ప్రస్తుతం ఇండియన్ మార్కెట్లో చాలా టూవీలర్ కంపెనీలు.. లెక్కకు మించిన బైకులను లాంచ్ చేశాయి, చేస్తున్నాయి. ఇందులో తక్కువ ధర వద్ద లభించే బైకులు ఉన్నాయి, ఎక్కువ ధర వద్ద అందుబాటులో ఉన్న బైకులు ఉన్నాయి. అయితే చాలామంది తక్కువ ధరలో.. ఉత్తమ పనితీరును అందించే బైక్ కొనాలనుకుంటారు. అలాంటి వారికోసం ఈ కథనంలో లక్ష రూపాయల కంటే తక్కువ ధరలో లభించే 5 బైకుల గురించి పరిశీలిద్దాం.
హోండా ఎస్పీ 125
భారతీయ మార్కెట్లో కొంత తక్కువ ధరలో లభించే బైకుల జాబితాలో హోండా ఎస్పీ 125 ఒకటి. దీని ప్రారంభ ధర రూ. 93,247 (ఎక్స్ షోరూం). ఇది 123.94 సీసీ ఎయిర్ కూల్డ్ సింగిల్ సిలిండర్ ఇంజిన్ ద్వారా 10.9 హార్స్ పవర్, 10.9 న్యూటన్ మీటర్ టార్క్ ప్రొడ్యూస్ చేస్తుంది. ఇది 2025 ఓబీడీ2బీ ఉద్గార నిబంధనలకు అనుకూలంగా 4.2 ఇంచెస్ టీఎఫ్టీ డిస్ప్లే, యూఎస్బీ ఛార్జింగ్ పోర్ట్ వంటివి పొందింది.
టీవీఎస్ రైడర్ 125
రూ. 87,375 (ఎక్స్ షోరూం) వద్ద మార్కెట్లో అందుబాటులో ఉన్న టీవీఎస్ రైడర్ 125 కూడా మన జాబితాలో చెప్పుకోదగ్గ బైక్. ఇది స్పోర్టి డిజైన్ కలిగి అప్డేటెడ్ ఫీచర్స్ పొందుతుంది. యువ రైడర్లను లక్ష్యంగా చేసుకుని కంపెనీ ఈ బైకును లాంచ్ చేసింది. ఇది 124.8 సీసీ సింగిల్ సిలిండర్ ఇంజిన్ ద్వారా 11.4 హార్స్ పవర్, 11.2 న్యూటన్ మీటర్ టార్క్ అందిస్తుంది. ఇది మల్టిపుల్ కలర్స్, మల్టిపుల్ వేరియంట్లలో అందుబాటులో ఉంటుంది.
హీరో ఎక్స్ట్రీమ్ 125ఆర్
కొంత తక్కువ ధరలో లభించే బైకుల జాబితాలో హీరో ఎక్స్ట్రీమ్ 125ఆర్ కూడా ఒకటి. దీని ప్రారంభ ధర రూ. 98,425 (ఎక్స్ షోరూం). ఈ బైక్ 124.7 సీసీ ఇంజిన్ పొందుతుంది. ఇది 11.5 హార్స్ పవర్, 10.5 ఎన్ఎమ్ టార్క్ అందిస్తుంది. కొత్త డిజైన్, లేటెస్ట్ ఫీచర్స్ కలిగిన ఈ బైక్ మొత్తం మూడు వేరియంట్లలో అందుబాటులో ఉంటుంది.
బజాజ్ పల్సర్ 125
ఇండియన్ మార్కెట్లో అత్యంత ప్రజాదరణ పొందిన బజాజ్ పల్సర్ 125 కూడా మన జాబితాలో ఒకటి. దీని ప్రారంభ ధర రూ. 85,178 (ఎక్స్ షోరూం). ఎక్కువమంది యువకులు ఇష్టపడి కొనుగోలు చేస్తున్న బైకుల జాబితాలో ఒకటిగా ఉన్న బజాజ్ పల్సర్ 125.. 124.4 సీసీ సింగిల్ సిలిండర్ ఇంజిన్ ద్వారా 11.8 హార్స్ పవర్, 10.8 ఎన్ఎమ్ టార్క్ ప్రొడ్యూస్ చేస్తుంది. డిజైన్, ఫీచర్స్, పర్ఫామెన్స్ అన్నీ కూడా అద్భుతంగా ఉన్నాయి.
బజాజ్ పల్సర్ ఎన్125
పల్సర్ ఎన్125.. పల్సర్ 125 రెండూ ఒకే కంపెనీకి చెందినప్పటికీ డిజైన్, పనితీరు అన్నీ వేరుగా ఉంటాయి. ధరలో కూడా వ్యత్యాసం ఉంది. ఈ బైక్ పూర్తిగా కొత్త ప్లాట్ఫామ్పై నిర్మితమైంది. దీని ధర రూ. 93,158 (ఎక్స్ షోరూం). ఈ బైకులోని ఇంజిన్ 12 హార్స్ పవర్, 11 న్యూటన్ మీటర్ టార్క్ ప్రొడ్యూస్ చేస్తుంది.
పైన పేర్కొన్న ధరలు అన్నీ కూడా ఎక్స్ షోరూం ఆధారంగా ఉన్నవే. ఆన్ రోడ్ ధరలు వేరుగా ఉంటాయి. అంతే కాకుండా యాక్సెసరీస్ ధరలు అన్నీ కలిపితే ఎక్స్ షో రూమ్ ధరల కంటే కొంత ఎక్కువగానే ఉంటాయి. ఇది మాత్రమే కాకుండా.. ఆన్ రోడ్ ధరలు కూడా నగరాన్ని బట్టి మారుతాయి. మీరు ఎంచుకునే వేరియంట్ను బట్టి కూడా ధరలలో వ్యత్యాసం ఉంటుంది. పాఠకులు లేదా వాహన ప్రేమికులు దీనిని తప్పకుండా దృష్టిలో ఉంచుకోవాలి.
ఉమశ్రీ చీఫ్ ఎడిటర్గా పనిచేస్తున్నారు. ట్రెండింగ్ అంశాలు, వివిధ విభాగాలపై ప్రత్యేక కథనాలను రాస్తారు. ఆయన తెలంగాణ, ఆంధ్రప్రదేశ్, జాతీయ, అంతర్జాతీయ వార్తలు, సైన్స్ & టెక్నాలజీ, కేంద్ర ప్రభుత్వ పథకాలు, మౌలిక సదుపాయాల కల్పన, పాలిటిక్స్ తదితర రంగాలకు సంబంధించిన విశ్లేషణాత్మక కథనాలు అందిస్తున్నారు. జర్నలిజం రంగంలో ఆయనకు 8 సంవత్సరాలకు పైగా అనుభవం ఉంది.
