ఇటీవలే భారత్ – అమెరికా మధ్య మధ్యంతర వాణిజ్య ఒప్పందం ఖరారైంది. దీంతో అక్కడి నుంచి ఇక్కడికి దిగుమతి అయ్యే చాలా వస్తు, వాహనాల ధరలు తగ్గుతాయి. దీంతో భారతీయులు కొంత తక్కువ ధరకే వాహనాలను కొనుగోలు చేయడానికి ఆస్కారం ఉంటుంది. అయితే ఎలక్ట్రిక్ వాహనాల దిగుమతులపైన ఎలాంటి రాయితీ ఉండదు.
30 శాతానికి ట్యాక్స్!
అమెరికా నుంచి ఇండియాకు దిగుమతి అయ్యే ఫ్యూయెల్ కార్ల ధరలపై సుంకాలు 110 శాతం నుంచి 30 శాతానికి వచ్చాయి. అంటే మన దేశానికీ దిగుమతి అయ్యే వాహనాలపై 80 శాతం ట్యాక్స్ తగ్గిందన్నమాట. ఇక్కడ గుర్తించుకోవలసిన విషయం ఏమిటంటే.. ఈ తగ్గింపులు 3000 సీసీ కంటే తక్కువ ఇంజిన్ సామర్థ్యం కలిగిన వాహనాలను మాత్రమే వర్తిస్తాయి. ఇవి కూడా దశలవారీ 10 సంవత్సరాలలో అమలులోకి వస్తాయి.
ఎలక్ట్రిక్ వాహనాలకు నో ట్యాక్స్!
యూఎస్ఏ ఎలక్ట్రిక్ వాహనాలపైన ఇండియా ఉద్దేశ్యపూర్వకంగానే ట్యాక్స్ నుంచి మినహాయింపు ఇచ్చింది. దీంతో టెస్లా వంటి కార్లు ఖరీదైనవిగానే ఉంటాయి. మన దేశంలో ఎలక్ట్రిక్ వాహనాల వినియోగం పెరగాలని.. దేశంలోనే ఎలక్ట్రిక్ వాహనాల తయారీ జరగాలనే ఉద్దేశ్యంతో ఈ నిర్ణయం తీసుకున్నట్లు తెలుస్తోంది.
తగ్గనున్న బైక్ ధరలు!
అమెరికా తయారు చేసిన బైకులపై కూడా.. భారత్ సుంకాలను తొలగించనుంది. కాబట్టి హార్లే డేవిడ్సన్ తక్కువ ధరకు అందుబాటులో ఉంటాయి. అయితే ఇప్పటి వరకు ఇండియాకు వస్తున్నా ఈ బ్రాండ్ బైకులు థాయిలాండ్ నుంచి దిగుమతి అవుతున్నాయి. కాబట్టి ఇదే కొనసాగితే.. ఈ బైకుల ధరల్లో బహుశా పెద్దగా మార్పులు కనిపించకపోవచ్చు. అయితే భవిష్యత్తులో ఈ బైకులు నేరుగా అమెరికా నుంచే దిగుమతి చేసుకోవడానికి కావలసిన ఏర్పాట్లను చేస్తున్నారు.
మూడో స్థానంలో భారత్!
ప్రస్తుతం ప్రపంచంలో అమెరికా, చైనా తరువాత భారత్ అతిపెద్ద ఆటోమొబైల్ మార్కెట్. ప్రస్తుతం విదేశాల నుంచి దిగుమతి చేసుకునే వాహనాలపై ఇండియా 70 నుంచి 110 శాతం ట్యాక్స్ విధిస్తోంది. దీని వల్ల మన దేశంలో ఆటోమొబైల్ మార్కెట్.. భారీగా అభివృద్ధి చెందింది. కొన్ని ఇతర దేశాల కంపెనీలు.. ఇక్కడే తమ వాహనాలను తయారు చేయడం కూడా మొదలుపెట్టాయి. ఇప్పుడు అమెరికా దిగుమతులపై భారత్ ట్యాక్స్ తగ్గించడం వల్ల అమెరికా వాహన అమ్మకాలు మరింత పెరిగే అవకాశం లేకపోలేదు.
షరతులు వర్తిస్తాయా?
అయితే.. వాహనాల ధరలు, దిగుమతి సుంకాలు ఒక్కసారిగా తగ్గే అవకాశం లేదు. దశలవారీగా తగ్గుతాయి. అయితే ఎలా అమలు చేస్తారు, దీనికి ఏమైనా షరతులు, పరిమితులను విధిస్తారా? అనేది తెలియాల్సి ఉంది. ప్రస్తుతానికి ఈ రాయితీలు.. ఐసీఈ కార్లు, బైకులకు మాత్రమే పరిమితం.
యూరోపియన్ యూనియన్తో విరుద్ధం!
అమెరికా – భారత్ మధ్య జరిగిన ఒప్పందం.. యూరోపియన్ యూనియన్తో ఇండియా చేసుకున్న వాణిజ్య ఒప్పందానికి కొంత విరుద్ధంగా ఉంది. ఇక్కడ విస్తృత శ్రేణి వాహనాలలో ట్యాక్స్ రేట్లు 10 శాతం వరకు ఉన్నాయి. కొన్ని ఎలక్ట్రిక్ వాహనాలకు ఈ రాయితీలు ఉన్నాయి. మొత్తం మీద రాయితీల వల్ల.. ఏ యూఎస్ వాహనాల ధరలు ఎంత తగ్గాయనే విషయం అధికారికంగా తెలియాల్సి ఉంది.
డిజిటల్ కంటెంట్ రైటర్గా పనిచేస్తున్నారు. ప్రముఖ విశ్వ విద్యాలయం శ్రీ వెంకటేశ్వర యూనివర్సిటీలో MA తెలుగు చేశారు. తాజా సినిమా, పాలిటిక్స్, నేషనల్, స్పోర్ట్స్కు సంబంధించిన వార్తలతో పాటు ప్రత్యేకమైన కథనాలు రాస్తారు. డిజిటల్ కంటెంట్ రైటర్గా సంవత్సరం అనుభవం కలిగి ఉన్నారు. ఈయనకు పాటలు, కవితలు, షార్ట్ ఫిలిమ్స్ వంటివాటికి మాటలు రాసే అలవాటు ఉంది. సహజంగా జానపద, సినిమా పాటలు గాయకుడు.