Hero MotoCorp Bikes and Scooter Launches in Auto Expo 2025: మార్కెట్లో అతి పెద్ద ద్విచక్ర వాహన తయారీ సంస్థగా ఖ్యాతి గడించిన ‘హీరో మోటోకార్ప్’ (Hero MotoCorp) ‘భారత్ మొబిలిటీ ఆటో ఎక్స్‌పో 2025’ (Auto Expo 2025) వేదికగా నాలుగు టూ వీలర్స్ లాంచ్ చెసించి. ఇందులో రెండు స్కూటర్లు, మరో రెండు బైకులు ఉన్నాయి. ఈ వెహికల్స్ ధరలు, ఇతర వివరాలను ఇక్కడ వివరంగా చూసేద్దాం.
హీరో ఎక్స్‌ట్రీమ్ 250ఆర్ (Hero Xtreme 250R)
హీరో మోటోకార్ప్ లాంచ్ చేసిన బైకులలో ‘ఎక్స్‌ట్రీమ్ 250ఆర్’ ఒకటి. దీని ధర రూ. 1.80 లక్షలు (ఎక్స్ షోరూమ్). ప్రస్తుతం మార్కెట్లో 250ఆర్ అత్యంత శక్తివంతమైన బైక్ అని కంపెనీ పేర్కొంది. ఇది 250 సీసీ లిక్విడ్ కూల్డ్ సింగిల్ సిలిండర్ ఇంజిన్ పొందుతుంది. కాబట్టి 30 హార్స్ పవర్ మరియు 25 న్యూటన్ మీటర్ టార్క్ ప్రొడ్యూస్ చేస్తుంది. కేవలం 3.25 సెకన్లలో 0 నుంచి 60 కిమీ వరకు వేగవంతమయ్యే ఈ బైక్ యూఎస్డీ ఫోర్క్, మోనోశాక్ సెటప్ వంటివి పొందుతుంది. కాబట్టి దృఢంగా ఉంటుంది.
కంపెనీ ఈ బైక్ కోసం వచ్చే నెలలో (2025 ఫిబ్రవరి) బుకింగ్స్ ప్రారంభించే అవకాశం ఉంది. డెలివరీలు మార్చిలో ప్రారంభమతాయి. మంచి డిజైన్ కలిగి.. రైడర్ మరియు పిలియన్లకు అనుకూలంగా ఉండే సీటింగ్ కూడా అందిస్తుంది. ఈ బైక్ మార్కెట్లో సుజుకి జిక్సర్ 250, కేటీఎమ్ 250 డ్యూక్, హస్క్‌వర్నా విట్‌పిలెన్ 250 వంటి వాటికి ప్రధాన ప్రత్యర్థిగా ఉంటుంది.
హీరో ఎక్స్‌పల్స్ 210 (Hero Xpulse 210)
ఆటో ఎక్స్‌పో 2025లో హీరో మోటోకార్ప్ లాంచ్ చేసిన మరో బైక్ ‘ఎక్స్‌పల్స్ 210’. ఈ అడ్వెంచర్ బైక్ ధర రూ. 1.76 లక్షలు (ఎక్స్ షోరూమ్). కంపెనీ దీని కోసం ఫిబ్రవరిలో బుకింగ్స్ స్వీకరించ నుంచి, డెలివరీలు మార్చిలో ప్రారంభమవుతాయి.
ఎక్స్‌పల్స్ 210 బైక్ 24.6 హార్స్ పవర్, 20.7 న్యూటన్ మీటర్ టార్క్ అందించే ఇంజిన్ పొందుతుంది. 170 కేజీల బరువున్న ఈ టూ-వీలర్ దాని మునుపటి మోడల్ కంటే కూడా రూ. 29000 ఎక్కువ. ఇది 210 మిమీ ట్రావెల్‌తో.. ముందువైపు టెలిస్కోపిక్ ఫోర్క్, వెనుక 205 మిమీ ట్రావెల్‌తో మోనోషాక్ సెటప్ పొందుతుంది. ఇందులో 4.2 ఇంచెస్ TFT డ్యాష్ బోర్డు మరియు డ్యూయెల్ ఛానల్ ఏబీఎస్ కూడా ఉన్నాయి. కాబట్టి ఇది ఉత్తమ రైడింగ్ అనుభూతిని అందిస్తుంది.
హీరో జూమ్ 160 (Hero Xoom 160)
ఆటో ఎక్స్‌పో 2025లో కంపెనీ కేవలం బైకులను మాత్రమే కాకుండా స్కూటర్లను కూడా లాంచ్ చేసింది. అందులో ఒకటి ‘జూమ్ 160’. దీని ధర రూ. 1.48 లక్షలు (ఎక్స్ షోరూమ్). ఇది బ్రాండ్ యొక్క మ్యాక్సీ స్కూటర్. కాబట్టి యమహా ఎరోక్స్ 155కు ప్రధాన ప్రత్యర్థిగా ఉంటుంది. ఇది కేవలం ఓకే వేరియంట్‌లో మాత్రమే లభిస్తుంది.
జూమ్ 160 స్కూటర్ 165 సీసీ లిక్విడ్ కూల్డ్ సింగిల్ సిలిండర్ ఇంజిన్ ద్వారా 14 హార్స్ పవర్, 13.7 న్యూటన్ మీటర్ టార్క్ అందిస్తుంది. కీలెస్ ఇగ్నీషన్, ఫుల్లీ డిజిటల్ డ్యాష్, రిమోట్ సీట్ ఓపెనింగ్, స్ప్లిట్ ఎల్ఈడీ హెడ్‌లైట్ వంటి కొత్త ఫీచర్స్ పొందుతుంది. ఈ స్కూటర్ బరువు 141 కేజీలు. అయినప్పటికీ మంచి పనితీరును అందిస్తుంది. ఈ స్కూటర్ బుకింగ్స్ కూడా ఫిబ్రవరిలో ప్రారంభమవుతాయి. డెలివరీలు మార్చిలో జరిగే అవకాశం ఉంది.
Also Read: రూ.3.25 లక్షలకే ఎలక్ట్రిక్ కారు: సోలార్ రూఫ్ కూడా గురూ..
హీరో జూమ్ 125 (Hero Xoom 125)
భారత్ మొబిలిటీ ఆటో ఎక్స్‌పోలో అడుగుపెట్టిన మరో స్కూటర్ హీరో జూమ్ 125. దీని ప్రారంభ ధర రూ. 86,900 (ఎక్స్ షోరూమ్) మాత్రమే. ఇది వీఎక్స్ మరియు జెడ్ఎక్స్ అనే రెండు వేరియంట్లలో లభిస్తుంది. ఈ స్కూటర్ డెలివరీలు మార్చిలో ప్రారంభమవుతాయి. బుకింగ్స్ అంతకంటే ముందు.. ఫిబ్రవరిలో మొదలయ్యే అవకాశం ఉంది.
హీరో జూమ్ 125 స్కూటర్ 124 సీసీ సింగిల్ సిలిండర్ ఇంజిన్ ద్వారా 9 హార్స్ పవర్, 10.4 న్యూటన్ మీటర్ టార్క్ అందిస్తుంది. ఇది కాల్ / ఎస్ఎమ్ఎస్ అలర్ట్, టర్న్ బై టర్న్ న్యావిగేషన్ కోసం బ్లూటూత్ కనెక్టివిటీతో.. డిజిటల్ డిస్‌ప్లే.. టర్న్ ఇండికేటర్స్ వంటివి పొందుతుంది. కాబట్టి ఇది ఈ ఆధునిక కాలంలో రైడర్లకు మంచి రైడింగ్ అనుభూతిని అందించగలదని విశ్వసిస్తున్నాము.
