ప్రముఖ వాహన తయారీ సంస్థ టీవీఎస్ మోటార్ చెప్పినట్లుగా.. ఇండియన్ మార్కెట్లో తన ‘ఎన్టార్క్ 150‘ స్కూటర్ను ఆన్ టైమ్ లాంచ్ చేసింది. ఈ సరికొత్త స్కూటర్ ఇప్పటికే మార్కెట్లో ఉన్న ఎన్టార్క్ 125 కంటే కూడా అత్యుత్తమ పనితీరును అందిస్తుంది. టీవీఎస్ లేటెస్ట్ స్కూటర్ ధర, ఇతర వివరాలను ఈ కథనంలో విపులంగా తెలుసుకుందాం.
వేరియంట్స్ & ధరలు
కొత్త టీవీఎస్ ఎన్టార్క్ 150 స్కూటర్.. రెండు వేరియంట్లలో లభిస్తుంది. అవి ఒకటి బేస్ వేరియంట్, మరొకటి టీఎఫ్టీ వేరియంట్. వీటి ధరలు వరుసగా రూ. 1.19 లక్షలు, రూ. 1.29 లక్షలు (ఎక్స్ షోరూమ్). 125 సీసీ విభాగంలో అద్భుతమైన అమ్మకాలు పొందిన ఈ స్కూటర్ 150 సీసీ విభాగంలో లాంచ్ కావడంతో మరింత గొప్ప అమ్మకాలు పొందే అవకాశం ఉంటుందని భావిస్తున్నారు.
ఇంజిన్
టీవీఎస్ ఎన్టార్క్ 150 స్కూటర్.. 149.7 సీసీ ఇంజిన్ పొందుతుంది. ఇది 7000 ఆర్పీఎమ్ వద్ద 17.7 బీహెచ్పీ పవర్, 5500 ఆర్పీఎమ్ వద్ద 14.2 న్యూటన్ మీటర్ టార్క్ ప్రొడ్యూస్ చేస్తుంది. ఇందులో లైట్ వెయిట్ పిస్టన్స్, ఇంటిగ్రేటెడ్ స్టార్టర్ జనరేటర్ వంటి వాటితో పాటు.. అప్డేటెడ్ కంటిన్యూయస్ వేరియబుల్ ట్రాన్స్మిషన్ కూడా ఉంటుంది. ఈ స్కూటర్ 6.3 సెకన్లలో గంటకు 0 నుంచి 60 కిమీ వరకు వేగవంతం అవుతుంది. దీని టాప్ స్పీడ్ 104 కిమీ/గం కావడం గమనార్హం.
డిజైన్ & ఫీచర్స్
చూడటానికి కొంత స్టాండర్డ్ మోడల్ మాదిరిగా అనిపించినప్పటికీ.. ముందు భాగం భిన్నంగా ఉండటం గమనించవచ్చు. క్యాడ్ ప్రొజెక్టర్ హెడ్లైట్స్ ఆప్రాన్పై పైకి ఉన్నాయి. దిగువ భాగంలో స్ప్లిట్ ఎల్ఈడీ డీఆర్ఎల్ ఉండటం చూడవచ్చు. ఇందులో కొత్తగా ఏరో వింగ్లెట్లు ఉన్నాయి. హ్యాండిల్ బార్.. బ్రేక్ లివర్స్ పొందుతుంది.
ఇక ఫీచర్స్ విషయానికి వస్తే.. కొత్త టీవీఎస్ ఎన్టార్క్ 150 టాప్ వేరియంట్ 5 ఇంచెస్ టీఎఫ్టీ కలర్ డిస్ప్లే పొందుతుంది. ఇందులో రెవ్ కౌంటర్, ల్యాప్ టైమర్ వంటివి ఉన్నాయి. ఈ స్కూటర్ ముందు భాగంలో డిస్క్ బ్రేక్తో పాటు బాష్ నుంచి సింగిల్ ఛానల్ ఈబీఎస్ ఉంటాయి. ప్యాకేజీలో భాగంగా స్విచబుల్ ట్రాక్షన్ కంట్రోల్ సిస్టం కూడా ఉన్నాయి.
ఇతర వివరాలు
కొత్త టీవీఎస్ ఎన్టార్క్ 150 సీటు పొడవు 765 మిమీ, సీటు ఎత్తు 770 మిమీ, వీల్బేస్ 1285 మిమీ, గ్రౌండ్ క్లియరెన్స్ 155 మిమీ, అండర్ సీట్ స్టోరేజ్ 22 లీటర్లు, ఫ్యూయెల్ ట్యాంక్ కెపాసిటీ 5.8 లీటర్లు. 12 ఇంచెస్ వీల్స్ కలిగిన ఈ స్కూటర్ 115 కేజీల బరువు (కర్బ్ వెయిట్) ఉంటుంది. ఇది దాని ప్రత్యర్థులకంటే తేలికైనదిగా ఉంటుంది. కాగా ఈ స్కూటర్ ఇండియన్ మార్కెట్లో ఏప్రిలియా ఎస్ఆర్ 160, యమహా ఏరోక్స్ 155 వంటి వాటికి ప్రధాన ప్రత్యర్థిగా ఉంటుంది. కాబట్టి ఇది అమ్మకాల పరంగా కొంత పోటీని ఎదుర్కోవాల్సి ఉంటుంది.
టీవీఎస్ లాంచ్ చేసిన ఎన్టార్క్ 125 ఇప్పటికే మార్కెట్లో గొప్ప అమ్మకాలు పొందుతూ.. 125 సీసీ విభాగంలో తిరుగులేని స్కూటర్ రికార్డ్ కైవసం చేసుకుంది. ఇప్పటికి వరకు ఈ స్కూటర్ 20 లక్షల కంటే ఎక్కువ యూనిట్లకు అమ్ముడయ్యాయి. దీన్నిబట్టి చూస్తే ఈ స్కూటరుకు మార్కెట్లో ఎంత డిమాండ్ ఉందో అర్థమవుతోంది.
ఉమశ్రీ చీఫ్ ఎడిటర్గా పనిచేస్తున్నారు. ట్రెండింగ్ అంశాలు, వివిధ విభాగాలపై ప్రత్యేక కథనాలను రాస్తారు. ఆయన తెలంగాణ, ఆంధ్రప్రదేశ్, జాతీయ, అంతర్జాతీయ వార్తలు, సైన్స్ & టెక్నాలజీ, కేంద్ర ప్రభుత్వ పథకాలు, మౌలిక సదుపాయాల కల్పన, పాలిటిక్స్ తదితర రంగాలకు సంబంధించిన విశ్లేషణాత్మక కథనాలు అందిస్తున్నారు. జర్నలిజం రంగంలో ఆయనకు 8 సంవత్సరాలకు పైగా అనుభవం ఉంది.
