ఇండియాలో బైక్ అయినా.. స్కూటర్ అయినా, కార్ అయినా ఇంకే వాహనం అయినా.. కొనేవాళ్లు ముందుగా చూసేది మైలేజ్. కాబట్టి ఈ కథనంలో ఎక్కువ దూరం ప్రయాణించే ఐదు ఉత్తమ ఎలక్ట్రిక్ స్కూటర్ల గురించి (ధర, బ్యాటరీ, రేంజ్) పూర్తి వివరాలు తెలుసుకుందాం.
ఓలా ఎస్1 ప్రో
దేశీయ టూ వీలర్ దిగ్గజం ఓలా ఎలక్ట్రిక్.. మార్కెట్లో లాంచ్ చేసిన ఎస్1 ప్రో ఎక్కువ మైలేజ్ ఇచ్చే స్కూటర్లలో ఒకటి. ఇది 5.2 కిలోవాట్ బ్యాటరీ ప్యాక్ పిందుతుంది. కాగా ఈ స్కూటర్ ఎస్1 ప్రో స్పోర్ట్స్, ఎస్1 ప్రో ప్లస్ అనే వేరియంట్లలో అందుబాటులో ఉంది. వీటి ధరలు వరుసగా రూ. 1,49,999, రూ. 1,54,999 (ఎక్స్ షోరూమ్). ప్రో ప్లస్ వేరియంట్ స్కూటర్ 13 కిలోవాట్ పవర్ ప్రొడ్యూస్ చేస్తూ.. 2.1 సెకన్లలో 0 నుంచి 40 కిమీ/గం వరకు వేగవంతం అవుతుంది. ఇది ఒక ఫుల్ ఛార్జితో 130 కిమీ దూరం ప్రయాణిస్తుంది. కాగా ప్రో స్పోర్ట్స్ వేరియంట్ 152 కిమీ దూరం ప్రయాణించగలదు.
సింపుల్ ఎనర్జీ వన్ జెన్ 2
5.0 కిలోవాట్ బ్యాటరీ ద్వారా 265 కిమీ రేంజ్ అందించే సింపుల్ ఎనర్జీ కంపెనీకి చెందిన ఈ వన్ జెన్ 2 స్కూటర్ మన జాబితాలో చెప్పుకోదగ్గ మోడల్. దీని ధర రూ. 177999 (ఎక్స్ షోరూమ్). మంచి డిజైన్, లేటెస్ట్ బ్యాటరీ కలిగిన ఈ మోడల్ అనేక అప్గ్రేడ్లతో మార్కెట్లో అమ్మకానికి ఉంది. 2.55 సెకన్లలో 0 నుంచి 40 కిమీ/గం వేగవంతం అయ్యే ఈ స్కూటర్ 115 కిమీ వేగంతో ముందుకు దూసుకెళ్తుంది.
టీవీఎస్ ఐక్యూబ్
ఐక్యూబ్ ఎలక్ట్రిక్ స్కూటర్ కూడా మార్కెట్లో అత్యంత ఆదరణ పొందిన టీవీఎస్ స్కూటర్. ఇది 5.3 కిలోవాట్ బ్యాటరీ ద్వారా 212 కిమీ రేంజ్ అందిస్తుంది. దీని ధర రూ. 1,58,834 (ఎక్స్ షోరూమ్). 4.5 సెకన్లలో 0 నుంచి 40 కిమీ వరకు వేగవంతం అయ్యే ఈ స్కూటర్ 4.4 కిలోవాట్ పవర్ ప్రొడ్యూస్ చేస్తుంది. 82 కిమీ వేగంగా ముందుకెళ్తుంది. ఈ స్కూటర్ 17.78 సెంమీ టచ్స్క్రీన్ పొందుతుంది. డిజైన్ చూడచక్కగా ఉంటుంది.
విడా వీ2
ఎక్కువ దూరం ప్రయాణించే ఎలక్ట్రిక్ స్కూటర్ల జాబితాలో విడా వీ2 కూడా ఒకటి. ఇది 165 కిమీ (ఒక ఛార్జితో) దూరం ప్రయాణిస్తుంది. దీని ధర రూ. 1,20,300 (ఎక్స్ షోరూమ్). 3.9 కిలోవాట్ బ్యాటరీ కలిగిన ఈ స్కూటర్ 2.9 సెకన్లలో 40 కిమీ/గం వరకు వేగవంతం అవుతుంది. దీని స్పీడ్ గంటకు 90 కిమీ. అత్యాధునిక డిజైన్ కలిగిన ఈ స్కూటర్ 7 ఇంచెస్ టచ్స్క్రీస్ డ్యాష్ బోర్డు పొందుతుంది. ఇందులోని బ్యాటరీ రిమూవబుల్ (బయటకు తీయొచ్చు). క్రూయిజ్ కంట్రోల్, బ్రేక్ రీజెన్ వంటి ఫీచర్స్ కూడా ఇందులో ఉన్నాయి.
రివర్ ఇండీ
రూ. 1,46,399 ధర (ఎక్స్ షోరూమ్) ధర వద్ద లభించే ఈ స్కూటర్.. ఒక ఫుల్ ఛార్జితో 163 కిమీ దూరం ప్రయాణిస్తుంది. ఒక వేరియంట్లో మాత్రమే అందుబాటులో ఉండే ఈ స్కూటర్ 4 కిలోవాట్ బ్యాటరీ ప్యాక్ పొందుతుంది. ఇది 3.5 సెకన్లలో 40 కిమీ/గం వరకు వేగవంతం అవుతుంది. దీని గరిష్ట వేగం 90 కిమీ/గం. కాగా ఇది హిల్ హోల్డ్ అసిస్ట్, రీడిజైన్ క్లస్టర్ వంటివి పొందుతుంది. కాబట్టి ఇది అన్ని విధాలా రైడింగ్ చేయడానికి అనుకూలంగా ఉంటుంది.
డిజిటల్ కంటెంట్ రైటర్గా పనిచేస్తున్నారు. ప్రముఖ విశ్వ విద్యాలయం శ్రీ వెంకటేశ్వర యూనివర్సిటీలో MA తెలుగు చేశారు. తాజా సినిమా, పాలిటిక్స్, నేషనల్, స్పోర్ట్స్కు సంబంధించిన వార్తలతో పాటు ప్రత్యేకమైన కథనాలు రాస్తారు. డిజిటల్ కంటెంట్ రైటర్గా సంవత్సరం అనుభవం కలిగి ఉన్నారు. ఈయనకు పాటలు, కవితలు, షార్ట్ ఫిలిమ్స్ వంటివాటికి మాటలు రాసే అలవాటు ఉంది. సహజంగా జానపద, సినిమా పాటలు గాయకుడు.