బైకర్ సినిమా ఈవెంట్: మనసులో మాటలు చెప్పిన శర్వానంద్

శర్వానంద్ తన కెరియర్‌లో గుర్తుండిపోయేలా బైకర్ అనే సినిమాను తీశారు. ఇది ఇండియాలో ఫస్ట్ మోటార్ క్రాస్ రేసింగ్ మూవీ. నవంబర్ 06వ తేదీన థియేటర్లలో ఈ చిత్రాన్ని రిలీజ్ చేస్తున్నారు. దానికి సంబంధించిన గ్లింప్స్ రిలీజ్ ఈవెంట్ హైదరాబాద్‌లో నిర్వహించారు. ఈ కార్యక్రమంలో శర్వానంద్ సినిమా గురించి కొన్ని విషయాలను పంచుకున్నాడు.

ఒరిజినల్ బైక్ స్టంట్స్

బైకర్ సినిమా తన జీవితంలో టర్నింగ్ పాయింట్ అవుతుందని, కెరియర్‌లో గర్వంగా చెప్పుకోదగ్గ ఒక గొప్ప సినిమా చేశానని ఆనందం వ్యక్తం చేశారు. అలాగే కాలర్ ఎగరేసి ఇది శర్వానంద్ సినిమా అని చెప్పుకునేలాగా తీయడానికి సిద్దపడిన ప్రొడ్యూసర్ వంశీకి ధన్యవాదాలు తెలిపాడు. అందులోను ఇప్పటికే యూవీ క్రియేషన్స్ బ్యానర్‌లోనే మహానుభావుడు, రన్ రాజా రన్, ఎక్స్‌ప్రెస్ రాజా లాంటి మంచి హిట్ సినిమాలు చేసిన అనుభవంతో ఏ మాత్రం వెనుకడకుండా మంచి ఎక్స్‌పరిమెంట్ చేసినట్టు తెలుస్తోంది. ఈ సినిమా చేయడం అనేది అంత సులువైన విషయం అయితే కాదు. ఎందుకంటే ఏవి కూడా డూప్ కాదు. ఒరిజినల్ బైకర్స్ చేసిన స్టంట్స్ లాగే ఉన్నాయి విజువల్స్.

బైక్‌లపై తిరుగుతూ ప్రచారం

సినిమా ప్రచారంలో భాగంగా.. ఈ నెల 15వ తేదీ నుంచి భారతదేశం మొత్తం బైక్స్ వేసుకొని హీరో శర్వానంద్ మరియు సినిమా టీమ్ తిరుగనున్నారు. సినీ అభిమానులని కలిసి వాళ్లతో సినిమా పట్ల పాజిటివ్ టాక్ తెచ్చుకోవడానికి ఇదొక అవకాశంగా భావిస్తున్నారు. అలాగే ప్రజలకు దగ్గరవడానికి కూడా ఈ దారి సరైందని శర్వా ఆలోచిస్తున్నాడు. ఇప్పుడు ఇది ఒక కొత్తరకం మూవీ ప్రమోషన్ అనే చెప్పాలి. దీంతో సినిమాకు మంచి బజ్ క్రియేట్ అవ్వనుంది. పెద్ద పెద్ద సినిమాలను తీసే యూవీ వాళ్లు ఇందుకు భారీగా ఖర్చు చేయనున్నారు. సినిమా రూ. 60 కోట్ల బడ్జెట్ అని ప్రచారం జరుగుతున్నది.

ఈ సినిమాలో హీరో రాజశేఖర్ కూడా కీలక పాత్ర పోషించారు. దీనిపై శర్వానంద్ మాట్లాడుతూ.. రాజశేఖర్ ఈ క్యారెక్టర్ ఒప్పుకోవడం అనేది గొప్ప విషయం అని, ఆయనతో కలిసి పని చేయడం గౌరవంగా భావిస్తున్నా అని కృతజ్ఞతలు తెలిపారు. సినిమా మొత్తం అనేక ఛాలెంజ్స్, ఇంట్రస్టింగ్ అవెంచర్స్ ఉంటాయి.. అవన్నీ థియేటర్లలో ప్రేక్షకులను అలరిస్తాయని చెప్పుకొచ్చాడు.

మనసులో మాటలు

డైరెక్టర్ అభిలాష్.. నాలో ఏమి చూసి నమ్మాడో తెలీదు గానీ ఒక పెద్ద కథ రాసుకొచ్చి నన్ను ఒప్పించాడు. మొత్తానికి సినిమా చేసాము. ఎప్పుడెప్పుడు ప్రేక్షకులకు ఈ మూవీ చూపించాలని ఎంతో ఆత్రుతతో ఎదురుచూస్తున్నానని, ఏ మాత్రం తడబడకుండా కాన్ఫిడెంట్‌గా శర్వనంద్ తన మనసులోని మాటలు బయటపెట్టాడు. మరి బైకర్ శర్వానంద్ సినిమా సాహసాలని చూడాలంటే మాత్రం ఇంకా ఒక నెల రోజులు ఆగాలి అన్నమాట. ఈ సినిమాలో హీరో రాజశేఖర్ మాత్రమే కాకుండా.. బ్రహ్మాజీ లాంటి వాళ్ళు ముఖ్య పాత్రలు చేస్తున్నారు. ఈ సినిమాకు అభిలాష్ డైరెక్టర్ కాగా.. వంశీ, ప్రమోద్ నిర్మాతలు.. జిబ్రాన్ సంగీతం అందిస్తున్నారు.