Five Viral Moments in 2025 Maha Kumbh: ప్రపంచంలోనే అతిపెద్ద ఆధ్యాత్మిక సమావేశం లేదా కార్యక్రమంగా పరిగణించే.. మహా కుంభమేళా (Maha Kumbha Mela 2025) ఇప్పటికే ప్రారంభమైంది. ప్రపంచ నలుమూలల నుంచి కోట్లాది మంది భక్తులు ఈ కార్యక్రమంలో పాల్గొంటున్నారు. త్రివేణి సంగమంలో పవిత్ర స్నానాలను ఆచరిస్తున్నారు. ఉత్తరప్రదేశ్‌లోని ప్రయాగ్‌రాజ్‌లో జనవరి 13 నుంచి ప్రారంభమైన కుంభమేళా ఫిబ్రవరి 26 వరకు జరుగుతుంది.
గంగా, యమునా మరియు సరస్వతి నదుల సంగమం అయిన త్రివేణి సంగమం (Triveni Sangam) వద్ద సుమారు 40 కోట్లమంది స్నానాలు చేసే అవకాశం ఉందని సమాచారం. ఆత్మను శుద్ధి చేసుకోవడానికి.. పాపాలను పోగొట్టుకుని, ఆధ్యాత్మిక విముక్తి పొందటానికి ఇక్కడ స్నానం చేయాలని ప్రజలు విశ్వసిస్తారు. ఈ కారణంగానే ప్రపంచ నలుమూలల నుంచి లెక్కకు మించిన భక్తులు ఇక్కడకి విచ్చేసారు.
ప్రస్తుతం.. కోలాహలంగా, పెద్ద ఎత్తున జరుగుతున్న కుంభమేళాలో కొన్ని సంఘటనలు ఎంతోమందిని ఆశ్చర్యానికి గురిచేస్తున్నాయి. అవి ప్రస్తుతం నెట్టింలో వైరల్ అవుతున్నాయి. దీనికి సంబంధించిన వివరాలను క్షుణ్ణంగా తెలుసుకుందాం..
13000 అడుగుల ఎత్తులో కుంభమేళా జెండా
ఉత్తరప్రదేశ్‌లోని.. ప్రయాగ్‌రాజ్‌కు చెందిన ‘అనామిక శర్మ’ బ్యాంకాక్‌లో సుమారు 13000 అడుగుల ఎత్తులో మహా కుంభమేళా జెండాను ప్రదర్శించారు. దీనికి సంబంధించిన వీడియో నెట్టింట్లో వైరల్ అవుతోంది. వీడియోలో గమనిస్తే.. అనామిక శర్మ విమానం ఎక్కడానికి ముందు జెండా చూపిస్తారు. ఆ తరువాత విమానం గాలిలోకి ఎగురుతుంది. విమానం ఎత్తుకు ఎగిరిన తరువాత.. అక్కడి నుంచి కిందికి దూకి, జెండాను ప్రదర్శిస్తుంది.
View this post on Instagram
ఐఐటీ బాబా
ఎంతో ప్రాచీన చరిత్ర ఉన్న మహా కుంభమేళాకు ఎంతోమంది సాధువులు, ఋషులు మరియు మతపెద్దలు హాజరవుతారు. అయితే అందరినీ దృష్టిని ఓ వ్యక్తి ఆకర్శించాడు. ఆయనే ఐఐటీ బాబాగా పిలువబడే ‘అభయ్ సింగ్’. ఐఐటీ బొంబాయి నుంచి ఏరోస్పేస్ ఇంజినీరింగ్ చేసిన ఈయన ఉద్యోగం చేసి, కొన్ని సంవత్సరాలు తరువాత ఉద్యోగం కూడా చేసినట్లు సమాచారం. ఆ తరువాత ఆధ్యాత్మిక ప్రపంచానికి దగ్గరవడానికి సన్యాసిగా మారాడు. ఈయన పరమశివ భక్తుడు. దీనికి సంబంధించిన వీడియోలు కూడా సోషల్ మీడియాలో వైరల్ అవుతున్నాయి.
View this post on Instagram
కుంభమేళాలో స్టీవ్ జాబ్స్ సతీమణి
మహా కుంభమేళాలో దివంగత.. ఆపిల్ కో ఫౌండర్ స్టీవ్ జాబ్స్ భార్య ‘లారెన్ పావెల్ జాబ్స్’ (Laurene Powell Jobs) కనిపించారు. ఈమె ప్రత్యేకంగా కుంభమేళా కోసం భారతదేశానికి వచ్చారు. అంతే కాకుండా ఆమె స్వామి కైలాసనంద గిరి ద్వారా ‘కమల’గా పేరు మార్చుకున్నారు. ఈమె జనవరి 15 వరకు ఇక్కడే ఉండి.. 20వ తేదీ అమెరికాలో జరగనున్న డొనాల్డ్ ట్రంప్ అధ్యక్ష ప్రమాణ స్వీకారానికి హాజరు కానున్నట్లు సమాచారం. అంతే కాకుండా ఈమె తన భర్త ఆఖరి కోరికను తీర్చటానికి మాత్రమే కాకుండా.. భారతీయ సంప్రదాయాల పట్ల ఆమెకున్న గౌరవాన్ని మరియు ఆధ్యాత్మికత పట్ల ఉన్న ఆసక్తిని తెలియజేయడానికి పవిత్ర కుంభమేళాకు హాజరైనట్లు తెలుస్తోంది.
హార్లే డేవిడ్‌సన్ బైకులో సీర్
త్రివేణి సంగమం పవిత్ర స్నానానికి ప్రతిరోజూ లక్షలాది మంది హాజరవుతున్నారు. ఈ కార్యక్రమానికి మరింత చైతన్యాన్ని పెంపొందించడానికి ఒక సీర్ హార్లే డేవిడ్‌సన్ బైకుపై (Harley Davidson X440) కనిపించారు. దీనికి సంబంధించిన వీడియోలో కూడా సోషల్ మీడియాలో వైరల్ అవుతున్నాయి.
Also Read: ఆ సర్టిఫికెట్ ఉంటేనే రిజిస్ట్రేషన్ – కొత్త కారు కొనేవారికి దబిడిదిబిడే
చాయ్ వాలే బాబా ఐఏఎస్ కోచింగ్
మహా కుంభమేళా 2025లో చాయ్ వాలే బాబాగా ప్రసిద్ధి చెందిన ‘దినేష్ స్వరూప్ బ్రహ్మచారి’ కూడా అందరి దృష్టిని ఆకర్శించారు. కేవలం చాయ్ (టీ) మాత్రమే తాగుతూ బ్రతుకుతున్న ఈయన 40 సంవత్సరాలుగా ఐఏఎస్ కోసం ప్రిపేర్ అవుతున్న విద్యార్థులకు ఫ్రీ కోచింగ్ ఇస్తున్నారు. అయితే ఇక్కడ తెలుసుకోవలసిన విషయం ఏమిటంటే.. ఈ చాయ్ వాల్ బాబ్ నోరు విప్పి మాట్లాడారు. సైగలతో.. వాట్సాప్ సందేశాల ద్వారా విద్యార్థులకు వచ్చే డౌట్స్ అన్నీ క్లియర్ చేస్తుంటారు.
జనవరి 13న ప్రారంభమైన మహా కుంభమేళా.. ఫిబ్రవరి 26వరకు జరుగుతుంది. ఈ కార్యక్రమానికి 40 కోట్లమంది జనం వచ్చే అవకాశం ఉంది. ఈ కార్యక్రమం ద్వారా ప్రభుత్వం ఏకంగా.. 2 లక్షల కోట్ల రూపాయలను ఆర్జించే అవకాశం ఉంది. అయితే కుంభమేళా 2025 కోసం ప్రభుత్వం రూ. 7000 కోట్లు ఖర్చు పెట్టనుంది. 2019లో జరిగిన అర్ద కుంభమేళా సమయంలో ప్రభుత్వం రూ. 1.2 లక్షల కోట్లు ఆర్జించింది.
