Indian Railways New Boarding Rule: ఇండియన్ రైల్వే.. ప్రయాణికుల కోసం కీలక సడలింపు కల్పించింది. భారతీయ రైల్వే 2026(Indian Railways new rules 2026) ఏప్రిల్ 1 నుంచి బోర్డింగ్ పాయింట్ మార్చుకునే కొత్త నియమాన్ని అమల్లోకి తీసుకొచ్చింది. ఈ కొత్త విధానం ప్రకారం, ప్రయాణికులు ట్రైన్ బయలుదేరే ముందు 30 నిమిషాల వరకు తమ బోర్డింగ్ స్టేషన్ను మార్చుకోవచ్చు. ఈ నిర్ణయం దక్షిణ రైల్వే అధికారులు ప్రకటించారు.
రైల్వే ప్రయాణాల్లో చివరి నిమిషంలో ప్లాన్ మార్పులు సాధారణం అవుతున్నాయి. ముఖ్యంగా ట్రాఫిక్, సమయాభావం వంటి కారణాలతో బుక్ చేసిన స్టేషన్కు చేరుకోలేకపోవడం వల్ల చాలా మంది ప్రయాణికులు ఇబ్బందులు పడుతున్నారు. ఈ సమస్యను దృష్టిలో ఉంచుకుని Indian Railways మరింత సౌకర్యవంతమైన విధానాన్ని అమలు చేసింది.
ఈ కొత్త సదుపాయం ప్రకారం.. ప్రయాణికులు తమ బోర్డింగ్ పాయింట్ను ట్రైన్ బయలుదేరే సమయానికి 30 నిమిషాల ముందు వరకు మార్చుకోవచ్చు. సాధారణంగా ట్రైన్ బయలుదేరే ముందు సెకండ్ ఫైనల్ రిజర్వేషన్ చార్ట్ తయారవుతుంది. ఆ చార్ట్ తయారయ్యే సమయానికి ముందే ఈ మార్పును చేసుకోవాల్సి ఉంటుంది.
బోర్డింగ్ పాయింట్ మార్పు – ప్రయోజనం
ఈ మార్పు వల్ల ప్రయాణికులకు పెద్ద ఎత్తున ప్రయోజనం కలుగుతుంది. ఉదాహరణకు, ఒక ప్రయాణికుడు స్టేషన్-1 నుంచి టికెట్ బుక్ చేసుకున్నాడు అనుకుందాం. కానీ అతను స్టేషన్-5కి మాత్రమే సమయానికి చేరుకోగలిగితే, ఇప్పుడు ఆ స్టేషన్ నుంచే ఎక్కే అవకాశం ఉంటుంది. దీంతో కన్ఫర్మ్డ్ టికెట్ ఉన్నప్పటికీ ప్రయాణం మిస్ అవ్వాల్సిన అవసరం ఉండదు.
రైల్వే మంత్రి Ashwini Vaishnaw మార్చి 24న మాట్లాడుతూ.. ఈ కొత్త సదుపాయం వల్ల ప్రయాణికులు తమ సీట్లను కోల్పోకుండా ఉండగలరని తెలిపారు. ఇది ప్రయాణాన్ని మరింత సులభతరం చేస్తుందని ఆయన పేర్కొన్నారు.
ఇది వారికి మాత్రమే..
ఈ సదుపాయం కేవలం కన్ఫర్మ్డ్ టికెట్ లేదా RAC (Reservation Against Cancellation) ఉన్న ప్రయాణికులకు మాత్రమే వర్తిస్తుంది. వెయిటింగ్ లిస్ట్ టికెట్లు ఉన్నవారికి ఈ సదుపాయం అందుబాటులో ఉండదు. అలాగే, బోర్డింగ్ పాయింట్ మార్పు ఒక్కసారి మాత్రమే చేయవచ్చు. ముఖ్యంగా గమనించాల్సింది ఏమిటంటే, ఫైనల్ చార్ట్ తయారైన తర్వాత ఎలాంటి మార్పులు చేయడానికి అవకాశం ఉండదు. కాబట్టి ప్రయాణికులు సమయానికి ముందే నిర్ణయం తీసుకోవాలి.
ఆన్లైన్లో ఎలా మార్చుకోవాలి?
ప్రస్తుతం ఈ సదుపాయం ఆన్లైన్ మరియు ఆఫ్లైన్ రెండు విధానాల్లో అందుబాటులో ఉంది. IRCTC వెబ్సైట్ లేదా మొబైల్ యాప్ ద్వారా సులభంగా బోర్డింగ్ పాయింట్ మార్చుకోవచ్చు.
- IRCTC వెబ్సైట్ లేదా యాప్లో లాగిన్ అవ్వాలి.
- “My Account” → “My Transactions” → “Booked Ticket History” కు వెళ్లాలి.
- సంబంధిత టికెట్ను ఎంపిక చేసి “Change Boarding Point” పై క్లిక్ చేయాలి.
- అందుబాటులో ఉన్న స్టేషన్లలో ఒకదాన్ని ఎంచుకోవాలి.
- “OK” క్లిక్ చేసి కన్ఫర్మ్ చేయాలి.
- మీ మొబైల్కు SMS ద్వారా ధృవీకరణ వస్తుంది.
అలాగే, కౌంటర్ వద్ద టికెట్ బుక్ చేసుకున్న వారు సమీపంలోని PRS (Passenger Reservation System) కేంద్రానికి వెళ్లి కూడా మార్పు చేసుకోవచ్చు.
ప్రయాణికులకు ఉపయోగం ఇలా..
ఈ నిర్ణయం ముఖ్యంగా పట్టణాల్లో ట్రాఫిక్ సమస్యలు ఎక్కువగా ఉండే ప్రాంతాల్లో ప్రయాణికులకు పెద్ద ఉపశమనం ఇస్తుంది. అలాగే, అనుకోని పరిస్థితుల్లో కూడా ప్రయాణాన్ని కొనసాగించే అవకాశాన్ని కల్పిస్తుంది. ఇది రైల్వే ప్రయాణాన్ని మరింత ఫ్లెక్సిబుల్గా మార్చే ఒక కీలక అడుగుగా నిపుణులు భావిస్తున్నారు. Indian Railways తీసుకున్న ఈ నిర్ణయం భవిష్యత్తులో మరిన్ని సౌకర్యాలకు దారితీసే అవకాశం ఉంది.
గిరిబాబు – నేను MarthaTelugu వెబ్సైట్లో డిజిటల్ కంటెంట్ రైటర్గా పనిచేస్తున్నారు. శ్రీ వెంకటేశ్వర యూనివర్సిటీలో MA తెలుగు చేశారు. నాకు రైటర్గా మూడేళ్ల అనుభవం ఉంది. నాకు జాతీయ వార్తలు, ప్రత్యేక కథనాలు రాయడంలో ప్రావీణ్యం ఉంది. వార్తలు మాత్రమే కాకుండా పాటలు, కవితలు, షార్ట్ ఫిలిమ్స్ వంటివాటికి మాటలు రాసే అలవాటు ఉంది. సహజంగా జానపద, సినిమా పాటలు గాయకుణ్ణి.