Hyundai Creta EV Launched in India At Auto Expo 2025: భారతదేశంలో లక్షల మంది ప్రజలను ఆకర్శించిన ‘హ్యుందాయ్ క్రెటా’ (Hyundai Creta) నేడు (జనవరి 17) ఢిల్లీలో జరుగుతున్న భారత్ మొబిలిటీ గ్లోబల్ ఎక్స్‌పోలో ఎలక్ట్రిక్ రూపంలో లాంచ్ అయింది. కంపెనీ లాంచ్ చేసిన ఈ హ్యుందాయ్ క్రెటా ఈవీ ప్రారంభ ధర రూ. 17.99 లక్షలు (ఎక్స్ షోరూమ్). ఈ కొత్త కారు గురించి పూర్తి వివరాలు ఇక్కడ వివరంగా తెలుసుకుందాం.
వేరియంట్స్ & బుకింగ్ ప్రైస్
దేశీయ విఫణిలో అడుగుపెట్టిన కొత్త హ్యుందాయ్ క్రెటా ఈవీ (Hyundai Creta EV) కోసం కంపెనీ ఇప్పటికే ఫ్రీ బుకింగ్స్ స్వీకరించడం కూడా ప్రారంభించింది. కాబట్టి ఆసక్తి కలిగిన వాహన ప్రేమికులు ఈ కారును కొనుగోలు చేయడానికి రూ. 25000 చెల్లించి బుక్ చేసుకోవచ్చు. డెలివరీలు త్వరలోనే ప్రారంభమవుతాయి.
మార్కెట్లో లాంచ్ అయిన క్రెటా ఈవీ మొత్తం 6 వేరియంట్లలో లభిస్తుంది. అవి ఎగ్జిక్యూటివ్ (రూ. 17.99 లక్షలు), స్మార్ట్ (రూ. 19.00 లక్షలు), స్మార్ట్ (ఓ) (రూ. 19.50 లక్షలు), స్మార్ట్ (ఓ) ఎల్ఆర్ (రూ. 21.50 లక్షలు), ప్రీమియం (రూ. 20.00 లక్షలు) మరియు ఎక్సలెన్స్ (రూ. 23.50 లక్షలు).. అన్ని ధరలు ఎక్స్ షోరూమ్, ఇండియా.
క్రెటా ఈవీ కొనుగోలుదారులు స్మార్ట్ (ఓ), ప్రీమియం మరియు ఎక్సలెన్స్ వేరియంట్ల కోసం 11 కిలోవాట్ ఏసీ వాల్ బాక్స్ ఛార్జర్ చేసుకోవచ్చు. అయితే దీని కోసం అదనంగా రూ. 73000 చెల్లించాల్సి ఉంటుంది.
బ్యాటరీ ప్యాక్, రేంజ్ & ఛార్జింగ్
కొత్త హ్యుందాయ్ క్రెటా ఈవీ 42 కిలోవాట్ మరియు 51.4 కిలోవాట్ బ్యాటరీ ఫ్యాక్స్ పొందుతుంది. చిన్న బ్యాటరీ 390 కిమీ రేంజ్ అందిస్తే.. పెద్ద బ్యాటరీ ప్యాక్ 473 కిమీ రేంజ్ అందిస్తుంది.
క్రెటా ఈవీ 7.9 సెకన్లలో 0 నుంచి 100 కిమీ వరకు వేగవంతం అవుతుంది. ఇందులోని ఎలక్ట్రిక్ మోటార్ 171 హార్స్ పవర్, 255 న్యూటన్ మీటర్ టార్క్ అందిస్తుంది. ఈ కారును డీసీ ఛార్జర్ ద్వారా కేవలం 58 నిమిషాల్లో 10 నుంచి 80 శాతం వరకు ఛార్జ్ చేయవచ్చు. అయితే 11 కిలోవాట్ ఏసీ ఛార్జర్ ద్వారా 10 నుంచి 80 శాతం ఛార్జ్ చేయడానికి 4 గంటల సమయం పడుతుంది.
కలర్ ఆప్షన్స్ & డిజైన్
కొత్త హ్యుందాయ్ క్రెటా ఈవీ అద్భుతమైన కలర్ ఆప్షన్స్ పొందుతుంది. అవి స్టార్రీ నైట్, ఫైరీ రెడ్, అట్లాస్ వైట్ విత్ బ్లాక్ రూఫ్ మరియు ఓషన్ బ్లూ మెటాలిక్ విత్ బ్లాక్ రూఫ్ కలర్స్. ఇందులో ఓషన్ బ్లూ మెటాలిక్ విత్ బ్లాక్ రూఫ్ అనేది కొత్త పెయింట్ స్కీమ్.
డిజైన్ విషయానికి వస్తే, ఇది చూడటానికి కొంత సాధారణ క్రెటా మాదిరిగా ఉన్నప్పటికీ.. ఇందులో కొన్ని అప్డేట్స్ గమనించవచ్చు. క్లోజ్ చేయబడిన గ్రిల్, ఎయిర్ డ్యామ్, బ్రాండ్ లోగోపై ఫ్రంట్ కెమరా, ఛార్జింగ్ పోర్ట్ వంటివన్నీ ఇంచులో చూడవచ్చు. ఏరో అల్లాయ్ వీల్స్, బ్లాక్ అవుట్ సీ పిల్లర్స్ ఇందులో ప్రత్యేకంగా కనిపిస్తాయి.టెయిల్‌గేట్‌పై ఎలక్ట్రిక్ బ్యాడ్జ్ ఉండటం చూడవచ్చు.
ఇంటీరియర్ ఫీచర్స్ అండ్ సేఫ్టీ ఫీచర్స్
హ్యుందాయ్ క్రెటా ఈవీ ఫీచర్స్ విషయానికి వస్తే.. ఇందులో 10.25 ఇంచెస్ ఇన్ఫోటైన్‌మెంట్ సిస్టం మరియు 10.25 ఇన్‌స్ట్రుమెంట్ క్లస్టర్, 8 స్పీకర్ బోస్ ఆడియో సిస్టం, డ్యూయెల్ జోన్ ఏసీ వెంట్స్, ఆటో డిమ్మింగ్ ఐఆర్వీఎమ్ వంటి వాటితో పాటు.. వాయిస్ కమాండ్స్, బ్లూలింక్ కార్ కనెక్టివిటీ, సీట్ అపోల్స్ట్రే కూడా ఉన్నాయి.సెంటర్ కన్సోల్‌లో కప్ హోల్డర్‌లు, ఎలక్ట్రానిక్ పార్కింగ్ బ్రేక్ మరియు ఆటో హోల్డింగ్ డ్రైవ్ మోడ్‌లు కూడా ఇందులో లభిస్తాయి.
Also Read: ఆటో ఎక్స్‌పో 2025: టికెట్స్ ఎలా పొందాలి? టైమింగ్స్ ఏంటి? – ఇదిగో పూర్తి వివరాలు
క్రెటా ఈవీ ఎలక్ట్రిక్ కారులో ఆరు ఎయిర్‌బ్యాగ్‌లు, 360 డిగ్రీ కెమెరా, లెవెల్ 2 ఏడీఏఎస్ టెక్నాలజీ, టైర్ ప్రెజర్ మానిటరింగ్ సిస్టం, ఫ్రంట్ పార్కింగ్ సెన్సార్లు, రెయిన్ సెన్సింగ్ వైపర్స్, స్టార్ట్ మరియు డిసెంట్ అసిస్ట్ వంటి సేఫ్టీ ఫీచర్స్ ఉన్నాయి. ఈ కారు మారుతి ఈ విటారా, మహీంద్రా బీఈ 6, టాటా హారియర్ ఈవీ వంటి వాటికి ప్రధాన ప్రత్యర్థిగా ఉంటుంది.
