Vayve Eva Launched At Auto Expo 2025: ఢిల్లీలో జరుగుతున్న ‘2025 భారత్ మొబిలిటీ గ్లోబల్ ఎక్స్‌పో’లో పూణేకు చెందిన ‘వేవ్’ (Vayve) మొబిలిటీ కంపెనీ తన మొట్ట మొదటి ‘సోలార్ పవర్’తో నడిచే బుల్లి ఎలక్ట్రిక్ కారును లాంచ్ చేసింది. కంపెనీ లాంచ్ చేసిన ఈ చిట్టి కారు ధర ఎంత? ఎన్ని వేరియంట్లలో అందుబాటులో ఉంది? బుకింగ్స్ ధర, డెలివరీలు ఎప్పుడనే వివరాలను ఈ కథనంలో వివరంగా తెలుసుకుందాం.
వేరియంట్స్ & ధరలు
ఆటో ఎక్స్‌పోలో లాంచ్ అయిన కొత్త వేవ్ ఎలక్ట్రిక్ కారు మూడు మూడు వేరియంట్లలో అందుబాటులో ఉంది. అవి నోవా, స్టెల్లా మరియు వేగా. వీటి ధరలు వరుసగా రూ. 3.99 లక్షలు, రూ. 4.99 లక్షలు మరియు రూ. 5.99 లక్షలు (అన్ని ధరలు ఎక్స్ షోరూమ్). బ్యాటరీ సబ్‌స్క్రిప్షన్ ధరలు వేరుగా ఉంటాయి. అంటే కొనుగోలుదారు బ్యాటరీ సబ్‌స్క్రిప్షన్ ఆప్షన్ ఎంచుకుంటే వీటి ధరలు రూ. 3.25 లక్షలు, రూ. 3.99 లక్షలు మరియు రూ. 4.49 లక్షలు వద్ద ఉంటాయి.
కంపెనీ ఈ కారు ధరలను మొదటి 25000 మందికి మాత్రమే పరిమితం చేసింది. ఆ తరువాత ధరల్లో మార్పులు ఉండే అవకాశం ఉంటుంది. ఈ కారును కంపెనీ మొదటిసారి 2023 ఆటో ఎక్స్‌పోలోనే ప్రదర్శించింది. ఇప్పుడు దానిని లాంచ్ చేసింది. ఈ ఎలక్ట్రిక్ కారు ఒక ఛార్జ్‌తో 250 కిమీ రేంజ్ అందిస్తుందని సమాచారం.
బుకింగ్స్ మరియు డెలివరీలు
కంపెనీ ఈ ఎలక్ట్రిక్ కారు కోసం బుకింగ్స్ స్వీకరించడం ప్రారంభించింది. దీనిని కొనుగోలు చేయాలనుకునే కస్టమర్లు రూ. 5000 చెల్లించి బుక్ చేసుకోవచ్చు. డెలివరీలు 2026లో ప్రారంభమవుతాయి. దీనికి కారణం ఈ కారు ప్రస్తుతం అభివృద్ధి దశలోనే ఉంది. పూర్తయిన తరువాత డెలివరీలు స్టార్ట్ అవుతాయి.
డిజైన్ & పరిమాణం
కొత్త వేవ్ ఎలక్ట్రిక్ కారు చూడటానికి చిన్నదిగా ఉన్నప్పటికీ.. అత్యుత్తమ పనితీరును అందిస్తుందని సమాచారం. ఇది 3060 మిమీ పొడవు, 1150 మిమీ వెడల్పు, 1590 మిమీ ఎత్తు మరియు 2200 మిమీ వీల్‌బేస్ పొందుతుంది. ఈ కారు కేవలం రెండు డోర్స్ మాత్రమే కలిగి ఉంటుంది. అయితే ఇందులో ఉన్న సీట్లు మాత్రమే. ముందు భాగంలో ఒక డ్రైవర్ సీటు లేదా సెంట్రల్ సీటు, వెనుక ఇద్దరు కూర్చోవడానికి సరిపోయే సీటు (బెంచ్ సీటు) ఉంటుంది.
క్వాడ్రిసైకిల్ డిజైన్ కలిగి ఉండటం వల్ల ఈ కారు.. రద్దీగా ఉండే పట్టణ ప్రాంతాల్లో కూడా సజావుగా ముందుకు సాగుతుంది. ఇది 12 ఇంచెస్ వీల్స్ పొందుతుంది. మొత్తం మీద ఇది సింపుల్ డిజైన్ కలిగి, చిన్న ఫ్యామిలీ ప్రయాణించడానికి అనుకూలంగా ఉంటుందని స్పష్టమవుతోంది.
కలర్ ఆప్షన్స్ & ఫీచర్స్
ఈ కొత్త సోలార్ కారు మొత్తం ఆరు కలర్ ఆప్షన్లలో లభిస్తుంది. అవి మూన్‌స్టోన్ వైట్, లైట్ ప్లాటినం, రోజ్ కోరల్, స్కై బ్లూ, షాంపైన్ గోల్డ్ మరియు చెర్రీ రెడ్ కలర్స్.
వేవ్ ఎలక్ట్రిక్ కారు.. ఆండ్రాయిడ్ ఆటో మరియు యాపిల్ కార్‌ప్లేకు సపోర్ట్ చేసే టచ్‌స్క్రీన్ పొందుతుంది. అంతే కాకుండా డిజిటల్ ఇన్‌స్ట్రుమెంట్ క్లస్టర్‌ కూడా ఇందులో ఉంది. 6 వే అడ్జస్టబుల్ డ్రైవర్ సీటు, క్లైమేట్ కంట్రోల్, రివర్స్ పార్కింగ్ కెమరా, హిల్ అసిస్ట్, వెహికల్ డయాగ్నస్టిక్, ఓవర్ ది ఎయిర్ అప్‌డేట్స్ అన్నీ కూడా ఇందులో చూడవచ్చు.
బ్యాటరీ & రేంజ్
వేవ్ ఎలక్ట్రిక్ కారు 18 కిలోవా బ్యాటరీ ద్వారా 250 కిమీ రేంజ్ అందిస్తుంది. కాగా 9 కిలోవాట్ బ్యాటరీ మరియు 12 కిలోవాట్ బ్యాటరీ ద్వారా 125 కిమీ మరియు 175 కిమీ రేంజ్ అందిస్తుంది. అయితే మీరు సోలార్ ప్యానెల్ ఎంచుకుంటే.. అదనంగా మీ డ్రైవింగ్ పరిధిని మరో 10 కిమీ పెంచుకోవచ్చు. సోలార్ ప్యానెల్ వార్షిక మైలేజ్ 3000 కిమీ వరకు ఉంటుందని కంపెనీ పేర్కొంది.
Also Read: స్టైలిష్ కారు ‘ఎంజీ సైబర్‌స్టర్’ బుకింగ్స్ షూరూ: డెలివరీలు ఎప్పుడంటే?
కొత్త సోలార్ ఎలక్ట్రిక్ కారు కేవలం 5 సెకన్లలో 0 నుంచి 40 కిమీ వరకు వేగవంతం అవుతుంది. దీని టాప్ స్పీడ్ 70 కిమీ/గం. ఇందులోని బ్యాటరీ ఐపీ67 వాటర్ ప్రూఫ్ రేటింగ్ పొందింది. ఈ కారును డీసీ ఛార్జర్ ద్వారా 15 నిమిషాల్లో 10 నుంచి 70 శాతం ఛార్జ్ చేయవచ్చు. అయితే 15ఏ హోమ్ సాకేట్ ద్వారా 10 నుంచి 70 శాతం ఛార్జ్ కావడానికి 5 గంటల సమయం పడుతుందని సమాచారం. ఈ కారులో డ్రైవర్ ఎయిర్‌బ్యాగ్ మరియు ప్రయాణికులందరికీ సీట్ బెల్ట్ వంటివి ఉన్నాయి.
