26.7 C
Hyderabad
Tuesday, March 18, 2025
Home Blog Page 22

రూ. 5.65 లక్షలకే.. వ్యాగన్ ఆర్ కొత్త ఎడిషన్: మంచి డిజైన్ & సరికొత్త ఫీచర్స్

0

Maruti Suzuki WagonR Waltz Edition Launched in India: ప్రముఖ వాహన తయారీ సంస్థ ‘మారుతి సుజుకి’ (Maruti Suzuki) తన పాపులర్ మోడల్ ‘వ్యాగన్ ఆర్’ను కొత్త ఎడిషన్ రూపంలో లాంచ్ చేసింది. కంపెనీ లాంచ్ చేసిన ఎడిషన్ పేరు ‘మారుతి వ్యాగన్ ఆర్ వాల్ట్జ్ ఎడిషన్’. దేశీయ విఫణిలో ఇప్పటికే ఉత్తమ అమ్మకాలు పొందుతూ ముందుకు సాగుతున్న వ్యాగన్ ఆర్ ఇప్పుడు కొత్త ఎడిషన్ రూపంలో లాంచ్ కావడంతో అమ్మకాలు మరింత పెరిగే అవకాశం ఉందని భావిస్తున్నాము.

ప్రారంభ ధర & వేరియంట్స్

చూడగానే సాధారణ మోడల్ మాదిరిగా అనిపించే ఈ కొత్త వ్యాగన్ ఆర్ వాల్ట్జ్ ఎడిషన్ యొక్క ప్రారంభ ధర రూ. 5.65 లక్షలు (ఎక్స్ షోరూమ్). ఇది ఎల్ఎక్స్ఐ, వీఎక్స్ఐ మరియు జెడ్ఎక్స్ఐ అనే మూడు వేరియంట్లలో అందుబాటులో ఉంటుంది. అయితే ధరలు ఎంచుకునే వేరియంట్ మీద ఆధారపడి ఉంటాయి.

ఎక్స్టీరియర్ డిజైన్

కొత్త మారుతి వ్యాగన్ ఆర్ వాల్ట్జ్ ఎడిషన్ చూడగానే దాని సాధారణ మోడల్ గుర్తుకు వస్తుంది. కానీ ఇందులో కొన్ని కాస్మొటిక్ అప్డేట్స్ గమనించవచ్చు. ఎడిషన్ ఫాగ్ లాంప్, వీల్ ఆర్చ్ క్లాడింగ్, బంపర్ ప్రొటెక్టర్లు, సైడ్ స్కర్ట్స్, బాడీ సైడ్ మౌల్డింగ్, డిజైనర్ ఫ్లోర్ మ్యాట్స్, ఇంటీరియర్ స్టైలింగ్ కిట్, గ్రిల్‌పైన క్రోమ్ వంటివి ఉన్నాయి. ఇవన్నీ వ్యాగన్ ఆర్ కొత్త ఎడిషన్ను చాలా హుందాగా కనిపించేలా చేస్తాయి.

ఇంటీరియర్ ఫీచర్స్

మారుతి వ్యాగన్ ఆర్ కొత్త ఎడిషన్ యొక్క ఫీచర్స్ విషయానికి వస్తే.. ఇందులో 6.2 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టం, అప్‌గ్రేడ్ చేయబడిన స్పీకర్లు, అప్డేటెడ్ సెక్యూరిటీ సిస్టం మరియు రివర్స్ పార్కింగ్ కెమెరా వంటివి ఉన్నాయి. వీటితో పాటు ఏసీ వెంట్స్, స్టీరింగ్ మౌంటెడ్ కంట్రోల్స్ మొదలైనవన్నీ ఉంటాయి.ఇవన్నీ వాహన వినియోగదారులకు లేదా డ్రైవర్లకు మంచి డ్రైవింగ్ అనుభూతిని అందిస్తాయి.

లిమిటెడ్ ఎడిషన్

కొత్త వ్యాగన్ ఆర్ వాల్ట్జ్ ఎడిషన్ పరిమిత సంఖ్యలో మాత్రమే లభిస్తుంది. అయితే కంపెనీ ఎన్ని యూనిట్లను విక్రయిస్తుంది.. ఎప్పటి వరకు విక్రయిస్తుంది అనే వివరాలు ఇంకా అధికారికంగా వెల్లడించలేదు. అంతే కాకుండా కంపెనీ ఈ కారు యొక్క ప్రారంభ ధరలను మాత్రమే వెల్లడించింది. వేరియంట్స్ వారీగా ధరలను వెల్లడించాల్సి ఉంది.

పవర్‌ట్రెయిన్స్

మారుతి వ్యాగన్ ఆర్ వాల్ట్జ్ ఎడిషన్ రెండు పెట్రోల్ ఇంజిన్స్ పొందుతుంది. అవి 64 హార్స్ పవర్ అండ్ 89 న్యూటన్ మీటర్ టార్క్ ప్రొడ్యూస్ చేసే 1.0 లీటర్ త్రీ సిలిండర్ న్యాచురల్లీ ఆస్పిరేటెడ్ ఇంజిన్. మరొకటి 113 న్యూటన్ మీటర్ టార్క్ మరియు 90 హార్స్ పవర్ అందించే 1.2 లీటర్ ఫోర్ సిలిండర్ న్యాచురల్లీ ఆస్పిరేటెడ్ ఇంజిన్. ఈ రెండు ఇంజిన్స్ 5 స్పీడ్ మాన్యువల్ మరియు 5 స్పీడ్ ఆటోమాటిక్ గేర్‌బాక్స్ ఆప్షన్స్ పొందుతాయి. ఈ కారు కేవలం 5 స్పీడ్ మాన్యువల్ గేర్‌బాక్స్ ఆప్షన్ కలిగిన 1.0 లీటర్ CNG ఇంజిన్ ఆప్షన్ కూడా పొందుతుంది. కాబట్టి ఇది మొత్తం మూడు ఇంజిన్ ఆప్షన్లలో లభిస్తుందన్నమాట.

ప్రత్యర్థులు

మారుతి వ్యాగన్ ఆర్ వాల్ట్జ్ ఎడిషన్ దేశీయ మార్కెట్లో ఇప్పటికే అమ్మకానికి ఉన్న సిట్రోయెన్ సీ3, టాటా టియాగో వంటి వాటికి ప్రధాన ప్రత్యర్థిగా ఉంటుంది. కాబట్టి ఇది అమ్మకాల పరంగా కొంత పోటీ ఎదుర్కోవాల్సి వస్తుంది. ఇక్కడ తెలుసుకోవాల్సి విషయం ఏమిటంటే.. ఈ కారు ఎన్ని యూనిట్లు అందుబాటులో ఉంటుందనే విషయం తెలియాల్సి ఉంటుంది.

వ్యాగన్ ఆర్ వాల్ట్జ్ ఎడిషన్ డ్యూయెల్ ఎయిర్‌బ్యాగ్‌లు, ఏబీఎస్ విత్ ఈబీడీ, ఎలక్ట్రానిక్ స్టెబిలిటీ కంట్రోల్ (ESC), హిల్ హోల్డ్ అసిస్ట్ మొదలైన సేఫ్టీ ఫీచర్స్ ఎన్నో ఉన్నాయి.

Don’t Miss: ముగిసిన Mahindra Roxx వేలం: ఎంతకు కొన్నారో తెలిస్తే షాకవుతారు!

30 లక్షలు దాటిన సేల్స్

1999లో ప్రారంభమైనప్పటి నుంచి వ్యాగన్ ఆర్ భారతదేశంలో 32.5 లక్షల యూనిట్ల కంటే ఎక్కువ అమ్ముడైంది. అమ్మకాల్లో అగ్రగామిగా ఉన్న ఈ కారు 2012లో 10 లక్షల అమ్మకాలను నమోదు చేసింది. ఆ తరువాత 2017 నాటికి మరో 10 లక్షల సేల్స్ నమోదు చేసింది. 2023నాటికి ఇంటికో 10 లక్షల సేల్స్ సాధించింది మొత్తం 30 లక్షల సేల్స్ పొందగలిగింది. ఈ విధంగా అమ్మకాల్లో దూసుకెళ్తున్న ఈ కారు ఇప్పుడు ఓ కొత్త ఎడిషన్ రూపంలో లాంచ్ అయింది. కాబట్టి మరింత గొప్ప అమ్మకాలు పొందుతుందని భావిస్తున్నాము.

ముగిసిన Mahindra Roxx వేలం: ఎంతకు కొన్నారో తెలిస్తే షాకవుతారు!

0

Mahindra Thar Roxx First Unit Auctioned For Rs 1.31 Crore: కొన్ని రోజులకు ముందు మనం మహీంద్రా థార్ రోక్స్ లేదా మహీంద్రా థార్ 5 డోర్ మోడల్ వేలం గురించి తెలుసుకున్నాం. మహీంద్రా థార్ 3 డోర్ మోడల్ మాదిరిగానే ఈ కారును కూడా కంపెనీ వేలం ప్రక్రియద్వారా విక్రయిస్తుందని అనుకున్నాము. ఎట్టకేలకు ఈ వేలం ప్రక్రియ పూర్తయిపోయింది. ఈ కారును ఎవరు కొన్నారు? ఇంతకు కొన్నారు అనే విషయాలను ఇక్కడ వివరంగా తెలుసుకుందాం.

రూ.1.31 కోట్లు

మహీంద్రా అండ్ మహీంద్రా యొక్క మొట్ట మొదటి థార్ రోక్స్ ఏకంగా రూ. 1.31 కోట్లకు విక్రయించబడినట్లు కంపెనీ ధ్రువీకరించింది. ఈ డబ్బును ఛారిటీ పనులకోసం వినియోగించనున్నట్లు సమాచారం. కాగా 2020లో మహీంద్రా థార్ యొక్క స్టాండర్డ్ వెర్షన్ లేదా 3 డోర్స్ మోడల్ రూ. 1.11 కోట్లకు అమ్ముడైంది. దీన్ని బట్టి చూస్తే 5 డోర్ మోడల్.. 3 డోర్ మోడల్ కంటే కూడా ఎక్కువ అమ్మకాలను పొందగలిగిందని స్పష్టమవుతోంది.

ఎవరు సొంతం చేసుకున్నారు?

వేలంలో ఈ కారును ఎవరు సొంతం చేసుకున్నారనేది అధికారికంగా వెల్లడి కాలేదు. అయితే ఈ కారు మహీంద్రా రోక్స్ టాప్ స్పెక్ ఏఎక్స్7 ఎల్ డీజిల్ 4×4 ట్రిమ్ అని తెలుస్తోంది. ఈ కారు ఆనంద్ మహీంద్రా సంతకంతో కూడిన VIN 0001 అనే నెంబర్ పొందుతుంది. ఇది భారతదేశపు మొట్ట మొదటి మహీంద్రా థార్ రోక్స్ అని స్పష్టంగా వెల్లడిస్తుంది.

మహీంద్రా థార్ రోక్స్ ధరలు

దేశీయ మార్కెట్లో లాంచ్ అయిన కొత్త మహీంద్రా థార్ రోక్స్ ప్రారంభ ధర రూ. 12.99 లక్షలు (ఎక్స్ షోరూమ్). కంపెనీ ఈ కారు కోసం బుకింగ్లను వచ్చే నెల (2024 అక్టోబర్) నుంచి స్వీకరించనున్నట్లు తెలుస్తోంది. డెలివరీలు దసరా తరువాత ప్రారంభమయ్యే అవకాశం ఉంది. అంతకంటే ముందు కంపెనీ ఈ కారు యొక్క టెస్ట్ డ్రైవ్స్ నిర్వహిస్తుంది. అయితే 4×4 డ్రైవ్‌ట్రెయిన్ అనేది కేవలం డీజిల్ ఇంజిన్లకు మాత్రమే పరిమితం చేయబడినట్లు తెలుస్తోంది.

మహీంద్రా థార్ రోక్స్ రెండు ఇంజిన్ ఆప్షన్స్ పొందుతుంది. ఇందులో ఒకటి 2.0 లీటర్ టీజీడీఐ పెట్రోల్, మరొకటి 2.2 లీటర్ ఎంహాక్ డీజిల్ ఇంజిన్. డీజిల్ ఇంజిన్ మాన్యువల్, ఆటోమాటిక్ మరియు 4×4 ఆప్షన్లలో లభిస్తుంది. కానీ పెట్రోల్ ఇంజిన్ మాన్యువల్ మరియు ఆటోమాటిక్ ట్రాన్స్‌మిషన్ ఆప్షన్లలో మాత్రమే లభిస్తుంది. అంటే ఇందులో 4×4 ఆప్షన్ లేదు.

థార్ రోక్స్ డైమెన్షన్స్ (కొలతలు)

మహీంద్రా థార్ రోక్స్ అనేది.. దాని 3 డోర్ వెర్షన్ కంటే కూడా కొంత పెద్దదిగా ఉంటుంది. ఈ ఆఫ్-రోడర్ పొడవు 4428 మిమీ, వెడల్పు 1870 మిమీ, ఎత్తు 1923 మిమీ మరియు వీల్‌బేస్ 2850 మిమీ వరకు ఉంది. థార్ రోక్స్ ఫ్యూయెల్ ట్యాంక్ కెపాసిటీ 57 లీటర్లు. బూట్ స్పేస్ 447 లీటర్ల వరకు ఉంది. వాటర్ వ్యాడింగ్ డెప్త్ 650 మిమీ వరకు ఉంది.

కలర్ ఆప్షన్స్

మహీంద్రా థార్ రోక్స్ మొత్తం ఏడు రంగులలో లభిస్తుంది. అవి టాంగో రెడ్, ఎవరెస్టు వైట్, నెబ్యులా బ్లూ, బర్న్ట్ సియెన్నా, స్టీల్త్ బ్లాక్ మరియు బాటిల్‌షిప్ గ్రే. ఇవన్నీ కూడా చాలా ఆకర్షణీయంగా ఉంటాయి. కాబట్టి వాహన ప్రియులు తమకు నచ్చిన కలర్ థార్ రోక్స్ కొనుగోలు చేయవచ్చు. అయితే ఇక్కడా గుర్తుంచుకోవాల్సిన విషయం ఏమిటంటే.. అన్ని కలర్ ఆప్షన్స్ బ్లాక్ పెయింటెడ్ రూఫ్ పొందుతాయి. అంటే అన్ని కార్ల రూఫ్ నలుపురంగులో ఉంటుందన్నమాట.

Don’t Miss: వాడిన కార్లను సెలబ్రిటీలు ఎందుకు కొంటున్నారు.. నిజం తెలిస్తే మీరు ఇదే ఫాలో అవుతారు

డిజైన్ & ఫీచర్స్

చూడటానికి 3 డోర్ థార్ మాదిరిగా ఉండే మహీంద్రా థార్ రోక్స్ కొంత వరకు కాస్మొటిక్ అప్డేట్స్ పొందుతాయి. ఇందులో 10.25 ఇంచెస్ ఇన్‌స్ట్రుమెంట్ క్లస్టర్, 10.25 ఇన్ఫోటైన్‌మెంట్ సిస్టం, పవర్డ్ సీట్లు, 60:40 రియర్ స్ప్లిట్, కనెక్టెడ్ కార్ టెక్ మరియు లెవెల్ 2 ఏడీఏఎస్ ఫీచర్స్, 9 స్పీకర్ సౌండ్ సిస్టం, 360 డిగ్రీ కెమెరా వంటి మరెన్నో ఫీచర్స్ ఉన్నాయి. ఈ కారు బుకింగ్స్ ఎప్పుడెప్పుడు మొదలవుతాయా? ఎప్పుడు ఓ డ్రైవ్ చేద్దామా.. అని ఇప్పటికే చాలామంది వేచి చూస్తుంటారని భావిస్తున్నాము.

వాడిన కార్లను సెలబ్రిటీలు ఎందుకు కొంటున్నారు.. నిజం తెలిస్తే మీరు ఇదే ఫాలో అవుతారు

0

Why Celebrities Buy Used Cars: యానిమల్ (Animal) సినిమా ఎంత సక్సెస్ సాధించిందో అందరికి తెలుసు. యానిమల్ సినిమా అంటే రణబీర్ కపూర్, రష్మిక మందన్న మాత్రమే కాకుండా నటి త్రిప్తి డిమ్రీ కూడా అందరికి గుర్తొస్తుంది. అంతలా ఫేమస్ అయిన ఈమె గతంలో ‘రెనాల్ట్ డస్టర్’ (Renault Duster) కారును ఉపయోగించేది. అయితే ఇప్పుడు ఈమె ఖరీదైన రేంజ్ రోవర్ ఉపయోగిస్తోంది. అయితే ఇది కొత్త కారు కాదని తెలుస్తోంది.

ఇంతకీ ప్రముఖ సినీతారలు కొత్త కార్లను కాకూండా పాత కార్లను లేదా సెకండ్ హ్యాండ్ కార్లను ఎందుకు ఉపయోగిస్తారు. త్రిప్తి డిమ్రీ కాకుండా ఇప్పటికే ఈ సెకండ్ హ్యాండ్ కార్లను కొనుగోలు చేసి ఉపయోగిస్తున్న సెలబ్రిటీలు ఎవరు అనేది ఇక్కడా వివరంగా చూసేద్దాం..

త్రిప్తి డిమ్రీ రేంజ్ రోవర్

ఒకప్పుడు మార్కెట్లో కొంత సరసమైన ధరకు లభించే రెనాల్ట్ డస్టర్ కారును ఉపయోగించే నటి త్రిప్తి డిమ్రీ.. కొంత కాలం తరువాత ఎక్కువమంది సెలబ్రిటీలకు ఇష్టమైన రేంజ్ రోవర్ కొనుగోలు చేసింది. ఈమె ఉపయోగించిన డస్టర్ కారు.. బ్రాంజ్ కలర్ పొంది ఉంది. ఇది డస్టర్ యొక్క ఫేస్‌లిఫ్ట్ వెర్షన్ అని తెలుస్తోంది. కాగా ప్రస్తుతం త్రిప్తి డిమ్రీ ఉపయోగిస్తున్న కారు రేంజ్ రోవర్ స్పోర్ట్స్.

రేంజ్ రోవర్ స్పోర్ట్స్

శాటిన్ బ్లాక్ కలర్ ఆప్షన్లో ఉన్న త్రిప్తి డిమ్రీ రేంజ్ రోవర్ కారు 2018 నాటికి చెందినదని తెలుస్తోంది. ఇది గ్రే కలర్ ఇంటీరియర్ పొందింది. ఎల్ఈడీ మ్యాట్రిక్స్ హెడ్‌ల్యాంప్, 4 జోన్ క్లైమేట్ కంట్రోల్, ఎగ్జిక్యూటివ్ క్లాస్ సీటింగ్, స్టీరింగ్ మౌంటెడ్ కంట్రోల్స్ మొదలైనవన్నీ పొందుతుంది. కాబట్టి ఇది ఉత్తమ డ్రైవింగ్ అనుభూతిని అందిస్తుంది.

రేంజ్ రోవర్ స్పోర్ట్స్ కారు 3.0 లీటర్ వీ6 డీజిల్ ఇంజిన్ పొందుతుంది. ఇది 255 బ్రేక్ హార్స్ పవర్ (Bhp) ప్రొడ్యూస్ చేస్తుంది. కాగా కంపెనీ 5.0 లీటర్ వీ8 పెట్రోల్ ఇంజిన్ ఎంపికలో కూడా అందిస్తోంది. ఇది 518 Bhp పవర్ అందిస్తుంది. ఇంజిన్ 8 స్పీడ్ ఆటోమాటిక్ ట్రాన్స్‌మిషన్‌తో జతచేయబడి ఉంటుంది. మొత్తం మీద ఇది మంచి పనితీరును అందిస్తుందని సమాచారం.

సెకండ్ హ్యాండ్ కార్లను ఎంచుకున్న సెలబ్రిటీలు

ప్రారంభంలో చెప్పుకున్నట్లుగానే త్రిప్తి డిమ్రీ మాత్రమే కాకుండా.. ఇతర సెలబ్రిటీలు కూడా వాడిన లగ్జరీ కార్లను ఎంచుకున్నారు. ఈ జాబితాలో శిల్పాశెట్టి, హానీ సింగ్, బాద్షా మరియు క్రికెటర్ విరాట్ కోహ్లీ, దినేష్ కార్తిక్ మొదలైనవారు ఉన్నారు.

వాడిన కార్లను ఎంచుకోవడానికి ప్రధాన కారణం ఏమిటంటే?

నిజానికి కొత్త కార్లకంటే కూడా వాడిన లేదా సెకండ్ హ్యాండ్ కార్ల ధరలు కొంత తక్కువగానే ఉంటాయి. ఈ కారణంగానే చాలామంది ప్రజలు ఈ మార్గం ద్వారానే కార్లను ఎంచుకుంటారు. ఇందులో సెలబ్రిటీలు కూడా ఉన్నారు. ఒక కారును కొన్ని రోజులు ఉపయోగించిన తరువాత దాని విలువ గణనీయంగా తగ్గిపోతుంది. కొన్ని సార్లు కొత్త కారు ధర కంటే పాత కారు ధర దాదాపు 50 శాతం తక్కువ ఉంటుంది. కాబట్టి సెలబ్రిటీలకు డబ్బు ఉన్నప్పటికీ.. అనవసరంగా డబ్బు వృధా చేయడం ఇష్టం లేకుండా.. వాడిన కార్లను కొనుగోలు చేయడానికి ఇష్టపడుతున్నారు.

వాడిన కార్లను కొనుగోలు చేయడానికి మరో ప్రధాన కారణం తక్కువ దూరం ప్రయాణించిన కార్లు, తక్కువ ధరకు లభించడమనే తెలుస్తోంది. కొంతమంది లగ్జరీ కార్లను రోజువారీ వినియోగానికి అస్సలు ఉపయోగించే అవకాశం లేదు. కాబట్టి వారు ఇలాంటి కార్లను అరుదుగా ఉపయోగిస్తారు. కాబట్టి అవి మంచి కండిషన్‌లోనే ఉంటాయి. అలాంటి కార్ల ధర తక్కువగా ఉంటుంది. కాబట్టి వాటిని నిరభ్యంతరంగా కొనుగోలు చేయవచ్చు.


ఇండియన్ క్రికెటర్ విరాట్ కోహ్లీ కూడా వాడిన కారును వినియోగించారు. ఈయన రెండు ఖరీదైన బెంట్లీ కాంటినెంటల్ జీటీ కార్లను కలిగి ఉన్నట్లు సమాచారం. ఇందులో ఒకటి ఢిల్లీలో ఉంది, మరొకటి ముంబైలో ఉంది. 2018లో కోహ్లీ తెల్ల రంగు బెంట్లీ కారును కొంగులు చేశారు. కొత్త కారు కొనుగోలు చేస్తే రూ. 3.5 కోట్లు ఖర్చు అవుతుంది. కాబట్టి వాడిన కారును కొనుగోలు చేయాలని నిర్ణయించుకున్నారు.

Don’t Miss: కల నిజమైన వేళ.. లక్షల ఖరీదైన ‘భవికా శర్మ’ కొత్త కారు (ఫోటోలు)

నటి శిల్పాశెట్టి కూడా 2018లో ఒక వాడిన రేంజ్ రోవర్ వోగ్ కారును కొనుగోలు చేసింది. అంతే కాకుండా బెంట్లీ ఫ్లయింగ్ స్పర్ కూడా కొనుగోలు చేసింది. క్రికెటర్ దినేష్ కార్తిక్ కూడా పోర్స్చే టర్బో ఎస్ మోడల్ కొనుగోలు చేశారు. హానీ సింగ్ ఆడి ఆర్8 కొనుగోలు చేశారు. దీన్ని బట్టి చూస్తే.. పలువురు ప్రముఖులు కొత్త ఖరీదైన కార్లను కొనుగోలు చేయడం కంటే కూడా వాడిన కార్లను కొనుగోలు చేయడానికే ఎక్కువ ఆసక్తి చూపుతున్నట్లు అర్థమవుతోంది.

కల నిజమైన వేళ.. లక్షల ఖరీదైన ‘భవికా శర్మ’ కొత్త కారు (ఫోటోలు)

0

Actress Bhavika Sharma New BMW Car: సినీనటులు, పారిశ్రామికవేత్తలు ఎప్పటికప్పుడు తమకు నచ్చిన కార్లను, బైకులను కొనుగోలు చేస్తుంటారనే విషయం తెలిసిందే. ఇందులో భాగంగానే ప్రముఖ టెలివిజన్ యాక్టర్ ‘భవికా శర్మ’ (Bhavika Sharma) రూ. 70 లక్షల విలువైన బీఎండబ్ల్యూ కారును కొనుగోలు చేసింది. దీనికి సంబంధించిన ఫోటోలను కూడా తన సోషల్ మీడియా ఖాతాలో షేర్ చేసింది.

నటి భవికా శర్మ కొనుగోలు చేసిన కారు బీఎండబ్ల్యూ కంపెనీకి చెందిన ‘3 సిరీస్ గ్రాన్ లిమోసిన్’ (BMW 3 Series Gran Limousine). నటి తన సోషల్ మీడియాలో షేర్ చేసిన వీడియోలో గమనిస్తే.. ఆమె బీఎండబ్ల్యూ డీలర్‌షిప్‌కు రావడం, ఆ తరువాత కొనుగోలుకు సంబంధించిన డాక్యుమెంట్స్ ఫిల్ చేయడం వంటివి చూడవచ్చు. ఆ తరువాత బీఎండబ్ల్యూ కారు కీ(తాళం) తీసుకోవడం, ఫ్యామిలీతో కలిసి కేట్ కట్ చేయడం వంటివి కూడా చూడవచ్చు. ఆ తరువాత కారు డ్రైవ్ చేసుకుంటూ వెళ్లిపోవడంతో వీడియో ముగుస్తుంది.

బీఎండబ్ల్యూ 3 సిరీస్ గ్రాన్ లిమోసిన్

భవికా శర్మ కొనుగోలు చేసిన బీఎండబ్ల్యూ 3 సిరీస్ గ్రాన్ లిమోసిన్.. ఏ వేరియంట్ అనేది ఖచ్చితంగా వెల్లడికాలేదు. అయితే ఈమె సొంతం చేసుకున్న సెడాన్ స్కైస్క్రాపర్ మెటాలిక్ యొక్క క్లాసీ షేడ్‌లో ఉండటం చూడవచ్చు.

నిజానికి బీఎండబ్ల్యూ 3 సిరీస్ గ్రాన్ లిమోసిన్ ఎమ్ స్పోర్ట్ ప్రో ఎడిషన్ ఈ మధ్య కాలంలోనే దేశీయ మార్కెట్లో లాంచ్ అయింది. ప్రస్తుతం ఇండియన్ మార్కెట్లో అమ్ముడవుతున్న ఈ కారు టాప్ వేరియంట్ అని తెలుస్తోంది. ఇది బ్లాక్ కలర్ కిడ్నీ గ్రిల్, అడాప్టివ్ ఎల్ఈడీ హెడ్‌ల్యాంప్, బ్లాక్ రియర్ డిఫ్యూజర్ వంటివి పొందుతుంది. ఈ కారు యొక్క ఫ్రంట్ బంపర్ డార్క్ షాడో మెటాలిక్ ఫినిషింగ్ పొందుతుంది.

మంచి డిజైన్ కలిగిన ఈ బీఎండబ్ల్యూ 3 సిరీస్ గ్రాన్ లిమోసిన్ కర్వ్డ్ డిస్‌ప్ప్లే, ఎలక్ట్రికల్లీ అడ్జస్టబుల్ ఫ్రంట్ సీట్లు, ఆంత్రసైట్ హెడ్‌లైనర్ అపోల్స్ట్రే, బీఎండబ్ల్యూ 8.5 ఓఎస్, వైర్‌లెస్ ఛార్జర్, పార్క్ అసిస్టెంట్ ప్లస్, పనోరమిక్ సన్‌రూఫ్, యాంబియంట్ లైటింగ్ మరియు త్రీ జోన్ క్లైమేట్ కంట్రోల్, మల్టిపుల్ ఎయిర్‌బ్యాగ్‌లను పొందుతుంది.

బీఎండబ్ల్యూ 3 సిరీస్ గ్రాన్ లిమోసిన్ 2.0 లీటర్ ఫోర్ సిలిండర్ పెట్రోల్ ఇంజిన్ పొందుతుంది. ఇది 254 బ్రేక్ హార్స్ పవర్ మరియు 400 న్యూటన్ మీటర్ టార్క్ ప్రొడ్యూస్ చేస్తుంది. ఇంజిన్ ఆటోమాటిక్ ట్రాన్స్‌మిషన్‌తో జతచేయబడి ఉంటుంది. కాబట్టి ఇది అద్భుతమైన పనితీరుని అందిస్తుందని తెలుస్తోంది.

నటి భవికా శర్మ మాత్రమే కాకుండా.. బాలీవుడ్ నటుడు టైగర్ ష్రాఫ్ కూడా గత ఏడాది ప్రారంభంలో బీఎండబ్ల్యూ 3 సిరీస్ గ్రాన్ లిమోసిన్ కారును కొనుగోలు చేశారు. దీన్ని బట్టి చూస్తే.. సెలబ్రిటీలకు ఈ కారు అంటే ఎంత ఇష్టమో ఇట్టే అర్థం చేసుకోవచ్చు.

భవికా శర్మ

ఆగష్టు 1998న మహారాష్ట్రలోని ముంబైలో జన్మించిన భవికా శర్మ 17 సంవత్సరాల వయసులోనే.. టీవీ షోలలో పనిచేయడం ప్రారంభించింది. చిన్నప్పటి నుంచే నటన మీద ఎక్కువ ఆసక్తి కలిగిన ఈమె అతి తక్కువ కాలంలోనే బాగా పాపులర్ అయింది. 2022లో ఈమెకు 21వ ఇండియన్ టెలివిజన్ అకాడమీ అవార్డు లభించింది. భవికా ‘ఘుమ్ హై కిసీ కే ప్యార్ మే’లో నటించి బాగా ఫేమస్ అయింది. ఆ తరువాత మేడం సర్, పర్వర్రిష్ వంటి షోలలో కూడా నటించింది.

సెలబ్రిటీలు కొత్త కార్లను కొనుగోలు చేయడం కొత్తేమీ కాదు. ఈ రోజు యూట్యూబ్ స్టార్స్ దగ్గర నుంచి పెద్ద పాపులర్ స్టార్స్ వరకు అందరూ తమ స్తోమతకు తగిన విధంగా వాహనాలను కొనుగోలు చేస్తున్నారు. ఇంకా చెప్పాలంటే.. కొంతమంది యూట్యూబర్స్.. సినీ తారలకంటే కూడా ఖరీదైన వాహనాలను కొనుగోలు చేస్తున్నారు. దీనికి సంబంధించిన చాలా సంఘటనలు గతంలో చాలానే వెలుగులోకి వచ్చాయి. లగ్జరీ కార్లను కొనుగోలు చేసిన సెలబ్రిటీల జాబితాలో ఇప్పుడు తాజాగా భవికా శర్మ కూడా చేరారు.

కొత్త కారు కొనేవారికి గొప్ప శుభవార్త!.. మరో రెండు ఎలక్ట్రిక్ కార్లకు BaaS.. లక్షల తగ్గింపు ఒకేసారి

0

What is BaaS and Now MG Comet EV ZS EV Price Reduced: ఇటీవల ఎంజీ మోటార్ ఇండియా తన విండ్సర్ ఎలక్ట్రిక్ కారును భారతీయ మార్కెట్లో లాంచ్ చేసింది. అయితే కంపెనీ ఈ కారును లాంచ్ చేసే సమయంలోనే ‘బ్యాటరీ యాజ్ ఏ సర్వీస్’ (BaaS) అనే కొత్త ప్రోగ్రామ్‌ను పరిచయం చేసింది. దీనిని కంపెనీ ఇప్పుడు తన ఎంజీ కామెట్ ఈవీ మరియు ఎంజీ జెడ్ ఎస్ ఈవీ వంటి ఎలక్ట్రిక్ కార్లకు కూడా విస్తరించింది. దీంతో ఈ రెండు కార్ల ధరలు భారీగా తగ్గాయి. ఇంతకీ ఈ రెండు కార్ల ధరలు ఎంత వరకు తగ్గాయి? BaaS అంటే ఏమిటి? అనే ఆసక్తికరమైన విషయాలను వివరంగా తెలుసుకుందాం.

ఎంజీ కామెట్ ఈవీ

ప్రస్తుతం భారతదేశంలో అత్యంత సరసమైన ధరలకు లభిస్తున్న ఎలక్ట్రిక్ కారుగా ప్రజాదరణ పొందిన ‘ఎంజీ కామెట్ ఈవీ’ (MG Comet EV) ధర ఇప్పుడు ఏకంగా రూ. 2 లక్షలు తగ్గిపోయింది. అంటే ఈ కారు ప్రారంభ ధర ఇప్పుడు రూ. 4.99 లక్షలన్న మాట (ఎక్స్ షోరూమ్). అయితే ఇక్కడ తెలుసుకోవలసిన మరో విషయం ఏమిటంటే బ్యాటరీ సబ్‌స్క్రిప్షన్‌తో అదనంగా కిలోమీటరుకు రూ. 2.5 ఖర్చు చేయాల్సి ఉంటుంది.

బ్యాటరీ యాజ్ ఏ సర్వీస్ ప్రోగ్రామ్ ద్వారా ఎంజీ కామెట్ ఈవీ కొనుగోలు చేసేవారు.. మూడు సంవత్సరం ముగింపులో బైబ్యాక్ స్కీమ్ పొందుతారు. బజాజ్ ఫైనాన్స్, హీరో ఫిన్‌కార్ప్, విద్యుత్ మరియు ఏకోఫీ ఆటోవర్ట్ వంటివి ఈ BaaS స్కీముకు మద్దతు ఇస్తాయి.

ప్రారంభంలో చెప్పుకున్నట్లు ఎంజీ కామెట్ ఈవీ అనేది సరసమైన చిన్న కారు. ఇది మూడు డోర్స్ కలిగి, నలుగురు ప్రయాణించడానికి అనుకూలంగా ఉంటుంది. చూడగానే ఆకర్శించే డిజైన్ కలిగిన ఈ చిట్టి కారు.. అత్యాధునిక ఫీచర్స్ లేదా వాహన వినియోగదారులకు అవసరమైన అన్ని ఫీచర్స్ పొందుతుంది. 17ఇందులోని .3 కిలోవాట్ బ్యాటరీ ప్యాక్ ఒక ఫుల్ చార్జితో గరిష్టంగా 240 కిమీ రేంజ్ అందిస్తుంది. కాబట్టి ఇది రోజు వారీ వినియోగానికి మాత్రమే కాకుండా.. ట్రాఫిక్ నగరాల్లో కూడా చాలా ఉపయోగకరంగా ఉంటుంది. ఈ కారణంగానే చాలామంది ఈ కారును ఎగబడి కొనుగోలు చేస్తున్నారు.

ఎంజీ జెడ్ఎస్ ఈవీ

బ్యాటరీ యాజ్ ఏ సర్వీస్ ప్రోగ్రామ్ కింద ఇప్పుడు ఎంజీ మోటార్స్ యొక్క జెడ్ఎస్ ఈవీను కూడా కొనుగోలు చేయవచ్చు. ఈ స్కీమ్ కింద కొనుగోలు చేస్తే కస్టమర్లు రూ. 5 లక్షల తగ్గింపు పొందవచ్చు. అంటే రూ. 18.99 లక్షల కారును ఇప్పుడు రూ. 13.99 లక్షలకే (ఎక్స్ షోరూమ్) కొనుగోలు చేయొచ్చన్నమాట. అయితే బ్యాటరీ సబ్‌స్క్రిప్షన్ కోసం అదనంగా కిలోమీటరుకు రూ. 4.5 చెల్లించాల్సి ఉంటుంది. మూడో సంవత్సరం ముగింపులో బైబ్యాక్ స్కీమ్ కూడా లభిస్తుంది.

జెడ్ఎస్ ఈవీ అనేది ఎంజీ మోటార్స్ యొక్క మొట్ట మొదటి ఎలక్ట్రిక్ కారు. ఇది ప్రారంభంలో గొప్ప అమ్మకాలను పొందింది. అయితే ఆ తరువాత కాలంలో ప్రత్యర్ధ కంపెనీలు కూడా ఆధునిక ఎలక్ట్రిక్ కార్లను లాంచ్ చేయడంతో ఈ ఎలక్ట్రిక్ కారు యొక్క అమ్మకాలు కొంత తగ్గుముఖం పట్టాయి. అయితే ప్రస్తుతం కంపెనీ అందించే ఈ కొత్త స్కీముతో ఈ ఎలక్ట్రిక్ కారు అమ్మకాలు పెరగవచ్చని భావిస్తున్నాము.

ఎంజీ జెడ్ఎస్ ఈవీ నాలుగు వేరియంట్లలో లభిస్తుంది. ఈ ఎలక్ట్రిక్ కారులోని 50.3 కిలోవాట్ బ్యాటరీ ప్యాక్ ఒక ఫుల్ చార్జీపైన 461 కిమీ రేంజ్ అందిస్తుందని కంపెనీ ధ్రువీకరించింది. డిజైన్ మరియు ఫీచర్స్ పరంగా దాని ప్రత్యర్థులకు ఏ మాత్రం తీసిపోకుండా ఉంటుంది. కాబట్టి ఇది ఎంతోమంది వాహన ప్రేమికులను ఆకర్శించగలిగింది.

BaaS (బ్యాటరీ యాజ్ ఏ సర్వీస్) అంటే?

ఇంతకీ BaaS అంటే ఏమిటి? దీనివల్ల ఉపయోగాలు ఏమిటనే అనుమానం అందరి వచ్చే ఉంటుంది. నిజానికి BaaS అంటే ‘బ్యాటరీ యాజ్ ఏ సర్వీస్’. అంటే కారును కొనుగోలు చేసే వ్యక్తి.. బ్యాటరీ ధరను చెల్లించాల్సిన అవసరం లేదు. దీనిని రెంటుకు తీసుకోవచ్చన్నమాట. ఉదాహరణకు ఒక కారు ధర రూ. 10 లక్షలు అనుకుంటే.. అందులో బ్యాటరీ ధర (ఒక రెండు లక్షలు ఉంటుంది అనుకుందాం) కూడా కలిసి ఉంటుంది. ఈ BaaS స్కీమ్ ద్వారా బ్యాటరీ ధరకు డబ్బు చెల్లించాల్సిన అవసరం లేదు. కాబట్టి కారు కొంటే రూ. 8 లక్షలు చెల్లిస్తే సరిపోతుంది.

Don’t Miss: ఈ కారు కొనాలంటే అదృష్టం కూడా ఉండాల్సిందే!.. ఎందుకో తెలుసా?

BaaS ద్వారా కారును కొనుగోలు చేస్తే.. మీరు ప్రయాణించిన దూరానికి కొంత డబ్బు చెల్లించాల్సి ఉంటుంది. దీనిని సంస్థలు ముందుగానే నిర్థారిస్తాయి. మీరు కొత్త కారును కొనేటప్పుడు తక్కువ ధరకే కొనుగోలు చేయాలంటే ఈ స్కీమ్ ఉపయోగపడుతుంది. మొత్తం మీద ఒక్క మాటలో చెప్పాలంటే.. మీరు కారును కొనుగోలు చేసేటప్పుడు బ్యాటరీ ధరను మినహాయించి మిగిలిన డబ్బు చెల్లిస్తే కారు మీ సొంతం అవుతుంది.

ఈ కారు కొనాలంటే అదృష్టం కూడా ఉండాల్సిందే!.. ఎందుకో తెలుసా?

0

BMW XM Label Launched: లగ్జరీ కార్లంటే అందరికి గుర్తొచ్చేది మెర్సిడెస్ బెంజ్, బీఎండబ్ల్యూ, ఆడి బ్రాండ్స్. ఈ కంపెనీలన్నీ కూడా ఇండియన్ మార్కెట్లో ఎప్పటికప్పుడు కొత్త కార్లను లాంచ్ చేస్తూ ఉన్నాయి. ఇందులో భాగంగానే బీఎండబ్ల్యూ మరో ఖరీదైన కారును భారతీయ విఫణిలో అధికారికంగా లాంచ్ చేసింది. దీని పేరు ‘బీఎండబ్ల్యూ ఎక్స్ఎమ్ లేబుల్’ (BMW XM Label). ఇది లిమిటెడ్ ఎడిషన్. ఈ కొత్త కారు గురించి పూర్తి వివరాలు ఈ కథనంలో వివరంగా తెలుసుకుందాం.

ధర

భారతీయ మార్కెట్లో లాంచ్ అయిన కొత్త బీఎండబ్ల్యూ ఎక్స్ఎమ్ లేబుల్ కారు ధర రూ. 3.15 కోట్లు (ఎక్స్ షోరూమ్). ఇది బ్రాండ్ యొక్క ఎమ్ విభాగంలో విడుదలైన అత్యంత శక్తివంతమైన కారు. ఈ కారు మెకానికల్ అప్డేట్స్ మాత్రమే కాకుండా లోపల మరియు వెలుపల రెడ్ ఎలిమెంట్ కలిగి చాలా ఆకర్షణీయంగా ఉంది. కాబట్టి ఇది స్టాండర్డ్ వేరియంట్ కంటే కూడా భిన్నంగా ఉంది.

లిమిటెడ్ ఎడిషన్

కొత్త బీఎండబ్ల్యూ ఎక్స్ఎమ్ లేబుల్ పరిమిత సంఖ్యలో మాత్రమే అందుబాటులో ఉంటుంది. ఇది ప్రపంచ మార్కెట్లో కేవలం 500 యూనిట్లకు మాత్రమే పరిమితమైంది. అంటే ప్రపంచ మార్కెట్లో 500 మంది మాత్రమే ఈ కారును కొనుగోలు చేయగలరు. అయితే భారతదేశంలో దీనిని ఒక్కరు మాత్రమే కొనుగోలు చేయగలరు. అంటే ఇండియాకు కేవలం ఒక్క కారును మాత్రమే పరిమితం చేశారు. ఈ కారు ధర స్టాండర్డ్ మోడల్ కంటే కూడా రూ. 55 లక్షలు ఎక్కువ.

డిజైన్

బీఎండబ్ల్యూ ఎక్స్ఎమ్ లేబుల్ ఎక్కువ భాగం రెడ్ యాక్సెంట్స్ పొందుతాయి. కాబట్టి ఇది చాలా ఆకర్షణీయంగా ఉంటుంది. కిడ్నీ గ్రిల్, విండో లైన్, అల్లాయ్ వీల్స్ మరియు రియర్ డిఫ్యూజర్ చుట్టూ రెడ్ కలర్ చూడవచ్చు. 22 ఇంచెస్ అల్లాయ్ వీల్స్‌తో పాటు బీఎండబ్ల్యూ ఇండివిజువల్ ప్రోజెన్ కార్బన్ బ్లాక్ పెయింట్ స్కీమ్ పొందుతుంది. హెడ్‌ల్యాంప్, టెయిల్ లాంప్ మరియు సైడ్ ప్రొఫైల్ అన్నీ కూడా సాధారణ కారులో ఉన్నట్లే ఉన్నాయి.

ఫీచర్స్

ఎక్స్ఎమ్ లేబుల్ కారు క్యాబిన్ కూడా చాలా విశాలంగా.. విలాసవంతంగా ఉంది. లోపల భాగం రెడ్ అండ్ బ్లాక్ థీమ్ పొందుతుంది. ఇందులో 14.9 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టం, 12.3 ఇంచెస్ డిజిటల్ డ్రైవర్ డిస్‌ప్లే మరియు హెడ్స్ అప్ డిస్‌ప్లే, మల్టీజోన్ క్లైమేట్ కంట్రోల్ వంటి యాంబియంట్ లైటింగ్.. అడాప్టివ్ ఎమ్ సస్పెన్షన్, బెస్పోక్ సీట్ అపోల్స్ట్రే, 20 స్పీకర్ మ్యూజిక్ సిస్టం వంటివన్నీ ఉంటాయి.

ఇంజిన్ వివరాలు

బీఎండబ్ల్యూ ఎక్స్ఎమ్ లేబుల్ శక్తివంతమైన కారు. ఇది 8 స్పీడ్ ఆటోమాటిక్ గేర్‌బాక్స్‌తో జతచేయబడిన 4.4 లీటర్ వీ8 ట్విన్ టర్బో హైబ్రిడ్ ఇంజిన్ ఉంటుంది. ఇది 748 Bhp పవర్ మరియు 1000 Nm టార్క్ అందిస్తుంది. ఈ కారు గరిష్ట వేగం 250 కిమీ/గం కాగా.. గంటకు 0 నుంచి 100 కిమీ వేగవంతం (యాక్సలరేషన్) కావడానికి పట్టే సమయం 3.8 సెకన్లు మాత్రమే.

ఎందుకు బీఎండబ్ల్యూ కార్లకు అంత డిమాండ్..

నిజానికి బీఎండబ్ల్యూ కార్లకు మార్కెట్లో క్రేజు ఎక్కువ. ధర ఎక్కువగా ఉన్నప్పటికీ పారిశ్రామిక వేత్తలు, సినీ ప్రముఖులు ఎక్కువగా ఈ బ్రాండ్ బైకులను కొనుగోలు చేయడానికి ఆసక్తి చూపుతారు. భారతీయ కుబేరుడు ముకేశ్ అంబానీ గ్యారేజిలో కూడా బీఎండబ్ల్యూ కార్లు ఉన్నాయి, దీన్ని బట్టి చూస్తే ఈ కార్లకు ఎంత డిమాండ్ ఉందో స్పష్టంగా అర్థమవుతోంది.

Don’t Miss: కొత్త కలర్ ‘బుల్లెట్ 350’ బైక్: ఫిదా అవుతున్న ఫ్యాన్స్

మంచి డిజైన్, వాహన వినియోగదారులకు కావలసిన అన్ని ఫీచర్స్ కలిగి అద్భుతమైన పనితీరును అందిస్తుండం వల్లనే ఈ కార్లకు అధిక డిమాండ్ ఉందని తెలుస్తోంది. కంపెనీ మార్కెట్లో కొత్త కార్లను ప్రవేశపెడుతూ ప్రత్యర్థులకు గట్టి పోటీ ఇస్తూనే.. కొత్త కస్టమర్లను కూడా ఆకర్షిస్తోంది. అయితే ఇప్పటి వరకు లాంచ్ చేసిన కార్లు ఒక ఎత్తు అయితే.. బీఎండబ్ల్యూ యొక్క ఎక్స్ఎమ్ లేబుల్ మరో ఎత్తు. ఎందుకంటే కంపెనీ లాంచ్ చేసే కారునైనా ఎంతమందైనా కొనుగోలు చేయవచ్చు. కానీ దీనిని మాత్రం కేవలం ఒక్కరే కొనుగోలు చేయాల్సి ఉంది. అయితే ఈ కారు ఎవరికి దక్కుతుంది తెలుసుకోవాలంటే కొన్ని రోజులు వేచి చూడక తప్పదు.

కొత్త కలర్ ‘బుల్లెట్ 350’ బైక్: ఫిదా అవుతున్న ఫ్యాన్స్

0

Battalion Black Royal Enfield Bullet 350 Bike Launched: ఇండియన్ మార్కెట్లో తిరుగులేని అమ్మకాలను పొందుతూ.. యువకుల దగ్గర నుంచి పెద్దవారి వరకు అందరికి ఆకర్శించిన బైక్ బ్రాండ్ రాయల్ ఎన్‌ఫీల్డ్ (Royal Enfield). ఈ కంపెనీ ఎప్పటికప్పుడు కొత్త బైకులను లాంచ్ చేస్తూ బైక్ ప్రేమికులను ఆకర్షిస్తూనే ఉంది. ఇందులో భాగంగానే ఇటీవల సంస్థ ఆధునిక హంగులతో కొత్త ‘బుల్లెట్ 350’ బైకును లాంచ్ చేసింది.

2024 రాయల్ ఎన్‌ఫీల్డ్ బుల్లెట్ 350

ఐకానిక్ సిల్హౌట్, పెద్ద బ్యాడ్జ్, బెంజ్ సీటు, గోల్డ్ పిన్‌స్ట్రైప్ కలిగిన రాయల్ ఎన్‌ఫీల్డ్ బుల్లెట్ 350 ఇప్పడు ‘బెటాలియన్ బ్లాక్’ కలర్ స్కీమ్ పొందుతుంది. దేశీయ విఫణిలో అడుగుపెట్టిన కొత్త రాయల్ ఎన్‌ఫీల్డ్ బుల్లెట్ 350 బైక్ జే సిరీస్ ఇంజిన్ కలిగి కొత్త కలర్ స్కీమ్ పొందుతుంది. ఈ బైక్ ధర రూ. 1.75 లక్షలు (ఎక్స్ షోరూమ్, ఢిల్లీ) కావడం గమనార్హం.

అప్డేట్స్ ఏమిటంటే? (New Updates)

కొత్త రాయల్ ఎన్‌ఫీల్డ్ బుల్లెట్ 350 బైక్ కలర్ ఆప్షన్ మాత్రమే కాకుండా.. స్పోక్ వీల్స్‌తో కూడిన క్రోమ్ రిమ్స్ పొందుతుంది. సైడ్ ప్యానెల్స్‌పైన పెద్దగా కనిపించే బ్రాండ్ బ్యాడ్జ్‌లు చూడవచ్చు. అయితే వెనుక భాగంలో ఉన్న టెయిల్ లాంప్ మాత్రం స్టాండర్డ్ బైకులో ఉన్నట్లుగానే కనిపిస్తుంది.

ఇంజిన్ (Engine)

బుల్లెట్ 350 కొత్త హంగులను పొందినప్పటికీ.. అదే 349 సీసీ సింగిల్ సిలిండర్ ఎయిర్ అండ్ ఆయిల్ కూల్డ్ ఇంజిన్ పొందుతుంది. ఇది 6100 ఆర్‌పీఎమ్ వద్ద 20.2 హార్స్ పవర్, 4000 ఆర్‌పీఎమ్ వద్ద 27 న్యూటన్ మీటర్ టార్క్ అందిస్తుంది. ఇంజిన్ అదే 5 స్పీడ్ గేర్‌బాక్స్‌తో జతచేయబడి ఉంటుంది.

కొత్త బుల్లెట్ 350 బెటాలియన్ బ్లాక్ వేరియంట్ సింగిల్ ఛానల్ ఏబీఎస్ కలిగి 300 మిమీ ఫ్రంట్ డిస్క్ బ్రేక్, 153 మిమీ రియర్ డ్రమ్ బ్రేక్ పొందుతుంది. ఇవన్నీ రైడింగ్ సమయంలో చాలా అద్భుతంగా ఉపయోగపడతాయి. మంచి రైడింగ్ అనుభూతిని పొందవచ్చు. ఈ లేటెస్ట్ బైక్ మార్కెట్లో హోండా సీబీ350, జావా 350 వంటి వాటికి ప్రధాన ప్రత్యర్థిగా ఉంటుంది. ఎంతమంది ప్రత్యర్థులున్నా.. బుల్లెట్ 350కు మార్కెట్లో మంచి క్రేజు ఉంది. కాబట్టి ఇది తప్పకుండా మార్కెట్లో గొప్ప అమ్మకాలను పొందుతుందని భావిస్తున్నాము.

రాయల్ ఎన్‌ఫీల్డ్ చరిత్ర (Royal Enfield History)

ప్రస్తుతం భారతదేశంలో గణనీయమైన అమ్మకాలు పొందుతూ దూసుకెళ్తున్న రాయల్ ఎన్‌ఫీల్డ్ ఈ రోజు మైదలైంది కాదు. నవంబర్ 1891లో ప్రారంభమైన ఈ బ్రాండ్ క్రమంగా అభివృద్ధి చెందుతూ వచ్చింది. 1914లో మొదటి సారి 2 స్ట్రోక్ బైక్ ఉత్పత్తి చేసింది. ఆ తరువాత 1925లో 18 ఎకరాల విస్తీర్ణంలో ఉన్న రెడ్దిచ్ ఫ్యాక్టరీలో భారీ అగ్ని ప్రమాదం జరిగింది.

1932లో రాయల్ ఎన్‌ఫీల్డ్ బులెట్ మోటార్ సైకిల్ పుట్టింది. ఇది లండన్‌లోని ఒలంపియా మోటార్‌సైకిల షోలో ప్రదర్శనకు వచ్చింది. ఆ తరువాత ఇందులో మూడు వెర్షన్లు అవతరించాయి. 1936లో 4 వాల్వ్ సిలిండర్ వచ్చింది.

ఆ తరువాత 1939 నుంచి 1945 వరకు రెండవ ప్రపంచ యుద్ధ సమాయుకంలో సైనికులకు మోటార్ సైకిల్స్, జనరేటలు, యాంట్ ఎయిర్‌క్రాఫ్ట్ గన్ ప్రిడిక్టర్లను ఉత్పత్తి చేసి అందించింది. అప్పట్లో అందుబాటులోకి వచ్చిన ప్రసిద్ద మోడల్ 125 సీసీ ఎయిర్‌బోర్న్. 2009లో 500 సీసీ ఇంజిన్ పుట్టుకొచ్చింది. 2021 నాటికి కంపెనీ ఏకంగా 120 ఏళ్ళు పూర్తి చేసుకుంది.

Don’t Miss: నెంబర్ ప్లేట్ కోసం రూ.7.85 లక్షలు చెల్లించిన మహిళ: ఎవరో తెలుసా?

ప్రస్తుతం విక్రయానికి ఉన్న రాయల్ ఎన్‌ఫీల్డ్ బైకులు

ప్రస్తుతం భారతీయ మార్కెట్లో రాయల్ ఎన్‌ఫీల్డ్ 10 కంటే ఎక్కువ బైకులను విక్రయిస్తోంది. ఇందులో బుల్లెట్, క్లాసిక్, షాట్‌గన్, హిమాలయన్, కాంటినెంటల్ జీటీ, మీటియోర్, ఇంటర్‌సెప్టర్, సూపర్ మీటియోర్, స్క్రామ్ 411 మరియు హంటర్ వంటివి ఉన్నాయి. ఇవన్నీ కూడా మార్కెట్లో అత్యుత్తమ అమ్మకాలను పొందతూ ముందుకు సాగుతున్నాయి. కంపెనీ రాబోయే రోజుల్లో మరిన్ని కొత్త బైకులను లాంచ్ చేసే దిశగా అడుగులు వేస్తోంది. దీనికి సంబంధించిన మరిన్ని వివరాలు రాబోయే రోజుల్లో అధికారికంగా విడుదలవుతాయి.

మొన్న ఆడి.. నేడు క్రెటా.. మరో కొత్త కారు కొన్న ప్రముఖ నటి – ఫోటోలు

0

Richest Child Actor Riva Arora Buys New Hyundai Creta: ఉరి, మామ్ వంటి సినిమాల్లో బాలనటిగా గుర్తింపు పొందిన ‘రివా అరోరా‘ గురించి చాలామందికి తెలిసే ఉంటుంది. ఈమె ఇటీవల హ్యుందాయ్ కంపెనీకి చెందిన క్రెటా కారును కొనుగోలు చేసింది. దీనికి సంబంధించిన ఫోటోలను తన సోషల్ మీడియా ఖాతాలో పోస్ట్ చేసింది. ఇందులో రివా కొనుగోలు చేసిన కొత్త క్రెటా కారును చూడవచ్చు.

సోషల్ మీడియాలో వెల్లడైన ఫోటోలను గమనిస్తే.. ఇందులో రివ అరోరా తన కుటుంబ సబ్యులతో కలిసి కారును డెలివరీ చేసుకోవడం చూడవచ్చు. అంతే కాకుండా కారుకు పూజ చేయడం, డ్రైవింగ్ సీటులో కూర్చుని స్టీరింగ్ వీల్ పట్టుకుని ఉండటం అన్నీ కూడా ఇక్కడ చూడవచ్చు. ఫోటోలలో గమనిస్తే.. ఈమె తన చేతికి ప్రాక్చర్ స్లింగ్ పర్సు బెల్ట్ ధరించి ఉండటం చూడవచ్చు. బహుశా ఈమె చేతికి ఏదో దెబ్బతగిలి ఉండొచ్చని తెలుస్తోంది.

రివా అరోరా కొనుగోలు చేసిన కారు క్రెటా ఫేస్‌లిఫ్ట్ అని తెలుస్తోంది. ఇది వైట్ క్లాసీ షేడ్‌లో చూడచక్కగా ఉంది. ఇక్కడ కనిపించే కారు క్రెటా టాప్ వేరియంట్ ఎస్ఎక్స్ (ఓ). ఇది పనోరమిక్ సన్‌రూఫ్, లెదర్ అపోల్స్ట్రే, 8 వె పవర్డ్ అడ్జస్టబుల్ డ్రైవర్ సీటు, యాంబియంట్ లైటింగ్ మొదలైన ఫ్రీమియం ఫీచర్స్ పొందుతుంది. అంతే కాకుండా వెంటిలేటెడ్ ఫ్రంట్ సీట్లు, వైర్‌లెస్ ఛార్జర్, డ్రైవ్ అండ్ ట్రాక్షన్ కంట్రోల్ మోడ్స్ వంటివి కూడా ఇందులో ఉన్నాయి.

బోస్ ఆడియో సిస్టం, కూల్డ్ గ్లోవ్ బాక్స్ వంటివి కలిగి ఉన్న హ్యుందాయ్ క్రెటా.. లెవెల్ 2 ఏడీఏఎస్ ఫీచర్స్ కూడా పొందుతుంది. కాబట్టి ఇందులో ఫ్రంట్ అండ్ రియర్ పార్కింగ్ సెన్సార్లు, హిల్ స్టార్ట్ అసిస్ట్, ఎలక్ట్రానిక్ స్టెబిలిటీ కంట్రోల్ వంటి వాటితో పాటు ఆరు ఎయిర్‌బ్యాగ్‌లు ఉన్నాయి. ఇవన్నీ వాహన వినియోగదారుల యొక్క భద్రతకు పెద్ద పీట వేస్తాయి. ప్రమాద సమయంలో ప్రయాణికుల ప్రాణాలను కాపాడటంలో ఇవి ప్రధాన పాత్ర పోషిస్తాయి.

హ్యుందాయ్ క్రెటా ఇంజిన్ వివరాలు

క్రెటా ఫేస్‌లిఫ్ట్ మూడు ఇంజిన్ ఆప్షన్స్ పొందుతుంది. మొదటిది 1.5 లీటర్ న్యాచురల్లీ ఆస్పిరేటెడ్ పెట్రోల్ ఇంజిన్. ఇది 115 Bhp పవర్ అందిస్తుంది. రెండో ఇంజిన్ 1.2 లీటర్ డీజిల్.. ఇది కూడా 115 Bhp పవర్ డెలివరీ చేస్తుంది. ఇవి రెండూ కూడా 6 స్పీడ్ మాన్యువల్ గేర్‌బాక్స్ ఆప్షన్స్ పొందుతాయి. మూడో ఇంజిన్ 1.5 లీటర్ టర్బోఛార్జ్డ్ పెట్రోల్. ఇది 160 బ్రేక్ హార్స్ పవర్ ప్రొడ్యూస్ చేస్తుంది. ఇది 7 స్పీడ్ డ్యూయెల్ క్లచ్ ఆటోమాటిక్ ట్రాన్స్‌మిషన్‌తో జతచేయబడి అత్యుత్తమ పనితీరును అందిస్తుంది.

నటి రివా అరోరా టాప్ వేరియంట్ కొనుగోలు చేసిందనే విషయం తెలిసింది, కానీ ఏ ఇంజిన్ ఆప్షన్స్ ఎంచుకుంది అనేది వెల్లడికాలేదు. అయితే క్రెటా యొక్క అన్ని ఇంజిన్ ఆప్షన్స్ మంచి పనితీరును అందిస్తాయని మాత్రం ఖచ్చితంగా చెప్పవచ్చు. ఇది మంచి డిజైన్ మరియు ఫీచర్స్ కలిగి ఉండటం వల్ల భారతదేశంలో ఎక్కువమంది కొనుగోలు చేస్తున్న ఉత్తమ కారుగా రికార్డ్ క్రియేట్ చేసింది. ఇప్పటికే లెక్కకు మించిన వాహన ప్రేమికులు క్రెటా కారును ఎగబడి మరీ కొనుగోలు చేస్తున్నారు. క్రెటా ఫేస్‌లిఫ్ట్ ప్రారంభ ధర రూ. 11 లక్షలు కాగా.. టాప్ వేరియంట్ ధర రూ. 20 లక్షల (ఎక్స్ షోరూమ్) కంటే ఎక్కువ.

రివా అరోరా ఆడి కారు

నటి రివా అరోరా కారు కొనుగోలు చేయడం ఇదే మొదటిసారి కాదు. ఇప్పటికే ఈమె ‘ఆడి క్యూ3’ (Audi Q3) కొనుగోలు చేసింది. రివా ఇన్‌స్టాగ్రామ్ అకౌంట్ 10 మిలియన్స్ ఫాలోవర్స్ పొందిన సందర్భంగా ఈ కారును కొనుగోలు చేసినట్లు సమాచారం. ఈ కారు ధర రూ. 44 లక్షలు అని తెలుస్తోంది.

రివా అరోరా కొనుగోలు చేసిన ఆడి క్యూ3 కారు ఫొటోలను కూడా తన సోషల్ మీడియా ఖాతాలో పోస్ట్ చేసింది. మంచి డిజైన్.. లేటెస్ట్ ఫీచర్స్ కలిగిన ఈ కారు 2.0 లీటర్ ఫోర్ సిలిండర్ టర్బోఛార్జ్ ఇంజిన్ పొందుతుంది. ఇది 190 పీఎస్ పవర్ మరియు 320 న్యూటన్ మీటర్ టార్క్ అందిస్తుంది. ఇది 7 స్పీడ్ డ్యూయెల్ క్లచ్ ట్రాన్స్‌మిషన్ పొందుతుంది.

నెంబర్ ప్లేట్ కోసం రూ.7.85 లక్షలు చెల్లించిన మహిళ: ఎవరో తెలుసా?

0

Kerala Woman Spends Rs.7.85 Lakh To Buy Fancy Number: నచ్చిన వెహికల్స్ (కార్లు, బైకులు) కొనుగోలు చేయడానికి ఎంత ఆసక్తి చూపిస్తారో.. ఆ వాహనాలకు ఫ్యాన్సీ నెంబర్స్ ఉండాలని కూడా చాలామంది భావిస్తారు. ఇందులో భాగంగానే కొందరు వాహనం ధర కంటే కూడా ఎక్కువ డబ్బు వెచ్చించి రిజిస్ట్రేషన్ నెంబర్స్ సొంతం చేసుకుంటారు. ఇలాంటి కోవకు చెందిన ఒక ఘటన ఇటీవల వెలుగులోకి వచ్చింది. ఇంతకీ ఈ ఘటన ఎక్కడ జరిగింది? ఎంత డబ్బు వెచ్చించి నెంబర్ ప్లేట్ కొనుగోలు చేశారు? అనే మరిన్ని వివరాలు ఇక్కడ చూసేద్దాం..

కేరళకు చెందిన ఒక మహిళా పారిశ్రామికవేత్త తనకు నచ్చిన ‘నెంబర్ ప్లేట్’ (Number Plate) కోసం ఏకంగా రూ. 7.85 లక్షలు ఖర్చు చేసింది. దీనిని ఆమె కొత్తగా కొనుగోలు చేసిన ‘ల్యాండ్ రోవర్ డిఫెండర్ 110’ కోసం కొనుగోలు చేసినట్లు సమాచారం. నిజానికి ఇలాంటి సంఘటనలు వెలుగులోకి రావడం ఇదే మొదటిసారి కాదు. గతంలో చాలా సందర్భాల్లో చాలామంది తమకు నచ్చిన నెంబర్స్ కోసం కోట్ల రూపాయలు ఖర్చు చేసిన సందర్భాలు చాలానే ఉన్నాయి.

నివేదికల ప్రకారం, ఇటీవల ఖరీదైన నెంబర్ ప్లేట్ (రూ. 7.85 లక్షలు) కొనుగోలు చేసిన మహిళ పేరు ‘నిరంజన నడువత్రా’. ఈమె ఇటీవల కార్పాతియన్ గ్రే కలర్ ‘ల్యాండ్ రోవర్ డిఫెండర్ 110 హెచ్ఎస్ఈ’ను కొనుగోలు చేశారు. దీనికోసమే ‘కేఎల్27 ఎమ్7777’ అనే నెంబర్ ఉండాలని ఆశపడ్డారు. దీంతో భారీగా డబ్బు ఖర్చు చేసి నెంబర్ ప్లేట్ సొంతం చేసుకున్నారు.

భారతదేశంలో ఫ్యాన్సీ రిజిస్ట్రేషన్ నెంబర్స్ కోసం వేలం ప్రక్రియ జరుగుతుంది. దీనిని సంబంధిత అధికారులు పారదర్శకంగానే నిర్వహిస్తారు. ఇక్కడ మనం చెప్పుకున్న 7777 అనే నెంబర్ వీఐపీ కేటగిరి కిందికి వస్తుంది. దీనికోసం బిడ్ రూ. 2 లక్షలతో ప్రారంభమవుతుంది. ఇందులో పాల్గొనేవారు రూ. 5000 చెల్లించి పాల్గొనవచ్చు. కేరళలో ఇలాంటి ఖరీదైన బిడ్స్ చాలా రోజులుగా జోరుగా సాగుతున్నాయి.

గతంలో పృథ్వీరాజ్ అనే వ్యక్తి ‘కేఎల్7 సీఎన్ 1’ నెంబర్ కొనుగోలు చేయడానికి రూ. 7.5 లక్షలు ఖర్చు చేశారు. దీనిని ఇతడు తాను కొనుగోలు చేసిన లంబోర్ఘిని హురాకాన్ కారు కోసం సొంతం చేసుకున్నారు. గతంలో కేరళలో ఇంత ఖరీదైన నెంబర్ ప్లేట్ ఎవరూ కొనుగోలు చేయలేదు, కానీ ఇప్పుడు నిరంజన్ రూ. 7.85 లక్షలు ఖర్చు చేసి నెంబర్ ప్లేట్ సొంతం చేసుకోవడమే.. సరికొత్త రికార్డ్ నెలకొల్పింది.

ల్యాండ్ రోవర్ డిఫెండర్ (Land Rover Defender) 

భారతదేశంలో ఎక్కువమంది ప్రముఖులు లేదా సెలబ్రిటీలు కొనుగోలు చేస్తున్న కార్లలో ల్యాండ్ రోవర్ డిఫెండర్ ఒకటి. ఇది ప్రస్తుతం మూడు వేరియంట్లుగా అందుబాటులో ఉంది. అవి 90, 110 మరియు 130. ల్యాండ్ రోవర్ డిఫెండర్ 90 అనేది 3 డోర్ మోడల్. 110 అనే స్టాండర్డ్ వీల్‌బేస్ మోడల్, 130 అనేది లాంగ్ వీల్‌బేస్ మోడల్. ఇవన్నీ చూడటానికి దాదాపు ఒకేమాదిరిగా ఉన్నప్పటికీ పరిమాణం పరంగా కొంత భిన్నంగా ఉంటాయి.

ల్యాండ్ రోవర్ డిఫెండర్ రెండు ఇంజిన్ ఆప్షన్లలో లభిస్తుంది. అవి 3.0 లీటర్ పెట్రోల్, 3.0 లీటర్ డీజిల్ ఇంజిన్. అయితే ఇటీవల మార్కెట్లో అడుగుపెట్టిన డిఫెండర్ ఓసీటీఏ మైల్డ్ హైబ్రిడ్ టెక్నాలజీతో కూడిన శక్తివంతమైన 4.4 లీటర్ ట్విన్ టర్బో వీ8 ఇంజిన్ పొందింది. ప్రస్తుతం ఇండియన్ మార్కెట్లో ల్యాండ్ రోవర్ డిఫెండర్ ధరలు రూ. 1.57 కోట్ల నుంచి రూ. 2.65 కోట్ల మధ్య ఉన్నాయి.

Don’t Miss: కేజీఎఫ్ సినిమాలో ఎన్ని కార్లు వాడారో తెలుసా? వాటి స్పెషాలిటీ ఇదే..

ఎందుకు 7777 నెంబర్ ధర ఎక్కువ

నిజానికి ఒకే మాదిరిగా ఉన్న నెంబర్లకు మార్కెట్లో డిమాండ్ ఎక్కువగానే ఉంది. అయితే ఈ ఏడాది ప్రారంభంలో ఫెయిర్‌ఫ్యూచర్ ఓవర్సీస్ ఎడ్యుకేషన్ కన్సల్టెన్సీ ఎండీ డాక్టర్ ఎస్ రాజ్ తన బీఎండబ్ల్యూ ఐ7 కారుకు కేఎల్ 7 డీసీ 7777 నెంబర్‌ను రూ. 7.7 లక్షలకు కొనుగోలు చేశారు. దీంతో ఈ నెంబర్ డిమాండ్ పెరిగింది. ఇప్పుడు నిరంజన కొనుగోలు చేసిన కేఎల్ 27 ఎమ్7777 నెంబర్ కోసం రూ. 7.85 లక్షలు చెల్లించాల్సి వచ్చింది. చాలామంది ఇలాంటి నెంబర్లను శుభప్రదంగా భావిస్తారు. ఇది కూడా వీటి డిమాండ్ పెరగడానికి ఒక కారణం అనే చెప్పాలి. అంతే కాకుండా 7777 నెంబర్‌ను తిరగేస్తే టిక్ మార్క్ మాదిరిగా ఉంటుంది. కాబట్టి దీనిని వీఐపీ నెంబర్‌గా పరిగణిస్తారు.

సేఫ్టీలో 5 స్టార్.. అప్డేటెడ్ ఫీచర్స్ పొందిన సూపర్ స్టార్: ఇదిగో సరికొత్త టాటా పంచ్

0

2024 Tata Punch Launched in India: ప్రారంభం నుంచి గొప్ప అమ్మకాలు పొందుతున్న ‘టాటా మోటార్స్’ (Tata Motors) యొక్క ‘పంచ్’ (Punch) మైక్రో ఎస్‌యూవీ ఇప్పుడు ఆధునిక హంగులతో దేశీయ మార్కెట్లో లాంచ్ అయింది. కంపెనీ లాంచ్ చేసిన ఈ ఎస్‌యూవీ.. ఇప్పటికే విక్రయానికి ఉన్న స్టాండర్డ్ మోడల్ కంటే కూడా చాలా ఆధునిక అప్డేట్స్ పొందుతుంది. మల్టిపుల్ వేరియంట్లలో లభించే ఈ అప్డేటెడ్ టాటా పంచ్ గురించి మొత్తం వివరాలు ఇక్కడ చూసేద్దాం..

ప్రారంభ ధర

ఇండియన్ మార్కెట్లో లాంచ్ అయిన కొత్త టాటా పంచ్ ప్రారంభ ధర రూ. 6.13 లక్షలు కాగా.. టాప్ ఎండ్ వేరియంట్ ధర రూ. 10.20 లక్షల (ఎక్స్ షోరూమ్, ఇండియా) వరకు ఉంది. హ్యుందాయ్ ఎక్స్‌టర్ మరియు మారుతి సుజుకి ఇగ్నిస్ వంటి వాటికి ప్రధాన ప్రత్యర్థిగా ఉండే ఈ అప్డేటెడ్ టాటా పంచ్ వాహన వినియోగదారులు తప్పకుండా ఆకర్శించగలదని భావిస్తున్నాము.

కొత్త అప్డేట్స్

కొత్త టాటా పంచ్ ఇప్పుడు అనేక అప్డేట్స్ పొందుతుంది. ఇందులో చెప్పుకోదగ్గది 10.25 ఇంచెస్ టచ్‌స్క్రీన్.. ఇది మాత్రమే కాకుండా వైర్‌లెస్ మొబైల్ ఛార్జర్, రియర్ ఏసీ వెంట్స్ కూడా ఉన్నాయి. ఇవన్నీ టాప్ వేరియంట్లో ఉండనున్నట్లు తెలుస్తోంది.సెంటర్ కన్సోల్ ఇప్పుడు అప్డేట్ చేయబడిన కొత్త ఇన్స్ట్రుమెంట్ క్లస్టర్ కూడా పొందుతుంది.

అప్డేటెడ్ టాటా పంచ్ యొక్క బేస్ వేరియంట్ దాదాపు స్టాండర్డ్ మోడల్ మాదిరిగానే ఉంటుంది. కానీ టాప్ వేరియంట్ మాత్రం ఎక్కువ అప్డేట్స్ పొందినట్లు చూడవచ్చు. కాబట్టి ఇందులో డ్యూయెల్ ఎయిర్‌బ్యాగ్‌లు, ఏబీఎస్, రియర్ పార్కింగ్ సెన్సార్లు, ఎలక్ట్రానిక్ స్టెబిలిటీ కంట్రోల్ మరియు ఫ్రంట్ పవర్ విండోస్ మొదలైనవి ఉన్నాయి. ఈ కొత్త కారులో ప్యూర్ రిథమ్ ప్యాక్ లేదు, కాబటికి దాని స్థానాల్లో రియర్ పవర్ విండోస్, పవర్ అడ్జస్ట్ వింగ్ మిర్రర్స్ ఉంటాయి.

టాటా పంచ్ అడ్వెంచర్ ట్రిమ్.. మునుపటి మాదిరిగానే అదే 3.5 ఇంచెస్ డిస్‌ప్లేతో కూడిన ఆడియో సిస్టం, స్టీరింగ్ మౌంటెడ్ కంట్రోల్స్, యాంటీ గ్లేర్ ఇంటీరియర్ రియర్ వ్యూ మిర్రర్, పార్సెల్ ట్రే మరియు ఫాలో-మీ-హోమ్ హెడ్‌ల్యాంప్ ఉన్నాయి. రిథమ్ ప్యాక్ ఆండ్రాయిడ్ ఆటో, ఆపిల్ కార్‌ప్లే వంటి వాటికి సపోర్ట్ చేసే 7 ఇంచెస్ టచ్‌స్క్రీన్ అందిస్తుంది. ఇందులో రివర్స్ కెమెరా కూడా ఉంటుంది.

కొత్త టాటా పంచ్ అడ్వెంచర్ ఎస్ మరియు అడ్వెంచర్ ప్లస్ ఎస్ వేరియంట్ల విషయానికి వస్తే.. ఈ రెండు వేరియంట్లు ఎలక్ట్రిక్ సన్‌రూఫ్ పొందుతాయి. రియర్ ఏసీ వెంట్స్, ఆటో హెడ్‌ల్యాంప్, అప్డేటెడ్ సెంటర్ కన్సోల్ మరియు హైట్ అడ్జస్టబుల్ డ్రైవర్ సీటు వంటి వాటితో పాటు కీలెస్ ఎంట్రీ, టైప్ సీ ఫాస్ట్ ఛార్జింగ్ సపోర్ట్ అన్నీ కూడా ఈ వేరియంట్లలో ఉన్నాయి.

ఇక అకాంప్లిష్డ్ మరియు అకాంప్లిష్డ్ ప్లస్ విషయానికి వస్తే.. ఇవి వైర్‌లెస్ ఆండ్రాయిడ్ ఆటో, ఆపిల్ కార్‌ప్లేతో కూడిన 10.25 ఇంచెస్ టచ్‌స్క్రీస్ పొందుతాయి. ఆటో క్లైమేట్ కంట్రోల్, ప్రొజెక్టర్ హెడ్‌ల్యాంప్, ఎల్ఈడీ డీఆర్ఎల్, టెయిల్ లాంప్, ఫాగ్ లాంప్, కీలెస్ ఎంట్రీ అండ్ గో, హైట్ అడ్జస్టబుల్ డ్రైవర్ సీటు, క్రూయిజ్ కంట్రోల్, హైపర్ స్టైల్ వీల్స్, రియర్ వైపర్, డీఫాగర్ మరియు కూల్డ్ గ్లోవ్‌బాక్స్ అన్నీ కూడా ఇందులో ఉన్నాయి.

టాప్ స్పెక్ క్రియేటివ్ ప్లస్ వేరియంట్ వైర్‌లెస్ ఛార్జింగ్ ప్యాడ్, 16 ఇంచెస్ అల్లాయ్ వీల్స్, ఆటో హెడ్‌ల్యాంప్ మరియు వైపర్స్, టైర్ ప్రెజర్ మానిటరింగ్ సిస్టం, సన్‌రూఫ్ మొదలైనవి పొందుతాయి. మొత్తం మీద అప్డేటెడ్ పంచ్ ఆధునిక డిజైన్ మాత్రమే కాకుండా అధునాతన ఫీచర్స్ పొందుతాయి.

Don’t Miss: కొత్త ఎలక్ట్రిక్ బైక్ లాంచ్ చేసిన Revolt.. ధర తెలిస్తే ఇప్పుడే కొనేస్తారు!

ఇంజిన్ వివరాలు

టాటా పంచ్ అప్డేటెడ్ మోడల్ అదే ఇంజిన్ పొందుతుంది. కాబట్టి ఇందులోని 1.2 లీటర్ న్యాచురల్లీ ఆస్పిరేటెడ్ పెట్రోల్, 1.2 లీటర్ బై-ఫ్యూయెల్ సీఎన్‌జీ ఇంజిన్ ఉన్నాయి. పెట్రోల్ ఇంజిన్ 86.5 Bhp మరియు 115 Nm టార్క్ అందిస్తుంది. ఇది 5 స్పీడ్ మాన్యువల్ లేదా ఆటోమాటిక్ గేర్‌బాక్స్ ఆప్షన్స్ పొందుతాయి. సీఎన్‌జీ మోడల్ 72.5 Bhp మరియు 103 Nm టార్క్ ప్రొడ్యూస్ చేస్తుంది. ఇది 5 స్పీడ్ మాన్యువల్ గేర్‌బాక్స్ మాత్రమే పొందుతుంది. ఇంజిన్ ఎటువంటి అప్డేట్ పొందలేదు. కాబట్టి పనితీరులో ఎటువంటి మార్పు లేదని తెలుస్తోంది.