Blog - MARTHA TELUGU

‘హరి హర వీరమల్లు’ సినిమా అప్పుడే: అధికారిక ప్రకటన వచ్చేసింది

Movies

admin

-

March 14, 2025

‘హరి హర వీరమల్లు’ సినిమా అప్పుడే: అధికారిక ప్రకటన వచ్చేసింది

Hari Hara Veera Mallu Movie Release Date: పవర్ స్టార్ పవన్ కళ్యాణ్ నటిస్తున్న ‘హరి హర వీరమల్లు’ (Hari Hara Veeramallu) సినిమా ఎప్పుడెప్పుడు విడుదలవుతుందా అని ఎదురు చూస్తున్న అభిమానులకు.. నిర్మాణ సంస్థ శుభవార్త చెప్పింది. 2025 మే 9న తెరమీదకు రానున్నట్లు ప్రకటించింది. ఈ సినిమాపై భారీ అంచనాలు ఉన్నట్లు ప్రొడ్యూసర్ ఎంఎం రత్నం ఇప్పటికే ప్రకటించింది.

హరి హర వీరమల్లు సినిమా రెండు భాగాలుగా విడుదలవుతుందని సమాచారం. పవన్ కళ్యాణ్ ప్రధాన పాత్రలో నటిస్తుండగా.. జ్యోతికృష్ణ దర్శకత్వం వహిస్తున్నారు. ఎంఎం రత్నం సమర్పణలో.. మెగా సూర్య ప్రొడక్షన్స్ పతాకంపై ఎ. దయాకర్ రావు నిర్మిస్తున్నారు. కీరవాణి సంగీతం అందించగా.. గణేష్ మాస్టర్ కొరియోగ్రఫీ చేస్తున్నారు. ఇప్పటికే ‘కొల్లగొట్టినావురో’ పాటకు పవన్ కళ్యాణ్ వేసిన స్టెప్పులు అభిమానులను ఫిదా చేశాయి.

ఇతర నటులు

మే 9న తెరమీదకు రానున్న హరి హర వీరమల్లు సినిమాలో అమెరికన్ నటి ‘నర్గిస్ ఫఖ్రి’ (Nargis Fakhri) పవన్ కళ్యాణ్ సరసన నటిస్తోంది. బాబీ డియోల్, నిధి అగర్వాల్, నోరా ఫతేహి, పూజిత పొన్నాడ, సుబ్బరాజు, నజీర్, సునీల్ మరియు అనసూయ భరద్వాజ్ కూడా ఈ సినిమాలో నటిస్తున్నారు.

2023లో విడుదలైన బ్రో సినిమా తరువాత.. పవన్ కళ్యాణ్ నటించిన సినిమా హరి హరి వీరమల్లు. ఇప్పటికే ఈ సినిమాపై భారీ అంచనాలు పెరిగిపోయాయి. అయితే గతంలో ఈ సినిమా మార్చి 28న విడుదలవుతుందని నిర్మాణ సంస్థ ప్రకటించింది. కాగా ఇప్పుడు రిలీజ్ డేట్ మే 9కు మారింది. ఈ సినిమా విడుదలకు ఆలస్యం కావడానికి పలు కారణాలు ఉన్నట్లు సమాచారం. అయితే.. ఇప్పుడు ప్రకటించిన తేదీ (మే 9)న ఖచ్చితంగా విడుదలవుతుందని సమాచారం. దీనికి సంబంధించిన పోస్టర్ కూడా రిలీజ్ చేశారు.

స్వయంగా పాటపాడిన పవన్ కళ్యాణ్

ఇప్పుడు చాలా సినిమాల్లో హీరోలు లేదా హీరోయిన్స్ స్వయంగా పాటలు పాడి అలరిస్తున్నారు. ఈ జాబితాలో పవన్ కళ్యాణ్ చెప్పుకోదగ్గ వ్యక్తి. తమ్ముడు సినిమాలో, అత్తారింటికి దారేది, అజ్ఞాతవాసి వంటి సినిమాల్లో పవన్ కళ్యాణ్ స్వయంగా పాటపాడి అలరించారు. కాగా ఇప్పుడు హరి హర వీరమల్లు సినిమాలో కూడా పవర్ స్టార్ మాట వినాలి గురుడా.. అంటూ పాట పాడారు.

Also Read: ‘డాకు’ బ్యూటీ జోరు.. అలాంటి కారు కొన్న మొట్టమొదటి నటిగా రికార్డు

పవన్ కళ్యాణ్ మరో సినిమా

హరి హర వీరమల్లు సినిమా కాకుండా పవన్ కళ్యాణ్ నటిస్తున్న మరో సినిమా ఓజీ (OG). ఈ సినిమాకు సంబంధించిన టీజర్ కూడా విడుదలైంది. ఈ సినిమా ఈ ఏడాదిలోనే విడుదలయ్యే అవకాశం ఉందని సమాచారం. కానీ ఎప్పుడు విడుదలవుతుందనే విషయం మాత్రం అధికారికంగా వెల్లడికాలేదు.

ఓజీ సినిమాలో ప్రియాంక మోహన్, అర్జున్ దాస్, ప్రకాష్ రాజ్, శ్రియ రెడ్డి, అజయ్ ఘోష్, అభిమన్యు సింగ్, శుభలేఖ సుధాకర్ మొదలైనవారు నటిస్తున్నారు. ఈ సినిమాలో పవన్ కళ్యాణ్ గ్యాంగ్‌స్టర్ పాత్రలో కనిపించే అవకాశం ఉందని సమాచారం. ఈ సినిమాకు సంబంధించిన చాలా వివరాలు తెలియాల్సి ఉంది.

ఈ రాశివారికి శ్రమకు తగిన ఫలితం లభించదు

Horoscope

admin

-

March 14, 2025

0

Daily Horoscope in Telugu 2025 March 14th Friday: శుక్రవారం (14 మార్చి 2025). శ్రీ క్రోధి నామ సంవత్సరం, ఉత్తరాయణం, శిశిర ఋతువు, ఫాల్గుణ మాసం, శుక్ల పక్షం, పౌర్ణమి ఉదయం 11:25 వరకు. రాహుకాలం ఉదయం 10:30 నుంచి 12:00 వరకు. యమగండం మధ్యాహ్నం 3:00 నుంచి 4:30 వరకు. దుర్ముహూర్తం ఉదయం 8:24 నుంచి 9:12 వరకు.

మేషం

వృత్తి వ్యాపారాలు లాభదాయకంగా ఉంటాయి. ఉద్యోగులకు పదోన్నతులున్నాయి. సేవా కార్యక్రమాల్లో పాల్గొంటారు. భూ క్రయ విక్రయాల్లో లాభాలు ఉన్నాయి. ఆర్ధిక పరిస్థితి మెరుగ్గా ఉంటుంది. విలువైన వస్తువులను కొనుగోలు చేస్తారు. ముఖ్యమైన కార్యక్రమాలు సజావుగా ముందుకు సాగుతాయి.

వృషభం

దీర్ఘకాలిక వివాదాలు ఓ కొలిక్కి వస్తాయి. దూర ప్రయాణాలు చేస్తారు. ఉద్యోగులపై ఒత్తిడి. సన్నిహితుల ప్రవర్తన కొంత ఇబ్బంది కలిగిస్తుంది. ఆర్ధిక పరిస్థితి కొంత నిరాశగానే ఉంటుంది. ముఖ్యమైన కార్యక్రమాలు మందకొడిగా ఉంటాయి. విద్యార్థులకు శుభయోగం. పోటీ పరీక్షల్లో ఉత్తీర్ణత సాధిస్తారు.

మిథునం

ముఖ్యమైన కార్యక్రమాలు మందకొడిగా సాగుతాయి. వ్యాపారాల్లో లాభాలు అంతంత మాత్రంగానే ఉంటాయి. కీలక విషయాల్లో ఆచి తూచి నిర్ణయాలు తీసుకోవాలి. కుటుంబ సభ్యులతో మాటపట్టింపులు ఉంటాయి. నిరుద్యోగుల ప్రయత్నాలు ఫలించవు. మానసిక సమస్యలు ఎదురవుతాయి. ఆర్ధిక పరిస్థితి నిరాశను కలిగిస్తుంది.

కర్కాటకం

సంఘంలో గౌరవం పెరుగుతుంది. ఉద్యోగులకు పదోన్నతులున్నాయి. వ్యాపారంలో ఆశించిన పురోగతి ఉంది. సంతాన విద్యా విషయంలో సంతృప్తి చెందుతారు. విలువైన వస్తువులు కొనుగోలు చేస్తారు. వ్యాపారాల్లో లాభాలున్నాయి. కీలక వ్యవహారాలు ఓ కొలిక్కి వస్తాయి. దైవ దర్శనం చేసుకుంటారు.

సింహం

ఇంటా బయట అనుకూలంగా ఉంటుంది. చేపట్టిన పనులు పూర్తవుతాయి. వ్యాపారాల్లో లాభాలు ఉన్నాయి. కొత్త వ్యక్తుల పరిచయం కూడా కొంత కలిసి వస్తుంది. ఉద్యోగులకు శుభయోగం, అధికారుల నుంచి ప్రశంసలు లభిస్తాయి. అవసరానికి కావలసిన డబ్బు సమకూరుతుంది.

కన్య

ఆర్ధిక వ్యవహారాల్లో ఆలోచించి నిర్ణయాలు తీసుకోవాలి. తొందరపాటు నిర్ణయాలు నష్టాలను కలిగిస్తాయి. చేపట్టిన పనులలో శ్రమాధిక్యం ఉంటుంది. శ్రమకు తగిన ఫలితం లభించదు. గృహ నిర్మాణ ప్రయత్నాలు మందగిస్తాయి. చిన్ననాటి మిత్రులను కలుసుకుంటారు. దైవ దర్శనం చేసుకుంటారు.

తుల

ఋణదాతల నుంచి ఒత్తిడి, దూర ప్రయాణాలు అంతగా కలిసిరావు. వృత్తి వ్యాపారాలు మందకొడిగా సాగుతాయి. సన్నిహితుల ప్రవర్తన కొంత మానసిక ఆందోళన కలిగిస్తుంది. సేవా కార్యక్రమాల్లో పాల్గొంటారు. ఉద్యోగ వాతావరణం అనుకూలంగా ఉంటుంది.

వృశ్చికం

దీర్ఘకాలిక వివాదాలు ఓ కొలిక్కి వస్తాయి. పారిష్కారం లభిస్తుంది. నిరుద్యోగులు చేసే ఉద్యోగ ప్రయత్నాలు ఫలిస్తాయి. సన్నిహితుల నుంచి శుభవార్తలు అందుతాయి. శుభకార్యాలలో పాల్గొంటారు. నూతన వాహన కొనుగోలు ఉంది. పుణ్యక్షేత్రాలను దర్శించుకుంటారు. ఉద్యోగులకు అదనపు బాధ్యతల నుంచి విముక్తి లభిస్తుంది.

ధనుస్సు

ఆరోగ్యంపై దృష్టిపెట్టాలి. కుటుంబ వాతావరణం కొంత గందరగోళాన్ని కలిగిస్తుంది. నూత వ్యాపార ప్రయత్నాలు కలిసి రావు. ఉద్యోగంలో అదనపు బాధ్యతల వల్ల చికాకు కలుగుతుంది. ఆధ్యాత్మిక విషయాలపై ఆసక్తి పెరుగుతుంది. చేపట్టిన పనులు సకాలంలో పూర్తవుతాయి. ఆర్ధిక పరిస్థితి కొంత ఆశాజనకంగా ఉంటుంది.

మకరం

కుటుంబంలో సంతోషకరమైన వాతావరణం, ఆదాయం సంతృప్తికరంగా ఉంటుంది. నూతన ఆలోచనలు కార్యరూపం దాలుస్తాయి. చేపట్టిన కార్యక్రమాల్లో విజయం సాధిస్తారు. వృధా ఖర్చుల విషయంలో జాగ్రత్త అవసరం. ఆకస్మిక ధనలాభం ఉంది. దైవ దర్శనం చేసుకుంటారు.

కుంభం

ఈ రాశివారు జీవితంలో ఊహించని మార్పులు జరుగుతాయి. దూర ప్రయాణాలు వాయిదా పడతాయి. ఉద్యోగంలో ప్రతికూల ప్రభావం. వృధా ఖర్చులు ఎక్కువగా ఉన్నాయి. ఆర్ధిక సమస్యలు తలెత్తవచ్చు. జీవిత భాగస్వామితో వివాదాలు ఉన్నాయి. అలోచించి తీసుకున్న నిర్ణయాలు శుభం కలిగిస్తాయి.

మీనం

ఈ రాశివారికి సంఘంలో గౌరవం పెరుగుతుంది. శుభకార్యాలలో పాల్గొంటారు. కుటుంబ సభ్యులతో ఆనందంగా గడుపుతారు. వ్యాపారాలలో నూతనోత్సాహం కలుగుతుంది. ఆర్ధిక పరిస్థితి మునుపటి కంటే అనుకూలంగా ఉంటుంది. విలువైన వస్తువులను కొనుగోలు చేస్తారు. పుణ్యక్షేత్రాలను దర్శించుకుంటారు.

గమనించండి: రాశిఫలాలు కేవలం అవగాహన కోసం మాత్రమే. కాబట్టి ఇందులో చెప్పిందే జరుగుతుందని ఖచ్చితంగా చెప్పలేము. గ్రహాల స్థితిగతుల ఆధారంగా.. ఫలితాలు ఉంటాయి. అందులో అనుకూల ఫలితాలు ఉంటాయి. ప్రతికూల ఫలితాలు కూడా ఉంటాయి.

శనివారం నుంచే ఒంటిపూట బడి: సమ్మర్ హాలిడేయ్స్ ఎప్పుడంటే?

admin

-

March 13, 2025

0

శనివారం నుంచే ఒంటిపూట బడి: సమ్మర్ హాలిడేయ్స్ ఎప్పుడంటే?

Half Day School in 2025: ఎండాకాలం మొదలైపోయింది. ఓ వైపు భానుడి భగభగలు, మరోవైపు నగరంలో పెరిగిపోతున్న ట్రాఫిక్. ఈ తరుణంలో తెలంగాణ ప్రభుత్వం.. ఓ కీలక నిర్ణయం తీసుకుంది. ఒంటిపూట బడి ప్రకటించింది. దీనికి సంబంధించిన మరిన్ని వివరాలు ఈ కథనంలో వివరంగా తెలుసుకుందాం.

2025 మార్చి 15 (శనివారం) నుంచి.. పాఠశాలలకు ఒంటిపూట బడి (Half Day School) ప్రకటించింది. ఒంటిపూట బడి ప్రారంభమైన తరువాత పాఠశాల పనివేళలు ఉదయం 8 గంటల నుంచి మధ్యాహ్నం 12:30 గంటల వరకు మాత్రమే. ప్రభుత్వ పాఠశాలలో మధ్యాహ్న భోజనం ఉంటుంది. ఒంటిపూట బడి ఏప్రిల్ 23 వరకు కొనసాగుతుంది. ఆ తరువాత వేసవి సెలవులు ప్రకటిస్తారు.

ప్రైమరీ, హైస్కూల్, ఎయిడెడ్ మరియు ఇతర ప్రైవేట్ పాఠశాలలకు హాఫ్ డే స్కూల్ ఉంటుంది. అయితే 10వ తరగతి పబ్లిక్ పరీక్షలు జరిగే పాఠశాలలు మధ్యాహ్నం ఒంటిగంట నుంచి సాయంత్రం ఐదు గంటల వరకు పనిచేస్తాయి. ఈ మేరకు పాఠశాల విద్య ప్రాంతీయ సంయుక్త సంచాలకులు, జిల్లా విద్యాశాఖ అధికారులు, జిల్లా విద్యాశాఖ అధికారులు ఉత్తర్వులు జారీ జేయడంతో.. స్కూల్ ఎడ్యుకేషన్ డైరెక్టర్ అధికారికంగా ప్రకటించింది.

ఒంటిపూట బడి ఎందుకు ప్రకటించారు

తీవ్రమైన వేడి నుంచి.. విద్యార్థులను రక్షించాడనికి ప్రభుత్వం ఒంటిపూట బడి ప్రకటించింది. ఇప్పుడే హైదరాబా నగరంలో ఉష్ణోగ్రత 32°C దాటేసింది. ఇది రానున్న రోజుల్లో 35°C దాటేస్తుంది అనడంలో ఎటువంటి సందేహం లేదు. కాబట్టి వేడి తాపాన్ని పిల్లలు భరించడం కొంత కష్టమే. దీనిని దృష్టిలో ఉంచుకుని.. రాష్ట్ర ప్రభుత్వం ఈ నిర్ణయం తీసుకుంది.

వేసవి సెలవులు ఎప్పుడంటే?

ఒంటిపూట బడి విషయం పక్కన పెడితే.. ఏప్రిల్ 23 నుంచి వేసవి సెలవులు (Summer Holidays) ప్రకటించే అవకాశం ఉంది. ఈ సెలవులు జూన్ 11 వరకు కొనసాగుతాయి. అంటే మళ్ళీ స్కూల్ జూన్ 12న తెరుచుకుంటాయి. ఆంధ్రప్రదేశ్‌లో కూడా వేసవి సెలవులు ఏప్రిల్ 23 నుంచే ప్రారంభమయ్యే అవకాశం ఉంది.

Also Read: వైయస్‌ఆర్‌సీపీ ఆవిర్భావ దినోత్సవం: జగన్ భావోద్వేగ పోస్ట్ వైరల్

ప్రస్తుతం ఏపీ, తెలంగాణాలో కూడా ఇంటర్ పరీక్షలు కూడా ఈ నెల చివరి నాటికి ముంగియనున్నాయి. అయితే వీరికి వేసవి సెలవులు కొంత తక్కువగానే ఉంటాయని తెలుస్తోంది. ఎందుకంటే ఇంటర్ సెకండ్ ఇయర్ విద్యార్థులు డిగ్రీ కాలేజీల్లో లేదా ఇతర కోర్సుల కోసం కాలేజీల్లో చేరటానికి ముందుగానే సిద్ధమవుతారు.

పరీక్షల ఫలితాలు

తెలంగాణలో 10వ తరగతి పరీక్షల ఫలితాలు (10th Results) ఏప్రిల్ 30న ఉదయం 11 గంటలకు విడుదలయ్యే అవకాశం ఉంది. ఆంధ్రప్రదేశ్‌లో కూడా పదవ తరగతి ఫలితాలు ఏప్రిల్ నెలలోనే విడుదలయ్యే అవకాశం ఉంది. ఇంటర్ ఫస్ట్ ఇయర్ మరియు సెకండ్ ఇయర్ ఫలితాలు కూడా ఏప్రిల్ నెలలోనే విడుదలయ్యే అవకాశం ఉంది. తెలంగాణలో కూడా ఇంటర్ ఫలితాలు (Inter Results) అదే నెలలో విడుదలయ్యే అవకాశం ఉంది. అయితే ఎప్పుడు ఇంటర్ ఫలితాలు.. విడుదలవుతాయనే విషయం అధికారికంగా వెల్లడికాలేదు.

ఈ రాశివారికి ఆకస్మిక ధనలాభం ఉంది

Horoscope

admin

-

March 13, 2025

0

Daily Horoscope in Telugu 2025 March 13th Thursday: గురువారం (2025 మార్చి 13). శ్రీ క్రోధి నామ సంవత్సరం, ఉత్తరాయణం, శిశిర ఋతువు, పాల్గుణ మాసం, శుక్ల పక్షం. రాహుకాలం మధ్యాహ్నం 1:30 నుంచి 3:00 వరకు. యమగండం ఉదయం 6:00 నుంచి 7:30 వరకు. అమృత ఘడియలు రాత్రి 10:50 నుంచి 12:30 వరకు. దుర్ముహూర్తం ఉదయం 10:00 నుంచి 10:48 వరకు.

మేషం

సన్నిహితుల నుంచి శుభవార్తలు వింటారు. విందు వినోదాల్లో పాల్గొంటారు. సంఘంలో గౌరవం పెరుగుతుంది. వృత్తి ఉద్యోగాలకు సంబంధించిన నిర్ణయాలు తీసుకుంటారు. ముఖ్యమైన కార్యక్రమాల్లో విజయం సాధిస్తారు. చిన్ననాటి మిత్రులను కలుసుకుంటారు. ఆర్ధిక పరిస్థితి మెరుగ్గా ఉంటుంది.