ప్రముఖ టూ వీలర్ తయారీ సంస్థ టీవీఎస్ మోటార్ దేశీయ మార్కెట్లో.. సరికొత్త రైడర్ వేరియంట్ ‘సూపర్ స్క్వాడ్ ఎడిషన్‘ను లాంచ్ చేసింది. ఈ కొత్త వేరియంట్ ఇప్పటికి మార్కెట్లో ఉన్న రైడర్ బైక్ కంటే కొంత భిన్నంగా ఉంటుంది. ఈ లేటెస్ట్ వేరియంట్ ధర, ఇతర వివరాలను ఇక్కడ వివరంగా తెలుసుకుందాం.
ధర
సరికొత్త టీవీఎస్ రైడర్ సూపర్ స్క్వాడ్ ఎడిషన్ ధర రూ. 99,465 (ఎక్స్ షోరూమ్ ). ఈ బైక్ డెడ్పూల్ అండ్ వుల్వరైన్ యొక్క లేత నీలం మరియు బ్లాక్ థీమ్ నుంచి ప్రేరణ పొందిన బ్లాక్ అండ్ రెడ్ అనే రెండు కలర్ ఆప్షన్లలో లభిస్తుంది. యువ రైడర్లను దృష్టిలో ఉంచుకుని కంపెనీ ఈ లేటెస్ట్ బైకును లాంచ్ చేసింది. ఇది తప్పకుండా లేటెస్ట్ జనరేషన్ యువతను ఆకట్టుకుంటుందని కంపెనీ చెబుతోంది.
ఇంజిన్
కొత్త టీవీఎస్ రైడర్ కొత్త ఎడిషన్. 124.8 సీసీ ఇంజిన్ 7500 ఆర్పీఎమ్ వద్ద 11.2 బీహెచ్పీ పవర్ మరియు 6000 ఆర్పీఎమ్ వద్ద 11.75 న్యూటన్ మీటర్ టార్క్ అందిస్తుంది. ఇది స్టాండర్డ్ రైడర్ బైక్ కంటే 10 శాతం ఎక్కువ ఇంధన సామర్థ్యాన్ని అందిస్తుంది. ఇంజిన్ 5 స్పీడ్ గేర్బాక్స్తో జతచేయబడి ఉంటుంది. కాబట్టి ఇది మంచి పనితీరును అందిస్తుంది. రైడర్లకు మంచి రైడింగ్ అనుభూతిని అందిస్తుంది.
ఫీచర్స్
లేటెస్ట్ రైడర్ సూపర్ స్క్వాడ్ ఎడిషన్ టీవీఎస్ ఐగో అసిస్ట్ సిస్టం మరియు గ్లైడ్ త్రూ ట్రాఫిక్ టెక్నాలజీ పొందుతుంది. కాగా కంపెనీ ఇప్పుడు కొత్త ఎడిషన్ను లాంచ్ చేయడంతో రైడర్ బైక్ ఇప్పుడు మొత్తం ఆరు వేరియంట్లలో లభిస్తుంది. ఈ బైక్ ముందు భాగంలో టెలిస్కోపిక్ ఫోర్కులు, వెనుక మోనోషాక్ వంటివి ఉన్నాయి. బ్రేకింగ్ విషయానికి వస్తే.. ఈ బైక్ ముందు భాగంలో డిస్క్ బ్రేక్స్, వెనుక డ్రమ్ బ్రేక్స్ ఉన్నాయి. 17 ఇంచెస్ వీల్స్ మీద ఈ బైక్ నడుస్తుంది.
ఆధునిక కలర్ ఆప్షన్లలో అందుబాటులో ఉన్న ఈ కొత్త టీవీఎస్ రైడర్ సూపర్ స్క్వాడ్ ఎడిషన్.. ఇండియన్ మార్కెట్లో హీరో ఎక్స్ట్రీమ్ 125ఆర్, హోండా ఎస్పీ125, బజాజ్ పల్సర్ ఎన్125 వంటి వాటికి ప్రధాన ప్రత్యర్థిగా ఉంటుంది. కాబట్టి రైడర్ కొత్త ఎడిషన్ అమ్మకాల పరంగా కొంత పోటీని ఎదుర్కోవాల్సి ఉంటుంది.
స్పెషల్ ఎడిషన్స్ వల్ల ఉపయోగాలు
నిజానికి ఏదైనా స్పెషల్ ఎడిషన్ అంటే.. కొంత స్పెషల్ ఉంటుంది. అంటే కాస్మొటిక్ అప్డేట్స్, ఇంజిన్ పర్ఫామెన్స్ వంటివి. కాస్మొటిక్ అప్డేట్లలో చెప్పుకోదగ్గవి కలర్ ఆప్షన్స్. యువత ఎప్పటికప్పుడు కొత్తదనాన్ని కోరుకుంటారు. దీనిని దృష్టిలో ఉంచుకుని కంపెనీలు స్పెషల్ ఎడిషన్ పేరుతో కొత్త వెహికల్స్ లాంచ్ చేస్తాయి. ఇవి కంపెనీలు ఎక్కువమంది కస్టమర్లను తమవైపు ఆకట్టుకోవడంలో భాగమనే చెప్పాలి. ఇప్పటికే చాలా కంపెనీ తమ పాపులర్ బ్రాండ్లను.. స్పెషల్ ఎడిషన్స్ పేరుతో లాంచ్ చేసి మంచి అమ్మకాలను పొందాయి. ఇప్పుడు టీవీఎస్ లాంచ్ చేసిన రైడర్ సూపర్ స్క్వాడ్ ఎడిషన్ కూడా మంచి అమ్మకాలను పొందుతుందని భావిస్తున్నాము.
న్యూస్, మీడియా రంగంలో 12 సంవత్సరాల అనుభవం గల సీనియర్ ప్రొఫెషనల్. అనేక ప్రసిద్ధ తెలుగు టీవీ చానెల్స్లో పని చేశారు. ఇప్పటివరకు అనేక వ్యాసాలు, కథనాలు, అలాగే డిజిటల్ కంటెంట్ రచనలు చేయడంలో విశేష అనుభవం ఉంది. డిజిటల్ మార్కెటింగ్, తెలుగు కంటెంట్ సృష్టిలో నైపుణ్యం ఉన్న మహేష్, క్రియేటివ్, ఆకర్షణీయ, సమాచారపరమైన కంటెంట్ రూపకల్పనలో ప్రత్యేకత కలిగిన వ్యక్తి.