ప్రముఖ క్రికెట్ సచిన్ టెండుల్కర్ కుటుంబంలో జరిగిన పెళ్లి వేడుకలో ఒక భావోద్వేగ క్షణం అందరినీ ఆకట్టుకుంది. Sara Tendulkar తన సోదరుడు Arjun Tendulkar పెళ్లి సందర్భంగా.. అతని భార్య Saaniya Chandokకు ఒక సందేశం ఇచ్చారు.
Mumbaiలో జరిగిన ఈ వేడుకలో అతిథులు చప్పట్లతో స్పందించగా, సారా తన మాటలతో అందరినీ భావోద్వేగానికి గురిచేశారు. సానియా తనకు కేవలం వదిన మాత్రమే కాకుండా నిజంగా ఒక చెల్లెల్లా అనిపిస్తుందని ఆమె అన్నారు. సారా మాట్లాడుతూ, “సానియా, నాకు ఎప్పటినుంచో ఒక చెల్లెలు ఉండాలని అనిపించేది. కానీ అది నాకు దొరకలేదు. ఇప్పుడు నువ్వు నాకు ఆ చెల్లెల్లా అనిపిస్తున్నావు” అని చెప్పారు.
కుటుంబ బంధం – సారా వ్యాఖ్యలు
సారా తన ప్రసంగంలో కుటుంబ బంధాన్ని ప్రత్యేకంగా ప్రస్తావించారు. ఆమె తల్లి చెప్పిన ఒక మాటను గుర్తుచేసుకుంటూ సానియాతో మాట్లాడారు. “మా అమ్మ చెప్పినట్లుగా, నేను నిన్ను మా కుటుంబంలోకి స్వాగతం పలకలేను. ఎందుకంటే నువ్వు ఇప్పటికే ఎన్నో సంవత్సరాలుగా మా కుటుంబంలో భాగంగా ఉన్నావు” అని సారా అన్నారు. ఈ మాటలు అక్కడ ఉన్న అతిథులను ఎంతో కదిలించాయి. సానియా ఇప్పటికే కుటుంబానికి దగ్గరగా ఉండటం వల్ల పెళ్లి తర్వాత కూడా ఆమెకు ఎలాంటి ఇబ్బందులు ఉండవని సారా నమ్మకం వ్యక్తం చేశారు.
తన సోదరుడు Arjun Tendulkarపై తనకు ఉన్న ప్రేమను కూడా సారా తన ప్రసంగంలో వ్యక్తం చేశారు. గతంలో ఎంగేజ్మెంట్ సమయంలో చెప్పిన విషయాన్ని గుర్తు చేస్తూ, “నా తమ్ముడు నా హృదయం” అని ఆమె చెప్పారు.
ఆ తరువాత సానియాను ఉద్దేశించి మాట్లాడుతూ, “ఇప్పటి నుంచి నా హృదయం కూడా నీ దగ్గరే ఉంటుంది. దయచేసి అతన్ని జాగ్రత్తగా చూసుకో, ప్రేమించు, కాపాడుకో” అని సారా అన్నారు. అర్జున్ కూడా సానియాను అదే విధంగా ప్రేమతో చూసుకుంటాడనే నమ్మకం తనకు ఉందని ఆమె తెలిపారు.
Sara Tendulkar Emotional speech for Arjun Tendulkar and Saaniya 🥹❤️
Sara : My brother is my Heart Now my heart belongs to Saaniya so please ….. pic.twitter.com/T2RQPKk3Hr
— Jeet (@JeetN25) March 13, 2026
కొత్త జీవితానికి శుభాకాంక్షలు
తన ప్రసంగం చివరలో సారా కొత్త దంపతులకు శుభాకాంక్షలు తెలిపారు. “నేను మీ ఇద్దరినీ చాలా ప్రేమిస్తున్నాను. మీ జీవితంలో ప్రేమ, ఆనందం, సంపద అన్నీ ఉండాలని కోరుకుంటున్నాను” అని ఆమె అన్నారు.
ఈ ప్రసంగం కుటుంబ బంధం ఎంత బలంగా ఉంటుందో చూపించిందని అతిథులు పేర్కొన్నారు. చాలా కాలంగా కొనసాగుతున్న స్నేహం ఇప్పుడు కుటుంబ బంధంగా మారిందని కూడా పలువురు వ్యాఖ్యానించారు. ఈ వీడియో సోషల్ మీడియాలో విస్తృతంగా పంచబడుతూ, సారా చెప్పిన మాటలు నెటిజన్లను ఆకట్టుకుంటున్నాయి.
అర్జున్ టెండుల్కర్ గురించి
1999 సెప్టెంబర్ 24న ముంబైలో జన్మించిన Arjun Tendulkar.. ప్రముఖ క్రికెట్ దిగ్గజం Sachin Tendulkar కుమారుడు. ఇతనికి చిన్నప్పటి నుంచే క్రికెట్ మీద ఆసక్తి ఉంది. ఈ కారణంగానే చిన్నప్పటి నుంచే.. క్రికెట్లో శిక్షణ తీసుకుంటూ తన ప్రతిభను అభివృద్ధి చేసుకున్నాడు.
అర్జున్ టెండూల్కర్ ఎడమచేతి ఫాస్ట్ బౌలర్ మరియు ఎడమచేతి బ్యాట్స్మన్. ఇతడు దేశీయ క్రికెట్లో ముందు Mumbai cricket team జట్టుకు ఆడాడు. తరువాత మరిన్ని అవకాశాలు పొందడానికి Goa cricket team జట్టులో చేరాడు. Indian Premier Leagueలో కూడా పాల్గొంటున్నాడు. 2023లో ఆయన ఐపీఎల్లో తన తొలి మ్యాచ్ ఆడాడు. తన బౌలింగ్ నైపుణ్యంతో చాలా మంది క్రికెట్ అభిమానులను ఆకట్టుకున్నాడు.
Also Read:భార్యకు విడాకులిచ్చినా.. కుమారుడికి రూ.4 కోట్ల గిఫ్ట్!
హిమాన్షు – నేను MarthaTelugu వెబ్సైట్లో ఒక సంవత్సర కాలంగా పనిచేస్తున్నాను. నాకు ప్రత్యేకించి స్పోర్ట్స్ వార్తలు రాయడంలో అనుభవం ఉంది. జర్నలిజం రంగంలో 5 సంవత్సరాలకు పైగా అనుభవం కలిగిన నేను.. గతంలో ప్రముఖ మీడియా సంస్థల్లో రాజకీయాలు, క్రీడలు, సినిమా రంగాలకు సంబంధించిన ఆర్టికల్స్ రాశారు.
