చదువు పూర్తవ్వగానే జాబ్ తెచుకోవడం చాలామంది కల అయితే.. ప్రత్యేకించి ఇస్రో (ఇండియన్ స్పేస్ రీసెర్చ్ ఆర్గనైజేషన్)లో ఉద్యోగం తెచ్చుకోవడం ఇంకొందరి ఫ్యాషన్. అలాంటి వారికోసం ఇస్రో శుభవార్త చెప్పింది. మొత్తం 20 ఉద్యోగాలను నోటిఫికేషన్ జారీ చేసింది. దీనికి సంబంధించిన మరిన్ని వివరాలు ఇక్కడ వివరంగా తెలుసుకుందాం.
పోస్టుల వివరాలు
ఇస్రో విడుదల చేసిన నోటిఫికేషన్ ప్రకారం.. వివిధ విభాగాల్లో (సివిల్, మెకానికల్, ఐటీ/కంప్యూటర్ సైన్స్, ఫిట్టర్, టర్నర్, ఎలక్ట్రీషియన్, ఎయిర్ కండిషనర్, మెకానిక్ రిఫ్రిజిరేటర్, ప్లంబర్) మొత్తం 20 జాబ్స్ ఉన్నాయి. మొత్తం మీద 10 టెక్నికల్ అసిస్టెంట్ పోస్టులు, మరో 10 టెక్నీషియన్-బీ పోస్టులు ఉన్నాయి. అర్హత కలిగిన అభ్యర్థులు ఈ జాబ్స్ కోసం అప్లై చేసుకోవచ్చు. అప్లికేషన్ ఫీజు రూ. 500.
అప్లై చేయడానికి లాస్ట్ డేట్ & అర్హతలు
ఇండియన్ స్పేస్ రీసెర్చ్ ఆర్గనైజేషన్ విడుదల చేసిన ఉద్యోగాలకు అర్హత కలిగిన అభ్యర్థులు.. 2025 అక్టోబర్ 4 నుంచి 2025 అక్టోబర్ 31 వరకు ఆన్‌లైన్‌లో అప్లై చేసుకోవచ్చు. ఈ ఉద్యోగాలకు అప్లై చేసుకోవాలనుకునే వారు 10వ తరగతి / ఐటీఐ / డిప్లొమో పూర్తిచేసి ఉండాలి. అంతే కాకుండా సంబంధిత రంగంలో అనుభవం కూడా ఉండాలి. కాగా దరఖాస్తుదారుల వయసు 2025 అక్టోబర్ 31 నాటికి 18 ఏళ్ల నుంచి 35 ఏళ్ల మధ్య ఉండాలి.
జీతం వివరాలు
ఇస్రో నోటిఫికేషన్ ప్రకారం.. టెక్నికల్ అసిస్టెంట్ ఉద్యోగానికి ఎంపికైన వారికి జీతం నెలకు రూ. 44,900 నుంచి రూ. 1,42,400 మధ్య ఉంటుంది. అదే సమయంలో టెక్నీషియన్-బీ ఉద్యోగానికి ఎంపికైన అభ్యర్థులకు నెల జీతం రూ. 21,700 నుంచి రూ. 69,100 వరకు ఉంటుంది. జీతం అనేది అనుభవాన్ని బట్టి పెరుగుతూ ఉంటుంది.
ఎంపిక విధానం
ఇస్రో ఉద్యోగాలను ఆన్‌లైన్‌లో అప్లై చేసుకున్న తరువాత ఎంపిక విధానం రాత పరీక్ష, స్కిల్ టెస్ట్ ఆధారంగా ఉంటుంది. కాబట్టి అప్లై చేసుకున్న అభ్యర్థులు రాత పరీక్షకు సన్నద్ధం అవ్వాల్సి ఉంటుందనే విషయం ఎట్టి పరిస్థితుల్లోనూ మర్చిపోకూడదు. జాబ్ తెచ్చుకోవాలంటే కొంచెం గట్టిగా ప్రిపేర్ అవ్వాల్సి ఉంటుంది. ఎందుకంటే ఉన్నది తక్కువ జాబ్స్.. కాంపిటీషన్ భారీగా ఉండే అవకాశం ఉంటుంది. దీనిని దృష్టిలో ఉంచుకుని పరీక్షకు సిద్ధం కావాలి. నిజానికి ఇస్రోలో ఉద్యోగం చేయాలని తపనపడేవారికి.. ఇదొక చక్కని అవకాశం. అవకాశాన్ని సద్వినియోగం చేసుకోవడానికి తప్పకుండా.. అన్నివిధాలా సిద్ధమవ్వాలి.
ఇండియన్ స్పేస్ రీసెర్చ్ ఆర్గనైజేషన్ గురించి
భారత అంతరిక్ష పరిశోధనా సంస్థ అయిన ఇస్రో.. భారత ప్రభుత్వం యాజమాన్యంలో ఉంది. ఈ సంస్థ ఉపగ్రహాలను, వాహన రాకెట్స్ వంటివాటిని తయారు చేసి.. అంతరిక్షంలోకి పంపుతుంది. ఈ సంస్థను 1969లో డాక్టర్ విక్రమ్ సారాభాయ్ స్థాపించారు. ఇప్పటి వరకు ఈ సంస్థలో ఎంతోమంది మహానుభావులు తమ సేవలను దేశం కోసం అందించి తరించారు. అంతటి ప్రతిష్టాత్మక సంస్థలో ఉద్యోగం తెచ్చుకోవడం చాలా గొప్ప విషయం అనే చెప్పాలి. కాబట్టి దేశం కోసం పనిచేసే సంస్థలో ఉద్యోగం తెచ్చుకోవడానికి చాలామంది ఎదురుచూస్తూ ఉంటారు. కాబట్టి నోటిఫికేషన్ విడుదలైన తరువాత పోటీ చాలా ఎక్కువగానే ఉంటుంది. అభ్యర్థులు తప్పకుండా ఈ విషయాన్ని దృష్టిలో ఉంచుకోవాల్సిన అవసరం ఉంది.
