దేవర రివ్యూ: సినిమాలో హైలెట్స్ ఇవే..

by

Jr. NTR Devara Movie Review: రాజమౌళి ఆర్ఆర్ఆర్ తరువాత జూ.ఎన్టీఆర్ (Jr.NTR) నటించిన దేవర మొత్తానికి ప్రపంచ వ్యాప్తంగా విడుదలైంది. జూ.ఎన్టీఆర్ అభిమానులకు ఈ రోజు పెద్ద పండుగ అనే చెప్పాలి. ఇప్పటికే అనేక బ్లాక్ బస్టర్స్ తన ఖాతాలో వేసుకున్న ఎన్టీఆర్‌కు దేవర (Devara) మారాయి విజయాన్ని అందిస్తుందా లేదా అనేది తెలిసిపోతుంది.

కొరటాల శివ దర్శకత్వంలో తెరకెక్కిన దేవర సినిమా ప్రపంచ వ్యాప్తంగా విడుదలైపోయింది. విదేశాల్లో మాత్రమే కాకుండా ఇండియాలో కూడా మిడ్ షోలు, ఫ్యాన్స్ షోలు పూర్తైపోయాయి. జూ.ఎన్టీఆర్ ద్విపాత్రాభినయం మళ్ళీ అభిమానులను ఎంతగానో ఆకట్టుకుంది. సినిమా చూసినవాళ్లంతా జూ.ఎన్టీఆర్ ఖాతాలో మరో విజయం ఖాయమని చెబుతున్నారు.

ఇప్పటికే దేవర బుకింగ్స్ రెండున్నర మిలియన్ డాలర్స్ దాటిపోయినట్లు సమాచారం. అమెరికాలో ప్రీమియర్ టాక్ షో అద్భుతంగా ఉందని తెలిసిపోయింది. జూ.ఎన్టీఆర్ పర్ఫామెన్స్ మళ్ళీ రుజువు చేసుకున్నారు. చివరి 20 నిముషాలు చాలా ఆసక్తికరంగా ఉందని తెలుస్తోంది.


జాన్వీ కపూర్ తెలుగు సినిమాల్లో నటించడం ఇదే మొదటిసారి అయినప్పటికీ.. మంచి పర్ఫమెన్స్ చేసింది. అచ్చమైన తెలుగు అమ్మాయిలా ఇమిడిపోయింది జాన్వీ పాప అందరినీ ఆకట్టుకుంది. తెలుగు అడుగుపెట్టిన జాన్వీకి ఇది పెద్ద బ్లాక్ బస్టర్ అనే చెప్పాలి. అనిరుద్ మ్యూజిక్ వేరే లెవెల్ అనే చెప్పాలి. ఇక సైఫ్ అలీ ఖాన్ పర్ఫామెన్స్ గురించి పెద్దగా చెప్పాల్సిన అవసరమే లేదు.

ఇప్పటికే తెలుగు రాష్ట్రాల్లో మిడ్ నైట్ షోలు పూర్తయిపోయాయి. ఫ్యాన్స్ షోలు కూడా కిక్కిరిసిపోయాయి. సుమారు ఏడాది తరువాత జూ.ఎన్టీఆర్ సినిమా రిలీజ్ కావడం అభిమానులకు పెద్ద పండుగ తీసుకువచ్చినట్లు అయింది. మొత్తానికి ఈ సినిమా ఎన్టీఆర్ ఖాతాలో మరో బ్లాక్ బస్టర్ అంటున్నారు అభిమానులు.