అహ్మదాబాద్లోని నరేంద్ర మోదీ స్టేడియంలో జరిగిన ICC T20 World Cup 2026 ఫైనల్ క్రికెట్.. అభిమానులకు ఎప్పుడూ గుర్తుండిపోయే మ్యాచ్గా నిలిచిపోయింది. న్యూజిలాండ్తో జరిగిన ఈ తుది పోరులో.. టీమిండియా అద్భుత ప్రదర్శన కనపరిచి 96 పరుగుల భారీ తేడాతో విజయం సాధించింది. టీమిండియా ఆటగాళ్ల సమిష్టి ప్రదర్శన విజయం సాధించడంలో కీలక పాత్ర పోషించింది. బ్యాటింగ్, బౌలింగ్ రెండింటిలోనూ భారత జట్టు ఆధిపత్యం ప్రదర్శించింది. ఈ విజయంతో భారత్ మూడు కీలక రికార్డులను సొంతం చేసుకుంది.
మూడు రికార్డ్స్
- భారత్ మూడోసారి T20 వరల్డ్ కప్ గెలిచిన తొలి జట్టుగా నిలిచింది.
- వరుసగా రెండు సార్లు ఈ ట్రోఫీని గెలిచిన తొలి దేశంగా చరిత్ర సృష్టించింది.
- ఆతిథ్య దేశంగా ట్రోఫీ గెలిచిన అరుదైన ఘనతను కూడా భారత్ సాధించింది.
T20 వరల్డ్ కప్ 2026 ప్రైజ్ మనీ
ఈసారి జరిగిన ICC T20 World Cup 2026 మొత్తం ప్రైజ్ మనీ 13.5 మిలియన్ డాలర్లు (రూ. 120 కోట్ల కంటే ఎక్కువ). విజేతలైన భారత్కు భారీగా 3 మిలియన్ డాలర్లు (సుమారు రూ.27.48 కోట్లు) బహుమతిగా లభించింది. ఫైనల్లో ఓడిపోయిన రన్నరప్ జట్టు న్యూజిలాండ్కు 1.6 మిలియన్ డాలర్లు (సుమారు రూ.14.65 కోట్లు) బహుమతిగా లభిస్తుంది. టోర్నమెంట్లో ఇతర స్థానాల్లో నిలిచిన జట్లకు కూడా ఐసీసీ ఆకర్షణీయమైన ప్రైజ్ మనీ ప్రకటించింది.
ప్రైజ్ మనీ వివరాలు పూర్తిగా
- విజేత లేదా టైటిల్ విన్నర్: రూ. 27.48 కోట్లు
- రన్నరప్: రూ. 14.65 కోట్లు
- సెమీ ఫైనల్ ఓడిన జట్లు (ప్రతి జట్టు): రూ. 7.24 కోట్లు
- సూపర్ 8 జట్లు (ప్రతి జట్టు): రూ. 3.48 కోట్లు
- గ్రూప్ స్టేజ్ జట్లు (ప్రతి జట్టు): రూ. 2.29 కోట్లు
ప్లేయర్ ఆఫ్ ది టోర్నమెంట్
ICC T20 World Cup 2026లో అద్భుత ప్రదర్శనతో భారత వికెట్ కీపర్, బ్యాటర్ సంజు శాంసన్ ప్లేయర్ ఆఫ్ ది టోర్నమెంట్ అవార్డును దక్కించుకున్నాడు. ఇతడు ఈ టోర్నమెంట్లో కేవలం 5 మ్యాచ్ల్లోనే 321 పరుగులు చేశాడు. ముఖ్యంగా నాకౌట్ మ్యాచ్లలో వరుసగా మూడు హాఫ్ సెంచరీలు సాధించి జట్టును విజయపథంలో నడిపించాడు. సంజు శాంసన్ ప్రదర్శనపై క్రికెట్ నిపుణులు కూడా ప్రశంసలు కురిపిస్తున్నారు. కీలక మ్యాచ్ల్లో అతని స్థిరమైన బ్యాటింగ్ టీమిండియా విజయానికి ప్రధాన కారణంగా నిలిచింది.
టోర్నమెంట్లో అత్యధిక పరుగులు
T20 World Cup 2026లో అత్యధిక పరుగులు చేసిన ఆటగాడు పాకిస్థాన్కు చెందిన సాహిబ్జాదా ఫర్హాన్. ఇతడు మొత్తం 6 మ్యాచ్ల్లో 383 పరుగులు చేసి టోర్నమెంట్లో టాప్ స్కోరర్గా నిలిచాడు. అంతేకాకుండా ఒకే ఎడిషన్లో రెండు సెంచరీలు చేసిన ఏకైక ఆటగాడిగా ప్రత్యేక రికార్డు సృష్టించాడు. ఇతని బ్యాటింగ్ ప్రదర్శన టోర్నమెంట్ మొత్తం అభిమానులను ఆకట్టుకుంది.
అత్యధిక వికెట్లు
2026 టోర్నమెంట్లో బౌలర్ల ప్రదర్శన కూడా అద్భుతంగా ఉంది. వివిధ జట్ల బౌలర్లు కీలక మ్యాచ్ల్లో అద్భుత ప్రదర్శన చేసి మ్యాచ్ ఫలితాలను ప్రభావితం చేశారు. ముఖ్యంగా నాకౌట్ దశలో బౌలింగ్ కీలక పాత్ర పోషించింది.
T20 వరల్డ్ కప్ 2007–2026 విజేతలు
2007లో ప్రారంభమైన ICC T20 World Cup ఇప్పుడు ప్రపంచ క్రికెట్లో అత్యంత ప్రజాదరణ పొందిన టోర్నమెంట్గా నిలిచింది. ప్రారంభం నుంచి పలు దేశాలు ఈ ట్రోఫీని గెలుచుకున్నాయి. ఈసారి భారత్ ట్రోఫీ సొంతం చేసుకుంది. దీంతో టీమిండియా మూడోసారి ట్రోఫీ గెలిచి టోర్నమెంట్ చరిత్రలో ఓ మైలురాయిని చేరుకుంది.
Also Read: చరిత్ర సృష్టించిన భారత్.. కోహ్లీ రికార్డ్ బ్రేక్ చేసిన సామ్సన్!
శౌర్య వర్ధన్ సబ్ ఎడిటర్ గా పని చేస్తున్నారు. సినిమా, రాజకీయం వంటి విభిన్న అంశాలపై సమగ్రమైన ఆర్టికల్స్ అందిస్తూ వస్తున్నాను. ఈ రంగంలో నాకు నాలుగు సంవత్సరాల అనుభవం ఉంది. రాయడంలో నైపుణ్యంతో, చదువరులకు స్పష్టమైన మరియు ఆసక్తికరమైన కంటెంట్ అందించడం నా లక్ష్యం.