Son Gift Royal Enfield Super Meteor 650 To Dad: కాళ్లు తడవకుండా సముద్రాన్ని అయినా ఈదవచ్చు.. కానీ కళ్ళు తడవకుండా జీవితాన్ని ఈదలేరు అని ఓ మహానుభావుడు చెప్పిన మాటలు బహుశా అందరికీ గుర్తుండే ఉంటుంది. ఎన్నో కష్టాలు, ఇబ్బందులు, అవమానాలు, ఛీత్కారాలు.. ఇలా అన్నింటింది దాటుకుంటూ పోతేనే జీవితం. అయితే ఎన్ని కష్టాలు వచ్చినా ఆత్మవిశ్వాసాన్ని మాత్రం కోల్పోకూడదు. తల్లిదండ్రులకు ఇబ్బందులు ఎదురైతే.. వాటిని తీర్చే పిల్లలు ఆధునిక కాలంలో కోకొల్లలుగా ఉన్నారు. అలాంటి ఓ సంఘటన గురించే మనం ఇక్కడ తెలుసుకోబోతున్నాం.
ఒక తండ్రి.. తన భార్య ఆరోగ్యం సరిగా లేని సమయంలో, ఆమెకు చికిత్స చేయించడానికి అయన దగ్గర ఉన్న స్కూటర్ అమ్మేయాల్సి వచ్చింది. స్కూటర్ విక్రయించిన తరువాత ఆయన తన రోజువారీ పనికి సైకిల్ మీద లేదా నడుచుకుంటూ వెళ్ళేవాడు. ఇది అతనకి కొంత కష్టంగా అనిపించినా.. కొడుక్కి తెలియనిచ్చేవాడు కాదు. అయినా ఆ తండ్రి కష్టాన్ని తెలుసుకున్న కొడుకు ఏకంగా ఓ ఖరీదైన బైక్ గోని గిఫ్ట్ ఇచ్చాడు. దీనికి సంబంధించిన ఓ వీడియో కూడా నెట్టింట్లో వైరల్ అవుతోంది.
కొడుకు ఇచ్చిన గిఫ్ట్
కొడుకు తన తండ్రికి గిఫ్ట్‌గా ఇచ్చిన బైక్ ‘రాయల్ ఎన్‌ఫీల్డ్ మీటియోర్ 650’ (Royal Enfield Meteor 650). దీనికి సంబంధించిన వీడియోలో గమనిస్తే.. కొడుకు తండ్రిని రాయల్ ఎన్‌ఫీల్డ్ డీలర్‌షిప్‌కు తీసుకెళ్తాడు. అక్కడ బైక్ కొనుగోలు చేయడానికి కావలసిన పేపర్ వర్క్ పూర్తి చేసి.. డబ్బు లెక్కించడం కూడా చూడవచ్చు. చివరకు బైక్ డెలివరీ తీసుకుంటారు. ఆ తరువాత అతని తండ్రి బైక్ రైడ్ చేయడం కూడా చూడవచ్చు.
తండ్రికి బైక్ గిఫ్ట్ ఇచ్చిన వీడియో సోషల్ మీడియాలో ఎంతోమంది నెటిజన్లను ఆకర్షిస్తోంది. తండ్రి కోసం కొడుకు చేసిన పనిని చాలామంది మెచ్చుకుంటున్నారు. అతనిపై అభినందనల వర్షం కురిపిస్తున్నారు. తండ్రి కూడా కొడుకు ఇచ్చిన గిఫ్ట్ చూసి తెగ మురిసిపోయారు.
రాయల్ ఎన్‌ఫీల్డ్ మీటియోర్ 650
ప్రస్తుతం భారతీయ మార్కెట్లో ఖరీదైన మరియు గొప్ప రైడింగ్ అనుభూతిని అందించే బైకుల జాబితాలో రాయల్ ఎన్‌ఫీల్డ్ మీటియోర్ 650 ఒకటి. ఈ బైక్ ధరలు రూ. 3.64 లక్షల నుంచి రూ. 3.95 లక్షల మధ్య ఉంది. లాంగ్ రైడ్ చేయడానికి ఈ బైక్ చాలా అనుకూలంగా ఉంటుంది. కాబట్టి ఈ టూరింగ్ మోటార్‌సైకిల్ను ఎక్కువమంది ఇష్టపడి కొనుగోలు చేస్తున్నారు.
650 సీసీ విభాగంలో అత్యంత ప్రజాదరణ పొందిన ఈ మీటియోర్ 650 బైక్.. 648 సీసీ ఇంజిన్ పొందుతుంది. ఇది 47 Bhp పవర్, 52 న్యూటన్ మీటర్ టార్క్ అందిస్తుంది. ఇంజన్ రివైజ్డ్ మ్యాపింగ్ అండ్ గేరింగ్‌ను పొందుతుంది. కాబట్టి ఇది మంచి పనితీరును అందిస్తుంది. ఈ కారణంగానే చాలామంది ఈ బైకును ఇష్టపడి కొనుగోలు చేస్తుంటారు.
ప్రస్తుతం మార్కెట్లో 650 సీసీ విభాగంలో చాలా బైకులు ఉన్నప్పటికీ.. ప్రత్యేకించి రాయల్ ఎన్‌ఫీల్డ్ మీటియోర్ 650 బైకుకు మంచి ఆదరణ ఉంది. చూడగానే ఆకట్టుకునే డిజైన్.. అప్డేటెడ్ ఫీచర్స్ లభించడం మాత్రమే కాకుండా, ఇది మల్టిపుల్ కలర్ ఆప్షన్లలో కూడా అందుబాటులో ఉంది. ధర కొంత ఎక్కువే అయినప్పటికీ.. ధరకు తగ్గ పనితీరును ఇది అందిస్తుందని చెప్పడంలో ఎటువంటి సందేహం లేదు.
Also Read: 2024లో రాయల్ ఎన్‌ఫీల్డ్ బైకులు ఎంతమంది కొన్నారో తెలిస్తే.. షాకవవుతారు!
తండ్రికి గిఫ్ట్స్ ఇవ్వడం ఇదే మొదటిసారి కాదు
తండ్రులకు లేదా తండ్రికి గిఫ్ట్స్ ఇచ్చిన సంఘటనలు ఇప్పటికే చాలా వెలుగులోకి వచ్చాయి. కొంతమంది కుమార్తెలు కూడా వారి తండ్రికి అద్భుతమైన గిఫ్ట్స్ ఇచ్చి ఆశ్చర్యపరిచిన సంఘటనలు కోకొల్లలు. పిల్లలు వారి తల్లి తండ్రులకు ఏదైనా చిన్న గిఫ్ట్ ఇచ్చినా.. వారు ఎంతో సంతోషపడిపోతుంటారు. ఆ సంతోషం వారి కళ్ళలో చూడటానికైనా పిల్లలు వారికి తప్పకుండా అప్పుడప్పుడు గిఫ్ట్స్ ఇస్తూ ఉండాలి. పిల్లలకు తల్లి దండ్రులు గిఫ్ట్స్ ఇవ్వడం సర్వసాధారణం. అది ఎప్పుడూ వారికి మనమీద ఉన్న ప్రేమకు నిదర్శనం. కానీ తమ పిల్లలు ఎప్పుడైనా ఓ చిన్న గిఫ్ట్ ఇచ్చినా.. వారు చాలా ఆనందపడిపోతుంటారు.
