BMW S 1000 RR Launched in India: బీఎండబ్ల్యూ మోటోరాడ్ (BMW Motorrad) సంస్థ ‘భారత్ మొబిలిటీ గ్లోబల్ ఎక్స్‌పో 2025’లో తన అప్డేటెడ్ ఎస్ 1000 ఆర్ఆర్ (S 1000 RR) బైక్ లాంచ్ చేసింది. ఈ బైక్ ధర అక్షరాలా రూ. 21.20 లక్షలు (ఎక్స్ షోరూమ్). దీని గురించి మరిన్ని వివరాలు ఇక్కడ తెలుసుకుందాం.
ఆటో ఎక్స్‌పో 2025లో కనిపించిన బైక్ అప్డేటెడ్ మోడల్, కాబట్టి ఇందులో పెద్దగా ఆశించదగ్గ మార్పులు లేదా అప్డేట్స్ లేదు. కాబట్టి చూడటానికి అదే డిజైన్ కలిగి ఉన్నప్పటికీ.. కొత్త బాడీవర్క్ పొందినట్లు స్పష్టమవుతోంది. కంపెనీ ఈ బైక్ కోసం బుకింగ్స్ స్వీకరించడం కూడా మొదలుపెట్టింది. కాగా డెలివరీలో ఏప్రిల్ నెలలో ప్రారంభమయ్యే అవకాశం ఉంది.
డిజైన్
కొత్త 2025 బీఎండబ్ల్యూ ఎస్ 1000 ఆర్ఆర్ బైక్.. చూడగానే ఆకర్శించే డిజైన్ పొందుతుంది. కొత్త ఫెయిరింగ్, వింగ్‌లెట్ డిజైన్‌తో అప్డేట్ చేయబడిన ఫ్రంట్ ఫాసియాను పొందుతుంది. ఈ బైక్ ముందు భాగంలో వీల్ కవర్ ఉండటం చూడవచ్చు. ఇది ఫ్రంట్ బ్రేక్ కాలిపర్‌లకు చల్లని గాలిని ప్రసారం చేయడానికి ఉపయోగపడుతుంది. ఇవి కాకుండా ఈ బైకులో చెప్పుకోదగ్గ మార్పులు లేవు.
ఫీచర్స్
2025 బీఎండబ్ల్యూ ఎస్ 1000 ఆర్ఆర్ యొక్క ఫీచర్స్ విషయానికి వస్తే.. ఇందులో డిజిటల్ ఇన్‌స్ట్రుమెంట్ కన్సోల్, డిజిటల్ ఓడోమీటర్, డిజిటల్ స్పీడోమీటర్, హాజర్డ్ వార్ణింగ్ ఇండికేటర్, స్టాండ్ అలారం, గేర్ ఇండికేటర్, ఫ్యూయెల్ ఇండికేటర్, లో బ్యాటరీ ఇండికేటర్, మొబైల్ ఫోన్ కనెక్టివిటీ, ఎల్ఈడీ లైటింగ్ సెటప్, జీపీఎస్ న్యావిగేషన్, ఎలక్ట్రిక్ స్టార్ట్, క్రూయిజ్ కంట్రోల్ మరియు ట్రాక్షన్ కంట్రోల్ వంటివన్నీ ఉన్నాయి.
కొత్త బీఎండబ్ల్యూ ఎస్ 1000 ఆర్ఆర్ బైక్ మూడు కలర్ ఆప్షన్లలో లభిస్తుంది. అవి బ్లాక్ స్టార్మ్ మెటాలిక్, బ్లూస్టోన్ మెటాలిక్ మరియు లైట్ వైట్ సాలిడ్. ఇవన్నీ చూడటానికి చాలా ఆకర్షణీయంగా ఉన్నాయి. ఈ సూపర్ బైకులో నాలుగు రైడింగ్ మోడ్స్ (రెయిన్, రోడ్, డైనమిక్ మరియు రేస్) ఉన్నాయి. కాబట్టి అత్యుత్తమ పనితీరును అందిస్తుంది.
Also Read: స్టైలిష్ కారు ‘ఎంజీ సైబర్‌స్టర్’ బుకింగ్స్ షూరూ: డెలివరీలు ఎప్పుడంటే?
ఇంజిన్ వివరాలు
2025 బీఎండబ్ల్యూ ఎస్ 1000 ఆర్ఆర్ బైక్ 999 సీసీ ఇన్‌లైన్ ఫోర్ సిలిండర్ ఇంజిన్ పొందుతుంది. ఇది 13750 rpm వద్ద 210 హార్స్ పవర్, 11000 rpm వద్ద 113 న్యూటన్ మీటర్ టార్క్ అందిస్తుంది. ఇది కేవలం 3.3 సెకన్లలో గంటకు 0 నుంచి 100 కిమీ వరకు వేగవంతం అవుతుంది. దీని టాప్ స్పీడ్ గంటకు 300 కిమీ కావడం గమనార్హం. ఇది అడ్జస్టబుల్ లివర్స్ మరియు బై డైరెక్షనల్ క్విక్ షిఫ్టర్ వంటి కూడా పొందుతుంది.
ఖరీదైన బైకులకు డిమాండ్ ఎలా ఉందంటే?
ప్రస్తుతం భారతదేశంలో లెక్కలేనన్ని బైక్స్ అందుబాటులో ఉన్నాయి. ఇందులో సరసమైన బైకులు ఉన్నాయి, అత్యంత ఖరీదైన బైకులు ఉన్నాయి. సాధారణంగా రోజువారీ వినియోగానికి చాలామంది తక్కువ ధర వద్ద కొంత ఎక్కువ మైలేజ్ ఇచ్చే బైకులనే కొనుగోలు చేస్తుంటారు. కానీ కొంతమంది బైక్ లవర్స్ మాత్రమే ఈ ఖరీదైన బైకులను కొనుగోలు చేస్తుంటారు.
Also Read: లక్షలమంది మెచ్చిన ‘హ్యుందాయ్ క్రెటా ఈవీ’ వచ్చేసింది: ధర ఎంతో తెలుసా?
ఖరీదైన బైకులు లాంగ్ రైడ్ చేయడానికి లేదా అడ్వెంచర్స్ చేయడానికి చాలా ఉపయోగకరంగా ఉంటాయి. ఇలాంటి బైకులను కొనుగోలు చేసేవారు మైలేజ్ గురించి పెద్దగా పట్టించుకోరు. అంతే కాకుండా బైక్ తయారీ సంస్థలే.. వీటికి పెద్ద ఫ్యూయెల్ ట్యాంక్ అందిస్తాయి. కాబట్టి ఒక ఫుల్ ట్యాంక్ ఇంధనం ద్వారా ఎక్కువ దూరం ప్రయాణించవచ్చు.
ప్రస్తుతం మార్కెట్లోని ఖరీదైన బైకులు
భారతీయ మార్కెట్లో చాలా ఖరీదైన బైకులు ఉన్నాయి. ఇందులో బీఎండబ్ల్యూ కంపెనీ లాంచ్ చేసిన ఎస్ 1000 ఆర్ఆర్ మాత్రమే కాకుండా.. కవాసకి నింజా హెచ్2ఆర్ (రూ. 79.90 లక్షలు), డుకాటీ పాణిగెల్ వీ4 ఆర్ (రూ. 70 లక్షలు), బీఎండబ్ల్యూ ఎమ్ 1000 ఆర్ఆర్ (రూ. 49 లక్షలు), హార్లే డేవిడ్సన్ రోడ్ గ్లైడ్ స్పెషల్ (రూ. 41.79 లక్షలు), హోండా గోల్డ్‌వింగ్ టూర్ (రూ. 39.20 లక్షలు) మొదలైనవి ఉన్నాయి.
