31.2 C
Hyderabad
Monday, March 17, 2025
Home Blog Page 34

బైక్ మాదిరిగా ఉండే ఎలక్ట్రిక్ కారు.. ధర రూ.2 లక్షలు మాత్రమే!

0

Most Affordable Electric Car in India Wings EV Robin: కాలం మారుతోంది, టెక్నాలజీ పెరుగుతోంది. ఈ సమయంలో కొందరు పెట్రోల్, డీజిల్ కార్లకు ప్రత్యామ్నాయంగా ఎలక్ట్రిక్ కార్లను కొనుగోలు చేయాలనుకుంటారు. కానీ ఎలక్ట్రిక్ కారును కొనుగోలు చేయాలంటే కనీసం రూ. 7 లక్షల నుంచి రూ. 10 లక్షల లోపు డబ్బు వెచ్చించాల్సి ఉంటుంది. ఇది అందరికీ సాధ్యమయ్యే పనికాదు. దీనిని దృష్టిలో ఉంచుకుని వింగ్స్ ఈవీ అనే కొత్త స్టార్టప్ రాబిన్ అనే సరికొత్త ఎలక్ట్రిక్ కారును సృష్టించింది. ఈ కారు ధర కేవలం రూ. 2 లక్షలు మాత్రమే. దీనికి సంబంధించిన మరిన్ని వివరాలు వివరంగా ఈ కథనంలో తెలుసుకుందాం.

వింగ్స్ ఈవీ రాబిన్

రాబిన్ ఎలక్ట్రిక్ కారును కంపెనీ మూడు విభిన్న వేరియంట్లలో అందిస్తోంది. అవి బేస్ వేరియంట్ (60 కిమీ రేంజ్), ఎస్ వేరియంట్ (90 కిమీ రేంజ్), ఎక్స్ వేరియంట్ (90 కిమీ రేంజ్). వీటి ధరలు వరుసగా రూ. 2 లక్షలు, రూ. 2.5 లక్షలు మరియు రూ. 3 లక్షలు. మొదటి రెండు వేరియంట్లలో ఏసీ ఉండదు. టాప్ వేరియంట్ మాత్రమే ఏసీ ఆప్షన్ పొందుతుంది. సంస్థ ఈ ఎలక్ట్రిక్ కార్ల కోసం బుకింగ్స్ కూడా స్వీకరించడం ప్రారంభించింది. బుక్ చేసుకోవాలనుకునే కస్టమర్లు అధికారిక వెబ్‌సైట్ సందర్శించవచ్చు. డెలివరీలు వచ్చే ఏడాదిలో ప్రారంభమవుతాయి.

వింగ్స్ ఈవీ రాబిన్ చూడటానికి ఓ బైక్ పరిమాణంలో ఉంది. ఇందులో కేవలం ఇద్దరు మాత్రమే ప్రయాణించడానికి అవకాశం ఉంది. డ్రైవింగ్ చేసేవారు ఒకరు. వెనుక ప్యాసింజర్ సీటు ఒకటి మాత్రమే ఉంది. టూ డోర్స్ కారు మాదిరిగా ఇది టూ సీట్ కారన్నమాట. ఈ కారు ఒక ఫుల్ చార్జితో ఏకంగా 90 కిమీ రేంజ్ అందిస్తుందని సమాచారం. అంతే కాకుండా ఇది కేవలం 5 సెకన్లలో గంటకు 0 నుంచి 40 కిమీ / గం వేగవంతమవుతుంది.

రాబిన్ ఎలక్ట్రిక్ కారు రోజువారీ వినియోగానికి, రద్దీగా ఉన్న నగర ప్రయాణాలకు చాలా ఉపయోగకరంగా ఉంటుంది. పరిమాణంలో చిన్నగా ఉండటం వల్ల ట్రాఫిక్ సమయంలో కూడా ఇది సజావుగా ముందుకు సాగిపోతుంది. ఛార్జింగ్ పోర్ట్ కారు యొక్క వెనుక భాగంలో ఉంది. దీనిని ఫుల్ ఛార్జ్ చేయడానికి ఐదు గంటల (16 ఆంపియర్ ప్లగ్ ఉపయోగించి) సమయం పడుతుంది. ఈ కారులో బీఎల్డీసీ హబ్ మోటార్ ఉంటుంది. ఇది 282 న్యూటన్ మీటర్ టార్క్ ప్రొడ్యూస్ చేస్తుంది.

డైమెన్షన్ (పరిమాణం)

వింగ్స్ ఈవీ ఎలక్ట్రిక్ కారు పరిమాణం విషయానికి వస్తే.. దీని పొడవు 2250 మిమీ, వెడల్పు 945 మిమీ, ఎత్తు 1560 మిమీ వరకు ఉంటుంది. ఈ కారు యొక్క గ్రౌండ్ క్లియరెన్స్ 160 మిమీ మాత్రమే. చూడటానికి చిన్నపిల్లలు ఆడుకునే బొమ్మ మాదిరిగా కనిపించే ఈ కారు అత్యుత్తమ పర్ఫామెన్స్ అందిస్తుందని నిర్దారించబడింది.

సింపుల్ డిజైన్ కలిగిన వింగ్స్ ఈవీ రాబిన్ ఎలక్ట్రిక్ కారు కేవలం రెండు డోర్స్ మాత్రమే కలిగి ఉంటుందని తెలుస్తోంది. మెయిన్ డోర్ లేదా డ్రైవర్ డోర్ కుడివైపున ఉంటుంది. వెనుక ప్రయాణికుల కోసం డోర్ ఎడమవైపున ఉంటుందని. కాబట్టి ప్రయాణికులు సులభంగా లోపలి వెళ్ళవచ్చు, బయటకు రావచ్చు.

ఎల్‌ఎఫ్‌పీ బ్యాటరీ ప్యాక్

సరసమైన ధర వద్ద లభించే రాబిన్ ఎలక్ట్రిక్ కారు 5.6 కేడబ్ల్యుహెచ్ ఎల్‌ఎఫ్‌పీ బ్యాటరీ ప్యాక్ పొందుతుంది. సాధారణ బ్యాటరీలతో పోలిస్తే ఈ రకమైన బ్యాటరీలు ఎక్కువ స్థిరంగా ఉంటాయి. భారతదేశ సమశీతోష్ణ స్థితిని తట్టుకునేలా ఈ బ్యాటరీ ఉంటుంది. ఈ బ్యాటరీ ప్యాక్ పొడవు కేవలం 69 మిమీ మాత్రమే. కాబట్టి ఇదే ప్రపంచంలోనే అత్యంత సన్నని ఆటోమోటివ్ బ్యాటరీ ప్యాక్ అని తెలుస్తోంది.

డ్రైవ్ బై వైర్ టెక్నాలజీ

వింగ్స్ రాబిన్ ఈవీ కారులో లేటెస్ట్ డ్రైవ్ బై వైర్ టెక్నాలజీ ఉంటుంది. సాధారణంగా ఈ టెక్నాలజీని ఫైటర్ జెట్ మరియు ఎఫ్1 కార్లలో మాత్రమే ఉపయోగించేవారు. ఇది మోటార్ల యొక్క స్వతంత్ర నియంత్రణకు ఉపయోగపడుతుంది. కాబట్టి ఉత్తమ పెరఫామెన్స్ లభిస్తుంది.

Don’t Miss: ఆగష్ట్‌లో లాంచ్ అయ్యే కార్లు ఇవే!.. థార్ 5 డోర్, టాటా కర్వ్ ఇంకా..

చూడటానికి చిన్నదిగా ఉన్నప్పటికీ రూ. 2 లక్షల ధర అంటే చాలా సరసమైనదనే చెప్పాలి. ఇంత తక్కువ ధరకు ప్రస్తుతం భారతదేశంలో ఏ కారు అందుబాటులో లేదు. ఇది అందరికీ తెలిసిన విషయమే. కాబట్టి తక్కువ ధరలో లభించే ఈ కారు తప్పకుండా మంచి అమ్మకాలను పొందుతుందని భావిస్తున్నాము. డిజైన్ మరియు రేంజ్ వంటివి ఉత్తమంగా ఉన్నప్పటికీ.. సేఫ్టీకి సంబంధించి ఎలాంటి ఫీచర్స్ ఇందులో ఉన్నాయో తెలియాల్సి ఉంది.

ఆగష్ట్‌లో లాంచ్ అయ్యే కార్లు ఇవే!.. థార్ 5 డోర్, టాటా కర్వ్ ఇంకా..

0

Top 5 Car Launches in 2024 August: 2024 ప్రారంభమై దాదాపు ఏడు నెలలు కావొస్తోంది. ఏడాది ప్రారంభం నుంచి లెక్కకు మించిన కార్లు, బైకులు దేశీయ మార్కెట్లో లాంచ్ అవుతూనే ఉన్నాయి. ఈ నెలలో కూడా బజాజ్ ఫ్రీడమ్ 125 బైక్, హ్యుందాయ్ ఎక్స్‌టర్ సీఎన్‌జీ, పోర్స్చే ఎలక్ట్రిక్ కార్లు మొదలైనవి లాంచ్ అయ్యాయి. కాగా వచ్చే నెలలో కూడా కంపెనీ మరికొన్ని కార్లను లాంచ్ చేయడానికి సన్నద్ధమవుతోంది. ఈ కథనంలో 2024 ఆగష్టు నెలలో దేశీయ విఫణిలో లాంచ్ అయ్యే కార్లను గురించి మరిన్ని వివరాలు ఈ కథనంలో తెలుసుకుందాం.

నిస్సాన్ ఎక్స్-ట్రైల్ (Nissan X-Trail)

భారతదేశంలో ప్రస్తుతం కేవలం ఒక కారును (నిస్సాన్ మాగ్నైట్) మాత్రమే విక్రయిస్తున్న నిస్సాన్ త్వరలో ఎక్స్-ట్రైల్ పేరుతో 7 సీటర్ కారును లాంచ్ చేయడానికి సిద్ధమవుతోంది. కంపెనీ ఈ కారును ఆగష్టు 1న అధికారికంగా దేశీయ విఫణిలో లాంచ్ చేయనుంది. ఇది సీబీయూ మార్గం ద్వారా ఇండియాలోకి రానుంది. కాబట్టి దీని ధర కొంత ఎక్కువగానే ఉంటుందని తెలుస్తోంది. ఈ కారు ధర రూ. 40 నుంచి రూ. 45 లక్షల మధ్య ఉంటుందని సమాచారం. అయితే అధికారిక ధరలు ఆగష్టు 1న వెల్లడవుతాయి.

ఆగష్టు 1న లాంచ్ కానున్న కొత్త నిస్సాన్ ఎక్స్-ట్రైల్ ఆకర్షణీయమైన డిజైన్ కలిగి మూడు కలర్ (డైమండ్ బ్లాక్, పెర్ల్ వైర్ మరియు షాంపైన్ సిల్వర్) ఆప్షన్లలో లభిస్తుంది. ఈ కారు ఎల్ఈడీ లైటింగ్ పొందే అవకాశం ఉంది. ఇది 8 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టం మరియు 12.3 ఇంచెస్ డ్రైవర్ ఇన్ఫర్మేషన్ డిస్‌ప్లే మొదలైనవి పొందనున్నట్లు సమాచారం.

కొత్త నిస్సాన్ ఎక్స్-ట్రైల్ కారు 1.5 లీటర్ త్రీ సిలిండర్ టర్బో పెట్రోల్ ఇంజిన్ పొందనున్నట్లు సమాచారం. ఇది 163 బీహెచ్‌పీ పవర్, 300 ఎన్ఎమ్ టార్క్ అందిస్తుంది. ఇది సీవీటీ గేర్‌బాక్స్‌తో జతచేయబడి ఉంటుంది. ఈ కారు మార్కెట్లో లాంచ్ అయిన తరువాత ఎంజీ గ్లోస్టర్, స్కోడా కొడియాక్ వంటి కార్లకు ప్రధాన ప్రత్యర్థిగా ఉంటుంది.

సిట్రోయెన్ బసాల్ట్ (Citroen Basalt)

ప్రముఖ ఫ్రెంచ్ కార్ల తయారీ సంస్థ సిట్రోయెన్ ఆగష్టు 7న ‘బసాల్ట్’ పేరుతో సరికొత్త కారును లాంచ్ చేయడానికి సర్వత్రా సిద్ధమైంది. అంతంకంటే ముందు ఆగష్టు 2న ఈ కారును కంపెనీ ఆవిష్కరించే అవకాశం ఉంది. ఈ కారు ఇప్పటికే మార్కెట్లో విక్రయించబడుతున్న సిట్రోయెన్ సీ3 ఎయిర్‌క్రాస్ ఆధారంగా రూపొందించబడుతున్నట్లు తెలుస్తోంది. కాబట్టి చూడటానికి సీ5 ఎయిర్‌క్రాస్ మాదిరిగానే అనిపిస్తుంది.

సిట్రోయెన్ కంపెనీ లాంచ్ చేయనున్న కొత్త బసాల్ట్ కారు మంచి డిజైన్ కలిగి, ఆధునిక కాలంలో ఉపయోగించడానికి చాలా అనుకూలంగా ఉంటుందని ఫోటోలను చూస్తేనే అర్థమవుతోంది. ఈ కారు 1.2 లీటర్ పెట్రోల్ ఇంజిన్ పొందనున్నట్లు సమాచారం. కాగా బసాల్ట్ ధరలు ఎలా ఉంటాయి? బుకింగ్స్ ఎప్పుడు ప్రారంభమవుతాయి? ఆ తరువాత డెలివరీలు ఎప్పుడు అనే వివరాలు త్వరలోనే తెలుస్తాయి.

టాటా కర్వ్ (Tata Curvv)

దేశీయ దిగ్గజం టాటా మోటార్స్ ఆగష్టు 7న తన కర్వ్ కూపేను అధికారికంగా లాంచ్ చేయనుంది. కూపే వంటి డిజైన్ కలిగిన ఈ కారు వాహన ప్రియులను తప్పకుండా ఆకర్షిస్తుంది. మంచి డిజైన్ కలిగిన టాటా కర్వ్ ఎల్ఈడీ హెడ్‌లైట్స్, టెయిల్ లైట్స్ మరియు 17 ఇంచెస్ అల్లాయ్ వీల్స్ పొందుతుంది. లోపల 10.25 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టం ఉండే అవకాశం ఉంది. దీని పరిమాణం ఎంచుకునే వేరియంట్ మీద ఆధారపడి ఉంటుంది. ఈ కారులో చాలా వరకు లేటెస్ట్ ఫీచర్స్ ఉండనున్నాయి.

త్వరలో లాంచ్ కానున్న కొత్త టాటా కర్వ్ కారు ఐసీఈ మరియు ఎలక్ట్రిక్ పవర్‌ట్రెయిన్‌లతో లభించే అవకాశం ఉంది. ఐసీఈ వేరియంట్ 125 పీఎస్ పవర్ మరియు 225 ఎన్ఎమ్ టార్క్ అందిస్తుంది. ఎలక్ట్రిక్ వేరియంట్ 55 కిలోవాట్ బ్యాటరీ ప్యాక్ ద్వారా సింగిల్ చార్జితో 550 కిమీ రేంజ్ అందిస్తుందని తెలుస్తోంది. దీనికి సంబంధించిన మరిన్ని వివరాలు అధికారికంగా తెలియాల్సి ఉంది.

మహీంద్రా థార్ 5 డోర్ లేదా థార్ ఆర్మడ (Mahindra Thar 5 Door / Thar Armada)

భారతదేశంలో ప్రారంభం నుంచి అత్యంత ప్రజాదరణ పొందుతున్న మహీంద్రా థార్ ఆగష్టు 15న 5 డోర్స్ వెర్షన్ రూపంలో లాంచ్ కానుంది. దీనినే థార్ ఆర్మడ అని కూడా పిలుస్తారు. చూడటానికి సాధారణ థార్ మాదిరిగా కనిపించినప్పటికీ.. ఇది పరిమాణంలో కొంత పెద్దదిగా ఉంటుంది. ఇది రీ డిజైన్ చేయబడిన ఫ్రంట్ ఫాసియాను కలిగి ఉంటుంది.

మహీంద్రా థార్ ఆర్మడ ఆధునిక ఫీచర్స్ పొందుతుంది. ఇందులో 360 డిగ్రీ కెమెరా, రియర్ వెంట్‌లతో క్లైమేట్ కంట్రోల్, టచ్‌స్క్రీన్ ఇన్ఫోటైన్‌మెంట్ సిస్టం, డిజిటల్ ఇన్స్ట్రుమెంట్ క్లస్టర్, కనెక్టెడ్ కార్ టెక్నాలజీ మరియు లెవెల్ 2 ఏడీఏఎస్ వంటివి ఉండనున్నాయి. ఈ కారు 2.0 లీటర్ పెట్రోల్ మరియు 2.2 లీటర్ డీజిల్ ఇంజిన్ ఆప్షన్స్ పొందుతుంది. ఇంజిన్ మాన్యువల్ మరియు ఆటోమాటిక్ ట్రాన్స్‌మిషన్ ఎంపికలను పొందుతుంది.

నాల్గవ తరం మారుతి సుజుకి డిజైర్ (Fourth Zen Maruti Suzuki Dzire)

ఇక చివరగా వచ్చే నెలలో లాంచ్ అయ్యే కార్లలో మారుతి సుజుకి నాల్గవ తరం డిజైర్ కూడా ఒకటి. ఇది చూడటానికి స్టాండర్డ్ మోడల్ డిజైర్ మాదిరిగా ఉన్నప్పటికీ.. చాలా వరకు అప్డేట్ అయి ఉంటుంది. ఇందులో రీ డిజైన్ హెడ్‌లైట్స్, కొత్త ఫ్రంట్ గ్రిల్, బంపర్ మరియు ఫాగ్‌లాంప్ వంటివి ఉంటాయి. ఇది ఆగష్టు చివరి నాటికి మార్కెట్లో అధికారికంగా లాంచ్ అయ్యే అవకాశం ఉంది.

Don’t Miss: మహీంద్రా థార్‌తో దుమ్ములేపిన హీరోయిన్.. ఆఫ్-రోడింగ్ అయినా తగ్గేదేలే

త్వరలో లాంచ్ కానున్న కొత్త మారుతి సుజకి డిజైర్ ఫ్లోటింగ్ టచ్‌స్క్రీన్ ఇన్ఫోటైన్‌మెంట్ సిస్టం, సింగిల్ పేన్ ఎలక్ట్రిక్ సన్‌రూఫ్ వంటివి పొందనున్నట్లు సమాచారం. ఈ కారు 1.2 లీటర్ 3 సిలిండర్ న్యాచురల్లీ ఆస్పిరేటెడ్ ఇంజిన్ కలిగి 5 ప్రొసీడ్ మాన్యువల్ గేర్‌బాక్స్ ఆప్షన్స్ పొందనుంది. కంపెనీ ఈ కారును భవిష్యత్తులో CNG రూపంలో మరియు స్ట్రాంగ్ హైబ్రిడ్ రూపంలో కూడా లాంచ్ చేసే అవకాశం ఉన్నట్లు సమాచారం.

కార్ డోర్స్ ఎన్ని రకాలో తెలిస్తే ఆశ్చర్యపోతారు – 19వ శతాబ్దం నుంచి ఇప్పటి వరకు..

0

History Of Car Doors: ఎంత పెద్ద కారైనా, ఎంత చిన్న కారైనా.. ఖరీదైన కారైనా, ఆఖరికి చీప్ కారైనా డోర్స్ అనేవి చాలా ప్రధానం. కారు లోపలికి వెళ్లాలన్నా.. బయటకు రావాలన్న డోర్స్ ఓపెన్ చేసి రావాల్సి ఉంటుంది. ఆధునిక కాలంలో కార్ డోర్స్ (Car Doors) ఎలా ఉన్నాయో అందరికి తెలుసు, అయితే ఈ డోర్స్ పరిణామం ఎలా జరిగింది.. 19వ శతాబ్దం చివరిలో ఆటోమొబైల్ ప్రారంభమైనప్పటి నుంచి కారు డోర్లు ఎలా రూపాంతరం చెందాయని ఆసక్తికరమైన వివరాలు ఈ కథనంలో తెలుసుకుందాం.

సింపుల్ డోర్స్ (Simple Doors)

నిజానికి 19వ శతాబ్దం చివరలో మరియు 20వ శతాబ్దం ప్రారంభంలో కార్లు అభివృద్ధి చేయబడినప్పుడు అవి చాలా సింపుల్ డోర్స్ కలిగి ఉండేవి. వీటిని ఓపెన్ చేయడం లేదా క్లోజ్ చేయడం వంటి ప్రక్రియ కూడా చాలా సులభంగా ఉండేది. అప్పట్లో డోర్స్ యొక్క ప్రధాన ఉపయోగం కారు లోపలికి దుమ్ము, ధూళి వంటివి లోపలికి రాకుండా చూడటమే.

సూసైడ్ డోర్స్ (Suicide Doors)

20వ శతాబ్దంలో సూసైడ్ డోర్స్ పేరిట కొన్ని డోర్స్ అందుబాటులో ఉండేవి. అప్పట్లో ఇలాంటి డోర్స్ ముఖ్యంగా ‘ఫోర్డ్ మోడల్ టీ’లో కనిపించేవి. కారులోకి వెళ్ళడానికి మరియు బయటకు రావడానికి సులభంగా ఉండటానికి ఇలాంటి డోర్స్ రేపాటు చేయడం జరిగింది. ఆ తరువాత కాలంలో ఇలాంటి డోర్లు లగ్జరీ కార్లలో అందుబాటులోకి వచ్చాయి. ప్రస్తుతం రోల్స్ రాయిస్ కారులో ఇలాంటి డోర్స్ చూడవచ్చు.

స్లైడింగ్ డోర్స్ (Sliding Doors)

స్లైడింగ్ డోర్స్ అనగానే గుర్తోచింది మారుతి సుజుకి ఈకో. మినీ వ్యాన్ లాంటి కార్లలో ఇలాంటి డోర్లు కనిపించేవి. వీటిని ‘బార్న్ డోర్స్’ అని కూడా పిలిచేవారు. ఇలాంటి డోర్స్ వల్ల ప్రయాణికుడు లోపలికి సులభంగా రావచ్చు మరియు సులభంగా బయటకు వెళ్ళవచ్చు. ప్రస్తుతం కియా కార్నివాల్ MPVలో కూడా ఇలాంటి డోర్స్ చూడవచ్చు.

గుల్వింగ్ డోర్స్ (Gullwing Doors)

1950 నుంచి ఇప్పటి వరకు కూడా చాలా అన్యదేశ్య కార్లలో ఇలాంటి డోర్స్ కనిపిస్తున్నాయి. ప్రారంభంలో మెర్సిడెస్ బెంజ్ 300ఎస్ఎల్ మరియు డెలోరియన్ DMC-12 వంటి కార్లలో ఈ డోర్స్ మొదలయ్యాయి. ఇవి సాధారణ కార్ల మాదిరిగా కాకుండా రెక్కల మాదిరిగా పైకి ఉంటాయి. ఇవి సాధారణంగా ఖరీదైన కార్లలో మాత్రమే ఎక్కువగా కనిపిస్తాయి. నిజానికి సాధారణ కార్లలో ఇలాంటి డోర్స్ రూపొందించడం కొంత కష్టంతో కూడుకున్న పని.

సిజర్ డోర్స్ (Scissor Doors)

1960 నుంచి కత్తెర లాంటి డోర్స్ కలిగిన కార్లు వాడుకలో ఉండేవి. ఇలాంటి కార్లు ఎక్కువగా ఇటాలియన్ సూపర్ కార్లలో మాత్రమే ఎక్కువగా కనిపించేవి. ఇవి బయటకు పైకి తెరుచుకుంటాయి. కాబట్టి చూడటానికి చాలా ఆకర్షణీయంగా ఉంటాయి. లంబోర్ఘిని కార్లలో ఇలాంటి డోర్స్ ఉండేవి. ఇప్పటికి కూడా చాలా సూపర్ కార్లలో ఇలాంటి డోర్స్ ఉన్నాయి.

బటర్‌ఫ్లై డోర్స్ (Butterfly Doors)

మనం ఇప్పటి వరకు చెప్పుకున్న కార్లలో ‘బటర్‌ఫ్లై డోర్స్’ చాలా ప్రత్యేకమైనవి. ఇవి సీజర్ డోర్స్ మరియు గుల్వింగ్ డోర్స్ కలిగినట్లు అనిపిస్తాయి. ఈ డోర్స్ పైకి మరియు వెలుపలికి పైవట్ అవుతాయి. ఇలాంటి డోర్స్ హైపర్‌కార్ మెక్‌లారెన్ సూపర్ కార్లలో కనిపిస్తాయి. ఈ కార్లు మిగిలిన కార్లకంటే కూడా భిన్నంగా ఉంటాయి.

ఫ్రేమ్‌లెస్ డోర్స్ (Frameless Doors)

ఆధునిక కాలంలో కొన్ని హై ఎండ్ కార్లలో ఇలాంటి ఫ్రేమ్‌లెస్ డోర్స్ కనిపిస్తాయి. ఇవి సాధారణ డోర్స్ మాదిరిగానే ఉంటాయి. కాకుంటే వీటికి పైన విండో ప్రేమ్ ఉండదు. మెర్సిడెస్ బెంజ్ మరియు ఆడి కార్లలో ఇలాంటి డోర్స్ ఉంటాయి. వీటి ధరలు సాధారణ కార్లకంటే ఎక్కువ కావడం గమనార్హం.

ఎలక్ట్రిక్ మరియు సెన్సార్ ఆపరేటెడ్ డోర్స్

టెక్నాలజీ రోజురోజుకి అభివృద్ధి చెందుతున్న రోజుల్లో కార్లు మాత్రమే కాదు, కారు డోర్స్ కూడా కొత్త రూపాలను పొందుతున్నాయి. సాధారణ కార్లతో మొదలైన డోర్స్ పరిణామం ప్రస్తుతం సెన్సార్ ఆపరేటెడ్ డోర్స్ దాకా వచ్చేసాయి. దీన్ని బట్టి చూస్తీ డోర్లు ఎన్ని కొత్త డిజైన్స్ పొందాయనేది ఇట్టే అర్థమైపోతుంది.

Don’t Miss: Prabhas Car Collection: పాన్‌ ఇండియా స్టార్‌ ఇక్కడ.. కార్ల జాబితా పెద్దదే!

ఎలక్ట్రిక్ మరియు సెన్సార్ ఆపరేటెడ్ డోర్స్ అనేవి ఒక బటన్ నొక్కగానే వాటంతట అవే ఓపెన్ అవుతాయి, క్లోజ్ అవుతాయి. టెస్లా వంటి కార్లలో ఇలాంటి డోర్స్ అందుబాటులో ఉన్నాయి. ప్రస్తుతానికి భారతదేశంలో ఇలాంటి కార్లు ఎక్కువ సంఖ్యలో అందుబాటులో లేదు.

మహీంద్రా థార్‌తో దుమ్ములేపిన హీరోయిన్.. ఆఫ్-రోడింగ్ అయినా తగ్గేదేలే

0

Bollywood Actress Nushrat Bharucha Mahindra Thar Off Roading: ఇండియన్ మార్కెట్లో లాంచ్ అయి సంవత్సరాలు గడుస్తున్నా.. మహీంద్రా యొక్క థార్ ఎస్‌యూవీకి ఆదరనగానీ, డిమాండ్ గానీ ఏ మాత్రం తగ్గడం లేదు. దీనికి కారణం థార్ యొక్క డిజైన్ మరియు ఫీచర్స్ మాత్రమే కాకుండా అద్భుతమైన ఆఫ్-రోడింగ్ కెపాసిటీ కూడా. ఈ కారును సాధారణ ప్రజలు మాత్రమే కాకుండా సెలబ్రిటీలు కూడా ఇష్టపడి కొనుగోలు చేస్తున్నారు. అలాంటి వారిలో ప్రముఖ బాలీవుడ్ నటి ‘నుష్రత్ భారుచా’ (Nushrat Bharucha) ఒకరు. ఇటీవల ఈమె తన థార్ ఎస్‌యూవీతో ఆఫ్-రోడింగ్ చేశారు. దీనికి సంబంధించిన వీడియో కూడా సోషల్ మీడియాలో వైరల్ అవుతోంది. దీనికి సంబంధించిన మరిన్ని వివరాలు ఈ కథనంలో వివరంగా తెలుసుకుందాం..

నటి నుష్రత్ భారుచా.. గతంలో కూడా అనేక సందర్భాల్లో థార్ డ్రైవ్ చేస్తూ కనిపించారు. ఇప్పుడు ఏకంగా ఆఫ్-రోడింగ్ చేస్తూ చూపరులను ఫిదా చేస్తున్నారు. నటి తన ఇన్‌స్టాగ్రామ్ పేజీలో పోస్ట్ చేసిన వీడియోలో గమనిస్తే.. ఆఫ్-రోడింగ్ ఎలా చేయాలో ఓ అనుభవజ్ఞుడైన డ్రైవర్ ఇచ్చిన సూచనలను పాటిస్తున్నట్లు తెలుస్తోంది.

థార్ డ్రైవ్..

వీడియో ప్రారంభంలో పచ్చని గడ్డి మైదానంలో థార్ కారు డ్రైవ్ చేస్తూ రౌండే వేయడం చూడవచ్చు. ఇలా చేయడం ఆమెకు చాలా థ్రిల్లింగ్‌గా అనిపించింది. ఆ సమయంలో వర్షపు చినుకులు కురుస్తుండం కూడా చూడవచ్చు. ఆ తరువాత మెల్లగా ఏటవాలుగా వున్న ప్రదేశంలోకి కారును పోనిస్తుంది. ఆ తరువాత బురద గుంటల్లో కూడా కారును డ్రైవ్ చేస్తుంది. మొత్తం మీద అనుకున్న విధంగా ఆఫ్-రోడింగ్ పూర్తి చేసింది. ఇది మొత్తం అనుభవజ్ఞులైన వారి సమక్షంలో జరిగినట్లు తెలుస్తోంది.

నుష్రత్ భారుచా గతంలో మహీంద్రా థార్ సాధారణ డ్రైవ్ చేసినప్పటికీ.. ఆఫ్-రోడింగ్ ఎప్పుడూ చేయలేదని తెలుస్తోంది. బహుశా నుష్రత్ ఆఫ్-రోడింగ్ చేయడం ఇదే మొదటిసారి అయి ఉంటుందని తెలుస్తోంది. అయితే గతంలో చాలామంది ఆఫ్-రోడింగ్ ప్రియులు థార్ ఎస్‌యూవీతో పలుమార్లు ఆఫ్-రోడింగ్ చేస్తూ కనిపించారు. ఈ ఎస్‌యూవీ ఆఫ్-రోడింగ్ చేయడానికి చాలా అనుకూలంగా ఉంటుందని చాలామంది వెల్లడించారు.

మహీంద్రా థార్

భారతదేశంలో ఒకప్పటి నుంచి గొప్ప అమ్మకాలు పొందుతున్న మహీంద్రా అండ్ మహీంద్రా యొక్క థార్.. ఎస్‌యూవీ ఆఫ్-రోడింగ్ విభాగంలో సరసరమైన కారు. ఇది పెట్రోల్ మరియు డీజిల్ ఇంజిన్ ఎంపికలలో లభిస్తుంది. ఇందులోని 2.0 లీటర్ టర్బో పెట్రోల్ ఇంజిన్ 150 పీఎస్ పవర్ మరియు 320 న్యూటన్ మీటర్ టార్క్ అందిస్తుంది. ఇక 2.2 లీటర్ డీజిల్ ఇంజిన్ 130 Bhp పవర్ మరియు 320 ఎన్ఎమ్ టార్క్ అందిస్తుంది.

మహీంద్రా థార్ యొక్క పెట్రోల్ మరియు డీజిల్ ఇంజిన్లు రెండూ మాన్యువల్ మరియు ఆటోమాటిక్ ట్రాన్స్‌మిషన్ ఆప్షన్స్ పొందుతాయి. ఇక థార్ డిజైన్ మరియు ఫీచర్స్ గురించి ప్రత్యేకంగా చెప్పాల్సిన అవసరమే లేదు. ఎందుకంటే చూడగానే ఆకర్శించబడే డిజైన్ కలిగిన ఈ కారు వాహన వినియోగదారులకు అవసరమైన దాదాపు అన్ని ఫీచర్స్ పొందుతుంది. పర్ఫామెన్స్ పరంగా దీనికిదే సాటి.

థార్ ఎస్‌యూవీతో పాటు.. నుష్రత్ భారుచా ఖరీదైన బీఎండబ్ల్యూ ఐఎక్స్ ఎలక్ట్రిక్ కారును కూడా కలిగి ఉన్నారు. ఈమె మాత్రమే కాకుండా నటి కియారా అద్వానీ కూడా మహీంద్రా థార్ కలిగి ఉన్నట్లు సమాచారం. ప్రకాష్ రాజ్ మరియు కునాల్ ఖేము వంటి సెలబ్రిటీలు కూడా ఈ మహీంద్రా థార్ కారును కొనుగోలు చేశారు. దీన్ని బట్టి చూస్తే మహీంద్రా థార్ ఎస్‌యూవీ అంటే సెలబ్రిటీలకు ఎంత ఇష్టమో అర్థమవుతోంది.

Don’t Miss: ఒకప్పుడు సైకిల్.. ఇప్పుడు కోట్లు ఖరీదైన లగ్జరీ కార్లు – ఎవరీ అనురాగ్..

ఇక చివరగా మహీంద్రా థార్ యొక్క ధరల విషయానికి వస్తే.. దేశీయ విఫణిలో థార్ ధరలు రూ. 11.35 లక్షల నుంచి రూ. 17.60 లక్షల (ఎక్స్ షోరూమ్) మధ్య ఉన్నాయి. ఈ ఎస్‌యూవీ మల్టిపుల్ వేరియంట్లలో.. వివిధ కలర్ ఆప్షన్లలో లభిస్తోంది. అంతే కాకుండా కంపెనీ మార్కెట్లో థార్ 5 డోర్ వెర్షన్ లాంచ్ చేయడానికి సన్నద్ధమవుతోంది. ఇప్పటికే ఈ కారు పలుమార్లు టెస్టింగ్ సమయంలో కూడా కనిపించింది. దీన్ని బట్టి చూస్తే ఈ 5 డోర్ వెర్షన్ త్వరలో మార్కెట్లో అడుగుపెట్టే అవకాశం ఉందని తెలుస్తోంది.

ఒకప్పుడు సైకిల్.. ఇప్పుడు కోట్లు ఖరీదైన లగ్జరీ కార్లు – ఎవరీ అనురాగ్..

0

Fantasy Cricket Expert Anurag Dwivedi Vehicles: భారతదేశంలో అత్యంత ప్రాచుర్యం పొందిన క్రీడల్లో క్రికెట్ ఒకటి. చిన్నా.. పెద్ద తేడా లేకుండా అందరు ఇష్టపడే ఆటల్లో ఒకటైన క్రికెట్ ఆట గురించి.. క్రికెట్ ఆటగాళ్ల గురించి కూడా ప్రత్యేకంగా పరిచయమే అవసరమే లేదు. కానీ వీరు ఎలాంటి కారును ఉపయోగిస్తారు, వాటి వివరాలు ఏంటి అనేది మాత్రం చాలామంది తెలుసుకోవాలని తెగ కుతూహల పడిపోతుంటారు.

ఈ కథనంలో ఉత్తరప్రదేశ్‌కు చెందిన 24 ఏళ్ల ఫాంటసీ క్రికెట్ ఎక్స్‌పర్ట్ ‘అనురాగ్ ద్వివేది’ (Anurag Dwivedi) ఎలాంటి కార్లను కలిగి ఉన్నాడు, సైకిల్ ఉపయోగించే స్థాయి నుంచి ఎలాంటి ఖరీదైన లగ్జరీ కార్లను కలిగి ఉన్నారనే మరిన్ని వివరాలు వివరంగా తెలుసుకుందాం.

సైకిల్ (Cycle)

నిజానికి అనురాగ్ ద్వివేది ఇన్‌స్టాగ్రామ్ చూస్తే.. అట్లాస్ సైకిల్ మీద ఉన్న ఒక ఫోటో కనిపిస్తుంది. దీన్ని బట్టి చూస్తే అతని ప్రయాణం ఎక్కడ నుంచి మొదలైందో ఇట్టే తెలిసిపోతుంది. మొదట్లో క్రికెట్ ప్లేయర్‌గా అవ్వాలని కలలు కన్నాడు, కానీ ఆ కల.. కలగానే మిగిలిపోయింది. అయితే ఆ అభిరుచిని అలాగే కొనసాగిస్తూ ఆన్‌లైన్‌లో ఫాంటసీ క్రికెట్ ఎక్స్‌పర్ట్ అయ్యాడు. ప్రారంభంలో అతడు ఒక అట్లాస్ సైకిల్ వినియోగించేవాడని తెలుస్తోంది.

మారుతి డిజైర్ (Maruti Dzire)

అనురాగ్ ద్వివేది మొదటి కారు మారుతి కంపెనీకి చెందిన ఈ ‘డిజైర్’ అయి ఉండొచ్చని భావిస్తున్నారు. ఎరుపు రంగులో చూడచక్కగా ఉన్న మారుతి డిజైర్ ముందు ద్వివేది ఉన్న ఫోటోలు కూడా చూడవచ్చు. మంచి డిజైన్ కలిగిన ఈ కారు ఉత్తమ పనితీరుని అందిస్తూ.. అద్భుతమైన ఫీచర్స్ పొందుతుంది.

బీఎండబ్ల్యూ  7 సిరీస్ (BMW 7 Series)

జర్మన్ బ్రాండ్ అయిన BMW యొక్క 7 సిరీస్ కూడా అనురాగ్ ద్వివేది గ్యారేజిలో ఉంది. ఇది ఐదవ తరం లగ్జరీ సెడాన్ కారుగా కనిపిస్తోంది. భారతీయ సెలబ్రిటీలు ఎక్కువ ఇష్టపడి కొనుగోలు చేసే కార్లలో ఇది ఒకటి కావడం గమనార్హం. అనురాగ్ బీఎండబ్ల్యూ డీజిల్ వెర్షన్ అని తెలుస్తోంది.

ఫోర్డ్ ఎండీవర్ (Ford Endeavour)

అమెరికన్ కార్ల తయారీ సంస్థ అయిన ఫోర్డ్ యొక్క ఎండీవర్ కూడా ద్వివేది కొనుగోలు చేసినట్లు తెలుస్తోంది. ఒకప్పుడు భారతీయ మార్కెట్లో అత్యంత ప్రజాదరణ పొందిన ఈ కంపెనీ ప్రస్తుతం దేశీయ విఫణిలో తన కార్యకలాపాలను నిలిపివేసింది. అయినప్పటికీ కొందరు బ్రాండ్ కార్లను వినియోగిస్తూనే ఉన్నారు.

ఇక్కడ కనిపించే ఫోర్డ్ ఎండీవర్ 2.0 లీటర్ టర్బోఛార్జ్‌డ్ డీజిల్ ఇంజిన్‌తో కూడిన BS6 వెర్షన్‌ అని తెలుస్తోంది. దీనిని ద్వివేది 2021లో కొనుగోలు చేసినట్లు సమాచారం. నలుపు రంగులో కనిపిస్తున్న ఈ కారు మంచి డిజైన్ మరియు అద్భుతమైన ఫీచర్స్ కలిగి ఉంటుంది.

మెర్సిడెస్ బెంజ్ ఈ-క్లాస్ (Mercedes-Benz E-Class)

అనురాగ్ ద్వివేది గ్యారేజిలో జర్మన్ లగ్జరీ కార్ల తయారీ సంస్థ బెంజ్ కంపెనీకి చెందిన ఈ-క్లాస్ కూడా ఉంది. నలుపు రంగులో ఉన్న ఈ కారుని యితడు తన ఫ్యామిలి కలిసి డెలివరీ తీసుకున్నట్లు సమాచారం. ఈ లగ్జరీ కారు 3.0 లీటర్ ఇన్‌లైన్ 6 ఇంజిన్ కలిగి 286 పీఎస్ పవర్ పవర్ 600 న్యూటన్ మీటర్ టార్క్ ప్రొడ్యూస్ చేస్తుంది.

మహీంద్రా థార్ (Mahindra Thar)

దేశీయ కార్ల తయారీ సంస్థ మహీంద్రా అండ్ మహీంద్రా యొక్క థార్ SUV ని కూడా ద్వివేది కలిగి ఉన్నారు. ఈ ఏడాది ప్రారంభంలో ఈ ఆఫ్ రోడర్ కారుని కొనుగోలు చేసినట్లు తెలుస్తోంది. ద్వివేది కొనుగోలు చేసిన థార్ నలుపు రంగులోనే ఉంది.

బీఎండబ్ల్యూ జెడ్4 (BMW Z4)

మరో జర్మన్ లగ్జరీ కారు అయిన ‘బీఎండబ్ల్యూ జెడ్4’ స్పోర్ట్స్ కారును కూడా అనురాగ్ ద్వివేది కలిగి ఉన్నాడు. ఎరుపు రంగులో ఉన్న కారుని కొనుగోలు చేయడానికి ఢిల్లీలో ఈ కారుని డెలివరీ చేసుకున్నట్లు తెలుస్తోంది. ఈ స్పోర్ట్ కారు 3.0 లీటర్ ట్విన్-టర్బోచార్జ్డ్ ఇంజన్‌ కలిగి 335 Bhp పవర్ మరియు 500 న్యూటన్ మీటర్ టార్క్ ప్రొడ్యూస్ చేస్తుంది.

Don’t Miss: బైకులు డీజిల్ ఇంజిన్‌తో ఎందుకు రావో తెలుసా? ఆసక్తికర విషయాలు!

ల్యాండ్ రోవర్ డిఫెండర్ 130 (Land Rover Defender 130)

తెలుపు రంగులో చూడచక్కగా ఉన్న ల్యాండ్ రోవర్ డిఫెండర్ 130 కూడా అనురాగ్ గ్యారేజిలో ఉంది. ఈ కారుని ఈ ఏడాది జూన్ నెలలో కొనుగోలు చేసినట్లు తెలుస్తోంది. సుమారు రూ. 1.41 కోట్ల ఎక్స్ షోరూమ్ ధర కలిగిం ఈ కారు 5 డోర్స్ 8 సీటర్ వెర్షన్. ఇది ఉత్తరప్రదేశ్‌లో డెలివరీ మొదటి కారు కావడం గమనార్హం.

రాయల్ ఎన్‌ఫీల్డ్ కొత్త బైక్ ‘గెరిల్లా 450’ ఇదే.. ధర ఎంతో తెలుసా?

0

Royal Enfield New Bike Guerrilla 450 launched: ఎప్పుడెప్పుడా అని ఎదురు చూస్తున్న ‘రాయల్ ఎన్‌ఫీల్డ్’ (Royal Enfield) కొత్త బైక్ స్పెయిన్‌లోని బార్సిలోనాలో జరిగిన ఒక కార్యక్రమంలో అధికారికంగా లాంచ్ అయింది. కంపెనీ లాంచ్ చేసిన ఈ బైక్ పేరు ‘గెరిల్లా 450’ (Guerrilla 450). ఈ బైక్ త్వరలోనే దేశీయ విఫణిలో కూడా విక్రయించబడుతుంది. గెరిల్లా 450 కొత్త బైక్ ధర, డిజైన్, ఫీచర్స్ మరియు ఇతర వివరాలను ఈ కథనంలో వివరంగా తెలుసుకుందాం..

ధర మరియు వేరియంట్స్

రాయల్ ఎన్‌ఫీల్డ్ లాంచ్ చేసిన కొత్త గెరిల్లా 450 బైక్ మొత్తం మూడు వేరియంట్లలో లాంచ్ అయింది. అవి అనలాగ్, డాష్ మరియు ఫ్లాష్ వేరియంట్లు. వీటి ధరలు వరుసగా రూ. 2.39 లక్షలు, రూ. 2.49 లక్షలు మరియు రూ. 2.54 లక్షలు (అన్ని ధరలు ఎక్స్ షోరూమ్). ఇప్పటికే ఈ బైక్ కోసం బుకింగ్స్ ప్రారంభమయ్యాయి. డెలివరీలు కూడా త్వరలోనే ప్రారంభమవుతాయి.

డిజైన్ మరియు కలర్ ఆప్షన్స్

రాయల్ ఎన్‌ఫీల్డ్ గెరిల్లా 450 బైక్ మొత్తం ఐదు కలర్ ఆప్షన్లలో లభిస్తోంది. అనలాగ్ వేరియంట్ స్మోక్ మరియు ఫ్లేయా బ్లాక్ రంగులలో.. డాష్ వేరియంట్ ప్లేయా బ్లాక్ మరియు గోల్డ్ డిప్ రంగులలో మరియు టాప్ వేరియంట్ ఫ్లాష్ ఎల్లో రిబ్బన్ మరియు బ్రూవా బ్లూ అనే రంగులలో లభిస్తాయి. ఈ కలర్ ఆప్షన్స్ అన్నీ కూడా చూడటానికి చాలా ఆకర్షణీయంగా ఉంటాయి. కాబట్టి కస్టమర్లు ఈ రంగులలో తమకు నచ్చిన కలర్ ఎంచుకోవచ్చు.

డిజైన్ విషయానికి వస్తే.. కొత్త గెరిల్లా 450 బైక్ చూడటానికి రెండవ తరం హిమాలయన్ 450 మాదిరిగా ఉంటుంది. ఇది షెర్పా 450 ఇంజిన్ ప్లాట్‌ఫామ్ ఆధారంగా రూపొందించబడి ఉంటుంది. కాబట్టి చాసిస్, పవర్‌ట్రెయిన్ అన్నీ కూడా దాదాపు హిమాలయన్ 450తో సమానంగా ఉంటాయి.

రాయల్ ఎన్‌ఫీల్డ్ గెరిల్లా 450 బైక్ రోడ్ ఫోకస్డ్ రోడ్‌స్టర్ మోటార్‌సైకిల్. ఇది ఎల్ఈడీ టర్న్ ఇండికేటర్స్, 11 లీటర్ల కెపాసిటీ కలిగిన ఫ్యూయెల్ ట్యాంక్, వన్-పీస్ సీటు, రౌండ్ ఎల్ఈడీ హెడ్‌ల్యాంప్ పొందుతుంది. ఇక టెయిల్ సెక్షన్ మరియు సైడ్ ప్యానెల్ కాకుండా మిగిలిన బాడీ ప్యానెల్, ఎగ్జాస్ట్ వంటివన్నీ హిమాలయన్ మాదిరిగానే ఉంటాయి.

ఫీచర్స్

కొత్త రాయల్ ఎన్‌ఫీల్డ్ గెరిల్లా 450 బైక్ బ్లూటూత్ కనెక్టివిటీతో కూడిన TFT డిస్‌ప్లే మరియు గూగుల్ న్యావిగేషన్ వంటివి పొందుతుంది. అయితే బేస్ వేరియంట్ అయిన అనలాగ్.. ఆప్షనల్ ట్రిప్పర్ న్యావిగేషన్ పాడ్‌తో అనలాగ్ డిజిటల్ ఇన్‌స్ట్రుమెంట్ క్లస్టర్ పొందుతుంది. ఇవన్నీ బైక్ రైడర్లకు చాలా ఉత్తమ రైడింగ్ అనుభూతిని అందిస్తాయి.

ఇంజిన్

గెరిల్లా 450 బైక్ 450 సీసీ సింగిల్ సిలిండర్ లిక్విడ్ కూల్డ్ ఇంజిన్ పొందుతుంది. అది 8000 rpm వద్ద 39.47 Bhp పవర్ మరియు 5500 rpm వద్ద 40 న్యూటన్ మీటర్ టార్క్ అందిస్తుంది. ఇది ఇతర అడ్వెంచర్ బైకుల మాదిరిగానే 6 స్పీడ్ గేర్‌బాక్స్‌తో జతచేయబడి ఉంటుంది.

ఈ బైక్ స్లిప్ అండ్ అసిస్ట్ క్లచ్ మాత్రమే కాకుండా.. థొరెటర్ రైడ్ బై వైర్ పొందుతుంది. ఇందులో ఎకో మరియు పెర్ఫామెన్స్ అనే రెండు రైడింగ్ మోడ్స్ ఉంటాయి. డ్యూయెల్ ఛానల్ ఏబీఎస్ కూడా ఇందులో ఉంటుంది. మొత్తం మీద ఇది అద్భుతమైన పర్ఫామెన్స్ అందిస్తుందని భావిస్తున్నాము.

గెరిల్లా 450 బైక్ 17 ఇంచెస్ అల్లాయ్స్ కలిగి రెండు చివర్లలోనూ రోడ్ ఫోకస్డ్ టైర్స్ పొందుతాయి. సస్పెన్షన్ సెటప్ కోసం ముందు భాగంలో 40 మిమీ టెలిస్కోపిక్ పోర్క్ యూనిట్, వెనుక భాగంలో 150 మిమీ మోనోషాక్ సెటప్ ఉంటుంది. ఈ బైక్ ముందు భాగంలో 310 మిమీ డిస్క్ బ్రేక్, వెనుక 270 మిమీ డిస్క్ బ్రేక్స్ ఉంటాయి. ఇవన్నీ రైడర్లకు ఉత్తమ రైడింగ్ అనుభూతిని అందిస్తాయి.

Don’t Miss: సరికొత్త బీఎండబ్ల్యూ ఎలక్ట్రిక్ స్కూటర్.. బుకింగ్స్ స్టార్ట్ – లాంచ్ ఎప్పుడంటే?

ప్రత్యర్థులు

మార్కెట్లో లాంచ్ అయిన కొత్త రాయల్ ఎన్‌ఫీల్డ్ గెరిల్లా 450 బైక్ ఇప్పటికే విక్రయానికి కూడా ట్రయంఫ్ స్పీడ్ 400 మరియు హీరో మావ్రిక్ 440 వంటి వాటికి ప్రధాన ప్రత్యర్థిగా ఉంటుంది. కాబట్టి ఇది అమ్మకాల పరంగా కొంత పోటీ ఎదుర్కోవాల్సి ఉంటుంది. కాబట్టి గెరిల్లా 450 బైక్ లాంటి అమ్మకాలను పొందుతుందనే విషయం త్వరలోనే తెలుస్తుంది.

సరికొత్త బీఎండబ్ల్యూ ఎలక్ట్రిక్ స్కూటర్.. బుకింగ్స్ స్టార్ట్ – లాంచ్ ఎప్పుడంటే?

0

New BMW CE 04 Scooter Bookings Open India: ఎలక్ట్రిక్ బైకులకు, కార్లకు భారతదేశం డిమాండ్ పెరుగుతున్న తరుణంలో ప్రముఖ టూ వీలర్ తయారీ సంస్థ ‘బీఎండబ్ల్యూ మోటోరాడ్’ (BMW Motorrad) ఎలక్ట్రిక్ స్కూటర్ విభాగంలో అడుగుపెట్టడానికి యోచిస్తోంది. ఇందులో భాగంగానే ‘బీఎండబ్ల్యూ సీఈ 04’ (BMW CE 04) పేరుతో తన మొట్ట మొదటి ఎలక్ట్రిక్ స్కూటర్ లాంచ్ చేయనుంది. అయితే సంస్థ ఈ స్కూటర్ లాంచ్ చేయడానికి ముందే ఫ్రీ బుకింగ్స్ సవిక్రయించడం ప్రారంభించినట్లు సమాచారం. దీని గురించి మరిన్ని వివరాలు ఈ కథనంలో తెలుసుకుందాం..

బుకింగ్స్ & లాంచ్ వివరాలు (Bookings & Launch Details)

బీఎండబ్ల్యూ మోటోరాడ్ లాంచ్ చేయనున్న తన మొదటి ఎలక్ట్రిక్ స్కూటర్ ‘సీఈ 04’ కోసం కంపెనీ ఫ్రీ బుకింగ్స్ స్వీకరించడం ప్రారంభించింది. అంటే ఈ స్కూటర్ 2024 జులై 24న భారతీయ మార్కెట్లో అధికారికంగా లాంచ్ అయ్యే అవకాశం ఉందని సమాచారం. కాగా డెలివరీలు దేశీయ విఫలో అధికారికంగా లాంచ్ అయిన తరువాత ప్రారంభమవుతాయి.

ధర (Price)

బీఎండబ్ల్యూ యొక్క ఫస్ట్ ఎలక్ట్రిక్ స్కూటర్ ధరలను కంపెనీ అధికారికంగా వెల్లడించలేదు, కానీ ఇది రూ. 10 లక్షల ధర వద్ద లాంచ్ అయ్యే అవకాశం ఉంది. ఇదే నిజమయితే ఎలక్ట్రిక్ స్కూటర్ విభాగంలో బీఎండబ్ల్యూ సీఈ 04 అత్యంత ఖరీదైన స్కూటర్‌గా మారే అవకాశం ఉంది.

డిజైన్ (Design)

బీఎండబ్ల్యూ సీఈ 04 డిజైన్ ఇతర స్కూటర్ల కంటే కూడా కొంత డిఫరెంట్‌గా ఉంటుంది. ఇలాంటి డిజైన్ కలిగిన స్కూటర్ భారతదేశంలో అడుగుపెట్టడం బహుశా ఇదే మొదటిసారి అయి ఉంటుంది. ఈ స్కూటర్ మల్టిపుల్ యాంగ్యులర్ కట్స్ మరియు క్రీజెస్ పొందుతుంది. ముందు భాగం మరింత స్టైలిష్‌గా కనిపిస్తుంది. ఈ స్కూటర్ యొక్క వీల్‌బేస్ కూడా చాలా పొడవుగా ఉంటుంది. వెనుక భాగంలో టైర్ హగ్గర్, నెంబర్ ప్లేట్ హోల్డర్ కాకుండా ఫ్యానల్ ఏవీ లేకుండా ఉండటం చూడవచ్చు.

ఫీచర్స్ (Features)

త్వరలో దేశీయ విఫణిలో లాంచ్ కానున్న కొత్త బీఎండబ్ల్యూ సీఈ 04 ఎలక్ట్రిక్ స్కూటర్.. గతేడాదే ప్రపంచ మార్కెట్లో అధికారికంగా లాంచ్ అయింది. ఇది వాహన వినియోగదారులకు అవసరమైన దాదాపు అన్ని ఫీచర్స్ పొందుతుంది. ఇందులో పెద్ద 10.25 ఇంచెస్ హై రిజల్యూషన్ టీఎఫ్‌టీ ఇన్‌స్ట్రుమెంట్ క్లస్టర్ ఉంటుంది. ఇది ఇంటిగ్రేటెడ్ మ్యాప్, స్మార్ట్‌ఫోన్ కనెక్టివిటీతో కూదిన అధునాతన ఫీచర్లకు సపోర్ట్ చేస్తుంది. ఇవన్నీ కూడా రైడర్లకు ఉత్తమ రైడింగ్ అనుభూతిని అందిస్తుంది.

బ్యాటరీ మరియు రేంజ్ (Battery And Range)

లాంచ్‌కు సిద్దమవుతున్న బీఎండబ్ల్యూ సీఈ 04 ఎలక్ట్రిక్ స్కూటర్ 8.9 కిలోవాట్ లిథియం అయాన్ బ్యాటరీ ప్యాక్ పొందుతుంది. ఇది ఒక ఫుల్ చార్జితో ఏకంగా 130 కిమీ రేంజ్ అందిస్తుంది. ఇందులో మోటారు 41 Bhp పవర్ మరియు 62 న్యూటన్ మీటర్ టార్క్ అందిస్తుంది. ఇది 2.6 సెకన్లలో గంటకు 0 నుంచి 50 కిమీ వరకు వేగవంతం అవుతుంది.

ఈ స్కూటర్ టాప్ స్పీడ్ గంటకు 120 కిమీ. దీనిని 2.3 కిలోవాట్ ఛార్జర్ ద్వారా ఛార్జ్ చేసుకోవడానికి నాలుగు గంటల కంటే ఎక్కువ సమయం పడుతుంది. ఈ స్కూటర్ ఎకో, రోడ్ మరియు రెయిన్ అనే మూడు రైడింగ్ మోడ్స్ పొందుతుంది. కాబట్టి యావన్నీ రైడర్లకు ఉత్తమ రైడింగ్ ఎక్స్‌పీరియన్స్ అందిస్తాయి.

Don’t Miss: సరికొత్త టెక్నాలజీతో ఎక్స్‌టర్ సీఎన్‌జీ లాంచ్ – ధర ఎంతో తెలుసా?

పరిమాణం పరంగా కొంత పెద్దగా అనిపించే ఈ స్కూటర్ 2285 మిమీ పొడవు ఉంటుంది. 855 మిమీ వెడల్పు, 11150 మిమీ ఎత్తు కలిగిన ఈ స్కూటర్ సీట్ హైట్ 780 మిమీ (దీనిని 800 మిమీ వరకు పెందుకోవచ్చు) ఉంటుంది. స్టీల్ డబుల్ లూప్ ఫ్రేమ్ మీద నిర్మించబడిన ఈ స్కూటర్ సింగిల్ బ్రిడ్జ్ టెలిస్కోపిక్ పోర్క్, వెనుక సింగిల్ సైడ్ స్వింగారమ్ వంటివి పొందుతుంది. 15 ఇంచెస్ వీల్స్ కలిగిన ఈ స్కూటర్ అత్యుత్తమ పనితీరుని అందించేలా రూపొందించబడింది. మొత్తం మీద ఈ సరికొత్త స్కూటర్ భారతీయ కస్టమర్లను ఆకర్శించడంలో సక్సెస్ సాధిస్తుందా? లేదా అనే విషయాలు త్వరలోనే తెలుస్తాయి.

సరికొత్త టెక్నాలజీతో ఎక్స్‌టర్ సీఎన్‌జీ లాంచ్ – ధర ఎంతో తెలుసా?

0

Hyundai Exter CNG Launched in India: భారతదేశంలో ఎలక్ట్రిక్ కార్లు మాత్రమే కాకుండా సీఎన్‌జీ కార్ల వినియోగం కూడా పెరుగుతోంది. దీనిని దృష్టిలో ఉంచుకుని పలు వాహన తయారీ సంస్థలు తమ కార్లను సీఎన్‌జీ రూపంలో లాంచ్ చేస్తున్నాయి. ఇందులో భాగంగానే హ్యుందాయ్ కంపెనీ ఎట్టకేలకు దేశీయ విఫణిలో కొత్త ఎక్స్‌టర్ కారును సీఎన్‌జీ రూపంలో లాంచ్ చేసింది. హ్యుందాయ్ లాంచ్ చేసిన కొత్త ఎక్స్‌టర్ సీఎన్‌జీ కారు ధర ఎంత? డిజైన్ ఎలా ఉంది? ఫీచర్స్ మరియు మైలేజ్ వంటి వివరాలను వివరంగా ఈ కథనంలో చూసేద్దాం..

ధర మరియు వేరియంట్స్

దేశీయ మార్కెట్లో లాంచ్ అయిన కొత్త ‘హ్యుందాయ్ ఎక్స్‌టర్ సీఎన్‌జీ’ (Hyundai Exter CNG) మూడు వేరియంట్లలో లభిస్తుంది. అవి ఎక్స్‌టర్ ఎస్ సీఎన్‌జీ, ఎక్స్‌టర్ ఎస్ఎక్స్ సీఎన్‌జీ మరియు ఎక్స్‌టర్ నైట్ ఎస్ఎక్స్ సీఎన్‌జీ. వీటి ధరలు వరుసగా రూ. 8.50 లక్షలు, రూ. 9.23 లక్షలు మరియు రూ. 9.38 లక్షలు (అన్ని ధరలు ఎక్స్ షోరూమ్).

హ్యుందాయ్ ఎక్స్‌టర్ సీఎన్‌జీ అనేది డ్యూయెల్ సిలిండర్ టెక్నాలజీ పొందుతుంది. టాటా మోటార్స్ తరువాత ఈ టెక్నాలజీ అందించిన కంపెనీ హ్యుందాయ్ కావడం గమనార్హం. అంటే కంపెనీ ఇప్పుడు రెండు చిన్న సీఎన్‌జీ సిలిండర్లను అందిస్తుంది. కాబట్టి ఇప్పుడు కారులో బూట్ స్పేస్ ఎక్కువగా ఉంటుంది. లాంగ్ జర్నీ సమయంలో ఎక్కువ లగేజ్ తీసుకెళ్లడానికి ఇది అనుమతిస్తుంది.

డ్యూయెల్ సిలిండర్ టెక్నాలజీ వల్ల ఎక్స్‌టర్ ఎస్ సీఎన్‌జీ మరియు ఎస్ఎక్స్ సీఎన్‌జీ ధరలు.. స్టాండర్డ్ మోడల్ కంటే రూ. 7000 ఎక్కువ. అయితే టాప్ ఎండ్ మోడల్ నైట్ ఎడిషన్ సీఎన్‌జీ ధర మాత్రం రూ. 9.38 లక్షలు. స్టాండర్డ్ మోడల్స్ కంటే కూడా ఈ సీఎన్‌జీ మోడల్స్ ఎక్కువ మైలేజ్ అందిస్తాయి.

డిజైన్ మరియు ఫీచర్స్

కొత్త ఎక్స్‌టర్ సీఎన్‌జీ డిజైన్ దాదాపు దాని స్టాండర్డ్ మోడల్ మాదిరిగానే ఉంటుంది. అయితే అక్కడక్కడా సీఎన్‌జీ బ్యాడ్జెస్ ఉండవచ్చు. ఇవన్నీ కారును సీఎన్‌జీ కారు అని గుర్తించడానికి ఉపయోగకరంగా ఉంటాయి. మిగిలిన డిజైన్‌లో ఎటువంటి మార్పు లేదు. అదే హెడ్‌లైట్, టెయిల్ లైట్, బ్రాండ్ లోగో వంటివి ఉన్నాయి.

ఫీచర్స్ విషయానికి వస్తే.. ఇక్కడ కూడా చెప్పుకోదగ్గ అప్డేట్స్ ఏమీ లేదు. అదే టచ్‌స్క్రీన్ ఇన్ఫోటైన్‌మెంట్ సిస్టం, డ్రైవర్ ఇన్ఫర్మేషన్ డిస్‌ప్లే, ఏసీ వెంట్స్, స్టీరింగ్ మౌంటెడ్ కంట్రోల్స్ మరియు సీటింగ్ పొజిషన్ ఇందులో ఉంటాయి. కాబట్టి ఇవన్నీ వాహన వినియోగదారులకు మంచి డ్రైవింగ్ అనుభూతిని అందిస్తాయి.

పవర్‌ట్రెయిన్

కొత్త హ్యుందాయ్ ఎక్స్‌టర్ సీఎన్‌జీ అనేది 1.2 లీటర్ న్యాచురల్లీ ఆస్పిరేటెడ్ పెట్రోల్ ఇంజిన్ పొందుతుంది. ఇది 69 హార్స్ పవర్ మరియు 95.2 న్యూటన్ మీటర్ టార్క్ అందిస్తుంది. ఇంజిన్ కేవలం 5 స్పీడ్ మాన్యువల్ గేర్‌బాక్స్‌తో జత చేయబడి ఉంటుంది. ఈ కారులోని రెండు సీఎన్‌జీ ట్యాంకులు 60 కేజీల కెపాసిటీ కలిగి ఉంటాయి. ఈ కారు ఒక కేజీ సీఎన్‌జీతో ఏకంగా 27.1 కిమీ మైలేజ్ అందిస్తుంది.

ఎక్స్‌టర్ సీఎన్‌జీ హ్యుందాయ్ కంపెనీ యొక్క మొట్ట మొదటి డ్యూయెల్ సిలిండర్ సెటప్ పొందిన మోడల్. రాబోయే రోజుల్లో కంపెనీ తన గ్రాండ్ ఐ10 నియోస్ మరియు ఆరా వంటి వాటిని సీఎన్‌జీ రూపంలో లాంచ్ చేస్తే.. వాటిలో కూడా డ్యూయెల్ సిలిండర్ సెటప్ పెట్టే అవకాశం ఉంటుందని భావిస్తున్నాము. ఈ డ్యూయెల్ సిలిండర్ టెక్నాలజీ వల్ల కొంత ఎక్కువ బూట్ స్పేస్ పొందవచ్చు.

Don’t Miss: ఓటమి ఎరుగని దర్శకధీరుడు ‘రాజమౌళి’ కార్లు చూశారా? బెంజ్, ఆడి, వోల్వో ఇంకా..

నిజానికి భారతదేశంలో హ్యుందాయ్ తన ఎక్స్‌టర్ కారును గతేడాది మార్కెట్లో లాంచ్ చేసింది. అప్పటి నుంచి కంపెనీ సుమారు ఒక లక్ష యూనిట్ల ఎక్స్‌టర్ కార్లను మార్కెట్లో విక్రయించినట్లు డేటా విడుదల చేసింది. దీన్ని బట్టి చూస్తే మార్కెట్లో ఈ కారుకు ఎంత డిమాండ్ ఉంది, ఎంతమంది ఈ కారును ఉపయోగించుకోవడానికి ఆసక్తి చూపుతున్నారనే విషయం స్పష్టంగా తెలుస్తోంది. కాగా ఈ కారు ఇప్పుడు సీఎన్‌జీ రూపంలో లాంచ్ అయింది. కాబట్టి అమ్మకాలు మరింత పెరిగే అవకాశం ఉందని భావిస్తున్నాము.

ఆడి కొత్త కారు.. ధర ఎంతో తెలుసా?

0

Audi Q5 Bold Edition Launched in India: ప్రముఖ జర్మన్ లగ్జరీ కార్ల తయారీ సంస్థ ‘ఆడి’ (Audi) దేశీయ విఫణిలో మరో కొత్త కారు లాంచ్ చేసింది. కంపెనీ లాంచ్ కొత్త ఎడిషన్ పేరు ‘క్యూ5 బోల్డ్’ (Q5 Bold). ఆడి క్యూ5 బోల్డ్ ఎడిషన్ డిజైన్, ఫీచర్స్ మరియు ఇంజిన్ వంటి వివరాలను వివరంగా ఈ కథనంలో తెలుసుకుందాం.

ధర

ఆడి ఇండియా లాంచ్ చేసిన కొత్త క్యూ5 బోల్డ్ ఎడిషన్ ధర రూ. 77.30 లక్షలు (ఎక్స్ షోరూమ్). ఇది దాని టాప్ స్పెక్ టెక్నాలజీ ట్రిమ్ ధర కంటే కూడా రూ. 1.5 లక్షలు ఎక్కువ. క్యూ7, క్యూ3, క్యూ3 స్పోర్ట్‌బ్యాక్‌ల తరువాత బోల్డ్ ఎడిషన్ ట్రీట్‌మెంట్ పొందిన మోడల్ ఈ క్యూ5. కంపెనీ దీనిని పరిమిత సంఖ్యలో మాత్రమే విక్రయించనున్నట్లు సమాచారం. అయితే ఎన్ని కార్లను లేదా ఎన్ని యూనిట్లను విక్రయించనుంది అనే విషయాన్ని సంస్థ వెల్లడించలేదు.

డిజైన్ అండ్ కలర్ ఆప్షన్స్

కొత్త ఆడి క్యూ5 బోల్డ్ ఎడిషన్ యొక్క బ్రాండ్ లోగో, విండో సరౌండ్, ఫ్రంట్ గ్రిల్, రూప్ రెయిల్, వింగ్ మిర్రర్ వంటివన్నీ బ్లాక్ కలర్ పొందుతాయి. మిగిలిన డిజైన్ మొత్తం దాదాపు స్టాండర్డ్ మోడల్ మాదిరిగానే ఉంటుంది. ఇది మొత్తం ఐదు కలర్ ఆప్షన్లలో లభిస్తుంది. అవి గ్లేసియర్ వైట్, నవర్రా బ్లూ, మైథోస్ బ్లాక్, డిస్ట్రిక్ట్ గ్రీన్ మరియు మాన్హాటన్ గ్రే కలర్స్. ఇవన్నీ చూడటానికి చాలా అద్భుతంగా ఉంటాయి. ఐదు రంగులలో లభిస్తుంది, కాబట్టి కస్టమర్ తనకు నచ్చిన కలర్ ఎంచుకోవచ్చు.

ఫీచర్స్

ఆడి క్యూ5 బోల్డ్ ఎడిషన్ యొక్క ఇంటీరియర్ ఫీచర్స్ విషయానికి వస్తే.. ఇందులో 10.1 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టం, అడాప్టివ్ బంపర్లు, పనోరమిక్ సన్‌రూఫ్, డిజిటల్ ఇన్‌స్ట్రుమెంట్ క్లస్టర్, పవర్డ్ ఫ్రంట్ సీట్లు, 3 జోన్ క్లైమేట్ కంట్రోల్, పవర్డ్ టెయిల్‌గేట్, యాంబియంట్ లైటింగ్ మరియు 360 డిగ్రీ కెమెరా వంటివి ఉంటాయి. ఇవన్నీ వాహన వినియోగదారులకు మంచి డ్రైవింగ్ అనుభూతిని అందిస్తుంది.

పవర్‌ట్రెయిన్

ఆడి క్యూ5 బోల్డ్ ఎడిషన్ యొక్క ఇంజిన్ విషయానికి వస్తే.. ఇందులో 2.0 లీటర్ టీఎస్ఐ ఇంజిన్ ఉంటుంది. ఇది 265 హార్స్ పవర్ మరియు 370 న్యూటన్ మీటర్ టార్క్ అందిస్తుంది. ఇందులో ఆల్ వీల్ డ్రైవ్ సిస్టం అందుబాటులో ఉంటుంది. ఈ కారు కేవలం 6.1 సెకన్లలో గంటకు 0 నుంచి 100 కిమీ వరకు వేగవంతం అవుతుంది. ఈ ఎడిషన్ టాప్ స్పీడ్ గంటకు 240 కిమీ కావడం గమనార్హం.

ఆడి కార్లకు భారతదేశంలో మంచి డిమాండ్ ఉంది. దీనిని దృష్టిలో ఉంచుకుని కంపెనీ ఎప్పటికప్పుడు కొత్త కార్లను లేదా అప్డేటెడ్ కార్లను లాంచ్ చేస్తూ ఉంటుంది. ఇందులో భాగంగానే ఇప్పుడు క్యూ5 బోల్డ్ ఎడిషన్ లాంచ్ చేసింది. ఇది మంచి డిజైన్ మరియు ఫీచర్స్ కలిగి ఉండటమే కాకుండా అత్యుత్తమ పనితీరును అందించేలా రూపొందించబడి ఉంటుంది. మొత్తం మీద ఈ బైక్ దాని మునుపటి మోడల్స్ కంటే హుందాగా ఉంటుంది.

మార్కెట్లో క్యూ5 బోల్డ్ ఎడిషన్ లాంచ్ చేసిన ఆడి కంపెనీ ఎన్ని యూనిట్లను విక్రయించనుంది అనే విషయం వెల్లడించలేదు. అయితే ఇది పరిమిత సంఖ్యలో మాత్రమే విక్రయించబడే అవకాశం ఉన్నట్లు స్పష్టమవుతోంది. రాబోయే రోజుల్లో కంపెనీ ఎన్ని యూనిట్లను లేదా ఎంతమందికి విక్రయించనుంది అనే వివరాలు తెలుస్తాయి.

Don’t Miss: కాలగర్భంలో కలిసిపోయినా.. ఈ కార్ల కోసం గూగుల్‌లో వెతికేస్తున్నారు!

నెక్స్ట్ జనరేషన్ ఆడి క్యూ5

ఇదిలా ఉండగా ఆడి కంపెనీ త్వరలో నెక్స్ట్ జనరేషన్ లేదా అప్డేటెడ్ క్యూ5 కారును లాంచ్ చేయడానికి సన్నద్ధమవుతోందని తెలుస్తోంది. ఇటీవల కంపెనీ ఈ మోడల్ కారును సౌత్ ఐరోపాలో టెస్ట్ చేస్తూ కనిపించింది. ఇది బహుశా 2026నాటికి మార్కెట్లో అడుగుపెట్టే అవకాశం ఉందని సమాచారం. అయితే ఈ కారు డిజైన్ మరియు ఫీచర్స్ అన్నీ కూడా ఆడి ఈ-ట్రాన్ మాదిరిగా ఉండొచ్చని తెలుస్తోంది. ఈ కారుకు సంబంధించిన మరిన్ని వివారాలు తెలియాల్సి ఉంది.

కాలగర్భంలో కలిసిపోయినా.. ఈ కార్ల కోసం గూగుల్‌లో వెతికేస్తున్నారు!

0

Which Extinct car Brands do People Search Most In Google: ఆటోమొబైల్ పరిశ్రమ దినదినాభివృద్ధి చెందుతూ.. మూడు పువ్వులు ఆరు కాయలుగా విరాజిల్లుతోంది. ప్రపంచంలో చైనా అతిపెద్ద ఆటోమొబైల్ మార్కెట్ కాగా.. యునైటెడ్ స్టేట్స్ ఆ తరువాత స్థానంలో ఉంది. భారత్ ఇందులో ముచ్చటగా మూడో స్థానంలో ఉంది. దశాబ్దాల చరిత్ర కలిగిన ఆటోమొబైల్ మార్కెట్‌లో డజన్ల కొద్దీ బ్రాండ్ పుట్టుకొస్తూనే ఉన్నాయి. ఇదే సమయంలో మరికొన్ని కాలగర్భంలో కలిసిపోతూనే ఉన్నాయి.

గతంలో ఓ వెలుగు వెలిగి ఎంతో గొప్ప ప్రజాదరణ పొందిన పాపులర్ బ్రాండ్స్ ఈ రోజు ఉత్పత్తి దశలో లేదు, ఉనికిలో ఉన్న కొన్ని కార్లు కూడా చరమదశలో ఉన్నట్లు తెలుస్తోంది. కొన్ని కంపెనీలు మార్కెట్లో తమ ఉత్పత్తులను పూర్తిగా నిలిపివేసినప్పటికీ ఎక్కువమంది ఆ బ్రాండ్స్ కోసం గూగుల్‌లో సెర్చ్ చేస్తున్నట్లు కార్ లీజింగ్ కంపెనీ హిప్పో లీజింగ్ నిర్వహించిన ఒక అధ్యయనంలో వెల్లడైంది.

వెల్లడైన అధ్యయనాల ప్రకారం.. ప్రపంచంలో ఎక్కువమంది గూగుల్‌లో వెతికిన టాప్ 5 కార్ల తయారీ సంస్థల జాబితాలో సాబ్ ఆటోమొబైల్, పొంటియాక్, ఓల్డ్‌స్‌మొబైల్, ట్రాబంట్ మరియు హోల్డెన్ వంటివి ఉన్నాయి. భారదేశంలో కూడా చాలామంది కాలగర్భంలో కలిసిపోయిన సాబ్ బ్రాండ్ కోసం సాధించినట్లు నివేదికలు చెబుతున్నాయి. జపాన్, యూకే, ఫ్రాన్స్ మరియు సౌత్ కొరియా దేశాల్లో కూడా ఈ సాబ్ బ్రాండ్ కోసం తెగ వెతికేసినట్లు హిప్పో లీజింగ్ డేటాలో వెల్లడించింది.

సాబ్ ఆటోమొబైల్ (Saab Automobile)

సాబ్ ఆటోమొబైల్ అనేది 1945లో స్వీడన్‌లో స్థాపించబడిన వాహన తయారీ సంస్థ. ఇది ఓ చిన్న ఆటోమొబైల్ డిజైన్ కోసం ఏర్పడిన ప్రాజెక్టులో భాగంగా పుట్టిన కంపెనీ. దీని మొదటి ఉత్పత్తి ‘సాబ్ 92’. దీనిని కంపెనీ 1949లో ప్రారంభించింది. ఆ తరువాత 1968లో ఈ కంపెనీ స్కానియా వాబిస్‌తో విలీనమైపోయింది. ఆ తరువాత ఐదేళ్లకు అంటే 1973 ప్రాంతంలో ‘సాబ్ 900’ ప్రారంభమైంది. ఈ కారు కాలక్రంలో అత్యధికంగా అమ్ముడైన కారుగా రికార్డ్ క్రియేట్ చేసింది. ఇదే 1980లో మరిన్ని ఆధునిక హంగులతో ‘సాబ్ 9000’ రూపంలో కనిపించింది.

కాలక్రమంలో జరిగిన ఎన్నో మార్పుల కారణంగా 1989లో సాబ్-స్కానియా ఆటోమొబైల్ విభాగం.. సాబ్ ఆటోమొబైల్ ఏబీ అనే స్వాతంత్య్ర కంపెనీగా ఏర్పడింది. ఆ తరువాత అమెరికన్ వాహన తయారీ సంస్థ జనరల్ మోటార్స్ ఇందులో 50 శాతం వాటా సొంతం చేసుకుంది. ఈ సమయంలోనే సాబ్ 9-3 మరియు సాబ్ 9-5 అనే మోడల్స్ పుట్టుకొచ్చాయి. ఆటోమొబైల్ మార్కెట్లో జరిగిన అనేక పరిణామాల కారణంగా తరువాత ఈ కంపెనీ డచ్ ఆటోమొబైల్ తయారీదారు సొంతం చేసుకుంది.

ప్రారంభంలో ఎంతో వైభవాన్ని సొంతం చేసుకున్న సాబ్.. తరువాత ప్రత్యర్థులను ఎదుర్కోవడంలో సక్సెస్ సాధించలేకపోయింది. అయితే కంపెనీ ఉత్పత్తులు మాత్రం వాహన ప్రియుల మనసులో చెరగని ముద్ర వేసాయి. ఈ కారణంగానే ప్రపంచంలోని చాలా దేశాలు ఈ కార్ల కోసం గూగుల్ సెర్చ్ చేస్తున్నట్లు సమాచారం. ఈ కార్లకు భారతదేశంలో కూడా అభిమానులు ఉన్నట్లు నివేదికలు చెబుతున్నాయి.

పోంటియాక్ (Pontiac)

మన జాబితాలో ఎక్కువమంది గూగుల్ సెర్చ్ చేసిన కారు బ్రాండ్ పొంటియాక్. ఇది 1926లో స్థాపించబడిన అమెరికన్ వాహన తయారీ సంస్థ జనరల్ మోటార్ (GM) కింద ఉన్న ఓ ప్రముఖ ఆటోమొబైల్ బ్రాండ్. ఈ బ్రాండ్ కార్లు ఎక్కువగా అమెరికా, కెనడా, మెక్సికో వంటి దేశాల్లో ఎక్కువగా విక్రయించబడ్డాయి. ప్రారంభంలో మంచి అమ్మకాలతో తిరుగులేని రికార్డ్ క్రియేట్ చేసిన ఈ బ్రాండ్ కార్లు.. కాలక్రమంలో ప్రత్యర్థులకు గట్టిపోటీ ఇవ్వడంలో విఫలమయ్యాయి.

మార్కెట్లో కొత్త కార్లు పుట్టుకు రావడంతో చాలామంది వాటిని కొనుగోలు చేయడానికి ఆసక్తి చూపారు. ఆ సమయంలో పోంటియాక్ కార్ల అమమకాలు గణనీయంగా తగ్గుముఖం పట్టాయి. ఆ తరువాత చేసేదేమీ లేక సంస్థ ఈ కార్ల ఉత్పత్తిని నిలిపివేసింది. అయినప్పటికీ ఈ కార్లు వాహన ప్రేమికుల మనసులో చిరస్థాయిగా నిలిచిపోయాయి. ఈ కారణంగానే కొందరు అభిమానులు వీటి కోసం ఎక్కువగా గూగుల్ సెర్చ్ చేస్తుంటారు.

ఓల్డ్‌స్‌మొబైల్ (Oldsmobile)

బహుశా ఈ పేరు ఎక్కువమంది భారతీయులకు తెలిసి ఉండకపోవచ్చు. ఇది అమెరికన్ కార్ల తయారీ సంస్థ జనరల్ మోటార్స్ యొక్క డివిజన్ అని తెలుస్తోంది. నిజానికి ఇది 1897లో రాన్సమ్ ఈ. ఓల్డ్స్ చేత ‘ఓల్డ్స్ మోటార్ వెహికల్’ కంపెనీగా ప్రారంభమైంది. ఇది ఏకంగా 35 మిలియన్ల కంటే ఎక్కువ వాహనాలను ఉత్పత్తి చేసింది. ఇందులో సుమారు 14 మిలియన్ల వాహనాలు లాన్సింగ్, మిచిగాన్ వంటి తయారీ కర్మాగారాల్లో రూపొందించబడ్డాయి.

1900ల ప్రారంభంలో అమెరికాలో అమ్మకాల పరంగా ఓ మెరుపు మెరిసిన ఓల్డ్‌స్‌మొబైల్ మొట్ట మొదటి వాహనం ‘కర్వ్డ్ డాష్’. ఇది 1902 మరియు 1907 ప్రాంతంలో నిర్మించబడింది. ఆ తరువాత కంపెనీ కాంపాక్ట్ సెడాన్‌లను కూడా తయారు చేసి విక్రయించింది. క్రమంగా మార్కెట్లో కొత్త ఉత్పత్తుల సంఖ్య పెరిగింది.. ఈ కంపెనీ ఉత్పత్తులకు ప్రాభల్యం బాగా తగ్గింది. 1990లలో కంపెనీ దాదాపు దివాళా తీసే స్థితికి చేరింది. 2000 సంవత్సరం నాటికి లాభాలు కూడా ఒక సమస్యగా మారింది. ఇలా కంపెనీ వాహనాలు కాల గర్భంలో కలిసిపోయాయి.

ట్రాబంట్ (Trabant)

ప్రపంచంలో ఎక్కువమంది గూగుల్ సెర్చ్ చేసి వెతికిన కార్ల జాబితాలో మరొకటి ట్రాబంట్. ఇది జర్మన్ వాహన తయారీ సంస్థ. కంపెనీ ట్రాబంట్ 500, ట్రాబంట్ 600, ట్రాబంట్ 601 మరియు ట్రాబెంట్ 1.1 అనే మోడల్స్ విక్రయించింది. ఇందులో మొదటి మోడల్ ట్రాబంట్ 500 అని తెలుస్తోంది. ఆ తరువాత కంపెనీ స్పార్క్ ప్లగ్ అని పిలువబడే కార్లను ఏకంగా 3096999 యూనిట్లు ఉత్పత్తి చేసినట్లు సమాచారం. ఈ కంపెనీ కార్లకు ప్రపంచంలో అభిమానులు ఎక్కువగా ఉన్నప్పటికీ.. ఆదరణ తక్కువగానే ఉండేది. ఈ కారణంగానే సంస్థ ఈ బ్రాండ్ కార్ల ఉత్పత్తులను నిలిపివేసింది.

Don’t Miss: ఓటమి ఎరుగని దర్శకధీరుడు ‘రాజమౌళి’ కార్లు చూశారా? బెంజ్, ఆడి, వోల్వో ఇంకా..

హోల్డెన్ (Holden)

చివరగా మనం చెప్పుకోబోతున్న పురాతన బ్రాండ్ హోల్డెన్. నిజానికి దీన్ని గతంలో జనరల్ మోటార్స్ హోల్డెన్ అని పిలిచేవారు. ఎందుకంటే ఇది జనరల్ మోటార్స్ యొక్క ఆస్ట్రేలియన్ అనుబంధ సంస్థ. ఇది దక్షిణ ఆస్ట్రేలియాలోని అడిలైడ్‌లో స్థాపించారు. దశాబ్దాల కాలం మార్కెట్లో గొప్ప అమ్మకాలు పొందుతూ దూసుకెళ్లిన ఈ కారు.. క్రమంగా ప్రత్యర్థులకు గట్టి పోటీ ఇవ్వలేకపోయింది. దీంతో బ్రాండ్ అమ్మకాలు అంతంత మాత్రంగానే మిగిలిపోయాయి. ఇలా హోల్డెన్ కూడా కాలగర్భంలో కలిసిపోయింది. అయినప్పటికీ ఈ బ్రాండ్ కార్ల కోసం చాలా దేశాల్లోని ఆటోమొబైల్ ఔత్సాహికులు సెర్చ్ చేస్తున్నట్లు సమాచారం.