పండుగ స్పెషల్: ఇండియాలోని బెస్ట్ కార్లు.. రూ.10 లక్షల కంటే తక్కువే

ఇండియన్ మార్కెట్లో లెక్కకు మించిన కార్లు అందుబాటులో ఉన్నాయి. అయితే చాలామంది సరసమైన కార్లను కొనుగోలు చేయడానికే.. ఎక్కువ ఆసక్తి చూపుతారు. కానీ ఏ కారు ఎంచుకోవాలనే విషయంలో కొంత గాబరా పడే అవకాశం ఉంటుంది. అలాంటి ఇబ్బందులకు.. సరైన పరిష్కారం కోసం ఈ కథనం. ఇక్కడ రూ. 10 లక్షల కంటే తక్కువ ధరలో లభించే బెస్ట్ కార్లను గురించి తెలుసుకుందాం.

హ్యుందాయ్ ఎక్స్‌టర్

భారతదేశంలో ప్రస్తుతం అమ్మకానికి ఉన్న అత్యంత సరసమైన కార్ల జాబితాలో హ్యుందాయ్ కంపెనీకి చెందిన ఎక్స్‌టర్ ఒకటి. దీని ప్రారంభ ధర రూ. 6 లక్షలు (ఎక్స్ షోరూమ్). ఇది మొత్తం 40 వేరియంట్లలో అమ్మకానికి ఉంది. ఇందులో కేవలం నాలుగు వేరియంట్ల ధరలు మాత్రమే రూ. 10 లక్షల కంటే తక్కువ ఉన్నాయి. ఎక్స్‌టర్ కారు.. 1.2 లీటర్ పెట్రోల్ ఇంజిన్ కలిగి.. 83 హార్స్ పవర్ అందిస్తుంది. ఇది మాన్యువల్, ఆటోమాటిక్ గేర్‌బాక్స్ ఎంపికలను పొందుతుంది.

నిస్సాన్ మాగ్నైట్

దేశీయ మార్కెట్లో నిస్సాన్ కంపెనీకి చెందిన అధిక ప్రజాదరణ పొందిన మోడల్ ఈ మాగ్నైట్. దీని ధర రూ. 6.14 లక్షల (ఎక్స్ షోరూం) నుంచి ప్రారంభమవుతుంది. మొత్తం 28 వేరియంట్లలో లభించే ఈ కారు.. మంచి డిజైన్, ఫీచర్స్ పొందుతుంది. మొత్తం 28 వేరియంట్లలో 21 వేరియంట్ల ధరలు రూ. 10 లక్షల కంటే తక్కువ. ఈ కారు 1.0 లీటర్ 3 సిలిండర్ పెట్రోల్ ఇంజిన్ పొందుతుంది. తద్వారా మంచి పనితీరును అందిస్తుంది.

రెనాల్ట్ కిగర్

రూ. 6.30 లక్షల ఎక్స్ – షోరూమ్ వద్ద లభించే ఈ రెనాల్ట్ కిగర్.. మార్కెట్లో ఎక్కువ అమ్ముడవుతున్న కార్ల జాబితాలో ఒకటి. ప్రస్తుతం ఇది ఫేస్‌లిఫ్ట్ రూపంలో కూడా అందుబాటులో ఉంది. ఐదు పవర్‌ట్రెయిన్ ఎంపికలతో అందుబాటులో ఉండే ఈ కారు ఆకట్టుకునే డిజైన్ పొందుతుంది. ఇది 1.0 లీటర్ పెట్రోల్ ఇంజిన్ పొందుతుంది. పనితీరు పరంగా ఉత్తమంగా ఉంటుంది. తక్కువ ధరలో మంచి ఫీచర్స్ కలిగిన కార్ల జాబితాలో ఇది ఒకటి కావడం గమనార్హం.

టాటా పంచ్

భారతదేశంలోని అత్యంత సురక్షితమైన కార్ల జాబితాలో ఒకటైన టాటా పంచ్.. ప్రారంభ ధర రూ. 6.20 లక్షలు (ఎక్స్ షోరూమ్). మల్టిపుల్ వేరియంట్లలో లభించే ఈ కారు యొక్క మాన్యువల్ గేర్‌బాక్స్ ఆప్షన్ కలిగిన 10 వేరియంట్స్ ధరలు రూ. 10 లక్షల కంటే తక్కువే. ఇది 1.2 లీటర్ పెట్రోల్ ఇంజిన్ పొందుతుంది. ప్రస్తుతం ఈ కారు ఎలక్ట్రిక్, సీఎన్జీ రూపంలో కూడా అమ్మకానికి ఉంది. అయితే వీటి ధరలు స్టాండర్డ్ మోడల్ ధరల కంటే కొంత ఎక్కువే.

మారుతి ఫ్రాంక్స్

దేశీయ విఫణిలో రూ. 10 లక్షల కంటే తక్కువ ధరలో లభించే కార్ల జాబితాలో.. మారుతి ఫ్రాంక్స్ (రూ. 7.59 లక్షలు – ఎక్స్ షోరూమ్) కూడా ఒకటి. ఇది టయోటా సైరన్ రీబ్యాడ్జ్ మోడల్ అని తెలుస్తోంది. భిన్నమైన వేరియంట్లలో అందుబాటులో ఉన్న ఈ కారు టర్బో పెట్రోల్ ఇంజిన్ పొందుతుంది. ఇది సీఎన్జీ రూపంలో కూడా అందుబాటులో ఉంది. ఇంజిన్, గేర్‌బాక్స్ ఎంపికలు దాదాపు సైరన్ కారుకు సమానంగా ఉంటుందని తెలుస్తోంది.

Uma Siri

ఉమశ్రీ చీఫ్ ఎడిటర్‌గా పనిచేస్తున్నారు. ట్రెండింగ్ అంశాలు, వివిధ విభాగాలపై ప్రత్యేక కథనాలను రాస్తారు. ఆయన తెలంగాణ, ఆంధ్రప్రదేశ్, జాతీయ, అంతర్జాతీయ వార్తలు, సైన్స్ & టెక్నాలజీ, కేంద్ర ప్రభుత్వ పథకాలు, మౌలిక సదుపాయాల కల్పన, పాలిటిక్స్ తదితర రంగాలకు సంబంధించిన విశ్లేషణాత్మక కథనాలు అందిస్తున్నారు. జర్నలిజం రంగంలో ఆయనకు 8 సంవత్సరాలకు పైగా అనుభవం ఉంది.