ఓబెన్ ఎలక్ట్రిక్, ఓబెన్ రోర్ ఎవోను అధికారికంగా విడుదల చేయడంతో భారతదేశంలో తన మోటార్సైకిల్ పోర్ట్ఫోలియోను విస్తరించింది. నేకెడ్ స్ట్రీట్ఫైటర్గా రూపొందించబడిన దీని ధర రూ.1,24,999 (ఎక్స్-షోరూమ్) నుంచి ప్రారంభమవుతుంది, అయితే మొదటి 10,000 మంది కస్టమర్లు రూ. 99,999 (ఎక్స్-షోరూమ్) ధర వద్ద పొందవచ్చు. ప్రస్తుతం బుకింగ్లు ప్రారంభమయ్యాయి, డెలివరీలు మే 30, 2026న, అంటే రాబోయే 30 రోజుల్లో మొదలవుతాయి.
ఇటీవలి కాలంలో ఎలక్ట్రిక్ బైక్లకు భారతదేశంలో పెరుగుతున్న డిమాండ్ను దృష్టిలో పెట్టుకుని Oben Electric ఈ కొత్త మోడల్ను విడుదల చేసింది. పెట్రోల్ ధరల పెరుగుదల, పర్యావరణ పరిరక్షణపై అవగాహన పెరగడం వంటి కారణాలు EV మార్కెట్ను మరింత వేగంగా అభివృద్ధి చేస్తున్నాయి. ఈ నేపథ్యంలో Oben Rorr Evo లాంటి మోడళ్లకు మంచి స్పందన వచ్చే అవకాశముంది.
ఈ బైక్ ముఖ్యంగా నగర ప్రయాణాలకు మాత్రమే కాకుండా లాంగ్ రైడ్స్కి కూడా అనువుగా రూపొందించబడింది. స్టైలిష్ డిజైన్తో పాటు పనితీరు, భద్రత మరియు టెక్నాలజీ అంశాల్లో కూడా ఈ బైక్ ప్రత్యేకతను చాటుతోంది.
డిజైన్ వివరాలు
Oben Rorr Evo బైక్ డిజైన్ ఆకర్షణీయంగా ఉండేలా తయారు చేశారు. ప్రొజెక్టర్ LED హెడ్ల్యాంప్తో పాటు DRLs కలిగి ఉండటం వలన రాత్రి సమయంలో మంచి విజిబిలిటీ అందిస్తుంది. బైక్ “ట్యాంక్” భాగం బలంగా మరియు స్టైలిష్గా కనిపిస్తుంది. బ్యాటరీ కూలింగ్ కోసం ప్రత్యేకంగా బెల్లీ పాన్లో ఎయిర్ చానల్ ఏర్పాటు చేశారు. వెనుక భాగంలో షార్ప్ టెయిల్ సెక్షన్, వైట్ స్టిచింగ్తో ఉన్న సింగిల్ పీస్ సీట్ ఈ బైక్కు మరింత ప్రీమియం లుక్ ఇస్తుంది.
పనితీరు – బ్యాటరీ వివరాలు
Oben Rorr Evo లో మధ్య భాగంలో అమర్చిన IPMSM మోటార్ ఉంది. ఈ మోటార్ ప్రత్యేకత ఏమిటంటే ఇది రేర్ ఎర్త్ మెటీరియల్స్ను ఉపయోగించదు. దీంతో ఉత్పత్తి ఖర్చులు తగ్గడమే కాకుండా సరఫరా సమస్యలు కూడా తగ్గుతాయి.
మోటార్ గరిష్టంగా 9 kW పవర్ ఉత్పత్తి చేస్తుంది. అలాగే IP68 సర్టిఫికేషన్తో డస్ట్ మరియు వాటర్ నుండి రక్షణ ఉంటుంది. బైక్ 0-40 kmph వేగాన్ని కేవలం 3 సెకన్లలో చేరుతుంది. గరిష్ట వేగం 110 kmph కాగా, Eco మోడ్లో 60 kmph వరకు ప్రయాణించవచ్చు.
బ్యాటరీ విషయానికి వస్తే.. ఇందులో 3.4 kWh LFP బ్యాటరీ ఉంటుంది. దీని రేంజ్ 180 కిమీ. రియల్ వరల్డ్ రేంజ్ 150 km. బ్యాటరీపై 3 సంవత్సరాలు లేదా 50,000 km వారంటీ లభిస్తుంది. అదనంగా 8 సంవత్సరాలు లేదా 80,000 km వరకు ఎక్స్టెండెడ్ వారంటీ కూడా అందుబాటులో ఉంది.
ఛార్జింగ్ వివరాలు
Oben Plug ఫాస్ట్ ఛార్జర్ ద్వారా ఈ బైక్ను 0-80% వరకు కేవలం 90 నిమిషాల్లో ఛార్జ్ చేయవచ్చు. అదనంగా ఆన్బోర్డ్ ఛార్జర్ కూడా అందుబాటులో ఉంది. స్టోరేజ్ విషయానికి వస్తే.. మొత్తం 10 లీటర్ల సామర్థ్యం (ట్యాంక్లో 4 లీటర్లు, సీట్ కింద 6 లీటర్లు). అదనంగా రెండు USB ఛార్జింగ్ పోర్ట్స్ కూడా ఉన్నాయి.
రైడింగ్ అనుభవం.. సస్పెన్షన్
ఈ బైక్ ARX ప్లాట్ఫామ్పై నిర్మించబడింది. దీని వీల్బేస్ ఎక్కువగా ఉండటం వలన స్టేబిలిటీ మెరుగుపడుతుంది. సీట్ పొడవు 680 mm కాగా.. సీట్ ఎత్తు 780 mm. ఈ బైక్ ముందు టెలిస్కోపిక్ ఫోర్క్స్, వెనుక మోనోషాక్ (7 స్టెప్ అడ్జస్టబిలిటీ) ఉంటుంది. బ్రేకింగ్ విషయానికి వస్తే.. ముందు, వెనుక 270 mm డిస్క్ బ్రేక్స్ ఉంటాయి. 17 అంగుళాల వీల్స్, ట్యూబ్లెస్ టైర్లు గమనించవచ్చు. ఈ బైక్ 230 mm వరకు నీటిలో ప్రయాణించగలదు.
The moment you stop holding back is here.
Starting at ₹99,999* the Rorr EVO brings performance, control, and everyday usability together without compromise.• Up to 180 km IDC range
• 0–40 km/h in 3 seconds
• Top speed of 110 km/hUnleash the bold in you.
Book your Rorr… pic.twitter.com/tnreeGr9wI
— Oben Electric (@ObenElectric) April 30, 2026
టెక్నాలజీ.. భద్రత ఫీచర్లు
Oben Rorr Evo లో 8 అంగుళాల కలర్ TFT డిస్ప్లే ఉంది. ఇందులో టర్న్-బై-టర్న్ నావిగేషన్, కాల్, SMS అలర్ట్స్, మ్యూజిక్ కంట్రోల్,
ట్రిప్ మీటర్ మొదలైనవి ఉన్నాయి. అంతే కాకుండా ఇందులో 4 రైడింగ్ మోడ్లు, 4 డిస్ప్లే థీమ్స్ అందుబాటులో ఉన్నాయి. SmartIQ AI రైడింగ్ మోడ్ రైడింగ్ స్టైల్ను విశ్లేషించి రేంజ్ను 15% వరకు పెంచుతుంది.
భద్రత ఫీచర్స్ విషయానికి వస్తే.. ఫాల్ అలెర్ట్, ఎమర్జెన్సీ అసిస్ట్, యూనిఫైడ్ బ్రేక్ అసిస్ట్, డ్రైవర్ అలెర్ట్ సిస్టం, తెఫ్ట్ ప్రొటెక్షన్, రిమోట్ ఇమ్మొబిలైజేషన్, జియో ఫెన్సింగ్, ఫైండ్ మై రోర్, ఛార్జింగ్ స్టేషన్ లొకేటర్ మొదలైనవి ఉన్నాయి.
Also read:
ఉమశ్రీ – నేను MarthaTelugu వెబ్సైట్లో చీఫ్ ఎడిటర్గా పనిచేస్తున్నాను. నాకు ఆటోమొబైల్, లైఫ్ స్టైల్ విభాగాల్లో అత్యంత ప్రావీణ్యం కలిగి ఉంది. ఈ విభాగాల్లో యూజర్లకు అవసరమైన అన్ని వార్తలను సమగ్రంగా అందిస్తాను. నాకు జర్నలిజం రంగంలో 8 సంవత్సరాల అనుభవం ఉంది.