భారతదేశంలో ఎన్ని బైకులు, ఎన్ని స్కూటర్లు లాంచ్ అయినా.. హోండా డియోకు ఉన్న డిమాండ్, ఆదరణ మాత్రం చాలా ప్రత్యేకం అనే చెప్పాలి. 2025లో ఇండియన్ మార్కెట్లో అడుగుపెట్టినప్పటి నుంచి.. ఈ నాటికి కూడా ఈ స్కూటర్ కొనేవారు ఉన్నారు, కొంటున్నారు. ఇప్పుడు కంపెనీ ఇందులోనే ఓ స్పెషల్ ఎడిషన్ తీసుకొచ్చింది.
డియో స్పెషల్ ఎడిషన్
హోండా మోటార్ సైకిల్ అండ్ స్కూటర్ ఇండియా.. చాలా కాలంలో తన డియో స్కూటర్లో ఎలాంటి పెద్ద అప్డేట్ చేయలేదు. అయితే ఇప్పుడు తాజాగా ఓ స్పెషల్ పరిచయం చేసింది. ఇది సాధారణ మోడల్ కంటే కూడా భిన్నంగా ఉంది. ఈ లేటెస్ట్ ఎడిషన్ పేరు డియో 125 ఎక్స్.
డ్యూయెల్ టోన్ కలర్
డియో 125 ఎక్స్ స్కూటర్.. చాలా స్టైలిష్ డిజైన్ పొందింది. అయితే ఇందులో మెకానికల్ & హార్డ్వేర్ అప్డేట్స్ లేదు. కంపెనీ ఈ స్కూటర్ డీటైల్స్ అన్నీ వెల్లడించినప్పటికీ.. ధరలను మాత్రం అధికారికంగా రిలీజ్ చేయలేదు. ఇది బూడిద, నీలం రంగులో డ్యూయెల్ టోన్ బాడీ ప్యానల్ పొందుతుంది. స్కూటర్ మీద అక్కడక్కడా ఎరుపురంగు కూడా గమనించవచ్చు. కాగా అల్లాయ్ వీల్స్ నారింజ రంగులో ఉన్నాయి.
పరిమాణం ఇలా..
చూడగానే ఆకట్టుకునే డిజైన్ కలిగిన హోండా డియో 125 ఎక్స్ స్కూటర్.. స్పెసిఫికేషన్స్, ఫీచర్స్, పవర్ట్రెయిన్ అన్నీ కూడా హెచ్-స్మార్ట్ వేరియంట్తో సమానంగా ఉంటాయి. పరిమాణం విషయానికి వస్తే.. ఈ కొత్త స్కూటర్ 1830 మిమీ పొడవు, 707 మిమీ వెడల్పు, 1172 మిమీ ఎత్తు, 1260 మిమీ వీల్బేస్ పొందుతుంది. గ్రౌండ్ క్లియరెన్స్ 171 మిమీ, సీటు పొడవు 708 మిమీ. మొత్తం బరువు 105 కేజీలు (కర్బ్ వెయిట్). ఈ స్కూటర్ ఫ్యూయెల్ ట్యాంక్ కెపాసిటీ 5.3 లీటర్లు.
స్పెషల్ ఎడిషన్ ఫీచర్స్
ఫీచర్స్ విషయానికి వస్తే.. కొత్త హోండా డియో 125 ఎక్స్ ఎడిషన్ టీఎఫ్టీ స్క్రీన్ డిస్ప్లే, సైడ్ కట్ ఆఫ్ మెకానిజం, ఇదిలా స్టాప్ – స్టార్ట్ సిస్టం వంటివి పొందుతుంది. ఇది 190 మిమీ ఫ్రంట్ డిస్క్, 130 మిమీ రియర్ డిస్క్ బ్రేక్స్ పొందుతుంది. ఈ స్కూటర్ ముందు భాగంలో 90/90-12 ట్యూబ్లెస్ టైర్, వెనుక భాగంలో 90/100-10 ట్యూబ్లెస్ టైర్ ఉన్నాయి. కాగా టెలిస్కోపిక్ ఫోర్క్ (ముందు వైపు), అడ్జస్టబుల్ స్ప్రింగ్ లోడెడ్ హైడ్రాలిక్ యూనిట్ (వెనుక వైపు) ఉన్నాయి.
అదే ఇంజిన్.. అదే పర్ఫామెన్స్!
ఇక చివరగా ఇంజిన్ విషయానికి వస్తే.. డియో 125 ఎక్స్ ఎడిషన్.. సాధారణ డియోలోని అదే 123.92 సీసీ సింగిల్ సిలిండర్ ఫోర్ స్ట్రోక్ ఎస్ఐ ఇంజిన్ ద్వారానే 6500 ఆర్పీఎం వద్ద 8.1 హార్స్ పవర్, 5000 ఆర్పీఎం వద్ద 10.5 న్యూటన్ మీటర్ టార్క్ అందిస్తుంది. ఇంజిన్ ట్యూనింగ్, ట్రాన్స్మిషన్ వంటి వాటిలో ఎలాంటి మార్పులు, అప్డేట్స్ లేదు.
హోండా డియో ఇండియన్ మార్కెట్లో లాంచ్ అయినప్పటి నుంచి 30 లక్షల యూనిట్ల అమ్మకాలను పొందింది. అంటే.. 30 లక్షలమంది కొన్నారన్నమాట. ఇప్పుడు కూడా డియోకు డిమాండ్ ఏ మాత్రం తగ్గలేదు. ప్రస్తుతం డియో స్పెషల్ ఎడిషన్ రూపంలో మార్కెట్లో అమ్మకానికి వస్తోంది. కాబట్టి దీని సేల్స్ మరింత పెరిగే అవకాశం ఉందని భావిస్తున్నాము. అయితే.. దీని ధర ఎంత ఉంటుందనే విషయం తెలియాల్సి ఉంది.
శౌర్య వర్ధన్ సబ్ ఎడిటర్ గా పని చేస్తున్నారు. సినిమా, రాజకీయం వంటి విభిన్న అంశాలపై సమగ్రమైన ఆర్టికల్స్ అందిస్తూ వస్తున్నాను. ఈ రంగంలో నాకు నాలుగు సంవత్సరాల అనుభవం ఉంది. రాయడంలో నైపుణ్యంతో, చదువరులకు స్పష్టమైన మరియు ఆసక్తికరమైన కంటెంట్ అందించడం నా లక్ష్యం.