి మరిన్ని ఆసక్తికర విషయాలు వివరంగా ఈ కథనంలో తెలుసుకుందాం.
కార్తీక దీపం మోనిత (శోభా శెట్టి)
నిజానికి నటి శోభా శెట్టి గురించి తెలుగు ప్రజలకు మాత్రమే పెద్దగా పరిచయమే అవకాశం లేదు. ఎందుకంటే బిగ్బాస్ సీజన్ 7లో అమర్ దీప్, ప్రియాంకలతో కలిసి పెద్ద హంగామా చేసి.. మంచి గుర్తింపు తెచ్చుకుని ఎంతోమంది అభిమానులను సంపాదించుకుంది. బిగ్‌బాస్‌లోకి రావడానికంటే ముందు ఈ అమ్మడు ‘కార్తీక దీపం’ సీరియల్‌లో మోనిత.. విలన్ పాత్రలో అందరిని ఆకట్టుకుంది.
సీరియల్‌లో మంచి గుర్తింపు తెచ్చుకున్న తరువాత బిగ్బాస్ సీజన్ 7లోకి అడుగుపెట్టింది. కార్తీక దీపంలో నటిస్తున్నప్పుడే శోభా శెట్టికి.. తన సహనటుడు యశ్వంత్‌కు మధ్య స్నేహం ఏర్పడింది. ఆ స్నేహమే ఆ తరువాత ప్రేమగా మారింది. వీరిద్దరూ ఇటీవలే నిశ్చితార్థం కూడా చేసుకున్నారు. ఇక త్వరలో ఒక్కటి కానున్నారు.
శోభా శెట్టి తన పెళ్ళికి ముందే కాబోయే వాడి పుట్టిన రోజుకు ‘మహీంద్రా’ (Mahindra) కంపెనీ యొక్క ‘ఎక్స్‌యూవీ 700’ (XUV 700) కారును గిఫ్ట్ ఇచ్చింది. దీనికి సంబంధించిన ఫోటోలు నెట్టింట్లో వైరల్ అవుతున్నాయి. కొత్త కారు కొన్న సందర్భంగా ఫోటోలను తన ఎక్స్ (ట్విటర్) ఖాతాలో పోస్ట్ చేస్తూ.. నేను, నా పప్పు అంటూ క్యాప్షన్ ఇచ్చింది. కొత్త కారు కొన్న సందర్భంగా శోభా శెట్టి అభిమానులు శుభాకాంక్షలు చెబుతున్నారు.
మహీంద్రా ఎక్స్‌యూవీ 700 (Mahindra XUV 700)
దేశీయ వాహన తయారీ సంస్థ మహీంద్రా అండ్ మహీంద్రా భారతదేశంలో తన ఎక్స్‌యూవీ 700 కారును లాంచ్ చేసినప్పటి నుంచి మంచి అమ్మకాలను పొందుతోంది. ఇప్పటికి కూడా ఈ కారుకున్న డిమాండ్ ఏ మాత్రం తగ్గడం లేదు. నిజానికి ఈ కారు మార్కెట్లో లాంచ్ కావడానికి ముందే కనీవినీ ఎరుగని రీతిలో బుకింగ్స్ పొంది.. బుకింగ్స్ పరంగా సరికొత్త రికార్డ్ క్రియేట్ చేసింది.
మహీంద్రా కంపెనీ తన ఎక్స్‌యూవీ 700 కారును మల్టిపుల్ వేరియంట్లలో లాంచ్ చేసింది. ఈ కారు ప్రారంభ ధర లాంచ్ సమయంలో రూ. 11.99 లక్షల నుంచి రూ. 21.59 లక్షలు (ధరలు ఎక్స్ షోరూమ్). ఇది 5 సీటర్ మరియు 7 సీటర్ వేరియంట్లలో లాంచ్ అయింది. అయితే బుల్లితెర నటి శోభా శెట్టి.. యశ్వంత్‌కు గిఫ్ట్‌గా ఇచ్చిన కారు ఏ వేరియంట్? ఏ ఇంజిన్ ఆప్షన్ పొంది ఉంది అనే వివరాలు అధికారికంగా వెల్లడి కాలేదు. సోషల్ మీడియాలో వెల్లడైన ఫోటోల ప్రకారం ఇది 7 సీటర్ వేరియంట్ అయి ఉంటుందని భావిస్తున్నాము.
ఎక్స్‌యూవీ 700 కారు రెండు ఇంజిన్ ఆప్షన్స్ పొందుతుంది. ఒక 2.0 లీటర్ పెట్రోల్ ఇంజిన్, మరొకటి 2.2 లీటర్ డీజిల్ ఇంజిన్. పెట్రోల్ ఇంజిన్ 200 హార్స్ పవర్ మరియు 300 న్యూటన్ మీటర్ టార్క్ ప్రొడ్యూస్ చేస్తుంది. ఇది 6 స్పీడ్ మాన్యువల్ మరియు ఆటోమాటిక్ గేర్‌బాక్స్ ఆప్షన్స్ పొందుతుంది. డీజిల్ ఇంజిన్ 155 హార్స్ పవర్ మరియు 360 న్యూటన్ మీటర్ టార్క్ అందిస్తుంది. ఇది కేవలం 6 స్పీడ్ మాన్యువల్ గేర్‌బాక్స్ ఆప్షన్ పొందుతుంది. పనితీరు పరంగా ఈ కార్లు చాలా ఉత్తమంగా ఉంటాయని ఇప్పటికే చాలామంది నిర్థారించారు.
Don’t Miss: తరాలు మారినా.. చరిత్రలో నిలిచిపోయే బైకులు ఇవే!.. ఒక్కొక్కటి ఓ అద్బుతం
భారతీయ మార్కెట్లో హ్యుందాయ్ క్రెటా, ఆల్కజార్, కియా సెల్టోస్, ఎంజీ హెక్టర్, హెక్టర్ ప్లస్, స్కోడా కుషాక్ మరియు టాటా సఫారీ వంటి వాటికి ప్రత్యరహిగా ఉండే మహీంద్రా ఎక్స్‌యూవీ 700 చూడగానే ఆకర్శించబడే డిజైన్ కలిగి.. మల్టిపుల్ కలర్ ఆప్షన్స్ పొందుతుంది.
మహీంద్రా కంపెనీ మొదటిసారిగా ఏడీఎస్ఎస్ (అడ్వాన్స్డ్ డ్రైవర్ అసిస్ట్ సిస్టం) టెక్నాలజీ ప్రవేశపెట్టింది. ఇది వాహన వినియోగదారుల యొక్క భద్రతహను నిర్థారిస్తుంది. ఫీచర్స్ గురించి ప్రత్యేకంగా చెప్పుకోవాల్సిన అవడసరం లేదు. ఎందుకంటే ఆధునిక కాలంలో వాహన వినియోగదారులకు అవసరమైన దాదాపు అన్ని ఫీచర్స్ ఇందులో ఉంటాయి. ఇవన్నీ ప్రయాణికులకు మంచి డ్రైవింగ్ అనుభూతిని అందిస్తాయి. మొత్తం మీద ఎక్స్‌యూవీ 700 అనేది భారతీయుల మది దోచిన అత్యుత్తమ మోడల్ అని తెలుస్తోంది.