ఎంతోమంది వాహన ప్రేమికులు ఎప్పుడెప్పుడా అని ఎదురు చూస్తున్న సరికొత్త మరియు సరసమైన ఎలక్ట్రిక్ స్కూటర్ ‘ఆర్బిటర్‘ను టీవీఎస్ మోటార్ లాంచ్ చేసింది. కంపెనీ ఈ స్కూటర్ కోసం బుకింగ్స్ స్వీకరించడం ప్రారంభించింది. డెలివరీలు త్వరలోనే ప్రారంభమవుతాయి. ఈ లేటెస్ట్ స్కూటర్ ధర, రేంజ్ వంటి వివరాలను ఇక్కడ తెలుసుకుందాం.
ధర
ఇండియన్ మార్కెట్లో లాంచ్ అయిన సరికొత్త ఎలక్ట్రిక్ స్కూటర్ ఆర్బిటర్ ధర రూ. 99,900 (ఎక్స్ షోరూం, బెంగళూరు). ఇది మొత్తం ఆరు పెయింట్ స్కీమ్లలో లభిస్తుంది. అవి నియాన్ సన్బర్స్ట్, స్ట్రాటోస్ బ్లూ, లూనార్ గ్రే, స్టెల్లార్ సిల్వర్, కాస్మిక్ టైటానియం మరియు మార్టిన్ కాపర్ కలర్స్. ఇది మల్టిపుల్ కలర్ ఆప్షన్లలో అందుబాటులో ఉండటం వల్ల.. వినియోగదారుడు తనకు నచ్చిన కలర్ స్కూటర్ కొనుగోలు చేయవచ్చు.
డిజైన్ అండ్ ఫీచర్స్
చూడటానికి కొత్తగా కనిపించే కొత్త టీవీఎస్ ఆర్బిటర్ ఎలక్ట్రిక్ స్కూటర్.. తక్కువ ఫ్లోయింగ్ లైన్లతో మినిమలిస్ట్ అండ్ బాక్సీ డిజైన్ పొందుతుంది. ఇందులో ఒక పెద్ద సైడ్ ప్యానెల్ ముందు అఫ్రాన్ వద్ద ప్రారంభమై వెనుకవైపుకు చిన్నదిగా విస్తరిస్తుంది. ముందు భాగంలో హ్యాండిల్బార్.. మౌంటెడ్ ఎల్ఈడీ హెడ్ల్యాంప్ ఉంటుంది. ఇది ఆప్రాన్ అంతటా రోబోక్యాప్ మాదిరిగా ఉండే ఎల్ఈడీ లైట్ స్ట్రిప్తో అనుసంధానించబడి ఉంటుంది. ఇలాంటి డిజైన్ టీవీఎస్ జూపిటర్లో కనిపిస్తుంది.
టీవీఎస్ ఆర్బిటర్ ఎలక్ట్రిక్ స్కూటర్ 34 లీటర్ల అండర్ సీట్ స్టోరేజిని పొందుతుంది. ఇందులో సులభంగా రెండు హెల్మెట్లను ఉంచుకోవచ్చు. ఈ స్కూటర్ 290 మిమీ ప్లాట్ ఫ్లోర్బోర్డ్ కూడా పొందుతుంది. కాబట్టి రైడర్లకు ఇది రైడింగ్ సమయంలో చాలా ఉపయోగకరంగా ఉంటుంది.
బ్యాటరీ అండ్ రేంజ్ వివరాలు
సరికొత్త టీవీఎస్ ఆర్బిటర్ ఎలక్ట్రిక్ స్కూటర్.. 3.1 కిలోవాట్ బ్యాటరీ ప్యాక్ పొందుతుంది. ఇది ఒక ఫుల్ ఛార్జితో 158 కిమీ రేంజ్ అందిస్తుందని సమాచారం. అయితే రియల్ వరల్డ్ రేంజ్ కొంత తగ్గే అవకాశం ఉంది. కాబట్టి బహుశా ఇది 120 కిమీ రేంజ్ అందిస్తుందని కంపెనీ ధ్రువీకరించింది. దీని స్కూటర్ టాప్ స్పీడ్ గంటకు 68 కిమీ కావడం గమనార్హం. ఈ స్కూటర్ రోజువారీ ప్రయాణానికి లేదా నగర ప్రయాణానికి చాలా ఉపయోగకరంగా ఉంటుంది.
టీవీఎస్ ఆర్బిటర్ ఎలక్ట్రిక్ స్కూటర్.. ముందు భాగంలో 14 ఇంచెస్ వీల్, వెనుక 12 ఇంచెస్ వీల్ పొందుతుంది. కాబట్టి మంచి రైడింగ్ అనుభూతిని అందిస్తుంది. టెక్ విషయానికి వస్తే.. ఈ లేటెస్ట్ స్కూటర్ యాప్ ద్వారా కనెక్ట్ చేయబడిన టెక్నాలజీని పొందుతుంది. దీనిద్వారా టర్న్ బై టర్న్ న్యావిగేషన్, ఓవర్ ది ఎయిర్ అప్డేట్స్, యాంటీ థెఫ్ట్, క్రాష్ అండ్ జియో ఫెన్సింగ్ నోటిఫికేషన్ వంటివి తెలుసుకోవచ్చు. ఈ స్కూటర్ ఎకో మరియు పవర్ మోడ్లు, హిల్ హోల్డ్ అసిస్ట్, పార్కింగ్ అసిస్ట్ మరియు క్రూయిజ్ కంట్రోల్ కూడా పొందుతుంది. మొత్తం మీద కొంత తక్కువ ధరలో.. అత్యాధునిక ఫీచర్లతో టీవీఎస్ చెప్పినట్లే రూ. లక్ష కంటే తక్కువ ధరలోనే లాంచ్ చేసింది. ఇది ఇండియన్ మార్కెట్లో ఇప్పటికే అమ్మకానికి ఉన్న ‘ఏథర్ రిజ్టా‘కు ప్రధాన ప్రత్యర్థిగా ఉంటుంది.
శౌర్య వర్ధన్ సబ్ ఎడిటర్ గా పని చేస్తున్నారు. సినిమా, రాజకీయం వంటి విభిన్న అంశాలపై సమగ్రమైన ఆర్టికల్స్ అందిస్తూ వస్తున్నాను. ఈ రంగంలో నాకు నాలుగు సంవత్సరాల అనుభవం ఉంది. రాయడంలో నైపుణ్యంతో, చదువరులకు స్పష్టమైన మరియు ఆసక్తికరమైన కంటెంట్ అందించడం నా లక్ష్యం.