దక్షిణ అమెరికా ఖండంలోని అటకామా ఎడారి (Atacama Desert) ప్రకృతి వైవిధ్యాలలో అత్యంత విశేషమైన ప్రాంతంగా ప్రపంచవ్యాప్తంగా ప్రసిద్ధి చెందింది. చిలీ దేశంలోని ఉత్తర భాగంలో విస్తరించి ఉన్న ఈ ఎడారి సుమారు 1,000 కిలోమీటర్ల పొడవునా వ్యాపించి ఉంటుంది. ప్రపంచంలోని చాలా ఎడారులలో.. ఏదో ఒక సందర్భంలో, కొన్నిసార్లు వర్షాలు పడతాయి. కానీ అటకామా ఎడారిలోని కొన్ని ప్రాంతాల్లో మాత్రం వందల సంవత్సరాలుగా వర్షం పడలేదు. ఇది శాస్త్రవేత్తలను సైతం ఆశ్చర్యానికి గురిచేసింది.
అత్యంత పొడి ప్రదేశాల్లో ఒకటిగా..
అటకామా ఎడారి ప్రాంతంలో సగటున సంవత్సరానికి కేవలం కొన్ని మిల్లీమీటర్ల వర్షపాతం మాత్రమే నమోదవుతుంది. కొన్ని ప్రాంతాల్లో అయితే వర్షపాతం పూర్తిగా నమోదు కాలేదని పరిశోధనలు సూచిస్తున్నాయి. అందుకే ఈ ఎడారిని ప్రపంచంలోనే అత్యంత పొడి ప్రదేశాల్లో ఒకటిగా గుర్తించారు.
ఎందుకింత పొడి వాతావరణం?
అటకామా ఎడారిలో వర్షాలు చాలా అరుదుగా పడటానికి అనేక భౌగోళిక కారణాలు ఉన్నాయి. ఒకవైపు భారీగా విస్తరించిన Andes Mountains ఈ ప్రాంతానికి తేమను చేరకుండా అడ్డుకుంటాయి. మరోవైపు పసిఫిక్ మహాసముద్రం వెంట ప్రవహించే చల్లని Humboldt Current వాతావరణంలో తేమను తగ్గిస్తుంది. ఈ రెండు కారణాల వల్ల మేఘాలు ఏర్పడటం చాలా కష్టమవుతుంది. ఫలితంగా వర్షాలు పడే అవకాశాలు దాదాపు ఉండవు. అదే కారణంగా ఈ ఎడారి చాలా పొడి ప్రాంతంగా కొనసాగుతోంది.
జీవరాశి మనుగడ కష్టం!
ఈ ప్రాంతంలో నీరు చాలా అరుదుగా లభించడం వల్ల జీవరాశి మనుగడ సాగించడం అత్యంత కష్టం. చాలా ప్రాంతాల్లో కనీసం గడ్డి కూడా మొలవదు. కొన్ని ప్రత్యేకమైన సూక్ష్మ జీవులు, బ్యాక్టీరియా మాత్రమే ఈ తీవ్ర వాతావరణాన్ని తట్టుకుని జీవిస్తున్నట్లు శాస్త్రవేత్తలు గుర్తించారు. మానవ నివాసాలు కూడా ఈ ఎడారిలో చాలా పరిమితంగా ఉంటాయి. కొన్ని ప్రాంతాల్లో ఖనిజ సంపద కారణంగా మాత్రమే చిన్నపాటి నివాసాలు ఏర్పడ్డాయి. లేకపోతే ఈ ప్రాంతం దాదాపు పూర్తిగా నిర్జనంగానే ఉంటుంది.
అంగారక గ్రహంతో పోలిక!
శాస్త్రవేత్తల అభిప్రాయం ప్రకారం Atacama Desert భూమిపై అంగారక గ్రహం పరిస్థితులను పోలి ఉండే ప్రాంతంగా భావిస్తారు. అందుకే అంతరిక్ష పరిశోధనలలో భాగంగా అనేక సంస్థలు ఈ ప్రాంతంలో పరీక్షలు నిర్వహిస్తుంటాయి. ఇక్కడి నేల, పొడి వాతావరణం, నీటి కొరత వంటి పరిస్థితులు Mars గ్రహాన్ని గుర్తు చేస్తాయని శాస్త్రవేత్తలు చెబుతున్నారు. అంతరిక్ష రోవర్ల పరీక్షలు కూడా కొన్ని సందర్భాల్లో ఈ ఎడారిలో నిర్వహించిన ఉదాహరణలు ఉన్నాయి.
ప్రకృతి వింతల్లో ఒకటి!
ప్రపంచంలోని ప్రకృతి వింతల్లో Atacama Desert ప్రత్యేక స్థానాన్ని సంపాదించింది. వర్షం లేకపోయినా కొన్ని సందర్భాల్లో అరుదైన పుష్పాలు వికసించే “డెజర్ట్ బ్లూమ్” అనే ప్రకృతి సంఘటన కూడా ఇక్కడ జరుగుతుంది. భూమిపై అత్యంత పొడి ప్రదేశంగా పేరుగాంచిన ఈ ఎడారి గురించి తెలుసుకోవడం నిజంగా ఆసక్తికరమే. ప్రకృతి ఎంత వైవిధ్యంగా ఉంటుందో అటకామా ఎడారి మరోసారి గుర్తు చేస్తుంది. బహుశా ఈ ఎడారి గురించి చాలామందికి తెలిసి ఉండకపోవచ్చు. ఇది నిజంగానే ఎంతోమందిని ఆశ్చర్యానికి గురిచేసిన ప్రాంతం అని చెప్పడంలో ఎలాంటి అనుమానం లేదు.
Also Re
గిరిబాబు – నేను MarthaTelugu వెబ్సైట్లో డిజిటల్ కంటెంట్ రైటర్గా పనిచేస్తున్నారు. శ్రీ వెంకటేశ్వర యూనివర్సిటీలో MA తెలుగు చేశారు. నాకు రైటర్గా మూడేళ్ల అనుభవం ఉంది. నాకు జాతీయ వార్తలు, ప్రత్యేక కథనాలు రాయడంలో ప్రావీణ్యం ఉంది. వార్తలు మాత్రమే కాకుండా పాటలు, కవితలు, షార్ట్ ఫిలిమ్స్ వంటివాటికి మాటలు రాసే అలవాటు ఉంది. సహజంగా జానపద, సినిమా పాటలు గాయకుణ్ణి.