ప్రతి సంవత్సరం సైమా (సౌత్ ఇండియన్ ఇంటర్నేషనల్ మూవీ అవార్డ్స్) అవార్డ్స్ ఇవ్వడానికి.. అతి పెద్ద కార్యక్రమం నిర్వహిస్తుంటారు. ఇవి ఎవరికి ఇస్తారంటే.. దక్షిణ భారతదేశంలోని కళారంగం మరియు సాంకేతికరంగాలలో ప్రతిభను కనబరిచిన వారిని గుర్తించి ప్రతి ఏడు అందిస్తారు. అదే విధంగా ఈ సంవత్సరం కూడా కొంతమందికి సైమా అవార్డ్స్ ప్రకటించారు. దీనికి సంబంధించిన కార్యక్రమం యూఏఈలోని దుబాయ్ ఎక్సపో సిటీలోని ఎగ్జిబిషన్ సెంటర్లో జరిగింది. నవంబర్ 5, 6 తేదీల్లో రెండు రోజులపాటు అవార్డు ప్రధానోత్సవం నిర్వహించారు. ఇందులో తెలుగు, తమిళం, కన్నడ, మాలయాళం సినిమా ఇండస్ట్రీకి చెందిన వాళ్లు పాల్గొని సందడి చేశారు. కాగా తెలుగు చలన చిత్ర రంగం నుంచి పుష్ప-2 సినిమా ఎక్కువ అవార్డ్స్ అందుకునింది.
బెస్ట్ యాక్టర్ – అల్లు అర్జున్
అల్లు అర్జున్.. పుష్ప సినిమాకు సీక్వెల్గా 2025లో వచ్చిన పుష్ప-2 సినిమాకు గాను అల్లు అర్జున్ బెస్ట్ యాక్టర్ ఫిలిమ్ ఫేర్ అవార్డును అందుకున్నాడు. ఈ అవార్డును తన అభిమానులకి అంకితం ఇచ్చాడు. డైరెక్టర్ సుకుమార్కు మిగిలిన టీమ్ సభ్యులకు ఈ సందర్బంగా కృతజ్ఞతలు తెలియజేసాడు.
పుష్ప 2 సినిమాకు బెస్ట్ యాక్టర్ సైమా అవార్డును అందుకోవడంతో.. అల్లు అర్జున్ ఖాతాలో మొత్తం ఆరు సైమా అవార్డులు చేరాయి. ఇప్పటికే పరుగు, వేదం, రేసుగుర్రం, పుష్ప- ది రైజ్, రాణి రుద్రమదేవి వంటి సినిమాలకు కూడా సైమా బెస్ట్ యాక్టర్ అవార్డులు అందుకున్నాడు. దీనితో పాటు నేషనల్ అవార్డు, గద్దర్ అవార్డు సొంతం చేసుకున్నాడు. అప్పటి వరకు తాను చేసిన యాక్టింగ్ వేరు పుష్పలో చేసింది వేరే లెవెల్ అనే చెప్పాలి. ప్రపంచవ్యాప్తంగా బన్నీకి తన సినిమా కెరియర్లో మునుపెన్నడు చూడని సక్సెస్, ఫేమ్ను ఈ సినిమా తీసుకొచ్చింది.
కలెక్షన్లలో బాక్స్ ఆఫీస్ రికార్డులన్నిటిని కూడా బద్దలు కొట్టి చూపించింది పుష్ప-2. ఒక కూలివాడు పెద్ద రౌడీలని, డబ్బులు ఉన్న బడాబడా వ్యాపార వేత్తలను, రాజకీయ నాయకులను తెగువతో, ధైర్యంతో, తెలివితో ఎదిరించి మాట్లాడి వాళ్లతోనే వ్యాపారం చేసి, వాళ్ల పక్కనే సమానంగా కుర్చీలో కూర్చుని.. వాళ్ల చేత సలాం కొట్టించుకోవడం జనాలకు తెగ నచ్చేసింది. ‘తగ్గేదేలే, వైల్డ్ ఫైర్, ఈ కాలునాదే.. ఆ కాలునాదే నా కాలుమీద నా కాలేసుకున్నా మీ ఓనర్ మీద వేసిననా ఏంది” లాంటి డైలాగులు సినిమాకి మంచి ఊపు తీసుకొచ్చాయి. మొదటిసారి ఒక మూవీలో హీరో పాత్ర పూర్తిగా రాయలసీమ యాసలో మాట్లాడి మూవీకి కొత్తదనాన్ని తీసుకొచ్చారు.
బెస్ట్ యాక్ట్రెస్ – రష్మిక మందన్నా
నటి రష్మిక మందన్నా.. పుష్ప సినిమాలో తాను నటించిన శ్రీవల్లీ పాత్ర ప్రేక్షకులకు చాలా బాగా నచ్చింది. ఇందుకు గాను పుష్ప-2 మూవీకి సైమా బెస్ట్ యాక్ట్రెస్ ఫిలిమ్ ఫేర్ అవార్డును అందుకునింది. హీరోయిన్ రష్మికకు కూడా ఆమె సినీ జీవితంలో ఇదొక ప్రత్యేకమైన పాత్ర అని చెప్పొచ్చు. ఇప్పటికే రష్మిక.. కిరాక్ పార్టీ కన్నడ బెస్ట్ డెబ్యూ, గీత గోవిందం, పుష్ప, పుష్ప- 2 తదితర సినిమాలకు గానీ బెస్ట్ యాక్ట్రెస్ అవార్డును అందుకుంది.
బెస్ట్ డైరెక్టర్ – సుకుమార్
పుష్ప సినిమాకు ఇన్ని అవార్డ్స్, ఇంత పాపులరిటీ, ఎనలేని ఖ్యాతి రావడానికి కారణం డైరెక్టర్ సుకుమార్. తాను రాసుకున్న కథ, పాత్రలు, అందుకు తగిన పవర్ ఫుల్ డైలాగులు.. సినిమాను తెరకేక్కించిన విధానం అన్నీ కూడా అద్భుతంగా వచ్చాయి. సుక్కు ఎప్పుడు కూడా బెస్ట్ ఇస్తాడు. కానీ తన కెరియర్లో పుష్పతో అంతకు మించి ఇచ్చాడనే చెప్పాలి. ఏ స్టేజ్ ఎక్కినా కూడా సుకుమార్ ఈ సినిమా నీకోసమే తీశాను, అని బన్నీ(అల్లు అర్జున్)కి చెబుతూ ఉంటాడు. అవును అది నిజమే ..ఈ చిత్రం ప్రత్యేకించి బన్నీ కోసమే తీసినట్టు ఉంటుంది. అందుకే సైమా సుకుమార్కు బెస్ట్ సినిమా డైరెక్టర్ అవార్డు ఇచ్చింది. ఆర్య, రంగస్థలం, పుష్ప ది రైజ్ సినిమాలకు కూడా బెస్ట్ డైరెక్టర్, రైటర్ అవార్డ్స్ ఈయన అందుకున్నాడు.
బెస్ట్ మ్యూజిక్ డైరెక్టర్ – దేవి శ్రీ ప్రసాద్
పుష్ప సినిమా ఇంత ఆదరణ పొందడంలో సుకుమార్ తర్వాత అంత కాంట్రిబ్యూషన్ ఇచ్చిన వాళ్లలో మ్యూజిక్ డైరెక్టర్ దేవి శ్రీ ప్రసాద్ కూడా ఉన్నాడు. సినిమాను తారా స్థాయికి తీసుకెళ్లడంలో పాటలు, బ్యాగ్రౌండ్ మ్యూజిక్ బాగా పనిచేశాయి అని చెప్పడానికి ఏ మాత్రం సందేహం అవసరం లేదు. హీరోను మ్యూజిక్ ఎంతగా ఎలివేట్ చేసిందో మాటల్లో చెప్పలేము. అందుకే దేవి శ్రీ ప్రసాద్కు పుష్ప-2 సినిమాకు బెస్ట్ మ్యూజిక్ డైరెక్టర్ అవార్డు ఇచ్చింది సైమా. ఈ సందర్బంగా డీఎస్పీ నిర్మాతలకి, డైరెక్టర్, బన్నీ, రష్మిక అందరికీ థాంక్స్ చెప్పాడు
బెస్ట్ ప్లే బ్యాక్ సింగర్ – శంకర్ బాబు
బెస్ట్ ప్లే బ్యాక్ సింగర్ శంకర్ బాబు (వచ్చుండాయ్ పీలింగ్స్) పాటకి బెస్ట్ ప్లే బ్యాక్ సింగర్ మేల్ అవార్డును మొదటి సారిగా అందుకున్నాడు. ఈ రొమాంటిక్ సాంగ్ యూత్లో మంచి వైబ్ క్రియేట్ చేసింది. ఇది సినిమాకు ప్లస్ అయింది. ఇందుకు తన ఆనందాన్ని వ్యక్తపరుస్తూ మూవీ డైరెక్టర్ సుకుమార్, మ్యూజిక్ డైరెక్టర్ దేవి శ్రీ ప్రసాద్ మరియు తన భార్యకి థాంక్స్ చెప్పుకొచ్చాడు.
పుష్ప-3పై క్లారిటీ
ఈ సందర్బంగా పుష్ప-3 సినిమా ఉంటుందా?, ఉండదా? అనే అనుమానంతో ఉన్న బన్నీ అభిమానులకు డైరెక్టర్ సుకుమార్ గుడ్ న్యూస్ చెప్పారు. పుష్ప-3 మూవీ ఉంటుందని స్పష్టం చేశాడు. మొత్తం మీద తెలుగు నుంచి ఎక్కువ అవార్డ్స్ గెలుచుకున్న సినిమాగా పుష్ప-2 నిలువడం ప్రశంసనీయం.
డిజిటల్ కంటెంట్ రైటర్గా పనిచేస్తున్నారు. ప్రముఖ విశ్వ విద్యాలయం శ్రీ వెంకటేశ్వర యూనివర్సిటీలో MA తెలుగు చేశారు. తాజా సినిమా, పాలిటిక్స్, నేషనల్, స్పోర్ట్స్కు సంబంధించిన వార్తలతో పాటు ప్రత్యేకమైన కథనాలు రాస్తారు. డిజిటల్ కంటెంట్ రైటర్గా సంవత్సరం అనుభవం కలిగి ఉన్నారు. ఈయనకు పాటలు, కవితలు, షార్ట్ ఫిలిమ్స్ వంటివాటికి మాటలు రాసే అలవాటు ఉంది. సహజంగా జానపద, సినిమా పాటలు గాయకుడు.