2025 ఆగస్టు నెల దాదాపు ముగిసింది. ఈ నెలలో టీవీఎస్ ఆర్బిటర్, రైడర్ స్పెషల్ ఎడిషన్, హీరో గ్లామర్ ఎక్స్, కవాసకి కేఎల్ఎక్స్230, కొత్త యెజ్డీ రోడ్స్టర్, కేటీఎమ్ 160 డ్యూక్ మొదలైన బైకులు దేశీయ మార్కెట్లో లాంచ్ అయ్యాయి. కాగా వచ్చే నెలలో (2025 సెప్టెంబర్) కూడా కొన్ని కంపెనీలు తమ ఉత్పత్తులను భారతదేశంలో లాంచ్ చేయడానికి సిద్ధమయ్యాయి. ఇంతకీ లాంచ్ కావడానికి సిద్దమవుతున్న బైకులు ఏవి?, వాటి ధరలు ఎలా ఉండనున్నాయి?, అనే వివరాలను ఈ కథనంలో వివరంగా తెలుసుకుందాం.
టీవీఎస్ ఎన్టార్క్ 150
ప్రస్తుతం భారతదేశంలో 125 సీసీ టీవీఎస్ ఎన్టార్క్ మంచి అమ్మకాలను పొందుతోంది. అయితే కంపెనీ ఇప్పుడు దీనిని 150 సీసీ విభాగంలో లాంచ్ చేయడానికి సన్నద్ధమైంది. ఇది స్టాండర్డ్ ఎన్టార్క్ కంటే కూడా శక్తివంతమైందని తెలుస్తోంది. టీవీఎస్ ఇప్పటికే ఈ స్కూటరుకు సంబంధించిన టీజర్ కూడా లాంచ్ చేసింది.
టీవీఎస్ ఎన్టార్క్ 150 స్కూటర్.. క్వాడ్ ఎల్ఈడీ ప్రొజెక్టర్ హెడ్ల్యాంప్, బ్రాండ్ సిగ్నేచర్తో కూడిన టీ షేప్ ఎల్ఈడీ డీఆర్ఎల్ వంటివి పొందుతుంది. ఇవన్నీ ఈ స్కూటరుకు దూకుడుగా కనిపించే చేస్తుంది. ఇందులో 150 సీసీ ఇంజిన్ ఉండనున్నట్లు తెలుస్తోంది. దీనికి సంబంధించిన అధికారిక సమాచారం ఇంకా వెల్లడి కాలేదు.
సుజుకి ఈ-యాక్సెస్
అన్ని కంపెనీలు ఎలక్ట్రిక్ విభాగంలో తమ వాహనాలను లాంచ్ చేస్తుంటే.. సుజుకి కూడా తన యాక్సెస్ స్కూటరును ఎలక్ట్రిక్ రూపంలో లాంచ్ చేయడానికి సిద్ధమైంది. దీనికి సంస్థ ఈ నెలలో ఇండియన్ మార్కెట్లో లాంచ్ చేసే అవకాశం ఉంది. ఇందులో 3.07 కిలోవాట్ బ్యాటరీ ఉంటుంది. ఇది ఒక ఫుల్ ఛార్జితో 95 కిమీ రేంజ్ అందిస్తుందని సమాచారం. ఇందులోని ఎలక్ట్రిక్ మోటారు 5.5 బీహెచ్పీ పవర్, 15 న్యూటన్ మీటర్ టార్క్ ప్రొడ్యూస్ చేస్తుంది.
వీఎల్ఎఫ్ మాబ్స్టర్
మోటొహాస్ కంపెనీ సెప్టెంబర్ 25న ఇండియన్ మార్కెట్లో వీఎల్ఎఫ్ మాబ్స్టర్ స్కూటర్ లాంచ్ చేయడానికి సిద్ధమైంది. ఇప్పటికే గ్లోబల్ మార్కెట్లో అందుబాటులో ఉన్న ఈ స్కూటర్ మొదటిసారి దేశీయ విఫణిలోకి అడుగుపెట్టనుంది. కంపెనీ లాంచ్ చేయనున్న ఈ స్కూటర్ గురించి చాలా వివరాలు ప్రస్తుతానికి అందుబాటులో లేదు. అయితే విదేశీ మార్కెట్లో అమ్ముడవుతున్న ఈ స్కూటర్ 11.9 బీహెచ్పీ పవర్, 11.7 న్యూటన్ మీటర్ టార్క్ అందించే 125 సీసీ ఇంజిన్, 17.7 బీహెచ్పీ పవర్ 15.7 ఎన్ఎమ్ టార్క్ అందించే 180 సీసీ ఇంజిన్ పొందుతుంది. కాగా దేశీయ మార్కెట్లో లాంచ్ అయ్యే స్కూటర్ ఏ ఇంజిన్ పొందుతుందనే విషయాన్ని సంస్థ వెల్లడించలేదు.
440 సీసీ హార్లే డేవిడ్సన్
అమెరికన్ వాహన తయారీ సంస్థ హార్లే డేవిడ్సన్ కూడా మార్కెట్లో.. 440 సీసీ విభాగంలో బైక్ లాంచ్ చేయడానికి సిద్ధమైంది. దీనిని కంపెనీ హీరో మోటోకార్ప్ భాగస్వామ్యంతో నిర్మించనుంది. ఇది 27 బీహెచ్పీ పవర్, 36 న్యూటన్ మీటర్ టార్క్ ప్రొడ్యూస్ చేసే 440 సీసీ సింగిల్ సిలిండర్ ఇంజిన్ పొందనున్నట్లు సమాచారం. ఇంజిన్ 6 స్పీడ్ గేర్బాక్స్తో లభించనుంది. ఈ బైక్ ఎప్పుడు లాంచ్ అవుతుందనే విషయాలు వెల్లడి కాలేదు. కానీ ఈ నెలలో లాంచ్ అయ్యే అవకాశం ఉందని సమాచారం.
ఉమశ్రీ చీఫ్ ఎడిటర్గా పనిచేస్తున్నారు. ట్రెండింగ్ అంశాలు, వివిధ విభాగాలపై ప్రత్యేక కథనాలను రాస్తారు. ఆయన తెలంగాణ, ఆంధ్రప్రదేశ్, జాతీయ, అంతర్జాతీయ వార్తలు, సైన్స్ & టెక్నాలజీ, కేంద్ర ప్రభుత్వ పథకాలు, మౌలిక సదుపాయాల కల్పన, పాలిటిక్స్ తదితర రంగాలకు సంబంధించిన విశ్లేషణాత్మక కథనాలు అందిస్తున్నారు. జర్నలిజం రంగంలో ఆయనకు 8 సంవత్సరాలకు పైగా అనుభవం ఉంది.