కారు కొనుగోలు చేసే దాదాపు అందరూ.. టింటెడ్ గ్లాస్ ఫిల్మ్ లేదా సన్ ఫిల్మ్ ఎంచుకుంటారు. అయితే కొందరు మాత్రం థర్డ్ పార్టీ యాక్ససరీలను ఉపయోగిస్తారు. అయితే టింటెడ్ గ్లాస్ ఫిల్మ్ వల్ల ఉపయోగాలు ఏమిటి?, థర్డ్ పార్టీ యాక్ససరీలుగా ఈ ఫిల్మ్ వాడటం చట్టబద్దమేనా?, అనే ఆసక్తికరమైన విషయాలు పూర్తిగా ఇక్కడ తెలుసుకుందాం.
ఏమిటీ టింటెడ్ గ్లాస్ ఫిల్మ్
టింటెడ్ గ్లాస్ ఫిల్మ్ అనేది.. క్యాబిన్లోకి నేరుగా వచ్చే కాంతిని, సూర్యరశ్మిని (వేడి) తగ్గిస్తాయి. దీంతో కారు లోపల ఏసీ అద్భుతంగా పనిచేస్తుంది. అయితే భారతదేశంలో ఆఫ్టర్ మార్కెట్ టింటెడ్ గ్లాస్ ఫిల్మ్ ఉపయోగించడం చట్ట విరుద్ధం. దీనికి సంబంధిత శాఖలు జరిమానాలు కూడా విధిస్తాయి.
భారతదేశ ప్రధాన న్యాయస్థానం సుప్రీంకోర్టు 2012లో ఒక తీర్పును ఇచ్చింది. భద్రతను దృష్టిలో ఉంచుకుని ఆఫ్టర్ మార్కెట్ టింటెడ్ గ్లాస్ ఫిల్మ్లను ఉపయోగించకూడదని స్పష్టం చేస్తూ.. ఉత్తర్వులు జారీ చేసింది. అయితే వాహనాన్ని తయారు చేసిన కంపెనీ మాత్రమే.. ముందు, వెనుకవైపు 70 శాతం.. సైడ్ విండోలకు 50 శాతం కాంతి ప్రసారాలను కలిగిన టింటెడ్ గ్లాస్ ఫిల్మ్ ఉపయోగించడం చట్టబద్ధమే. అయితే ఎట్టి పరిస్థితుల్లో.. ఆఫ్టర్ మార్కెట్ టింటెడ్ గ్లాస్ ఫిల్మ్ ఉపయోగించకూడదు.
టింటెడ్ గ్లాస్ ఫిల్మ్ వల్ల ఉపయోగాలు
- టెంపరేచర్ కంట్రోల్: టింటెడ్ గ్లాస్ ఫిల్మ్ ఉపయోగించడం వల్ల బయట నుంచి కారులోకి వచ్చే ఉష్ణోగ్రత తగ్గుతుంది. తద్వారా ఏసీ వినియోగం కొంత తగ్గుతుంది. తద్వారా ఏసీ లైఫ్ టైమ్ కొంత పెరుగుతుంది.
- అల్ట్రా వయొలెట్ కిరణాల నుంచి రక్షణ: సూర్యుని నుంచి వచ్చే ప్రమాదకరమైన అతినీలలోహిత కిరణాల (అల్ట్రా వయొలెట్ కిరణాలు)ను టింటెడ్ గ్లాస్ ఫిల్మ్ ఆపుతుంది. దీంతో ప్రయాణికుల చర్మానికి ప్రమాదం తగ్గుతుంది. కారు లోపల ఉండే ఇంటీరియర్స్ కొంతకాలం మన్నికగా ఉంటాయి.
- భద్రత & సౌందర్యం: టింటెడ్ గ్లాస్ ఫిల్మ్ ఉపయోగించడం వల్ల లోపల ఉన్న విలువైన వస్తువులు బయటి వారికి అంతగా కనిపించవు. ఇది ఒకరకంగా భద్రతకు ఉపయోగపడుతుంది. అంతే కాకుండా వేడి, ఇతర కిరణాలు నేరుగా కారు లోపలికి పడదు, కాబట్టి కారు చూడటానికి చాలా రోజులు అందంగానే కనిపిస్తుంది.
ఆఫ్టర్ మార్కెట్ టింటెడ్ గ్లాస్ ఫిల్మ్ వల్ల నష్టాలు
- ఆఫ్టర్ టింటెడ్ గ్లాస్ ఫిల్మ్ ఉపయోగించడం వల్ల కారు లోపల ఏమి జరుగుతుందో.. బయటివారికి కనిపించదు. కాబట్టి కొందరు ఇలాంటి సందర్భంలో అసాంఘిక కార్యకలాపాలను పాల్పడే అవకాశం ఉంది. దీనిని దృష్టిలో ఉంచుకునే సుప్రీం కోర్టు ఆఫ్టర్ మార్కెట్ టింటెడ్ గ్లాస్ ఫిల్మ్ ఉపయోగించకూడదని తీర్పును ఇచ్చింది.
- థర్డ్ పార్టీ లేదా ఆఫ్టర్ మార్కెట్ టింటెడ్ గ్లాస్ ఫిల్మ్ ఉపయోగించడం వల్ల.. రాత్రి సమయంలో దృశ్యమానత చాలా తక్కువగా ఉంటుంది. తద్వారా అనుకోని ప్రమాదాలు జరుగుతాయి.
- కంపెనీ ఇచ్చే టింటెడ్ గ్లాస్ ఫిల్మ్ కాకూండా.. ఇతర కంపెనీలు ఇచ్చే టింటెడ్ ఫిల్మ్ గ్లాస్ ఉపయోగిస్తే ఇన్సూరెన్స్ సమస్యలు కూడా ఎదుర్కోవాలి ఉంటుంది. ప్రమాదం జరిగినప్పుడు మీ కారులో థర్డ్ పార్టీ టింటెడ్ గ్లాస్ ఫిల్మ్ ఉపయోగించారని తెలిస్తే.. ఇన్సూరెన్స్ క్యాన్సిల్ అవుతుంది.
- ఆఫ్టర్ మార్కెట్ టింటెడ్ గ్లాస్ ఫిల్మ్ ఉపయోగిస్తూ.. ట్రాఫిక్ పోలీసులు లేదా రవాణా అధికారులకు పట్టుబడితే భారీ మొత్తంలో జరిమానాలు చెల్లించాల్సి ఉంటుంది. కాబట్టి వాహన వినియోగదారులు ఈ విషయాన్ని గుర్తుంచుకోవాలి.
ఉమశ్రీ చీఫ్ ఎడిటర్గా పనిచేస్తున్నారు. ట్రెండింగ్ అంశాలు, వివిధ విభాగాలపై ప్రత్యేక కథనాలను రాస్తారు. ఆయన తెలంగాణ, ఆంధ్రప్రదేశ్, జాతీయ, అంతర్జాతీయ వార్తలు, సైన్స్ & టెక్నాలజీ, కేంద్ర ప్రభుత్వ పథకాలు, మౌలిక సదుపాయాల కల్పన, పాలిటిక్స్ తదితర రంగాలకు సంబంధించిన విశ్లేషణాత్మక కథనాలు అందిస్తున్నారు. జర్నలిజం రంగంలో ఆయనకు 8 సంవత్సరాలకు పైగా అనుభవం ఉంది.