రష్మిక మందన్నా, దీక్షిత్ కలిసి నటించిన సినిమా ది గర్ల్ఫ్రెండ్. ఈ మూవీ నవంబర్ 07న ప్యాన్ ఇండియా లెవల్లో.. తెలుగు, తమిళం, కన్నడ, మలయాళం, హిందీ భాషల్లో.. థియేటర్లలో విడుదలైంది. మంచి పాజిటివ్ సక్సెస్తో విజయవంతంగా నడుస్తున్నది. అందాల రాక్షసి ఫేమ్ హీరో రాహుల్ రవీంద్రన్ ఈ చిత్రానికి దర్శకత్వం వహించారు. సినిమాలో నటించారు కూడా. కాగా ఈ మూవీకి సంబంధించిన సక్సెస్ మీట్ హైదరాబాద్లో నిర్వహించడం జరిగింది. ఈ కార్యక్రమానికి విజయ్ దేవరకొండ, అల్లు అరవింద్, చిత్ర యూనిట్ రష్మిక మందన, దీక్షిత్, డైరెక్టర్ రాహుల్ రవీంద్రన్ తదితరులు పాల్గొన్నారు. ఈ సందర్బంగా రాహుల్ రవీంద్రన్ తన మనసులోని మాటలను ఆవిష్కరించారు.
నటుడిగానే కాదు.. నిర్మాతగా కూడా!
రాహుల్ రవీంద్రన్ యాక్టింగ్ పరంగానే అందరికి సుపరిచితుడు. కానీ చి. ల. సౌ, మన్మధుడు-2 ఇప్పుడు ది గర్ల్ఫ్రెండ్ వంటి సినిమాలతో దర్శకుడిగా తనకంటూ ఒక ప్రత్యేక గుర్తింపును తెచ్చుకున్నాడు. చేసిన మూడింటిలో రెండు సినిమాలు అటు బాక్స్ ఆఫీస్ పరంగా ఇటు క్రిటిక్స్ పరంగా రెండు రకాలుగా మంచి ఫలితాలను ఇచ్చాయి. అతని స్క్రీన్ప్లే అద్భుతంగా ఉంటుంది. అతని మొదటి సినిమాకే బెస్ట్ స్క్రీన్ప్లే రైటర్ మరియు బెస్ట్ డెబ్యూ డైరెక్టర్ అవార్డు అందుకున్నాడు. పితృస్వామ్య వ్యవస్థ, మహిళల యొక్క స్వేచ్ఛ, మానవ సంబంధాలు, మనిషి వ్యక్తిగత అభివృద్ధి.. ఇవే అతని ప్రధాన కథా వస్తువుగా తన సినిమాల్లో కనిపిస్తుంటాయి. నటుడుగా దాదాపు ఒక 20 సినిమాలకు పైనే చేసి ఉంటాడు. ది గర్ల్ఫ్రెండ్ సినిమా తీయడానికి ముందు ఆరు సంవత్సరాలపాటు ఏ సినిమాల్లో నటించలేదు, డైరెక్షన్ చేయలేదు. అయినప్పటికీ మంచి స్టోరీతో దర్శకుడిగా గొప్ప విజయం అందుకున్నాడు.
నాన్నా.. ఇప్పుడు మీరు ఉండుంటే బాగుండేది
ఈ విజయోత్సవం సందర్భంగా రాహుల్ పక్కన తన నాన్న లేకపోవడం (కన్ను మూశారు) గురించి చాలా బాధపడ్డాడు. ఎంబీఏ పూర్తయిన తరువాత ఉద్యోగంలో జాయిన్ అయినప్పుడు తను తీసుకున్న ఫస్ట్ శాలరీతో వాళ్ల నాన్నకి కొనిచ్చిన హ్యాండ్ వాచ్ కట్టుకోని ఫంక్షన్కి వచ్చాడు. తన లాస్ట్ సినిమా రిలీజ్ అయ్యి ఆరేళ్లు అయింది. మళ్లీ ఇప్పుడు ఈ సినిమాతో సక్సెస్ చూశాడు.
రాహుల్ మాట్లాడుతూ “నాన్న నిజంగా ఇప్పుడు మిమ్మల్ని నేను చాలా మిస్ అవుతున్నాను. ఈ సమయంలో మీరు ఉండుంటే బాగుండేది. బహుశా పైన ఉండి మీరే ఇదంతా ప్లాన్ చేశారేమో అందుకే ఈ సక్సెస్ వచ్చింది, థాంక్యూ, లవ్యూ నాన్న అంటూ తన తండ్రి గురించి ఎమోషన్ అయ్యాడు. తన భార్య సింగర్ చిన్మయి శ్రీపాద పన్నెండు సంవత్సరాల క్రితం ఇచ్చిన చొక్కా వేసుకొచ్చాడు. నాన్నకు, భార్యకు రాహుల్ ఈ విధంగా కృతజ్ఞతలు తెలియజేసాడు”. మువీ టీమ్ గురించి అనేక విషయాలు పంచుకున్నాడు. దీక్షిత్, రష్మికలను పొగడ్తలతో ముంచేసాడు.
సక్సెస్ మీట్లో విజయ్ దేవరకొండ
ది గర్ల్ఫ్రెండ్ సినిమా సక్సెస్ మీట్ కార్యక్రమానికి ముఖ్య అతిధిగా విచ్చేసిన నటుడు విజయ్ దేవర కొండ.. రష్మికను తెగ పొగిడేసాడు. తన చుట్టూ ఉన్నవాళ్లు బాగుండాలని కోరుకుంటుందని, ఎవరు ఎమన్నా పట్టించుకోకుండా ముందుకు వెళ్ళిపోతుందని అన్నాడు. సినిమా మంచి విజయం సాధించిందని, చిత్ర బృందానికి అభినందనలు తెలియజేసారు.
డిజిటల్ కంటెంట్ రైటర్గా పనిచేస్తున్నారు. ప్రముఖ విశ్వ విద్యాలయం శ్రీ వెంకటేశ్వర యూనివర్సిటీలో MA తెలుగు చేశారు. తాజా సినిమా, పాలిటిక్స్, నేషనల్, స్పోర్ట్స్కు సంబంధించిన వార్తలతో పాటు ప్రత్యేకమైన కథనాలు రాస్తారు. డిజిటల్ కంటెంట్ రైటర్గా సంవత్సరం అనుభవం కలిగి ఉన్నారు. ఈయనకు పాటలు, కవితలు, షార్ట్ ఫిలిమ్స్ వంటివాటికి మాటలు రాసే అలవాటు ఉంది. సహజంగా జానపద, సినిమా పాటలు గాయకుడు.